රුවන්වැලි මහා සෑ රජාණන් වහන්සේගේ විශ්මිත අතීත කතාව

ශ්‍රී ලංකාව අමිල වූ පූජනීය වස්තූන් රාශියකට හිමිකම් කියන දිවයිනකි. ඒ අතරින් අප රට සතු පූජනීයම වස්තුවක් ලෙස රුවන්වැලි සෑ රජාණන් වහන්සේ සැලකිය හැකියි. බුදුරජාණන් වහන්සේගේ ද්‍රෝණ 8ක් වූ ධාතූන් වහන්සේලාගෙන් එක් ද්‍රෝණයක් තැන්පත් කර අනුරාධපුරයේ ඉදි කර ඇති මෙම සෑ රජාණන් වහන්සේ දුටුගැමුණු මහ රජතුමාගේ නිර්මාණයකි. මෙරට සියළුම බෞද්ධයින් රුවන්වැලි සෑ රජු ගැන බොහෝ විස්තර දැන සිටින අතර මෙම සටහනින් ඔබ නොඇසූ අප්‍රකට කරුණු රැසක් දැනගත හැකිවනු ඇත. රුවන්වැලි මහා සෑය එම ස්ථානයේ රියන් 120ක් උසින් ඉදිවන බව මිහිදු මහ රහතන් වහන්සේ විසින් දෙවනපෑතිස් රජුට පවසා ඇති බව මහාවංශයෙහි සඳහන් වේ.

එය ඉදිකිරීමට සුදුසු ස්ථානය දේවානම් පියතිස්ස රජු විසින් ස්ථම්භයක් ඉදිකොට සලකුණු කර තබා ඇත. එළාර රජු සමඟ යුද්ධයෙන් ජයග්‍රහණය කළ දුටු ගැමුණු මහ රජු තම මුත්තනුවන් මිහිදු හිමියන්ගේ අනාවැකියෙන් පසු ස්ථාපනය කළ ස්ථම්භය පිහිටි ස්ථානයේ රුවන්වැලි මහ සෑය නිමවා ඇත. රුවන්වැලි සෑයේ වැඩ අරඹා ඇත්තේ වෙසක් පුර පසළොස්වක පොහෝ දිනයකයි. මුලින්ම සෑය ඉදිකිරන භූමිය සමතලා කරන ලදී. ඉන්පසු එය රියන් හතක ගැඹුරට කැණ එහි වක්‍රාකාර ගල් අතුරන ලදී. එම ගල් මිටියෙන් කඩා ඉන්පසු එය ඇතුන් ලවා පාගවන ලදී.

එම ගල් ස්ථරය මත ගඩොල්ද, ගඩොල් මත රළු බදාමද, රළු බදාමය මත තිරුවාණද,තිරුවාණ මත යකඩ ජාලයක්ද, යකඩ ජාලය මත සුවඳැති මැටිද,සුවඳැති මැට්ට මත සුදු පාෂාණද, සුදු පාෂාණ මත සෙල් පිලිමිණිද, ඒ මත ගල් පුවරුද අතුරවන ලදී. ඉන්පසු රසදිය, අලිගැටපේර ලාටු හා පදම් මැටි එක්කර මිශ්‍රණයක් සාදවා ගල් පුවරු ඒ මත අතුරුවා, ඒ මත අඟල් අටක ඝනකම් ඇති ලෝකඩ පත් අතුරවන ලදී.එම ලෝකඩ පත් මත ආසනියම් හා තල තෙල් එකට මිශ්‍ර කර අතුරවා ඒ මත අඟල් හතරක් ඝනැති රිදී පත් තැන්පත් කරවන ලදී. මෙසේ සෑයේ අඩි තාලම සාදවා, සෑයට මුල්ගල් තබා ඇත්තේ ඇසළ පුර පසළොස්වක පෝය දිනයකය. එම උත්සවයට රහතන් වහන්සේලා අනූහය කෝටියක් අහසින් වැඩම කළ බව ථූප වංශයෙහි සඳහන් කර ඇත. ආසියාව, මැදපෙරදිග රටවල් විශාල ප්‍රමාණයකින් මුල්ගල් තැබීමේ උත්සවයට රහතන් වහන්සේලා සහභාගී වීම එකළ සිංහල දේශය ලොව පතලව පැවතීමට හොඳම සාධකයක් ලෙස සැලකිය හැකියි. මේ දාගැබ බඳින්නට සුදුසු නිර්මාණකරුවෙක් සොයා ගැනීමද රසවත් කථාවකි. දුටුගැමුණු රජතුමා රට පුරා අඬබෙර යැවීමෙන් පසු නිර්මාණකරුවන් 500ක් පමණ දාගැබ බැදීමේ වගකීම ගැනීමට පැමිණ සිටියත්, ඒ කිසිවකුගේ අදහසකට රජුගේ සිතෙහි ප්‍රසාධයක් ඇති නොවීය. එහෙත් එක් තරුණ නිර්මාණකරුවකුගේ පැහැදිලි කිරීමට එතුමා පැහැදුණේය. පසුව ඔහුගෙන් දාගැබ බැදීමට සුදුසු හැඩය විමසා සිටිය අතර එවිට නිර්මාණකරුගේ ශරීරයට ආවේශ වූ විශ්ව කර්ම දිව්‍ය පුත්‍රයා දිය තලියක නැගෙන දිය බුබුලක් පෙන්වා එම හැඩය සුදුසු යැයිද, දිය බුබුළ අනිත්‍ය බව පසක් කරන හොඳම සාධකයක් යැයිද පවසා සිටියා. එයින් ඉතාමත් සතුටට පත් රජු නිර්මාණකරුවාට තෑගි බෝග පිරිනමා සෑය ගොඩ නඟන වගකීම ඔහුට භාරදුන් බව පැවසෙයි.

