ලස්සන වෙන්න කැළැල් මකාගන්න, හිසකෙස් වර්ධනය කරගන්න විටමින් E භාවිතා කරන්න

ලස්සන වෙන්න අකැමැති කිසිම කෙනෙක් මේ ලෝකේ නැහැ. මේ ආශාව ඈත අතීතයේ සිටම පැවැත එන්නක්. මේ වෙනුවෙන් අතීතයේ සිටම ළඳුන් විවිධ ක්‍රම අනුගමනය කරමින් ලස්සන වෙන්න උත්සාහ කරනවා. එහෙත් විවිධ ක්‍රම අනුගමනය කරලා තාවකාලික සුන්දරත්වයක් ලබාගන්නවාට වඩා දිගුකල් පවතින සුන්දරත්වයක් හිමිකර ගැනීමට සෞඛ්‍යාරක්ෂිත ක්‍රම උපයෝගී කරගැනීමයි වැදගත් වන්නේ.

විටමින් E කියන්නේ එවැනි දිගුකලක් ඔබේ සිරුර සුන්දරව පවත්වාගෙන යාමට අවශ්‍යවන සංඝටකයක්. මෙය ස්වාභාවික රූසපුව රැකදෙන ඉතා වටිනා ඖෂධයක්. රුධිර සංසරණය ක්‍රමවත් කිරීම, රුධිරයේ සීනි පාලනය කිරීම සහ සමහර පිළිකාවලට එරෙහිව ආරක්ෂාව සැපයීම නිසා මෙමඟින් මිනිස් සෞඛ්‍යය ආරක්ෂා වෙනවා. ඔක්සිකාරකයක් වන විටමින් E ප්‍රතිශක්ති වර්ධකයක් ලෙස ද ක්‍රියා කරනවා. ඒ වගේම විටමින් E මඟින් මිනිස් සමට සහ හිසකෙස්වලට ද විශේෂ සත්කාරයක් ලබාදෙනවා.

මේ හේතුව නිසාම තමයි වෙළෙඳපොළේ ඇති රුව වඩවන බොහෝ වාණිජ නිෂ්පාදන අතරින් ප්‍රමුඛස්ථානයක් විටමින් E ගනු ලබන්නේ. නමුත් එවැනි නිෂ්පාදන සඳහා වෙළෙඳපොළේ ඉහළ මිලක් අය කරනවා. ඇත්තෙන්ම අපි එවැනි ඉහළ මිලක් ගෙවා එම නිෂ්පාදන මිලදී ගත යුතු නැහැ. ෆාමසියෙන් ඉතා පහසු මිලකට සපයා ගතහැකි විටමින් E තෙල් හෝ කරල් මඟින් ඔබේ නිවෙසේ සිටම රූපලාවණ්‍ය සත්කාරයන් කළ හැකියි.

හිසකෙස් වර්ධනය කරගැනීමට
රත්කර ගත් ඔලිව් තෙල් හෝ පොල් තෙල් මේස හැඳි දෙකකට විටමින් E කරල් දෙකක් මිශ්‍රකර හිස් කබලේ ආලේපකර හොඳින් ඇඟිලි තුඩුවලින් සම්බාහනය කරන්න. විනාඩි 30ක් පමණ තබා සෝදා හරින්න. මෙය සතියකට කිහිපවරක් සිදුකරන්න.

කැළැල් මැකීමට
විටමින් E කරලේ ඇති තෙල්, කැළැල් ඇති ස්ථානය මත ආලේපකර විනාඩි 5ක් පමණ සම්බාහනය කරන්න. එය විනාඩි 30 ක් පමණ තිබෙන්නට හැර උණුසුම් ජලයෙන් සෝදා හරින්න. නිසි ප්‍රතිඵල ලැබෙන තුරු දවසට දෙවරක් බැගින් මෙය සිදුකරන්න.

රැලි වැටීම අවම කරගැනීමට
රාත්‍රී නින්දට යාමට පෙර විටමින් E කරලේ ඇති තෙල් රැලි වැටී ඇති ස්ථානවල ආලේප කරන්න.

අවපැහැවීම් දුරු කිරීම
රාත්‍රී නින්දට යාමට පෙර එඬරු තෙල් මේස හැඳි දෙකකට විටමින් E කරල් දෙකක් එක්කර අවපැහැ ගැන්වුණු ස්ථානවල හොඳින් ආලේප කරන්න. පසු දින උදෑසන සෝදා හරින්න.

(උපුටා ගැනීම අන්තර්ජාලයෙන්)

නළල ආසන්නයේ කොන්ඩෙ යනවනම් මෙන්න බෙහෙත

විශේෂයෙන්ම නළල අවට හිසකෙස් වැටියාම නිසා ගැහැණු පිරිමි දෙපාර්ශවයම මහත් අපහසුතාවයකට පත් වනවා. කාන්තාවන්ට මෙම තත්වය ඇති වූ විට එය නැවතත් යතා තත්වයට පත් කර ගැනීම තරමක් අපහසු වන්නට පුළුවන්. කෙසේ වෙතත් මේ සඳහා බලපාන කරුණු හොඳින් අධ්‍යයනය කරනවා නම් මෙම සෞඛ්‍යය ගැටලුව සඳහා විසඳුමක් සොයා ගැනීම එතරම් අපහසු වන්නේත් නෑ. නළල ආශිත හිසකෙස් ගැලවී යාම යනු නළල ආශිත හිසකෙස් සිහින් වීමයි. මෙම තත්වය ගැහැණු සහ පිරිමි දෙපාර්ශවයටම පොදු වූ තත්වයක්. සෑම පුද්ගලයෙකුගේම වාගේ තට්ටය පැදීම ආරම්භ වන්නේත් නළල දෙපසින්. මෙම තත්වය සඳහා තයිරොයිඩ් බලපෑම්, හෝමෝන අසමතුලිත තාවයන් සහ PCOS වැනි ගැටළු වගේම හිසකෙස් තදින් බැඳ සිදු කරන විවිධ කොණ්ඩා මෝස්‌තර ආදියද බලපානවා. නළල ආසන්නයේ හිසකෙස් වැටීම ස්වභාවිකව සුව කර ගන්නා ආකාර..

1.ඔලිව් තෙල්
අවශ්‍ය ද්‍රව්‍ය: ඔලිව් තෙල් මේස හැඳි දෙකක් – ඔලිව් තෙල් සුළු වෙලාවක් රත් කර ගන්න. රත් කර ගත් ඔලිව් තෙල් හිසේ ආලේප කර විනාඩි 15 කාලයක් සම්භාහනය කරන්න. වැඩි වශයෙන් නළල ආශ්‍රිත ප්‍රදේශය හොඳින් සම්භාහනය කරන්න. සම්භාහනය අවසන් වූ පසුව ඉතිරි තෙල් හිසේ හොඳින් ආලේප කරන්න. දැන් විනාඩි තිහක් පමණ සිට සල්ෆේට් අඩංගු නොවන ෂැම්පු වර්ගයක් භාවිතා කර සිසිල් හෝ ඇල් මැරුණු ජලය භාවිතා කර හිස සෝදන්න. මෙම සත්කාර ක්‍රමය සතියට වාර දෙකක් හෝ තුනක් සිදු කරන්න. ඔලිව් තෙල් සමග හිස සම්භාහනය කිරිමේදී මූල කේශ වලට සිදුවන රුධිර සංසරණය වේගවත්වී හිසකෙස් වර්ධනය උත්තේජනය වනවා.

2.කෝමාරිකා
අවශ්‍ය ද්‍රව්‍ය: කෝමාරිකා ජෙල් තේ හැන්දක් – නැවුම් කෝමාරිකා ජෙල් තේ හැන්දක් ගෙන හිසකෙස් හැලී ගිය ස්ථාන වල ආලේප කර පැයක් පමණ සිටින්න. සල්ෆේට් රහිත ෂැම්පු වර්ගයක් භාවිතා කර හිස කෙස් හොඳින් සෝදන්න. සතියකට වාර තුනකට වඩා ෂැම්පු භාවිතා නොකර මෙම සත්කාර ක්‍රමය සතියකට වාර හතරක් පමණ සිදු කරන්න. කෝමාරිකා සතු වන විටමින් A,B,C සහ E මගින් හිසකෙස් සඳහා අත්‍යාවශ්‍ය වන පෝෂණය සැපයෙනවා.

3. ළුණු
අවශ්‍ය ද්‍රව්‍ය: ළුණු යුෂ මේස හැන්දක් – ළුණු යුෂ ගෙන නළල ආසන්නයේ හිසකෙස් නොමැති ස්ථාන වල ආලේප කර විනාඩි 15 සිටින්න. ඉන් පසුව සල්ෆේට් අඩංගු නොවන ෂැම්පු වර්ගයක් භාවිතා කර සිසිල් හෝ ඇල් මැරුණු ජලය භාවිතා කර හිස සෝදන්න. මෙම සත්කාරය සතියකට වාර දෙකක් හෝ තුනක් සිදු කරන්න. ළුණු යුෂ සල්ෆර් වලින් පොහොසත් වන නිසා ක්ෂුද්‍රජීවින් සහ දිලිර ආදිය විනාශ කර රුධිර සංසරණයද ක්‍රමවත් කර නැවත හිසකෙස් වර්ධනය ඇති කරනු ලබනවා.

4. හරිත තේ
අවශ්‍ය ද්‍රව්‍ය: හරිත තේ බෑග් දෙකක්, උණු ජලය කෝප්පයක් – උණු ජලය කෝප්පය ගෙන එයට හරිත තේ බෑග් පොඟවා සිසිල් කර ගන්න. සිසිල් වූ පසුව හරිත තේ පෙඟවූ ජලය ගෙන නළල අවට ඇතුළුව හිස්කබල පුරාවට ආලේප කරන්න. දැන් විනාඩි 30 පමණ සිට සල්ෆේට් රහිත ෂැම්පු වර්ගයක් භාවිතා කර හිස හොඳින් සෝදා ගන්න. මෙම සත්කාර ක්‍රම සතියකට වාර දෙකක් හෝ තුනක් සිදු කරන්න හරිත තේ සතු ප්‍රතිඔක්සිකාරක බලය නිසා හානිවූ සෛල නැවත සකස් කර හිසකෙස් වර්ධනය නැවතත් ඇති කරනු ලබනවා.

5. අර්තාපල් තැම්බූ ජලය
අවශ්‍ය ද්‍රව්‍ය: අර්තාපල් අල දෙකක්, ජලය කෝප්ප දෙකක් – අර්තාපල් අල දෙක තම්බා ජලය ලබාගෙන සිසිල් කර ගන්න. අර්තාපල් තැම්බූ ජලය භාවිතා කර හිස හොඳින් සෝදන්න. මෙම සත්කාර ක්‍රමය සතියට වාර දෙකක් හෝ තුනක් අනුගමනය කරන්න. අර්තාපල් Niacin, සින්ක්, විටමින් B සහ C වලින් පොහොසත් වන නිසා අර්තාපල් අල තැම්බූ ජලයෙන් හිස සේදු විට හිසකෙස් වර්ධනය වේගවත් වනවා.

6. පොල් තෙල්
අවශ්‍ය ද්‍රවය: පොල් තෙල් මේස හැඳි දෙකක් – පොල් තෙල් සුළු වෙලාවක් රත් කර උණුසුම් කර ගන්න. ඉන් පසුව රත්කර ගත් පොල් තෙල් හිස පුරාවටම ආලේප කර විනාඩි 15 පමණ හොඳින් සම්භාහනය කරන්න. පසුව විනාඩි 30 පමණ සිට සල්ෆේට් අඩංගු නොවන ෂැම්පු වර්ගයක් භාවිතා කර සිසිල් හෝ ඇල් මැරුණු ජලය භාවිතා කර හිස සෝදන්න. මේ ආකාරයට මෙම සත්කාර ක්‍රමය සතියකට වාර දෙකක් හෝ තුනක් සිදු කරන්න. පොල් තෙල් සතු මේද අම්ල මගින් හිස් කබලට සහ හිසකෙස් වලට අවශ්‍ය කරන නිසි පෝෂණය ලබාදී හිසකෙස් වර්ධනය වේගවත් කරනු ලබනවා

7. මී පැණි, කුරුඳු සහ ඔලිව් තෙල්
අවශ්‍ය ද්‍රව්‍ය: කුරුඳු මේස හැන්දක්, මී පැණි මේස හැන්දක්, ඔලිව් තෙල් මේස හැන්දක් – භාජනයක් ගෙන අමුද්‍රව්‍ය සියල්ල එකට එක්කර මිශ්‍රණයක් සකස් කර ගන්න. මෙම මිශ්‍රණය හිසේ හොඳින් ආලේප කර විනාඩි 40 සිටින්න. පසුව විනාඩි 30 පමණ සිට සල්ෆේට් අඩංගු නොවන ෂැම්පු වර්ගයක් භාවිතා කර සිසිල් හෝ ඇල් මැරුණු ජලය භාවිතා කර හිස සෝදන්න. මේ ආකාරයට මේ සත්කාර ක්‍රමය සතියකට වාර දෙකක් අනුගමනය කරන්න කුරුඳු තුල අඩංගු වන choline, පොටෑසියම්, විටමින් A, B සහ E මගින් හිසකෙස් නැවත වර්ධනය වේගවත් කරන අතර මී පැණි සහ ඔලිව් තෙල් මගින් නිසි පරිදි තෙතමනය ආරක්ෂා කරනු ලබනවා.

8.නෙල්ලි කොළ
අවශ්‍ය ද්‍රව්‍ය: නෙල්ලි කොළ ඉත්තක්, ජලය මේස හැඳි කිහිපයක් – අවශ්‍ය පරිදි ජලය එක්කර කොහොඹ කොළ හොඳින් අඹරා ගන්න. නළල ආසන්නයේ සහ හිස පුරාවටම මෙම මිශ්‍රණය ආලේප කර විනාඩි 15 සිට සල්ෆේට් අඩංගු නොවන ෂැම්පු වර්ගයක් භාවිතා කර සිසිල් හෝ ඇල් මැරුණු ජලය භාවිතා කර හිස සෝදන්න. මේ ආකාරයට මෙම සත්කාර ක්‍රමය සතියකට වාර හතරක් හෝ පහක් සිදු කරන්න. නෙල්ලි කොළ සතු බැක්ටීරියා නාශක බලය, දිලීර නාශක බලය සහ වේදනා නාශක බලය මගින් හිස් කබලේ සෞඛ්‍යය ආරක්‍ෂා කරනු ලබනවා.

(උපුටා ගැනීම අන්තර්ජාලයෙන්)

පිරුණු සුන්දර කෙස් කලඹකට ගෙදරදිම හදාගත හැකි ස්වාභාවික ෂැම්පු වර්ග 15 ක් මෙන්න

ලස්සනට ඉන්න හැම කෙනෙක්ම කැමතියි. සමේ පැහැපත් බව ගැන විතරක් නෙමෙයි කොණ්ඩෙ ගැනත් අපි එකසේ අවධානය යොමුකළ යුතුයි. වෙළඳපොලෙන් ඕනෑ තරම් ෂැම්පු වර්ග මිළ දී ගන්න තිබුණත් ඒවා පාවිච්චි කළ පසු කාලයත් සමඟ නොයෙකුත් ගැටළු වලට මුහුණ දීමට සිදුවෙනවා. ඔවුන් කොහොම ස්වභාවිකයි කිව්වත් නැවුම් ගතියක් නැති නිෂ්පාදිත ද්‍රව්‍ය වල කොහෙන් ගුණවත් බවක්, ස්වාභාවික ගතියක් අරගන්නද? ගෙවත්තේ තියෙන ගස් වැල් වලින් හොයාගන්න පුළුවන් දේවල් එකතුකරගෙන ගෙදරදිම පහසුවෙන් ෂැම්පු හදන්න පුළුවන්. ඉතා කෙටි කාලයක් තමයි මේ හැමදේකටම වැයවන්නේ. ශරීරයට හිතකර ෂැම්පු වර්ග ගෙදරදිම හදාගන්නේ මෙන්න මෙහෙමයි..

පෙනෙල කොළ ටිකක් අරගෙන කොටලා ඒ යුෂට බිත්තර සුදුමද එකතු කරලා ෂැම්පු එකක් විදිහට හිසේ ගාන්න. ටික වෙලාවක් තියලා සෝදලා හරින්න. කෝමාරිකා වල මදය සූරාගෙන බ්ලෙන්ඩ් කර එයට භාගෙට තම්බා ගත් උළුහාල් දමා හොඳින් මිශ්‍ර කරන්න. ඉන්පසු එම ආලේපය හිසේ සහ හිසකෙස් වල ආලේප කර විනාඩි 20 ක් පමණ සිට සෝදා හරින්න. ගොඩපර ගෙඩිවල ඉස්ම ගෙන එයට භාගෙට තම්බාගත් උළුහාල් එකතුකර එය හොඳින් මිශ්‍ර කරන්න. පසුව එය හිසේ ආලේප කර විනාඩි 20 ක් තබා සෝදා හරින්න. පොල්කිරි ස්වල්පයක් ගෙන එයට යෝගට්, බිත්තර සුදුමද එකතුකර මිශ්‍ර කරගන්න. එලෙස සාදාගත් මිශ්‍රණය හොඳින් හිසකෙස් වල හා හිස්කබලේ ආලේප කරන්න. ගොටුකොළ ස්වල්පයක් ගෙන එය හොඳින් අඹරා යුෂ ලබාගන්න. එයට යෝගට් දමා කලවම් කර ආලේප කරන්න. විනාඩි 10 කට පසු සෝදා හරින්න. ගොටුකොළ යුෂට බිත්තර සුදුමද දමා කලවම් කර හිසකෙස් වල හා හිස්කබලේ ආලේප කරන්න. විනාඩි 20 කට පසු සෝදාහරින්න. වෙරළු කොළ ටිකක් ගෙන කොටා භාගෙට තම්බාගත් දෙහි ගෙඩියක් දමා කලවම් කරගෙන ආලේප කරන්න. ආලේප කර විනාඩි 20 කට පසු සෝදාහරින්න. පේර කොළ කොටා ඉස්ම ගෙන එයට ඔලිව් තෙල් හා බිත්තර සුදුමද, දෙහි, භාගෙට තැම්බූ උළුහාල් එකතුකර බ්ලෙන්ඩර් කරගන්න. එම මිශ්‍රණය හිසේ ආලේප කර විනාඩි 25 ක් පමණ තබා පසුව සෝදා හරින්න.

කරපිංචා යුෂ, යෝගට් සමඟ එකට බ්ලෙන්ඩ් කර මිශ්‍රණය සාදාගන්න. පසුව එය හිසේ ආලේප කර සෝදාහරින්න. බිත්තර සුදුමද 03 කට මීපැණි මේස හැඳි 02 ක් එකතුකර හොඳින් කලවම් කරගන්න. පසුව එය හිසකෙස්වල හා හිස්කබලේ ආලේපකර ටික වෙලාවකට පසු සෝදන්න. බිත්තර සුදුමද 02 ක් හෝ 03 ක් ගෙන එයට උණුසුම් වතුර ස්වල්පයක් එකතුකර කලවම් කරන අතරතුර එයටම ඔලිව් තෙල් බිංදු 03 ක් පමණ එකතුකර මිශ්‍ර කරගන්න. එම මිශ්‍රණය හිස්කබලේ සහ හිසකෙස් වල ආලේප කර පසුව සෝදාහරින්න. බිත්තර 02 ක් ගෙන එයට ලෙමන් යුෂ මේස හැඳි 02 ක් හා මීපැණි මේස හැඳි 01ක් කලවම් කරන්න. ඒ අතරතුර ඔලිව් තෙල් බිංදු 03 ක් කලවම් කර හොඳින් මිශ්‍රකර හිසකෙස් වල හා හිස්කබලේ ආලේප කරන්න. බිත්තර සුදුමද 03 කට බේකින් සෝඩා මේස හැඳි 01 ක් මිශ්‍රකර එය හිසේ ආලේප කරන්න. පසුව හොඳින් සෝදාහරින්න. හොඳින් ඉදුණු අලිගැටපේර ගෙඩියක මදය හොඳින් බ්ලෙන්ඩ් කරගන්න. පසුව එයට බේකින් සෝඩා මේස හැඳි 01 ක් හා වතුර ස්වල්පයක් එකතුකර හොඳින් කලවම් කරගන්න. හිසකෙස් වල හා හිස්කබලේ ආලේප කර ටික වෙලාවක් තබා සෝදාහරින්න. ලෙමන් ගෙඩියක් හා පිපිඤ්ඤා ගෙඩියක් ගෙන පොත්ත ඉවත්කර හොඳින් බ්ලෙන්ඩ් කරගන්න. එම මිශ්‍රණය හිස්කබලේ සහ හිසකෙස් වල ආලේප කර පසුව හොඳින් සෝදාහරින්න.

තොරතුරු :- රූපලාවණ්‍යය ශිල්පිනී රංජනී ගුණරත්න, සැකසුම :- හෙළ අරණ™️

කාන්තා ඔබේ හිසකෙස් ඝනව වර්ධනය කර ගැනීමට ස්වභාවික පිළියම් රැසක් මෙන්න

කාන්තා පිරිමි භේදයකින් තොරව අපි කවුරුත් අලංකාරව හිසකෙස් වර්ධනය කර ගැනීමට ප්‍රිය කරනවා. නමුත් ඔබට ඇත්තේ ඉතා සිහින් හිසකෙස් නම් එය ඔබව අපහසුතාවයට පත් කරන කරුණක් වෙනවා. මානසික ආතතිය, හෝමෝන අසමතුලිත තාවය, විවිධ සෞඛ්‍යය ගැටළු සහ විවිධ ඖෂධ පානය කිරීම වැනි කරුණු නිසා මෙම තත්වය ඇති වන්නට පුළුවන්. බිය වීමට අවශ්‍ය නෑ. හිසකෙස් වල ඝන වර්ධනය ස්වභාවිකවම ඇති කර ගැනීම සඳහා භාවිතා කල හැකි පිළියම් කිහිපයක් අද විශ්ම ලෝකයෙන් ඔබට කියා දෙන්නම්.

දොඩම් යුෂ
හිසකෙස් වල ස්වභාවික ඝන වර්ධනයක් ඇති කර ගැනීම සඳහා භාවිතා කල හැකි පිළියමක් ලෙස දොඩම් යුෂ හඳුන්වා දෙන්නට පුළුවන්. දොඩම් ගෙඩියක් ගෙන රේණු එක් නොවන ආකාරයට යුෂ පමණක් මිරිකා ඔබේ හිසකෙස් මත ආලේප කර පසුව සෝදා දමන්න. එමගින් ඔබේ හිසකේ ඝනව වර්ධනය වේවි.

පොල් තෙල්
පොල් තෙල් මේස හැඳි හතරක් ගෙන එයට දෙහි යුෂ තේ හැඳි දෙකක් එක්කර කලවම් කරන්න. එම මිශ්‍රණය ඔබේ හිසකෙස් වල ආලේප කර හිසෙහි සමට හොඳින් උරාගන්නා තෙක් හිස විනාඩි 10-15 පමණ හොඳින් සම්භාහනය කරන්න. සම්භාහනයෙන් පසු විනාඩි 70 ගත වීමට පෙර හිස හොඳින් සෝදා පිරිසිදු කර ගන්න.

ඔලිව් තෙල්
පොල් තෙල් තරම් සාර්ථකව ඔලිව් තෙල් මගින් සමේ තෙතමනය ආරක්‍ෂා කර නොදුන්නත් හිසකෙස් වල වර්ධනය සඳහා ඔලිව් තෙල් භාවිතා කරන්නට පුළුවන්. ඔලිව් තෙල් තේ හැන්දක් ගෙන හිසේ හොඳින් තවරා හිසට සිදුවන රුධිර සංසරණය වේගවත් වීමට විනාඩි කිහිපයක් හිස සම්භාහනය කරන්න.

එඬරු තෙල්
එඬරු තෙල් මගින් ඔලිව් තෙල් වලට සමානය පෝෂණ ගුණයක් හිසකෙස් වලට ගෙනෙනවා. එඬරු තෙල් ස්වල්ප ප්‍රමාණයක් ගෙන එයට මී පැණි තේ හැන්දක් එක්කර මිශ්‍ර කරන්න. මෙම මිශ්‍රණය හිසේ හොඳින් ආලේප කර හොඳින් සම්භාහනය කරන්න. මෙම සම්භාහන ක්‍රමය සතියකට වාර තුනක් හෝ හතරක් සිදු කරන්න.

කෝමාරිකා
හිසකෙස් වල තෙතමනය නිසි ලෙස ආරක්‍ෂා කර දෙන කෝමාරිකා භාවිතා කර හිසකෙස් වල ඝන වර්ධනය ඉක්මණින්ම සිදු කර ගන්නට පුළුවන්. කෝමාරිකා පත්‍ර කිහිපයක් ගෙන එයින් කෝමාරිකා ජෙල් සපයා ගන්න. කෝමාරිකා ජෙල් හිසකෙස් වල සහ හිසෙහි සමෙහි ආලේප කර විනාඩි කිහිපයක් තබා සෝදා පිරිසිදු කර ගන්න.

විනාකිරි
හිසකෙස් සිහින් වීම වැනි හිසකෙස් ගැටළු වලට සාර්ථක විසඳුමක් ලෙස විනාකිරිත් භාවිතා කරන්නට පුළුවන්. මේ සඳහා ඔබට සුදු විනාකිරි හෝ ඇපල් විනාකිරි වුවත් භාවිතයට ගන්නට පුළුවන්. ඔබට කැමති විනාකිරි වර්ගයක් භාවිතා කර ඔබේ හිසකෙස් සෝදා විනාඩි කිහිපයක් සිට හිස සම්භාහනය කර ෂැම්පු යොදා හිසකෙස් සෝදා පිරිසිදු කර ගන්න. මෙහිදී විනාකිරි ඉතා ස්වල්ප ප්‍රමාණයක් එනම් මේස හැන්දක් පමණ හිස සේදීමට අවශ්‍ය වතුරට මිශ්‍ර කර හිස සෝදා ගැනීම කරන්න. කිසි විටෙකවත් විනාකිරි පමණක් ඔබේ හිස කෙස් මත ආලේප කරන්න එපා.

(උපුටා ගැනීම අන්තර්ජාලයෙන්)

දවස් 7 න් සුදු කොන්ඩය කළු කරන සාර්ථක සත්කාරයක් නිවසේදීම සාදමු

කොණ්ඩය ඉදෙන අයට 6/7 වතාවක් මෙම සත්කාරය හරියට කිරීතුළින් සාර්තක ප්‍රතිපල ලබා ගන්න පුලුවනි. මේක hair එකට දෙන්න පුළුවන් හොදම සත්කාරයක් ,මෙය monthly continue කරන්න පුලුවන් ඒ වගේම වැසි දින වල,හවස් කාළයේ,අසනීප දින වල ,පීනස ඇති අය ,ගැබිණි මවු වරුන්ට සුදුසු වෙන්නේ නැහැ.

මේකෙන් ලැබෙන ප්‍රතිලාභ මොනවා ද ???
කෙස් ගස් වලට හොද පෝෂණයක් ලැබෙනවා. කෙස් ගහ ශක්තිමත් වෙනවා ,හැලීම අඩු වෙනවා. අකලට හිසකෙස් ඉදෙන එක අඩු වෙනවා. සුදු කෙස් ගස් කලු කර ගන්නත් පුලුවන්. හිසකෙස් වල අග පැළීම්. දුර්වර්ණ හිසකෙස් ,වියලි හිසකෙස් ,damage hai වලට බෙහෙවින් ගුණයි. මේක hurbal treatment එකක් මේකෙන් කෙස් ගහ වටා කහට තරලයක් වගේ බැදෙනවා ඒකෙන් අපේ කෙස් ගහ ආරක්ශිත වෙනවා.