දාගැඛෙහි පහල පේසා වළලූ 3 නිම කිරීමට ගඩොල් කෝටි 10ක් වැය වූ බව ථූපවංශයෙහි සඳහන් කර ඇත. සෑයක් නිම කිරීමට වැඩිපුරම අවශ්‍ය වන ගඩොල් සෙයාගන්නේ කෙසේදැයි රජු හට විශාල ගැටළුක් ව තිබුණේ එතුමා කිසිවිටෙක යුද්ධයක් නිම කර විඩාවට පත්වී සිටි ජනතාවට මෙම වගකීම පැවරීමට ඇකමැති වීම නිසයි. මේ සිතුවිල්ල දැනගත් දෙවඟනක් එය දෙව්ලොව පුරා දෙවි වරුන්ට දැන ගැනීමට සැලැස්විය. මෙය දැනගත් විශ්වකර්ම පුත්‍රයා මල්වතු ඔයෙහි නිම්නයේ ගඩොල් මැවූ බවත් ථූප වංශයෙහි සඳහන් වේ. මීට අමතරව සෑයට අවශ්‍ය රන් අවුරුවිනී ග්‍රාමයෙන් ද, රිදී නැමැති ගල් ගුහාවෙන් රිදී ද, තම්බපින්න ග්‍රාමයෙන් තඹ ද සමන්වැව ග්‍රාමයෙන් මැණික් ද, උරුවෙල් නම් කුඩා නගරයෙන් නෙල්ලි ගෙඩියක ප්‍රමාණයේ වූ මුතු සහ පබලූ ද, පැලවාපි ග්‍රාමයෙන් විශාල ප්‍රමාණයේ මාණික්‍යය සතරක් ද ලබා ගත් බව සඳහන්. රුවන්වැලි මහා සෑයට ධාතූන් වහන්සේලා ලැබෙන අයුරු බුදුරජාණන් වහන්සේ විසින්ම කුසිනාරා නුවර සල් උයනේදී සක්දෙව් රජු කැඳවා පවසා තිබෙන බවත් පැවසෙයි. ‘‘මාගේ අට ද්‍රෝණයක පමණ ධාතූන්වහන්සේලා අතුරෙන් එක් ද්‍රොණයක් පමණ ධාතූහු කෝලිය රජ දරුවන් විසින් පුදු පූජා කරණු ලබන්නොහ. ඒ ධාතු ද්‍රෝණය එන දවස ලංකාද්වීපයෙහි රුවන්මැලි නම් දාගැබෙක්හි පිහිටන්නේය“ යි වදාළ සේක. බුදුරජාණන් වහන්සේගේ පිරිනිවනෙන් පසු රාම ග්‍රාමයෙහි කෝලිය රජ දරුවන් ධාතූන් වහන්සේලා තැන්පත් කර නිමවූ දාගැබ පසු කළෙක මහ වැස්සකින් විනාශ වී එහි ධාතූන් වහන්සේ තැන්පත් කරඬුව මහා සාගරයට ගසාගොස් මහා කෙළ නම් නා රජුන්ට හමුවී තිබේ. සෝණුත්තර නම් සාමණේරයන් වහන්සේ විසින් නාලොවට වැඩම කොට නා රජුගේ උපායන්ගෙන් මිදී වාසුලදත්ත නම් නාගයාගේ කුසෙහි සඟවාගෙන තිඛෙන බව දැනගෙන, උන්වහන්සේ සතු සෘද්ධි බලයෙන් කුඩා අතක් මවාගෙන මහාමේර පර්වතය පාමුල සිටි වාසුලදත්තගේ කටට අත පොවා ද්‍රෝණයක් ධාතූන් වහන්සේ සහිත කරඬුව ගෙන පැමිණි බවයි සඳහන් වන්නේ. දුටුගැමුණු මහරජතුමා මහ සෑය ඉදිරිකිරීම ආරම්භ කළත් එතුමාට සෑය සාදා නිම වන තුරු ජීවත් වීමට හැකි නොවුණි.