අවශ්‍ය දේවල් දැන් කියන්නම්.
Henna powder මේස හැදි කිහිපයක්, ලෙමන් juice tikak, 3/4 මේස හැදි යෝගට් හෝ මී කිරි, පිරිසිදු පොල්තෙල්, 2/3 vitamin E CAPSULE, බිත්තර එකක්, තේ කුඩු හෝ කෝපි කුඩු ස්වල්පයක් ( tea වලට එන්නෙ brown color එකක් / coffy වලට එන්නෙ black color එකක්)

මේව මිශ්‍ර කර THICK PASTE එකක් හදා ගන්න
මේක අපි ගාන්න ඕනේ හිස් මුදුනෙන් පටන් අරන් එක කෑල්ලෙන් කෑල්ලට ගාලා එම කෙස් ටික හිස් මුදුනේ රැදෙන සේ ඔතන්න ,පසුව SHOWER CAP එකක් ඔලුවට දමා පැය 2/3 තියලා SHAPOO දමා සෝදා CONDITIONER කරන්න.

නොතේරුණ තැන් ගැන අහන්න ඔයාලත් කරලා බලන්න ,මේක කරලා REBOND ,RELAX ,වගේ CHEMICAL දේවල් කරන්න බැහැ.

ලිපියේ අයිතිය – Umayangana egodawaththa
(උපුටාගැනීම අන්තර්ජාලයෙන්)

කුරුළෑ ගෙඩි, කුරුළෑ ලප ඉවත් කරන අයිස් කියුබ් ප්‍රතිකාර ක්‍රම රැසක්

කුරුළෑ සම්බන්ධයෙන් කෙල්ලෝ කොල්ලෝ ගොඩක් වෙලාවට මානසිකව වැටෙනවා නේ.. ඔන්න ඒ කට්ටියට.. අපි දන්නවානේ ice cube treatment beauty සම්බන්ධයෙන් සමට ගොඩක් වැදගත් දෙයක් කියලා. අපි බලමු ඒ ice cube කොහොමද අපේ skin type එකට අනූව හදා ගන්නේ කියලා. ගොඩක් අය කරන්මේ වතුර අයිස් කරලා මුහුණේ ගාන ඒක ඒකත් හොදයි නරක නැහැ නමුත් මේ දෙවල් එකතු කරලා මේ treatment කරලා ඔයාලම ඔයාලගේ මුහුණ කණ්නාඩියෙන් සති දෙකකින් වගේ වෙනස බලන්න. මෙන්න මෙහෙමයි කරන්නේ.

තක්කාලී, ලෙමන් ( නැත්නම් orange juice ටිකක්) – කැළැල් සහිත සමට බෙහෙවින් උපකාරී වේ.සමෙහි සිදුරු අවම කිරීමට සමත් වෙනවා වගේම සමෙහි දීප්තිමත් බවක් ලබා දෙනවා.natural bleaching එකක් නිසා සමේ අදුරු ගතිය ඉවත් කරගන්න පුලුවන් .

හාල් පිටි, වතුර – මෙයද සමට ප්‍රබෝධමත් බවක් හොද තෙතමනයක් වගේම කැළැල් අවම කර සම සිනිදු කර පැහැපත් කරනවා

අලිගැටපේර, fresh milk – මේක භාවිතා කරන්න පුලුවන් dry skin එකක් තියන අයට විතරමයි. අදික වියලුන ස්වාභාවය පහව යනවා, සමට හොද තෙතමනයක් ලබා දෙනවා වියලි රැලි වැටීම් අඩු කරනවා

අල, වතුර – කැලැල්, කට වටේ කලු වීම්, මුහුණේ අදුරු ලප කැලැල්, pigmantation වැනි ත්ත්වයන් සුවපත් කරලා සමට සුමුදු පැහැපත් බවක් ලබා දෙනවා.

කෝමාරිකා, ලෙමන්( නැත්නම් orange juice ටිකක්) – කුරුලෑ සහිත සමට තෙල් ගතිය අවම කරනවා,කුරුලෑ සීරුවට සුවපත් කරනවා සම සිසිල් කරනවා,bleaching ආසාදන සුවපත් කරනවා.සම නැවුම්ව තබනවා

Cucumber, ලෙමන්( නැත්නම් orange juice ටිකක්) – කුරුලෑ සහිත සමට සීතල සම්පින්ඩනයක් ලබා දෙනවා බිබිලි කුරුලෑ අවම කරනවා,සම සිසිල් කරනවා,bleaching ආසාදන සුවපත් කරනවා.සම නැවුම්ව තබනවා

මේ වගේ දෙවල් එකතු කරලා ඔයාලගෙ සමට හොද පෝෂණයක් ලබා ගන්න පුලුවන් දවසට විනාඩි 10/ 15 පමණ ,රෙදි කෑලී වල ඔතලා ice cube treatment වලින් ප්‍රතිඵල ගන්න අමාරුයි මෙකද පෝෂණය උරා ගන්නේ රෙදි කැබැල්ල හරහා වෙන නිසා. Ice කැටය direct මුහුණේ අතුල්ලන්න.දිනපතා කරන්න පුලුවන් ,රාත්‍රීයේ දී මෙම treatment එක කරන්න ටිකක් අවදානම් සෙම ,ඔලුව කැක්කුම ,ඇදුම තියන අයට .දහවල් කාලයට පොඩි වෙලාවක් වෙන් කරගන්න.මේකෙන් treatment කරලා මුහුණ සෝදන්නේ නැහැ.මුහුණේ රැදෙන්න දෙන්න වියලෙනක්ම් පැය 3/5 අතර කාලයක් .සමට පැහැදිලි වෙනසක් බලාගන්න පුලුවන්.

ඔන්න කියා දුන්නා ඔයාලගේ උත්සහය තමයි ඔයාලගේ සමේ ලස්සන වැඩි කරන්නේ,ගොඩක් අය treatment කරලා result inbox දානවා.ගොඩක් ස්තුති මගෙන් යම් කිසි සාදාරනයක් සමාජයට හොද විවියට වෙනවනම්.සන්තෝසයි ඔයාලට වගේම මගෙත් ආත්ම විශ්වාසය දවසින් දවස වැඩි වෙනවා ඔයාලගේ ආදරයත් ,ඇගයීමත් එක්ක.😍

ලිපියේ අයිතිය Umayangana egodawaththa
(උපුටා ගැනීම අන්තර්ජාලයෙන්)

කහ ගැහැනු දත් සුදු කරගන්න මෙන්න ක්‍රමේ – අඟුරු ගැන ඔබ නොදන්නා ඉතා වටිනා කරුණු රැසක්

සබන් ෆේස් වොෂ් සිට දැන් දැන් කෑම වලදිත් ඇක්ටිව් කාබන් හමුවෙනවා. මොනාද මේ ඇක්ටිව් කාබන් කියන්නේ?
ඇක්ටිව් කාබන් ලෙස බොහෝ දෙනා දනිතත් මෙය හැදින්වීමට වඩාත් සුදුසු යැයි මා සිතන්නේ සක්‍රීයක අඟුරු (activated charcoal) ලෙසයි. අඟුරු යනු කාබන් වල ස්වරුපයක් වන අතර පොල්කටු, දැව වැනි කාබන් අධික ද්‍රව්‍ය අර්ධ දහනයෙන් ඉතිරිවන අස්ඵටිකරූපි ‘‘කාබන්‘‘ සහිත සවිවර කළු පැහැ ශේෂයන් වේ. අඟුරු භෞතික හා රසායනික ක්‍රියාවලියකට භාජනය කිරිමෙන් සක්‍රීය කල අඟුරු (activated charcoal) සාදාගනි.

අඟුරු වල සැකැස්ම අනුව එහි මතුපිට ඉතා කුඩා විවර (pores) ඉතා විශාල ප්‍රමාණයකින් සමන්විත වේ. මෙම සිදුරු මගින් මතුපිට පෘෂ්ඨ වර්ගඵලය අතිශයින් වැඩි කරයි. ආසන්න ලෙස ග්‍රෑම් එකක කාබන් අඟුරු මත වර්ගමීටර් දහස ඉක්මවූ ක්ෂේත්‍රඵලයක් ඇතැයි පැවසේ. මෙමගින් අධික ලෙස බාහිරට නිරාවරිත සක්‍රිය කලාපයක් ඇතිකරයි.

මෙසේ නිරාවරිත අධික පෘෂ්ඨික ක්ෂේත්‍රඵලය මත අනෙකුත් අණු/සංයෝග වර්ග, අධිශෝෂණය (adsorption) යටතේ බැදී සිරකරගැනිමේ හැකියාවක් පවති. එනම් විවිධ අංශූන් හා සංකීර්ණ අණු වැන්ඩවාල් බල වැනි අන්තර් අණුක ආකර්ෂණ බල යටතේ අඟුරු වල පෘෂ්ඨයට බැදිම සිදුවේ.

පැරැන්නන් විසින් ළිං තුලට පිරිසිදු අඟුරු දමන බව ඔබ අසා ඇති. විද්‍යාත්මක දැනුමකින් තොරව උවද ඔවුන් එසේ අඟුරු ජලයට එක් කිරිම මගින් ළිදේ ජලය පිරිසුදු කරගැනිමට හැකියාව ලැබේ. මක් නිසාද යත්,ඉහත අධිශෝෂණ ක්‍රියාවලිය යටතේ බැදීමෙන්, ජලයෙහි යම් අපද්‍රව්‍ය හා රසායනිකයන් වෙතොත් ඒවා ඉවත්කර ජල පවිත්‍රකරණ ක්‍රියාවලියක් සිදුකරයි.එම නිසා වර්තමානයේ බොහෝ ජල පෙරණ වලද සක්‍රීය කාබන් අඩංගු වේ.

සක්‍රීයකල කාබන්, විසවීම් හා ඖෂධ අධිමාත්‍රයන්ගෙන් ශරිරගත වූ අවස්ථාවල ඒවා ඉවත්කිරිම සදහා ද යොදාගනි. වෛද්‍ය උපදෙස් මත සිදුකල යුතු ප්‍රතිකාරයක් වන අතර සාන්ද්‍ර අම්ල භෂ්ම හෝ සයනයිඩ සදහා ප්‍රතිපල රහිතය.

(විදේශයන් හී) ඇතැමෙක් ඇක්ටිව් කාබන්, මත්බව අඩුකරගැනිමට, ආහාර මාර්ගයේ වායු ඉවත්කිරිමට හා කොලෙස්ටරෝල් මට්ටම් පහත දමාගැනිමේ අරමුණින් භාවිතා කලද, මෙතෙක් ඒවා වෛද්‍ය විද්‍යාත්මකව සනාථ වී නැත.

විටෙක ඔබ භාවිතා කරන දන්තාලේපයේ හා මුහුණු ආලේපන වල කාබන් අඩංගු යැයි සදහන් ව ඇති. සක්‍රීයකල අඟුරු භාවිතයෙන් දත් සුදු වන බවට කැපි පෙනන ප්‍රතිපල සහිතව මෙතෙක් සනාථ වී නොමැත. සමේ / මුහුණේ ආලේපන වල කතාවත් එයමයි. activated charcoal පිලිබදව දැනටත් බොහෝ පරික්ෂණ සිදුවෙනවා. ඉදිරියෙදි තව තව වැඩ බලාගන්න පුලුවන් වෙයි.

-Roshin Fernando-

ඔබේ සම පැහැපත් කරන අංක එකේ ස්වභාවික පානයක් හදමු

ඔන්න මම ගේනවා කියපු natural whitning bodylotion එක හදන විදිය කියලා දෙන්නයි යන්නේ. මේකෙන් සමට පොෂණය වගේම සමේ පැහැය වෙනස් කරලා සුදු පැහැපත් සමක් ලබාදෙන්න සමත් වෙනවා. දැන් අපි බලමු මේක හදා ගන්න මොනවාද ඕනේ කරන්නෙ කියල.

මුලින්ම බ්ලිචින් පවුඩර එක හදමු.නැත්නම් ඔයාලට මිලදී ගන්න පුළුවන් සබාවික බ්ලිචින් පව්ඩර් එකක් තියෙනවා ගන්න Yellow calamine පව්ඩර්.මේක සම සදහා භාවිතා කරන pack වර්ග සදහා භාවිතා කරනවා ගොඩක් දෙනා මේ සම්බන්ධයෙන් වැඩිය අහලා නැහැ නමුතේ ඒ packet එක ගත්තාම කියවලා බලන්න ඒකේ natiral bleaching එකක් කියලා ගහලා තියනවා. pharmacy එකේ බලන්න පුලුවන් නැතිනම් online තමයි ගන්න වෙන්නේ. ගන්න පුළුවන් අය ගන්න ගොඩක් හොදයි.නැත්නම් ගෙදර හදා ගමු

අවශ්‍ය දේවල් – කැරට් පව්ඩර් මේස හැදී 3ක්, උළු හාල් පවුඩර් මේස හැදී 3ක්, මුල්ටානි මිට්ටි මේස හැදී 3ක්, කුංකුම රේණු 10 ක් කුඩු කර දොඩම් ලෙලි පවුඩර් මේස හැදී 3 ක් හිනි පෙනේරෙකින් ඔය වර්ග ටික හලලා බෝතලේකට දා ගන්න

whitning bodylotion එක හදමු
තරමක ලොකු පොල් ගෙඩියකින් බාගයක් හෝ පොඩි පොල් ගෙඩියක් නම් එක ගෙඩියක් ගා ගන්න කෝර්න් ෆ්ලවර් තේ හැන්දක් ග්ලිසරින් තේ හැන්දක් මම කියලා දුන්න බ්ලිචින් පවුඩර් මේස හැදී මේස හැදි 3 ක් නැත්නම් Yellow calamine පව්ඩර්.

පළමුව ගා ගත් පොල් ටික බ්ලෙඩර් කරන්න හොදින් බ්ලෙන්ඩර් කරලා එහි උකු කිරි ටික පෙරලා වෙන් කරගන්න.පොල් කිරි වල විටමින් C අඩංගු වෙනවා සමෙහි දීප්තිමත් බව ඉලාස්ට්‍ර්සිටි එක වගේම වියලි බව අවම කරනවා.ඉන් පසු වෙන් කර ගත් කිරි ටික ඩබල් බොයිල් කරගන්නයි යන්නේ ගොඩක් දෙනා දන්නවානේ දැන් ඒ ගැන.කිරි එක අලුමිනියම් භාජනයකට දාලා ඒක වතුර එකක බස්සලා තරමක් අඩු ගින්දරේ ලිපේ තියන්න.ටික වෙලාවකින් කෝන් ෆ්ලවර් තේ හැන්ද පොල් කිරි වලට මිශ්‍ර කරලා උකු වෙනකම් හැදි ගාමින් double boil කරගන්න.ඉන් පසු ලිපෙන් ඉවත් කර බ්ලිචින් පව්ඩර් මේස හැදි 3 දාලා එයත් හොදින් මිශ්‍ර කර ගන්න.එයට ග්ලිසරින් ටිකත් දාලා හොදින් මිශ්‍ර කරන්න.මිශ්‍ර කර ගත් ලෝශන් එක බෝතලයකට දාලා භාවිතා කරන්න ෆ්‍රිජ් එකේ දාලා තියා ගන්න ,දෙකකට හදා ගන්න ෆ්‍රිජ් එකේ තිබීම අනිවාර්යයි .

සුබ දිවියක්‌ !!! නේරංජනා කස්තුරිආරච්චි

කොහොඹ වලින් සබන් සහ සම පැහැපත් කරන සත්කාරයක් ගෙදරදීම හදන හැටි

Azadirachta Indica යන විද්‍යාත්මක නාමයෙන් හදුන්වන කොහොඹ රුව වඩන තවත් ගුණාත්මක ශාකයක්. කොහොඹ ගැන අපි හැමෝම දන්නවනේ. කොහොඹ ඇට, මුල්, මල්, පොතු, කොල මේ සියල්ලම විශාල වටිනාකමක් තියෙන බෙහෙත් වර්ග. තිත්ත රසයෙන් යුතු, ඇග සිසිල් කරන, ලේ පිරිසිදු කරන, හොදම විශබීජ නාශකයක්. ඉතින් අපි බලමුකො කොහොමද කියලා කොහොඹවලින් ලස්සන වෙන්නෙ.

කොහොඹ ෆේස්පැක් සඳහා අවශ්‍ය දේවල් – කොහොඹ කොල මිටක්, අමු කහ කැබැල්ලක්

කොහොඹ කොල සහ අමුකහ යන දෙකම පිරිසිදු ගලක හොදට අඹර ගන්න. මේ පැක් එක විනාඩි 15ක් ෆ්‍රිජ් එකේ තියලා මූණට ඇප්ලයි කරන්න. මොකද්ද අඹරපු ගමන් කොහොඹ කොල ගෑවොත් ඇස් දැවිල්ල එන නිසා. විනාඩි 20ක් තියලා සීතල වතුරෙන් සෝදලා ඉවත් කරන්න. ලප කැලැල් මැකිලා, කුරුලෑ ආසාදන දුරු වෙලා ලස්සන පැහැපත් මූනක් ඔයාට ලබාගන්න පුළුවන් මේ පැක් එක දැම්මොත්. හැබැයි බ්ලීචින් ක්‍රීම් වර්ග පාවිච්චි කරන කෙනෙක් මේක පාවිච්චි කලොත් කුරුලෑ එන්න පුළුවන්. මොකද බ්ලීචින් විස ඉවත් වෙන නිසාවෙන්.

කොහොඹ මසාජ් සඳහා අවශ්‍ය දේවල් – කොහොඹ කොල මිටක්, අමුකහ කෑල්ලක්

පැක් එකටම වගේ මේ ටික අඹරලා පිරිසිදු කපු රෙදි කැබැල්ලකින් පොට්ටනි හදාගන්න පුංචිවට, දැන් මේ පොට්ටනි අරන් ඔයාට පුළුවන් මූණ මසාජ් කරන්න. හොඳ රිසාල්ට් තියෙනවා.කරලා බලන්න.

කොහොඹ සබන් සඳහා අවශ්‍ය දේවල් – ඔන්න එහෙනම් සබන් කෑල්ලකුත් හදමු ආයෙ, අවශ්‍ය දේවල් – කොහොඹ කොල මිටක්, කස්තුරි කහ, ඔලිව් ඔයිල් මේස හැන්දක්, බේබි සබන් කැටයක්, ග්ලිසරීන් ටිකක්

මුලින්ම කොහොඹ කොල හොදට අඹරලා පේස්ට් එක හදාගන්න. දැන් සබන් ග්‍රේට් කරලා අරන් ඩබල් බොයිල් කරන්න. මේ මිශ්‍රණයට කොහොඹ කොල පේස්ට් එක, කස්තුරි කහ, ග්ලිසරීන්, ඔලිව් ඔයිල් එකතු කරලා පැය භාගයක් ඩබල් බොයිල් කරන්න. දැන් මේ මිශ්‍රණය පෙට්‍රෝලියම් ජෙල් යෙදූ භාජනේකට දාලා සෙට් වෙන්න තියෙන්න. ඔයාට පුළුවන් මේ සබන් එක පාවිච්චි කරන්න. කුරුලෑ ලප දුරු වෙලා සම පැහැපත් කරගන්න පුළුවන්.

කොහොඹ කොල හා අමුකහ අඹරලා හිසේ ගෑමෙන් හිස්සොරි අඩු කරගන්න පුළුවන්. කොහොඹ කොල තම්බා නෑමෙන් ශරීර විඩාව දුරු වෙනවා. ආසාදන ඇති විට කොහොඹ කොල තම්බා ඇග සේදීම සුදුසුයි. කොහොඹ දෙහි සමග අඹරා ගෑමෙන් මුහුණෙ තෙල් ගතිය අඩු කරගන්න පුළුවන්. ඉතින් ඔයාලට පුළුවන් මේ දේවල් කරලා බලන්න..

(උපුටාගැනීම අන්තර්ජාලයෙන්)

කරදරකාරී උකුණන් හා සුදු හිසකෙස් නැති කරන සත්කාර රැසක් මෙන්න

වයසට යාමේදී හිසකෙස් සුදුවීම සාමාන්‍ය දෙයක් වූවත් තරුණ වයසේදී හිසකෙස් සුදුවෙන්න පටන් ගැනීමනම් අසාමාන්‍ය දෙයක්. නමුත් මේ වනවිට බොහෝදෙනා මේ ගැටළුව නිසා අපහසුතාවයට පත්වෙලා සිටිනවා. විවිධ ප්‍රතිකාර කලත් මෙම ගැටළුවට විසඳුමක් සොයා ගැනීමට අපහසුවන අවස්ථා බොහෝය. මෙම ලිපියෙන් කියවෙන ක්‍රම මගින් ඔබේ හිසකෙස් තරුණ වියේදී සුදුවන ගැටළුවට පිළියමක් ලෙස ලබා ගැනීමට හැකිවේවී.

කරපිංචා කොළ කොටා ඉස්ම හිස ගල්වා පැයක් හිඳ සෝදා හරින්න. මීට අමතරව කරපිංචා සම්බෝල ලෙස හෝ කැඳ ලෙස ආහාරයට එක් කර ගැනීමත් වඩාත් සුදුසුයි. තලාගත් ඉඟුරු ස්වල්පයක් මීපැණි මේස හැන්දක මිශ්‍ර කර උදෑසන ආහාරයට ගන්න. කරපිංචා කොළ කීපයක් සහ උළු හාල් ස්වල්පයක් පොල් තෙල් වලට දමා රත් කර හිස ගල්වා පැය කීපයක් තබා සෝදා හරින්න. නෙල්ලි වියලා කුඩු කර පොල් තෙල් සමඟ මිශ්‍ර කර රත්කර හිසෙහි ආලේප කරන්න. පේර කොළ පොඩි කර යුෂ හිස් ගල්වා පැයක් පමණ තබා සෝදා හරින්න. මේ ප්‍රතිකාරය දිනපතා වුවත් කිරීම සුදුසුයි. සති දෙකකට වරක් පිරිසිදු ගී හිස ගල්වා මසාජ් කරන්න. කරවිල යුෂ ඔලිව් තෙල් හෝ තල තෙල් සමඟ මිශ්‍ර කර හිස ගල්වා තබා සෝදා හරින්න.

මීලඟට දැනුවත් කරන්නේ බොහොමයක් පාසල් දැරියන් හා ඇතැම් කාන්තාවන් පීඩා විඳින උකුණු කරදරය පිළිබඳයි.

උකුණන් බෝවීම ඉතා ඉක්මනින් ම සිදු වන්නක්. උකුණන් ඇති අයකු පාවිච්චි කළ කොට්ටඋර, ඇඳ ඇතිරිලි, තුවා මෙන්ම විශේෂයෙන් ම පනාව, කොණ්ඩය සරසන උපකරණ ආදිය පාවිච්චි කිරීමෙන් ඔබටත් උකුණන් බෝවිය හැකියි. එයට අමතරව වසංගතයක් ලෙස හිසෙහි ඉතාමත් අධික සංඛ්‍යාවක් උකුණන් සිටින අයකුට ළංව සිටීමෙන් ද උකුණන් බෝවීම සිදු විය හැකියි.එසේ බෝවන උකුණන් ඔබ අපිරිසුදුව සිටින්නේ නම් ඉතා ඉක්මනින් ම ඔබේ හිසේ උකුණු ජනපද ඇතිකර ගනී.

රුව ලස්සන සමඟින් පිරිසුදු බව ගැන ද උනන්දු විය යුතුයි. එසේ නොමැතිව ලස්සන ගැන පමණක් ම සිතීමෙන් සැබෑ ලස්සනක් ලබා ගත නොහැකියි.උකුණු කරදරයෙන් බේරීම සඳහා සිදු කළ හැකි ස්වාභාවික ප්‍රතිකර්මයක් පහතින් දැක්වේ.

මෙම ප්‍රතිකර්මය සිදු කිරීම සඳහා ඔබට කොහොඹ දලු හා වෙරළු දළු අවශ්‍ය වේ. පිරිසුදු කරගත් කොහොඹ දළුත් වෙරළු දළුත් එකට කොටා තලපයක් සාදා ගත යුතුයි. දැන් මෙම තලපය හිසේ හොඳින් ආලේප කරන්න. එය විනාඩි 20ක් පමණ වේලාවක් තබන්න. ඉන්පසුව දැති සිහින් පනාවකින් හිස හොඳින් පීරන්න. ඉන් අනතුරුව ඔබ හිස සේදීම හෝ නෑම සිදු කළ යුතුයි.මෙම ප්‍රතිකර්මය කිරීමේ දී ඔබ තම සෞඛ්‍ය තත්ත්වය ගැන ද මඳක් සැලකිලිමත් වීම වැදගත් වේ.

ඔබ සෙම් අධික, පීනස් ආදී ලෙඩ රෝග ඇති අයෙක් නම් මෙය සිදු කළ යුත්තේ හොඳින් සූර්යාලෝකය පවතින උණුසුම් දිනවල දී ය. නැතිනම් මේ කොළවර්ග දෙකම සීතල බවින් යුතු නිසා සෙම වැඩි වීමක් සිදු විය හැකියි. මෙය උදෑසන හෝ සවස් වරුවේ සිදු කිරීමෙන් ද සෙම් තත්ත්වන් වැඩි විය හැකිය.

උකුණු කරදරය නිසා සමාජයේ පිළිකුලට ලක් වී කොන් වීමට අවශ්‍ය වන්නේ නැහැ. වෙළෙඳපොළේ ඇති කෘත්‍රිම ආලේපනයන්හි රසායනික ද්‍රව්‍ය අඩංගු නිසා ඒවා භාවිත කිරීමට අකැමැති ඔබට මේ ස්වාභාවික ප්‍රතිකර්මය සිදු කළ හැකියි. මානසිකව හා ශාරීරිකව වද දුන් උකුණු කරදරයෙන් දැන් ඉක්මනින් ම මිදෙන්නට පුළුවන්. ඒ සඳහා අවශ්‍ය වන්නේ උනන්දුව හා ඕනෑකම පමණයි.

සුබ දිවියක් !!!
නේරංජනා කස්තුරිආරච්චි

ඉස්හොරි කරදරේ නැත්තටම නැති කරන්න මුං ඇට පිටි වලින් සත්කාරයක්

ඉස්හොරි කියන්නේ බාල, තරුණ, මහලු වයස් භේදයකින් තොරව ඕනෑම අයෙකුගේ හිසෙහි ඇතිවිය හැකි බොහොම කරදරකාරී රෝග තත්වයක්. ආයුර්වේදයට අනුව නම් මේ ඉස්හොරි ඇතිවන්නේ ශරීරයේ දෝෂ කෝපවීම නිසයි. අනෙක් අතට හිසේ රැඳෙන කුණු, දූවිලි හා ආසාත්මික වන ආලේප වර්ග නිසාත් මේ ඉස්හොරි තත්වය ඇතිවෙන්න පුළුවන්.

මේ රෝග තත්වය මුළුමනින්ම නිරාවරණය කළ හැකි පහසු ප්‍රතිකාරයක් පාරම්පරික වෙද පොත් වල සඳහන් වෙනවා. මේ එම පාරම්පරික වෙද පොතේ එන රහස් බෙහෙත ගැනයි.

මුං ඇට පිටි හැටියට සකස් කරගෙන මුලින් භාජනයක අසුරා ඊට පසුව මඳ වේලවක් ස්නානය කර මුං ඇට පිටි යම් ප්‍රමාණයක් හිස මත තබා වතුර ටිකකින් හිස යළි තෙමාගෙන ෂැම්පු ගාන ආකාරයට හිස හොඳින් සම්බාහනය කරගන්න. මේ සත්කාරය සතියට දින 02 ක් පමණ මාසයක් යනතුරු සිදු කරන්න.

ඉස්හොරි මුළුමනින්ම දුරු වී කේෂ කලාපයට පැහැපත් බවකුත් ලැබෙන බව ඒකාන්තයි. ඔබම සිදුකර මේ වෙනස අත්දකින්න.