ධාතු නිධානෝත්සවයෙන් පසු හතරැස්කොටුව දක්වා එතුමා විසින් මහ සෑය නිම කිරීමට සමත් විය. රජු මරණ මංචකයේ සිටියදී එතුමාගේ බාල සොයුරු සද්ධාතිස්ස කුමරු විසින් රෙදි වලින් කොත් කැරුල්ල නිමවා සෑය සාදා නිම කර ඇති ලෙස දුටුගැමුණු මහ රජුට පෙනෙන්නට සළස්වා ඇත. පසුව මහ සෑය සාදා නිම කළේ සද්ධා තිස්ස රජතුමා විසිනි. පසු කළෙක සිංහල රජ වරුන්ගේ අගනුවර අනුරාධපුරයෙන් ඈත් වත්ම රුවන්වැලි මහා සෑය ඇතුළු සියළු සෑයන් වල්බිහිවී ගරා වැටුණු අතර රුවන්වැලි සෑයේ කොත් කැරුල්ල, දේවතා කොටුව ගරා වැටී විනාශව පැවතුණි. මීට වසර සියයකට පමණ පෙර නාරාවිට සුමනසාර හිමියන්ගේ මූලිකත්වයෙන් නැවත පිළිසකර කළ රුවන් වැලි මහ සෑයේ චූඩාමාණික්‍යය පළඳවා ඇත්තේ 1940 ජූනි මස 17 වන දිනයි. වර්තමානයේ සුදෝ සුදුවන්ව බබළන රුවන්වැලි මහ සෑ රජු, බුදු රජුන් වැඩ සිටින සුගන්ධ කුටියට සම කළ හැකි අතර ලෝක බෞද්ධයින්ගේ උතුම් වස්තුවක් සේ පිදුම් ලබමින් විරාජමානව අනුරපුරයේ වැඩ සිටියි.

(උපුටා ගැනීම අන්තර්ජාලයෙන්)

මුත්‍රාවල වර්ණයෙන් කියවෙන සැඟවුනු රෝග

පිපාසයට අවශ්‍ය තරම් ජලය පානය කරන්නේ කී දෙනාද? පිපාසය දැනෙන විටත් විජලනය ඇති වී අවසන් බව බොහෝදෙනා නොදනිති. ජලය පානය ගැන මෙන්ම මේ කාලයේ පිට කරන මුත්‍රාවල පැහැය ගැන ද අවධානය යොමු කළ යුතුය. එහෙත් ඒ තමන් ගත් ආහාර, පාන, ඖෂධ ගැන ද කල්පනාවෙනි. ආහාර පාන වර්ණක නිසා මුත්‍රා නිල් හෝ කොළ පැහැ විය හැකියි. මුත්‍රාවල ස්වභාවය ද පැහැය වගේම වැදගත්ය. පෙන හෝ බුබුළු සහිතව මුත්‍රා පිට වන්නේ අධික ලෙස කෙනෙකු ප්‍රෝටීන සහිත ආහාර ගත් විටය. එවිට ප්‍රෝටීන් අඩංගු ආහාර ගැනීම අවම කළ යුතුය. අධික ප්‍රෝටීන් ආහාරයක් නිසා වාගේම ආසාදන හේතුවෙන් ද පෙණනගියි. කෙසේ වුවත් මුත්‍රාවලින් පෙන්නුම් කරන සෑම පැහැයකම සැඟවුණු සෞඛ්‍ය රහසක් තිබේ. පැහැදිලි ලෙස මුත්‍රාහොඳින් පිටවන්නේ හොඳින් ජලය පානය කරන විටයි. එහෙත් මුත්‍රා පිට කිරීම උත්තේජනය කරන ඖෂධ ගත් විට ද පැහැදිලි වර්ණයෙන් මුත්‍රා පිටවෙයි. කෝපි, තේ පානය ද මුත්‍රා පිටවීම වැඩි කරයි. මේ ළා ක්‍රීම් පැහැයේ සිට ගඩොල් පැහැය ආදී වූ විවිධ පැහැයන්ගෙන් පිටවන මුත්‍රා ඔබේ සෞඛ්‍ය තත්ත්වය ගැන කියන රහසයි.සුදෝ සුදු පැහැය ඉතා හොඳින් විනිවිද පෙනෙයි – ඔබ ඉතා හොඳින් ජලය පානය කරන්නකි. ඇතැම්විට පමණටත් වඩා ජලය පානය කරන්නකු විය හැකි නිසා ජලය පානය තරමක් අඩු කළ ද කම් නැත.