හිස්හොරි සඳහා ස්වාභාවික ආයුර්වේදීය ප්‍රතිකාර…
බැබිල දලු, දෙහිගැට, උළුහාල් පොල් කිරෙන් තම්බා පොඩිකර පෙරා හිස ගලවන්න. නෙල්ලි, කීකිරිඳිය මිට මිට කොටා යුෂ හිස ගල්වා ටික වේලාවකින් ස්නානය කරන්න. හිස්හොරි තත්වයක් ඇතිවිට හිස පිරිසිදුව තබා ගැනීම ඉතා වැදගත් වේ. ශරීර අභ්‍යන්තරයේ අධික උෂ්ණත්වයක් පවතී නම් ඒ සඳහා ප්‍රතිකාර ගැනීමටද අත්‍යාවශ්‍ය වේ. හරංකහ මී පැණියෙන් අඹරා හිස ගල්වා පැයකට පමණ පසු සෝදා හරින්න. මුං ඇට පිටි, මුදවපු කිරි සමඟ මිශ්‍රකර හිසේ සම මතුපිට ගල්වා පැයකට පමණ පසු සෝදාහරින්න. කෝමාරිකා මදය හිස ගල්වන්න. අමු නෙල්ලි පොල් සමඟ තම්බා අඹරා හිස ගල්වන්න. තිත්ත තිබ්බටු ගෙඩි යුෂ අවුන්ස 4 කට මීතෙල් අවුන්ස 1 ක් දමා අව්වෙන් කකාරා හිසේ ගල්වන්න. කිහිරි පොතු, කොහොඹ පොතු, මාදං පොතු, කෙළිඳ පොතු, සහිඳ ලුණු සම පමණ ගෙන එළ මුත්‍රයෙන් අඹරා හිස ගල්වා පැයකට පමණ පසු සෝදා හරින්න.

මූලාශ්‍රය :- මව්බිම “වෙද”අතිරේකය
තොරතුරු :- පාරම්පරික වෛද්‍ය වීරප්පෙරුම මහතා
සටහන :- පංකජ
සැකසීම :- හෙළ අරණ ™️

සම පැහැපත් කරගැනීමට බිත්තර සුදු මදයෙන් කල හැකි ඔබ නොදන්නා බොහෝ දේ මෙන්න

බිත්තර කියන්නේ ප්‍රෝටීන් බහුල ආහාරයක්. බිත්තර ආහාරය ගන්නවා වගේම රූපලාවන්‍ය කටයුතුවලටත් බිත්තර යොදාගන්නවා. මේ ලිපියෙන් කියවෙන්නේ බිත්තර සුදු මදය යොදාගෙන ඔබේ සුන්දරත්වය වැඩි කරන්න පුළුවන් ක්‍රම කිහිපයක් පිළිබඳවයි.

තෙල් සහිත සමට
තෙල් සහිත සමක තෙල් පාලනය කරන්න බිත්තර සුදු මදය ඉතා යෝග්‍යයි. බිත්තර සුදු මදයට ලෙමන් යුෂ තේ හැඳි 3ක් එකතු කර මුහුණේ ආලේප කරන්න. විනාඩි 15 කින් සෝදා ඉවත් කරන්න.

හිස කෙස් වර්ධනයට
දුර්වල, අවපැහැ ගැන්වුණු, හිස කෙස් වලට බාහිරින් ලබා දෙන්න පුළුවන් හොඳ සත්කාරයක් බිත්තර සුදු මදය ආලේප කිරීම. හිස් කබලේ අලේප කර විනාඩි 30 කින් ෂැම්පු වර්ගයක් යොදා සෝදා හරින්න. හිස කෙස් වර්ධනය කරන්නත්, කෙස් කළඹේ නිරෝගී භාවයටත් බිත්තර සුදු මදය ඉතා කදිමයි.

හිස කෙස් වලට කන්ඩිෂනර් එකක්
හිස කෙස් සිනිඳු කරවන ස්වාභාවික කන්ඩිෂනර් එකක් විදිහට බිත්තර සුදු මදය පාවිච්චි කරන්න පුළුවන්. බිත්තර සුදු මදයට ඔලිව් තෙල් තේ හැඳි 2ක්, යෝගට් කප් එකකින් 1/4 න් මිශ්‍ර කරලා හිස කෙස් වල ආලේප කරලා විනාඩි 45කින් පමණ සෝදා ඉවත් කරන්න.

සමට හොඳ scrub එකක්
සමේ කුණු දූවිලි, මැරුණු සම ඉවත් කරන්න scrub එකක් විදිහට බිත්තර සුදු මදය භාවිතා කරන්න පුළුවන්. බිත්තර සුදු මදය ගෙන හොඳින් බීට් කර මුහුණේ බෙල්ලේ ආලේප කර හොඳින් වියලෙන්නට දෙන්න. විනාඩි 20ක් 30ක් විතර ප්‍රමාණවත්. මද උණුසුම් වතුරින් සෝදා ඉවත් කරන්න. සතියට දවසක් හෝ දෙකක් මේ සත්කාරය try කරලා බලන්න.

ඇස් යට කළු වීමට
නිදි වැරීම, මානසික ආතතිය වැනි හේතු නිසා ඇස් යට කළු වීම, ඇස් වටා ඉදිමුම ඇති වෙනවා. ඒ තත්ත්වය අවම කරන්න බිත්තර සුදු මදය ඇස් වටා ආලේප කර විනාඩි 15කින් පමණ සෝදා ඉවත් කරන්න.

හිරු එළිය නිසා ඇති වුණු අවපැහැ වීම් අවම කරයි
හිරු රශ්මියේ ඇති අහිතකර UV කිරණ නිසා සම මත ඇති වන ලප, අවපැහැ වීම් අවම කර ගන්න බිත්තර සුදු මදයට මී පැණි මේස හැඳි 2ක් මිශ්‍ර කරලා අවපහ ගැන්වුණු ප්‍රදේශ වල ආලේප කරන්න. ක්‍රමානුකුලව සතියට තුන් වරක් වත් කිරිමෙන් සාර්ථක ප්‍රතිඵල ලබා ගන්න පුළුවන්.

-උපුටා ගැනීම අන්තර්ජාලයෙන්-

කුරුලෑ හා තුවාල නිසා ඇති වු කැළැල් මකාගන්න සාර්ථකම ප්‍රතිකර්ම මෙන්න

කුරුලෑ නිසා මුහුණේ ඇතිවන කැළැල් බොහෝකාලයක් ගියත් මැකී යන්නේ නෑ. ඒ වගේම අත් සහ කකුල්වල ඇතිවන තුවාල නිසාද කැළල් ඇති වෙනවා. එම කැළැල්වලින් ඔබේ රූප සුන්දරත්වයට හානිවන බවනම් නිසැකයි. මෙම ලිපියෙන් කියවෙන්නේ ඔබට පහසුවෙන් සපයාගත හැකි විටමින් E සහ තවත් ස්වභාවික අමුද්‍රව්‍ය කිහිපයකින් කලහැකි ප්‍රතිකර්ම කිහිපයක් පිළිබඳවයි.

විටමින් E සහ පොල් තෙල්
පොල් තෙල් වල ඇති chain fatty acids කොලජන් නිෂ්පාදනය වර්ධනය කිරීමෙන් තුවාල කැළැල් මකා දමනවා. විටමින් E කරලක තෙල් සහ පොල් තෙල් තේ හැඳි 2ක් මිශ්‍ර කර තුවාල ලප, කැළැල් වල ආලේප කරන්න. මේ සත්කාරය රාත්‍රී නින්දට පෙර කර උදෑසන ඉවත් කරන්න. දිනපතා කිරීමෙන් තුවාල කැළැල් ඉක්මනින් සුව කර ගන්න පුළුවන්.

විටමින් E සහ ලෙමන් යුෂ
නැවුම් ලෙමන් යුෂ වල විටමින් C මෙන්ම ස්වභාවික ඇල්ෆා හයිඩ්රොක්සයිඩ අම්ල අඩංගු වෙනවා. කැළැල් ස්වාභාවික සුව කිරීමේ හැකියාව මේ සංඝටක වලට පවතිනවා. ලෙමන් යුෂ තේ හැඳි එකකට විටමින් ඊ තෙල් කරලක තෙල් එකතු කර කැළැල් වල ආලේප කරන්න. සතියට කිහිප වතාවක් කිරීමෙන් තුවාල නිසා ඇති වුනු ලප හා කැළැල් මකා ගන්න පුළුවන්.

විටමින් E සහ කෝමාරිකා
කෝමාරිකා කියන්නේ සමට ගොඩාක් හිතකර ඖෂධයක්. ඒ වගේම සුන්දරත්වය රැක ගන්න කෝමාරිකා වලින් ප්‍රතිලාභ රැසක් ලබා ගන්න පුළුවන්. සූරා ගත් කෝමාරිකා මද තේ හැඳි 2කට විටමින් E කරලක තෙල් එකතු කර හොඳින් මිශ්‍ර කර කැළැල් මත ආලේප කරන්න. විනාඩි 20-30 කින් ඉවත් කරන්න. සතියට දෙවරක්, තුන් වරක් ආලේප කරන්න.

කොකෝවා බටර් සහ විටමින් E
කොකෝවා බටර් සමට පෝෂණය ලබා දෙන අතරම පහසුවෙන් සම තුළට අවශෝෂණය වෙනවා. ඒ නිසා ඉක්මන් ප්‍රතිපල ලබා ගන්න පුළුවන්. විටමින් E කරලක තෙල් හා කොකෝවා බටර් ස්වල්පයක් මිශ්‍ර කර කැළැල් මත ආලේප කරන්න.

සම රැළි වැටීම වළකා සමේ පැහැපත් බව වර්ධනය කරන ස්වභාවික ප්‍රතිකර්ම කිහිපයක්

ඕනෑම කෙනෙකු වයසට යෑමේදී සම රැළි වැටීම සාමාන්‍ය දෙයක් වුවත් හිරු එළියට නිරාවරණය වීම, ඖෂධ භාවිතය, මානසික ආතතිය, සිරැරේ බර අඩු වීම, විටමින් E අඩු වීම, දුම්පානය වගේ දේවල් නිසාත් ජානමය හේතු නිසාත් සම රුළි වැටීම සිදුවිය හැකියි. මුහුණ, අත්වල සම රුළි වැටීම කාන්තාවකගේ රූපයේ සුන්දරත්වයට බාධාවක්. තම නිවසේදීම පහසුවෙන් කල හැකි මේ සත්කාරවලින් ඔබේ සම රැළි වැටීම අවම කර සම පැහැපත් කිරිමට උදව් වෙනවා.

ලෙමන් සත්කාරය
මෙය ආලේපයක්. යෝගට් හැන්දක්, මී පැණි හැන්දක්, විටමින් E සහ ලෙමන් යුෂ තේ හැන්දක් බැගින් ගෙන හොඳින් මිශ්‍ර කරන්න. එම ආලේපය මුහුණේ ආලේප කර විනාඩි 20ක් පමණ තබා සෝදා හරින්න. සතියකට දෙවතාවක්වත් කරන්න.

ආමන්ඩ් සත්කාරය
රැව රුක ගැනීමට ආමන්ඩ් වලට විශේෂ හැකියාවක් තිබෙනවා. ආමන්ඩ් ඇට කිහිපයක් කිරි ටිකක පොඟවා රුයක් තබන්න. පසුදා උදෑසනට එම ආමන්ඩ් ඇට ග්‍රයින්ඩරයකට දමා හොඳින් කුඩු කරගන්න. එයින් ඝනකම ඇති පේස්ට් එකක් සකස් කරගන්න. එම පේස්ට් එක මුහුණේ ආලේප කර විනාඩි 20ක් පමණ තබා මුහුණ පිරිසුදු වතුරින් සෝදා හරින්න. දිනපතා කිරීම වඩා සුදුසුයි. ප්‍රතිඵලදායකයි.

ජලය පානය
සම රුළි වැටීමට හොඳම ප්‍රතිකාරය ජලයයි. හොඳින් ජලය පානය කිරීමෙන් රුළි වැටීම අවම කරගත හැකියි. දිනකට ලීටර් දෙකක් වත් ජලය පානය කිරීමෙන් සුන්දර සමක් ලබා ගත හැකියි.

කැරට් සත්කාරය
කැරට් ගෙඩි දෙකක් හොඳින් සෝදා තම්බාගන්න. පසුව එම කැරට් ගෙඩි දෙක හොඳින් පොඩි කරන්න. එයට මී පැණි ස්වල්පයක් දමා බ්ලෙන්ඩ් කරන්න. එම මිශ්‍රණය මුහුණේ ආලේප කර විනාඩි 30ක් පමණ තබා සෝදා හරින්න. මුහුණට ප්‍රාණවත් බවක් ලැබේවි. මුහුණ රුළි වැටීමට හොඳ පිළියමකි.

කෝමාරිකා සත්කාරය
කෝමාරිකා රෑපලාවන්ය සඳහා බහුලව යොදා ගන්නා ශාක වර්ගයකි. එය පිරිසුදු කාරකයකි. කෝමාරිකා පත්‍ර වල ජෙලි ස්වභාවයක් ඇත. එම ජෙලි සූරා වෙන් කරගෙන සමේ ආලේප කරන්න. විනාඩි 20ක් පමණ තබා පිරිසුදු ජලයෙන් සෝදා හරින්න. සමට පැහැපත් බවක් ඇතිවේ.

කෙසෙල් සත්කාරය
මේ සඳහා ඉදුණු කෙසෙල් ගෙඩි 2ක් අවශ්ය වේ. එම කෙසල් ගෙඩි හොඳින් පොඩි කර පේස්ට් එකක් සකස් කරගන්න. එම පේස්ට් එක සමේ රුලි වැටුණු තැන්වල ආලේප කරන්න. විනාඩි 30ක් පමණ තබා සෝදා හරින්න. කදිම පිළියමක්.

ඔලිව් තෙල් සත්කාරය
ඔලිව් තෙල් ස්වල්පයක් යොදා මුහුණ හොඳින් සම්බාහනය කරන්න. එමගින් සමට තෙතමනය ලැබේ. එවිට මුහුණේ ඇති සෛල අලුත්වැඩියා වී පැහැපත් පෙනුමක් ලැබේ. මෙම ඔලිව් තෙල් සත්කාරය දිනපතා කළ හැකිය.

ඉඟුරු සත්කාරය
මෙය පහසුවෙන් කළ හැකි සත්කාරයකි. මී පැණි මේස හැන්දකට ගාන ලද ඉඟුරැ ස්වල්පයක් මිශ්‍ර කර දිනපතා උදෑසන කෑමට ගන්න.

ඔබේ හිසකෙස්වල ගුණාත්මක බව වැඩි කර හිසකෙස් ආරක්ෂා කිරීමට දුඹුරු සීනිවලින් කදිම සත්කාරයක්

ඔබේ හිසකෙස්වල ගුණාත්මක බව වැඩි කර, හිස කෙස් ශක්තිමත් කිරීමට දුඹුරු පැහැති සීනි යොදා ඔබේ හිස්කබල පිරිසිදු කරන්න.

ඕට්ස් සහ දුඹුරු සීනි
දුඹුරු සීනි සහ ඕට්ස් ස්ක්‍රබ් එකකින් හිස් කබලේ වියලි ඇති ඝන අපද්‍රව්‍ය ඉවත් කර ගැනීම සිදු කළ හැක. මීට අමතරව ඔබේ හිස කබලේ රුධිර සංසරණය වැඩි කර ගැනීමටත් මෙය උපකාරී වේවි.

අවශ්‍ය ද්‍රව්‍යෙ – දුඹුරු සීනි තේ හැඳි 2ක්, ඕට්ස් තේ හැඳි 2ක්, කුඩා බඳුනක්, හිසකෙස් කන්ඩිෂනර් තේ හැඳි 2ක්, ඔලිව් තෙල් තේ හැඳි 2ක් ක්

සාදා ගන්නා ආකාරය
බඳුනට දුඹුරු සීනි සහ ඕට්ස් දමා මිශ්‍ර කරන්න. මෙම මිශ්‍රණයටම කන්ඩිෂනර් එකතු කරන්න. සියල්ල එකට මිශ්‍ර කර ගන්න. මීළඟට ඔලිව් තෙල් එකතු කර මිශ්‍ර කරන්න. මිශ්‍රණය හිසේ ගල්වා සම්බාහනය කරන්න. ඉන්පසු ස්නානය කරන්න.

ලෙමන් යුෂ සහ දුඹුරු සීනි
මේ සත්කාරය ඔබේ හිසෙහි ඇති ඉස්සොරි ඉවත් කර ගැනීමට උපකාරී වන අතර, හිරුගේ හානිකර කිරණ වලින් ඔබේ හිස ආරක්ෂා කරයි.

අවශ්‍ය ද්‍රව්‍ය – දුඹුරු සීනි තේ හැඳි 2 ක්, නැවුම් ලෙමන් යුෂ තේ හැදි 2 ක්, ඔලිව් තෙල් තේ හැඳි 2 ක්, මුහුදු ලුණු තේ හැන්දක්

සාදා ගන්නා ආකාරය
දුඹුරු සීනි සහ මුහුදු ලුණු එකට මිශ්‍ර කරන්න. එයටම ඔලිව් තෙල් සහ නැවුම් ලෙමන් යුෂ එකතු කරන්න. හැන්දක් ආධාරයෙන් සියල්ල එකට මිශ්‍ර කරන්න. මිශ්‍රණය හිසේ ගල්වා සම්බාහනය කරන්න. ඉන්පසු ස්නානය කරන්න.

බේකින් සෝඩා සහ දුඹුරු සීනි
මෙම මිශ්‍රණය ඔබේ හිසේ ඇති අනවශ්‍ය බැක්ටීරියා ඉවත් කිරීමට උපකාර කරනවා. මෙම මිශ්‍රණය ඔබට මසකට වරක් භාවිතා කළ හැකිය. මේ මිශ්‍රණය තුල ඔබේ හිසකෙස් බාහිර හානිවලින් ආරක්ෂා කරවන විෂබීජ නාශක අඩංගු වෙනවා.

අවශ්‍ය ද්‍රව්‍ය – දුඹුරු සීනි තේ හැඳි 1ක්, ෂැම්පු තේ හැඳි 1ක්, ටී ට්‍රී තෙල් තේ හැඳි 3 ක්, බේකින් සෝඩා තේ හැඳි 1ක්

සාදා ගන්නා ආකාරය
බඳුනකට සියලු ම අමුද්‍රව්‍ය දමා එක් කර මිශ්‍ර කරන්න. ඔබේ හිසකෙස් සම්බාහනය කරන විට හිසකෙස් හා මුල් මත අවධානය යොමු කරන්න. සම්බාහනය කිරීමට මිනිත්තු කිහිපයක් භාවිතා කරන්න. මෙය ඔබේ හිස් කබලේ ඇති රුධිර සංසරණය වැඩි දියුණු කරනු ඇත. හිස කෙස් සේදීම සඳහා උණුසුම් ජලය භාවිතා කරන්න.

සැ. යු: ඔබ හිස කෙස් වර්ණ කර තිබේ නම්, මෙම සත්කාරය කරන්න එපා.

දුඹුරු පැහැ සීනි වල රූපලාවන්‍ය ප්‍රතිලාභ
අදුඹුරු පැහැති සීනි යොදා සිදු කරන සම්බාහනය මඟින් රුධිර සංසරණය ඉහළ නංවන අතර ඔබේ හිස් කබලේ pH සමබරතාවය ආරක්ෂා කරනවා. මෙම නිතිපතා සිදු කිරීම ඔබේ හිස් කබල මෘදු, සුමට හා ප්‍රබෝධමත් වේ.

මෙය ශරීරයෙන් විෂ ඉවත් කිරීමටත්, හිස් කබලට තෙත් ස්වභාවයක් ලබා දීමටත් උපකාර කරනවා. දුඹුරු පැහැ සීනි සත්කාරය සමේ ගැටළු වලටත් කදිමයි. හිස් කබලේ ඇති වී තිබෙන විවිධ රෝග සුව කිරීමට මෙය උපකාර කරනවා. දුඹුරු සීනි සුදු පැහැගැන්වුනු සීනි වලට වඩා බෙහෙවින් මෘදුයි. ඒ නිසා, එය ඔබේ හිස් කබලේ සමට කිසිදු හානියක් නොකර ඔබේ සම මෘදුව සම්බාහනය කෙරේ.

ඔබේ සම අවලස්සන කරන ඉන්නන්ට, නිවසේදීම කළ හැකි ප්‍රතිකාර රැසක් මෙන්න

ඉන්නන් කියන්නේ සමේ ඇති වන වෛරසයක (Human Papilloma Virus) බලපෑමෙන් ඇති වන කුඩා ගැටයක් වැනි යමකි. සිරුරේ ප්‍රතිශක්තිකරණය අඩු වී විගස මෙම වෛරසය ක්‍රියාත්මක වී ඉන්නන් ඇති කරවනවා. කුඩාවට ඇති වී, මඳින් මඳ වර්ධනය වීම ඉන්නන්ගේ ලක්ෂණයයි. එම නිසා ඉන්නන් ඇති වීම විශාල කරදරයක් වන අවස්ථාත් නැතිවම නෙවෙයි. සම මත විශාල ඉන්නන් ඇති වීම ඇත්තටම රූපයට හානි කරනවා.

ඉන්නන් ඇති වීමේ අවාසි
පිටතට පෙනෙන ස්ථාන වල ඉන්නන් හට ගැනීම නිසා රූපය අසුන්දර වීම. සිරුර පුරා පැතිරීමේ අවදානමක් පැවතීම. එක් අයෙකුගෙන් තවත් අයෙකුට බො වී යාමේ හැකියාව. මුහුණ, දෙතොල් මත, ගෙළ වැනි ස්ථාන වල හට ගන්නා ඉන්නන් නිසා සමාජයෙන් මුළු ගැන්වීම. ලිංගික ප්‍රදේශ වල ඇති වන ඉන්නන් වේදනාකාරී වීම හා පිළිකා තත්වයක් දක්වා වර්ධනය වීමේ අවදානමක් තිබීම. යටිපතුල් වල ඇති වන ඉන්නන් නිසා ඇවිදීමේ අපහසුතා, පාවහන් පැළඳීමේ අපහසුතා ඇති වීම.

විනාකිරි ප්‍රතිකර්මය සඳහා අවශ්‍ය ද්‍රව්‍ය – විනාකිරි ස්වල්පයක්, කුඩා පුළුන් කැබැල්ලක්, ප්ලාස්ටරයක්

සාදා ගන්නා ආකාරය
රාත්‍රී නින්දට යාමට පෙර, පුළුන් කැබැල්ල විනාකිරි වලින් පොඟවා වන්න. ඉන්පසුව වැඩිපුර ඇති විනාකිරි මිරිකා හරින්න. යන්තම් තෙතමනය සහිත පුළුන් කැබැල්ල ඉන්නා මත තබා, උඩින් ප්ලාස්ටරය යොදන්න. පසුදින උදෑසන වන තුරු මෙය තබාගෙන සිටින්න. දින කිහිපයක් මෙය සිදු කල පසු ඉන්නා වේලි යනු ඇත.

දෙහි ප්‍රතිකර්මය සඳහා අවශ්‍ය ද්‍රව්‍ය – දෙහි යුෂ ස්වල්පයක්, පුළුන් කැබැල්ලක්

සාදා ගන්නා ආකාරය
පුළුන් කැබැල්ලක දෙහි යුෂ තවරා ඉන්නා මත තැවරීම සිදු කරන්න. දෙහි යුෂ වල ඇති ඇසිඩ් ගතිය නිසා ඉන්නන් ඉවත් කිරීමේ හැකියාවක් පවතිනවා. මෙය දිනකට තුන් වතාවක් පමණ සිදු කරන්න. කෙමෙන් කෙමෙන් ඉන්නා වේලි යනු ඇත.

කෝමාරිකා ප්‍රතිකර්මය සඳහා අවශ්‍ය ද්‍රව්‍ය – කෝමාරිකා පිත්තක්

සාදා ගන්නා ආකාරය
ඉන්නන් ඇති ස්ථාන වල කෝමාරිකා යුෂ දිනපතා ගල්වමින්, සම්බාහනය කරන්න. කෝමාරිකා වලට තුවාල සුව කිරීමේ මනා හැකියාවක් ඇත.

සුදු ලුණු ප්‍රතිකර්මය සඳහා අවශ්‍ය ද්‍රව්‍ය – සුදු ලුණු බික් 1ක්, පුළුන් කැබැල්ලක්

සාදා ගන්නා ආකාරය
සුදු ලුණු බික තලාගෙන, එම යුෂ පුළුන් කැබැල්ලක් ආධාරයෙන් ඉන්නා මත තවරන්න. පැය දෙකකට පසු එය සෝදා හරින්න. සුදු ලුණු වල ඇති විෂබීජ නාශක ගුණය නිසා සමේ ඇති දිලිර විනාශ වෙනවා.

ටී ට්‍රී ඔයිල් ප්‍රතිකර්මය සඳහා අවශ්‍ය ද්‍රව්‍ය – ටී ට්‍රී ඔයිල් ස්වල්පයක්, පොල් තෙල් ස්වල්පයක්, පුළුන් කැබැල්ලක්

සාදා ගන්නා ආකාරය
ටී ට්‍රී ඔයිල් සහ පොල් තෙල් එකට මිශ්‍ර කරන්න. පුළුන් කැබැල්ලක් තෙල් වල පොඟවාගෙන, ඉන්නන් මත ආලේප කර සම්බාහනය කරන්න. මෙය දවසට කීප වතාවක්ම සිදු කරන්න. ටී ට්‍රී ඔයිල් සහ පොල් තෙල් යන දෙකෙහිම බැක්ටීරියා විනාශ කිරීමේ හැකියාව අඩංගු වෙනවා.

Oregano තෙල් ප්‍රතිකර්මය සඳහා අවශ්‍ය ද්‍රව්‍ය – Oregano තෙල් ස්වල්පයක්, පොල් තෙල් ස්වල්පයක්, උණු වතුර, පුළුන් කැබැල්ලක්

සාදා ගන්නා ආකාරය
උණු වතුරෙන් ඉන්නන් පිහිටි ස්ථාන හොඳින් පිරිසිඳු කරන්න. Oregano තෙල් සහ පොල් තෙල් එකට මිශ්‍ර කරන්න. පුළුන් කැබැල්ලක් ගෙන තෙල් වල පොඟවා ඉන්නන් මත ආලේප කර සම්බාහනය කරන්න. මෙය දවසට කීප වතාවක්ම සිදු කරන්න. Oregano තෙල් සහ පොල් තෙල් යන දෙකෙහිම බැක්ටීරියා විනාශ කිරීමේ හැකියාව අඩංගු වෙනවා.

(උපුටාගැනීම sinhalahealth.com වෙබ් අඩවියෙන්)

ඔබේ බෙල්ල යට කළු වෙලානම් මෙන්න සරල විසඳුම් 09ක්

මුහුණ පැහැපත් කරගන්න මහන්සි වෙනවා වගේම බෙල්ල ගැනත් හිතුව නම් තමයි හොඳ. අද අපි කතා කරන්න යන්නේ ඔබට විශාල ප්‍රශ්නයක් වෙලා තියන බෙල්ල යට කළු වීම ලෙහෙසියෙන්ම නැති කර ගන්නේ කොහොමද කියල.

ගොඩක් අය මුහුණට කරන සත්කාර බෙල්ලට කරන්නේ නෑ බෙල්ල අමතකම කරලා දානවා. ඔබ ස්නානය කරනකොට මුහුණ පිරිසිදු කරනවා වගේම බෙල්ල පිරිසිදු කරන එකත් වැදගත්. මේ තියෙන්නේ ඔබට බෙල්ල පිරිසිදු කරගන්න පුළුවන් ආකාර 9ක් ගැන.

නැවුම් එළකිරි වලින් ඔබේ බෙල්ල හොඳින් සම්භාහනය කරන්න. කිරි කියන්නේ හොඳ පිරිසිදු කාරකයක්. එමඟින් ඔබේ බෙල්ලේ කුණු දුවිලි හොඳින් ඉවත් කරනවා. ඒ වගේම එල කිරි කියන්නේ පැහැපත් කිරීමට විශාල හැකියාවක් තියන දෙයක්.

ඔලිව් තෙල් සහ සිනි ඒකට මිශ්‍ර කර හොඳින් බෙල්ල ස්ක්‍රබ් කරන්න. දවස් තුනකට වතාවක් මෙය සිදුකොට වෙනස වටහාගන්න. කෙසෙල් ගෙඩියක් ගෙන එය ඔලිව් තෙල් තේ හැන්දක් සමග තලපයක් වනතුරු මිශ්‍රකරන්න. එම තලපය බෙල්ලේ ගලවා විනාඩි 15කින් සෝදා හරින්න.

ලෙමන් සහ රෝස වතුර සමාන ප්‍රමාන වලින් අරගෙන හොඳින් මිශ්‍ර කොට බෙල්ල සම්බාහනය කරන්න. රැයක් පුරා මෙම ආලේපය තිබෙන්නට හැර මද උණුසුම් ජලයෙන් සෝදා හරින්න. එහෙමත් නැත්නම් ලෙමන් යුෂ තේ හැන්දකට කහ කුඩු ස්වල්පයක් මිශ්‍ර කොට බෙල්ලේ ආලේප කොට තබා විනාඩි 10කින් 15කින් සෝදා හරින්න.

බේකින් සෝඩා, ලුණු සහ ඔලිව් තෙල් තේ හැඳි 01 බැගින් ගෙන තලපයක් වෙන තුරු හොඳින් මිශ්‍රකරගන්න. විනාඩි 20කින් පමණ සීතල වතුරින් සෝදා හරින්න.

මි පැණි සහ තක්කාලි මගින්ද බෙල්ලේ ඇති අවපැහැ ගතිය අවම කරගන්න පුළුවන්. තක්කාලි යුෂ තේ හැන්දකට මී පැණි කලවම් කොට ආලේප කරන්න. විනාඩි 20ක් තබා සෝදා හරින්න.

යෝගට් සහ කහ කුඩු එකට කලවම් කොට තලපයක් ලෙස සාදා ගන්න. විනාඩි 15ක් බෙල්ලේ ආලේප කොට තබා සෝදා හරින්න. එහෙමත් නැත්නම් යෝගට් සහ දෙහි බින්දු කිහිපයක් එකට මිශ්‍රකොට විනාඩි 20ක් පමණ බෙල්ලේ ආලේප කොට තබා සෝදා හරින්න.

අර්තාපල් යුෂ මගින්ද බෙල්ලේ කළු වීම් අවම කරගන්න පුළුවන්. අර්තාපල් ගෙඩියක් ගෙන පෙති ආකාරයට කපන්න. විනාඩි 5ක් 10ක් ඔබේ බෙල්ලේ කළු වී ඇති ස්ථාන මත එය හොඳින් පිරිමදින්න.

දොඩම් ලෙලි අරගෙන ඒවා වියලා කුඩු කරගන්න. දොඩම් ලෙලි වෙලිමේදී හිරු එළියේ වෙලන්න එපා. එයින් දොඩම් ලෙලි වල ඇති ශාකසාර නැතිවෙනවා. එයටම නැවුම් එල කිරි තේ හැන්දක් පමණ දමා හොඳින් මිශ්‍ර කරගන්න. එය ඔබේ බෙල්ලේ ගලවා විනාඩි 20ක් පමණ වේලෙන්නට හැර සෝදා ගන්න. දොඩම් වල ඇති විටමින් c වල ඇති ස්වභාවික ප්‍රතිඔක්සි කාරක ගුණය සහ විෂබිජනාෂක ගුණය මඟින් ඔබේ බෙල්ලේ අවපැහැ ගතිය කෙමෙන් ඉවත් කරයි.

හාල් කැඳ මගින් ද බෙල්ලේ අවපැහැ ගතිය අවම කරගන්න පුළුවන්. කරන්න තියෙන්නේ බත් කැඳ ගෙන ඔබේ බෙල්ල හොඳින් සම්භාහනය කිරීමයි. විනාඩි 10ක් පමණ තබා සෝදා හරින්න.

(උපුටාගැනීම sinhalahealth.com වෙබ් අඩවියෙන්)

ඉණ දෙපස එල්ලෙන ස්වභාවය නැති කරන අපුරු පානයක් හා ව්‍යායාම් කිහිපයක් මෙන්න

ඔබගේ ඉන දෙපස එල්ලා වැටෙන මස්පිඩු හේතුවෙන් ඔබ අදින ඇදුම තදවී එල්ල වැටෙන මස්පිඩු කැපී පෙනෙන ස්වභාවයක් ගන්නවා. මේ සදහා ඔබ විවිධ ක්‍රම භාවිතා කලත් එහි අඩුවීමක් ඔබට දැකගැනීමට නොහැකි උනා නම් ඒ සදහා කදිම විසදුමක් අද අප ඔබට ගෙන එනවා. මෙම ස්වභාවික පානය මගින් ඔබගේ ඉන දෙපස ඇති මස්පිඩු පමණක් නොවේ එල්ලා වැටෙන උදරයද සම්පුර්නයෙන්ම ඉවත්ව යනවා. මෙම මිශ්‍රණය නිවසේ ඇති ද්‍රව්‍ය පමණක් යොදාගනිමින් සාදාගැනීමට හැකි අතර ප්‍රතිඵල ද 100% සාර්ථකයි. එසේ නම් අපි දැන් බලමු එය නිවැරදිව සාදා ගන්නා ආකාරය සහ භාවිතා කරන ආකාරය පිලිබදව.

අවශ්‍ය ද්‍රව්‍ය – උණුසුම් ජලය මිලිලීටර් 300ක්, මී පැණි තේ හැදී 1ක්, දෙහි යුෂ තේ හැදී 1ක්, තලාගත් ඉගුරු තේ හැදී භාගයක්, කුරුදු කුඩු තේ හැදී 1ක්, ග්‍රීන් ටි බෑග් 1ක්.

සාදා ගන්නා ආකාරය
පළමුව උණුසුම් ජලය වීදුරුවක් තුලට දමාගෙන එයට ග්‍රීන් ටි බෑග් එක දමා ගන්න. ඉන්පසු ඉගුරු සහ කුරුදු කුඩු දමා හොදින් කවලම් කර ගන්න. එම මිශ්‍රණය මිනිත්තු 20ක් පමණ හොදින් නිවෙන්නට හැර ග්‍රීන් ටි බෑග් එක ඉවත් කර දෙහි යුෂ සහ මීපැණි දමා ගන්න. උණුසුම් ජලයට මීපැණි සහ දෙහි යුෂ එක් කරන්නට එපා.

භාවිතා කරන ආකාරය
සාදා ගත් මිශ්‍රණයෙන් භාගයක් උදැසන හිස්බඩ පානය කර ඉතිරි භාගය උදැසන ආහාර වේලෙන් පසුව පානය කරන්න. මෙම පානය දින 7ක් පමණ පානය කල විට පහැදිලි වෙනසක් ඔබේ සිරුරේ දැක ගැනීමට පුළුවන් වේවි.

එසේනම් ඔබත් අදම මෙය පානය කර ඉන දෙපස එල්ල වැටෙන උදරය සම්පුර්නයෙන්ම නැති කරගන්න. මෙය පානය කර ඔබට ලැබුණු ප්‍රතිපලය කමෙන්ට් එකක් ලෙස දක්වන්නත් අමතක කරන්න එපා. මේ පානය බොන ගමන්ම පහල විස්තර කර තිබෙන ව්‍යායාම් හා උපදෙස්ද අනුගමනය කරන්න.

ඉණ දෙපස එල්ලා වැටීම ඔබටත් ප්‍රශ්නයක් නේද? ටයර් පැනීම ලෙස අප හඳුන්වන මේ තත්වය කාන්තාවන් බොහෝ දෙනෙක් පිඩා විඳින තත්වයක්. කොතරම් මහන්සි වුවත් ඔබට මේ තත්වය නැති කරගැනීම අපහසුයි නේද? මෙම තත්වයට ඉංග්‍රීසියෙන් කියන්නේ love handles කියලා. එත් මේ තත්වයේ කිසිම ආදරණිය බවක් නම් නැති බව ඔබත් කියාවි. Kyla Gagnon නමැති ව්‍යායාම උපදේශිකාව Huffington Post පුවත්පතට ප්‍රකාශ කර තිබෙන්නේ මේ තත්වය නැති කර ගැනීම සම්බන්ධයෙන් ව්‍යායාම කිරීම මත පමණක් විශ්වාසය තබන්න එපා කියලයි.

ඉණ දෙපස එල්ලා වැටීම එහෙමත් නැත්නම් ටයර් පැනීම ලෙස සලකන්නේ ශරීරයේ අමතර මේදය තැන්පත් වීමක්. මෙහිදී මෙම මේද තට්ටු ඉවත් කිරීමට ව්‍යායාම් කිරීම පමණක් ප්‍රමාණවත් වන්නේ නැහැ තමයි. ඒක විද්‍යානුකූලව පිළිගෙන තිබෙනවා. එසේ නම් කළ යුත්තේ කුමක්ද? ඉණ දෙපස එල්ලා වැටීම නැති කර ගැනීම සඳහා කළ යුත්තේ මේද තට්ටු යටින් තිබෙන පේශි ශක්තිමත් කර ගැනීමයි.

පහත දැක් වෙන්නේ ඉණ දෙපස එල්ලා වැටීම නැති කර ගැනීම සඳහා අනුගමනය කළ යුතු උපදෙස් කිහිපයක්.

සෞඛ්‍යයට හිතකර මේද වැඩිපුර ආහාරයට ගන්න
සෞඛ්‍යාරක්ෂිත මේද ලබාගැනීම සඳහා ධාන්‍ය වර්ග සහ අලිගැටපේර ඔබේ දෛනික ආහාරවේලට එකතු කරගන්න. වෛද්‍යවරුන් නිර්දේශ කරන ආකාරයට සෞඛ්‍යයට හිතකර මේද මගින් ඔබ ආහාරයට ගත යුතු දෛනික කැලරි ප්‍රමාණයෙන් 25% -30% ප්‍රමාණයක් ලැබෙනවා. ඒවගේම සකස් කරන ලද ආහාර පරිභෝජනයෙන් වැළකිම ද අනිවාර්යයෙන්ම සිදු කළ යුතුයි.

සීනි සහ අනවශ්‍ය කබෝහයිඩ්‍රේට් භාවිතයෙන් වැළකෙන්න
ඔබේ දෛනික ආහාරයට වැඩිපුර එළවළු සහ පළතුරු එකතු කර ගන්න. ඒවගේම වැඩිපුර ධාන්‍ය ආහාරයට ගැනීම වගේම සැහැල්ලු ප්‍රෝටීන් සහිත ආහාරත් ආහාරයට ගන්නෙ

දිනකට කැලරි 100ක් දහනය කර ගැනීම සඳහා විවිධ ක්‍රියාකාරකම්වල යෙදෙන්න
දිනකට කැලරි 100ක් දහනය කර ගැනීම මගින් මේද දහනය වීම පමණක් නොව විශේෂයෙන්ම ඔබගේ සමස්ත සෞඛ්‍යයම ඉතාම යහපත් වේවි. ඉතා පහසු සහ සරල ක්‍රියාකාරකම් මගින් කැලරි 100ක් දිනකට දහනය කර ගැනීම මගින් ඔබේ ඉඟ ප්‍රදේශය වෙන කවරදාටත් වැඩ ලස්සන කර ගැනීමට ඔබ‍ට හැකි වේවි. මෙහිදී ඔබට ඉතාම ලේසියෙන් සිදු කළ හැකි සරල ක්‍රියාකාරකම් තෝරා ගැනීම මගින් ඔබටත් පහසුවක් ගෙන දේවි.

කැලරි 100ක් දහනය කර ගත හැකි සරල ක්‍රියාකාරකම් කිහිපයක්.

ඔබේ වාහනය සෝදන්න, සැතපුමක් පමණ ඇවිදින්න, මිනිත්තු 15ක් පමණ පිහිනන්න, ඔබේ පිටුපස පෙදෙස විනාඩි 20ක් පමණ සොලවන්න, ඔබේ බල්ලා සමග විනාඩි 20ක් පමණ ඇවිදින්න, දිනකට විනාඩි 18ක් පමණ පඩිපෙලක නගින්න.

ඔබට ඔබේ කෑමවේලට සිදුකර ගත හැකි තවත් වෙනස්කම් කිහිපයක්.
ඔබ මයෝනිස් සෝස් වැනි දෑ වැඩිපුර පාවිච්චි කරනවා නම් මයෝනිස් වෙනුවට අබ සහිත නිෂ්පාදන අත්හදා බලන්න. ඔබ නිතර පැස්ටා හදනවා නම් පැස්ටා සැදීමේදී ක්‍රීම් සෝස් වෙනුවට රතු පැහැති සෝස් යොදාගන්න. ඔබ නිතර සැන්විච් කනවා නම් ඔබේ සැන්විච් එකෙන් එක පාන් පෙත්තක් අඩුකර බලන්න. එළවළු ආදිය පිසීම වෙනුවට සලාද ආකාරයෙන් ආහාරයට ගන්න. Drink one less 12-ounce beer – බියර් පානය කරන කෙනෙක් නම් අවුන්ස 12කට අඩුවෙන් බොන්න.

Bicycle Crunch ව්‍යායාමය
බිම දිගෑරෙන්න. ඔබේ අත් ඔබේ කන් දෙපසින් දිගහැරගන්න..ඔබේ කකුල් අංශක 90ක කෝණයකට ඔසවන්න.ඔබේ වම් දණහිසනවා ඔබේ පපුව ඉදිරියට ගෙන එන්න. දැන් ඔබේ දකුණු වැලමිට වම් දණහිසේ ගාවන්න. පසුව අත් සහ කකුල් මාරු කරමින් නැවත මෙම ක්‍රියාකාරකම කරන්න.මෙම ක්‍රියාකාරකම මාරුවෙන් මාරුවට දිගටම කරගෙන යාමේදී ඔබ බයිසිකලයක් පදින ඉරියව්ව නිරුපණය වනු ඇත.

Plank ව්‍යායාමය
මෙම ව්‍යායාමය ඔබට උපරිම ප්‍රතිඵල ගෙන දෙනු ඇති.ඔබේ වැළමිට සහ යටිබාහු පොළව මත තබන්න. ඔබේ ශරීරය පුෂ්–අප්ස් කරන ඉරියව්වට ගෙන එන්න. ඔබේ උඩ බාහු තිබිය යුත්තේ අංශක 90ක කෝණයකටයි. ඔබේ පිටුපස පෙදෙස සහ කකුල් හරි කෙලින් ඔසවාගත් ඉරියව්වෙන් තිබිය යුතුයි.මෙම ඉරියව්වේ විනාඩියක් හෝ විනාඩි 3ක් සිටිය යුතුයි. ඔබ ආධුනිකයෙකු නම් මුලින්ම තත්පර 30ක් මෙම ඉරියව්වේ සිටිමින් පටන් ගන්න. පසුව ක්‍රමයෙන් ඉරියව්වේ සිටින කාලය වැඩි කරන්න.

Side Plank Dips ව්‍යායාම
ඇඟ පැත්තට හරවාගත් ඉරියව්වෙන් පටන්ගන්න. (එක පැත්තක ඇඟට බර දෙමින් වැලමිට අංශක 90කට නවාගෙන, එමෙන්ම ඔබේ ඉන පොළොවේ නොගවමින් ඔසවාගන්න ) දැන් ඔබේ ඉන පොළොවේ ගාවන්න. නැවතත් පොළොවෙන් උඩට ගන්න. මේ ආකාරයට එක පැත්තකට වට 10-12 බැගින් සිරුරේ දෙපත්තටම මෙම ක්‍රියාකාරකම කරන්න. ඔබේ පිටුපස පෙදෙස කෙලින් තබාගනිමින් සහ තට්ටම් තද කරගනිමින් මෙම ක්‍රියාකාරකම කරන්න උත්සාහ ගන්න.

Stability Ball Plank ව්‍යායාම
Stability ball එකක් සොයා ගන්න. ඒ මත ඔබේ වැලමිට හා මැණික් කටුව අතර ප්‍රදේශය තබා වැලමිට සහ යටිබාහුව සමබර කිරීමට උත්සහ කරන්න. දැන් ඔබේ කකුල් පිටුපසට දිගු කරන්න. ඒ මගින් ඔබට බෝලයට විරුද්ධව ඔබ සිටිය යුතු කෝණය කුමක්දැයි අදහසක් ලබාදේවි.මෙම ඉරියව්වෙන් විනාඩි දෙකක් පමණ ඉන්න. මෙහිදී මෙම ඉරියව්වේ සිටීමට ඔබේ උදර පේශි පහසුතාවයක් දක්වන තුරු පමණක් ඉරියව්වේ රැඳී සිටීම වඩාත් හොඳය.

ඔබෙත් ඇස් යට කළු වෙලාද? එහෙම වෙන්නේ ඇයි? මෙන්න නිවසේදීම කරගත හැකි ප්‍රතිකාර

ඇස් යට කළු වීම අද බොහෝ තරුණ තරුණියන් මුහුණ දෙන ගැටළුවක්. මුහුණ කොතරම් පැහැපත්ව තබා ගත්තත් ඇස් යට අවපැහැ ගැන්වී තිබීමෙන් එය වඩාත් හොදින් කැපි පෙනෙනවා විතරක් නෙමෙයි මුහුණේ සුන්දරත්වයටත් එය බලපානවා. ඒ නිසා මුහුණ පැහැපත්ව තබා ගන්නවා වගේම ඇස් යට කළු වීමට ප්‍රතිකාර කරන්නත් අමතක කරන්න එපා. ඇස් කියන්නේ ඉතා සියුම් සංවේදී ස්ථානයක් බැවින් ඇස් යට සමට හානීයක් නොවන පරිදි ප්‍ර‍තිකාර කිරීම ඉතාමත් වැදගත්. අද අපි ඔයාට කියලා දෙන්නේ ඇස් යට කළු වීම අවම කර ගන්න පුළුවන් ක්‍රම කිහිපයක් ගැන.

ඇස් යට කළු වෙන්නේ ඇයි? ඇස් යට කළු වෙන්න එමෙහත් නැත්තම් අවපැහැ ගන්න කරුණු ගණනාවක් හේතු විය හැකියි.
හිරු රශ්මියට නිරාවරණය වීම, තුනී සම හරහා පෙන්වන ශිරා හා කේශ නාලීකා, විවිධ අසාත්මිකතාවන්, ජානවල බලපෑම, ඇස් වටා වියළීම සහ හානී වු සෛල ඒකරාශී වීම, දීර්ඝ කාලීනව පරිඝණක භාවිතය, ප්‍රමාණවත් නින්දක් නොලැබීම, මානසික පීඩනය හා ආතතිය.

ඇස් යට කළු වීමට නිවසේදී ම කරන්න පුළුවන් ප්‍රතිකාර මොනවාද?
ආමන්ඩ් ඔයිල් – ආමන්ඩ් ඔයිල් රාත්‍රී‍ නින්දට යන්න පෙර ස්වල්පයක් ගෙන ඇස් වටා ආලේප කර සෙමින් මසාජ් කරන්න. පසුව උදෑසන සීතල ජලයෙන් සෝදා ඉවත් කරන්න. දින කිහිපයක් මෙම සත්කාරය කිරීම මගින් ඔබේ ඇස්යට කළුවීම අවම කර ගැනීමේ හැකියාව තිබෙනවා.

පිපිඤ්ඤා – පිපිඤ්ඤ ගෙඩියකින් පෙති දෙකක් පමණ කපාගෙන එය විනාඩි 30 ක් පමණ ශීතකරණයේ තබන්න. පසුව ඒ පිපිඤ්ඤා පෙති දෙක විනාඩි 10 ක් පමණ තබාගෙන ඉන්න. සතියකට කිහිප සැරයක් මෙම සත්කාරය සිදු කිරීමෙන් ඇස් යට අවපැහැය අවම කරගත හැකියි.

අර්තාපල් – අර්තාපල් කියන්නේ මුහුණට හොද සත්කාරයක් වගේම ඇස් යට කළු වීම අවම කර ගැනීමේ හැකියාවද තිබෙනවා. අර්තාපල් ගෙඩියක් හොදින් පොඩි කර එහි යුෂ පෙරා ගන්න. පසුව කපු පුළුන් එහි පොගවා ඇස් වටා ප්‍රදේශය තබා ගෙන සිටින්න. පසුව විනාඩි 10 න් පසු සීතල වතුරෙන් සෝදා ඉවත්කර හරින්න.

තක්කාලී යුෂ – තක්කාලී යුෂ තේ හැන්දකට ලෙමන් යුෂ තේ හැදි භාගයක් පමණ එකතු කර මිශ්‍රණයක් සකස් කර ගන්න. පසුව එම මිශ්‍රණයෙන් අදුරු පැහැ ගැන්වී තිබෙන ප්‍රදේශයේ විනාඩි 10 ක් පමණ ආලේප කර තබා සෝදා හරින්න.

ටී බෑග් – ටී බෑග් දෙකක් පමණ ගෙන විනාඩි 30 ක් පමණ ශීතකරණයේ තබා අනතුරුව ඇස් වටා විනාඩි 15 ක් පමණ තබා ගෙන සිටින්න. පසුව සෝදා ඉවත් කරන්න.

ඇස් යට කළු වීම අවම කර ගන්න තවත් ක්‍රමයක්?
අව්වට නිරාවරණය වන සෑම අවස්ථාවකදී ඔයාට අව් කණ්ඩාඩියක් භාවිත කරන්න පුළුවන්. මෙමගින් ඔබගේ ඇස් හිරු කිරණට නිරාවරණය වීමෙන් සිදුවන බලපෑම අවම කර ගැනීමේ හැකියාව තිබෙනවා. එහිදි ඔබ වඩාත් ප්‍රමිතියක් සහිත ස්ථානයකින් අව් කණ්නාඩියක් මිළදී ගැනීමට කටයුතු කරන්න.

දිනපතා සැහැල්ලූ මොයිස්චරයිසර් ආලේපනයක් ඇස් වටා ආලේප කිරීම ඉතා වැදගත්. ඇස් අවට ක්‍රීම් ආලේප කිරීමේදී වඩාත් මෘදුව පිරිමැදීමට කටයුතු කිරීම අත්‍යාවශ්‍යයි. විශේෂයෙන්ම රාත්‍රී කාලයේදී සම මෘදු කරන මොයිස්චරයිසර් ආලේපනයක් දිනපතා ආලේප කිරීමෙන්ද ඔබට ඇස් අවට කලූ පැහැ ගැන්වීම අවම කර ගත හැකියි.

විධිමත් ප්‍රමිතියකට අනුව නිෂ්පාදනය කළ under eye cream වර්ගයක් භාවිත කළ හැකියි. Niacin amide අඩංගු කිරීම වඩාත් සුදුසුයි.

ඇස් යට කළු පැහැ ගැන්වී ඇත්නම් ඔබේ රුචිකත්වය පරිදි මෙම සත්කාරවලින් එකක් තෝරා ගෙන අත්හදා බැලීමේ හැකියාව තිබෙනවා. විශේෂයෙන් ඔබ සැළකිලිමත්ව මේ කටයුත්ත සිදු කළ යුතුයි. මොකද ඇස් අවට සම ඉතාමත් සංවේදියි. සුළු අත්වැරැද්දකින් ඔබේ දෙනෙත්වලට පවා අහිතකර ආකාරයෙන් බලපෑ හැකියි. ඒ නිසා වඩාත් පරීක්ෂාකාරීව මෙම ප්‍රතිකර්ම කිරීමට කටයුතු කිරීම ඉතාමත් වැදගත්.

(උපුටාගැනීම sinhalahealth.com වෙබ් අඩවියෙන්)

සහල් සෝදපු වතුර විසිකරලා දාන ඒකනම් සාමාන්‍ය දෙයක්, නමුත් අදින් පසුනම් ඔබ ඒ වැරැද්ද කරන එකක් නෑ

සෑම ගෙදරකම උදෑසන හා රාත්‍රියේ ආහාර පිසිමේදී සහල් සෝදලා ඒ වතුර අනවශ්‍යය දෙයක් ලෙස සලකලා විසිකරලා දානවනේ. නමුත් ඔබ කවදාවත් සිතන්නේ නැතුව ඇති ඒ විසිකරලා දාන වතුරෙන් ඔබගේ රූපයේ සුන්දරත්වය වැඩි කරගන්න පුළුවන් වේවී කියලා.

සහල් වතුර වල අඩංගු පෝෂණ ගුණයන් ඔයාගේ සමේ පැහැය වැඩි කරන්නත්, ලප කැළැල් අවම කරන්නත් හිස කෙස් වර්ධනය කරන්නත් උදවු වෙනවා.

සහල් වතුර වල සමට සහ හිස කෙස් සඳහා අනිවාර්යයෙන් අවශ්‍ය වන පෝෂ්‍ය පදාර්ථ රැසක් අඩංගු වෙනවා. විටමින් B, C හා E මෙන්ම ඛනිජ වර්ග හා අත්‍යාවශ්‍ය ඇමයිනෝ අම්ල මෙහි අඩංගු වෙනවා. ඔයාට කරන්න තියෙන්න හරිම පහසු වැඩක්.

සහල් සේදූ වතුර වලින් උදේ හා සවස මුහුණ සෝදන්න. හැබැයි මුහුණ පිසදමන්න එපා. එහෙමම වියලෙන්න දෙන්න. විනාඩි 30කින් පිරිසිදු වතුරෙන් මුහුණ සෝදන්න.

සහල් සේදු වතුර පිරිසිදු භාජනයකට දමා මද ගින්නේ විනාඩි 15ක් පමණ රත් කර ගන්න. ඉන් පසු එය දින එක හමාරක් හෝ දෙකක් හොඳින් වසා තබන්න. දින එක හමාරකට පස්සේ ඒ වතුරින් ඇඟිලි තුඩු තෙමා හිස් කබල හොඳින් සම්බාහනය කරන්න. විනාඩි 20කින් සෝදා ඉවත් කරන්න.

මේ තමයි ඔයාට පහසුවෙන්ම කර ගන්න පුළුවන් සත්කාර. ඊට අමතරව ඔයාට සහල් වතුර වලින් කරන්න පුළුවන් මේ දේවලුත් ඔයාගේ රුව වැඩි කර ගන්න ප්‍රයෝජනයට ගන්න පුළුවන්.

සහල් කෝප්පයක් පිරිසිදු වතුරින් සෝදා ගන්න. එයට වතුර කෝප්ප තුනක් දාලා බඳුන වහන්නේ නැතුව විනාඩි 15ක් පමණ පිස ගන්න. ඊට පස්සේ සහල් තැම්බුණු වතුට ටික පෙරලා වෙන් කර ගන්න. සහල් වතුර සිසිල් වෙන්න දීලා ඉන්පසු එය සතියක් දක්වා ශීතකරණයක් තුළ ගබඩා කර තබන්න.

ඊට පස්සේ මේ මිශ්‍රණය කලින් කිව්ව විදියටම ඔයාට අවශ්‍ය විදියට මුහුණේ ආලේප කරන්න හෝ හිසේ ගල්වා සම්බාහනය කරන්න ගන්න පුළුවන්. භාවිතයට ගන්නිද්දී ඊට කලින් මිශ්‍රණය හොඳින් සොලවා පාවිච්චියට ගන්න.

ඒ වගේම කලින් ක්‍රමයේදී කිව්ව විදිහට සහල් තම්බන්නේ නැතිව සහල් සෝදා ගත් වතුර සතියක කාලයක් ශීතකරණයේ තබා කලින් විදිහටම ප්‍රයෝජනයට ගන්න පුළුවන්.

(උපුටාගැනීම අන්තර්ජාලයෙන්)