ළා පිදුරු වර්ණය – නිරෝගීයි හොඳින් ජලය පානය කරයි. විනිවිද පෙනෙන කහ පැහැය – සාමාන්‍යයි. තද කහ – සාමාන්‍යයි. එහෙත් ඉක්මනින් ජලය පානය කරන්න. පැණි හෝ ඇම්බර් වර්ණය – සිරුරට ප්‍රමාණවත් තරම් ජලය නොලැබෙයි. සිරප් හෝ දුඹුරු පැහැය – අක්මා රෝගයක හෝ තදබල විජලනයේ ලකුණකි. මනාලෙස ජලය පානය කරන්න. දිගටම පවතිනවා නම් වෛද්‍යවරයකු හමුවන්න. රෝස හෝ රතු පැහැයට හුරු මුත්‍රා – බීට්රූට්, බ්ලූ බෙරීස් හෝ රුබාබ් මෑතකදී කෑමට ගත්තා ද? එසේත් නැත්නම් මුත්‍රාවලට රුධිරය මිශ්‍ර වී තිබිය හැකියි. වකුගඩු රෝගයක් වීමට ද පුළුවන. වකුගඩු රෝග, ගෙඩි, මුත්‍රා මාර්ගයේ ආසාදන, පුරස්ථි ග්‍රන්ථියේ ගැටලු හෝ වෙනත් හේතු බලපායි. දිගින් දිගටම රසදිය, ඊයම් විසවීම, රතු පැහැයෙන් මුත්‍රා පිටවීමට හේතුවකි. නියමිත හේතුව දැන ගැනීමට වෛද්‍ය උපදෙස් පැතීම ඉතා වැදගත් වේ. තැඹිලි පැහැය – ප්‍රමාණවත් තරම් ජලය පානය නොකරයි. අක්මා හෝ පිත් ගැටලුවක් විය හැකියි. ආහාර වර්ණක නිසාද තැඹිලි පැහැයෙන් මුත්‍රා පිට වේ. වෛද්‍ය උපදෙස් පතන්න. නිල් හෝ කොළ පැහැය – මෙය ඉතා දුබලය. කලාතුරකින් කෙනෙකුට සෑදෙන ජානමය රෝගයක් නිසා මුත්‍රා නිල් හෝ කොළ විය හැකියි. මුත්‍රා මාර්ගයේ බැක්ටීරියා ආසාදන ද මීට හේතුවෙයි. ආහාර වර්ණක, ඖෂධ ද වර්ණයට වගකිව යුතුයි. වහාම වෛද්‍ය උපදෙස් පතන්න. අක්මා ගැටලු ඇතිවිට මුත්‍රා කහ පැහැයෙන් පිටවීමට වාගේම සම, ඇස් කහ වීම ද දැකිය හැකියි. කලින් දින රාත්‍රියේ ගත් ආහාරවල වර්ණය පසු දින මුත්‍රාවල පැහැයට බලපායි. තද රතු පැහැයට මුත්‍රා පිටවීම අධික විජලනය නිසාද සිදුවෙයි.

අපේ වකුගඩුවලට ප්‍රධාන කාර්යයන් දෙකක් පැවරී තිබේ. එක් කාර්යයක් වන්නේ සිරුරේ විස, අපද්‍රව්‍ය පිට කිරීමයි. අනෙක් කාර්යය වන්නේ සිරුරේ ජල සමතුලිතතාව පවත්වා ගැනීමයි. නීරෝගීව ජීවත් වීමට මේ කාර්යයන් දෙකම වැදගත්ය. ඒ කාර්යයන් සිදුවීමට අප වකුගඩු සුවයෙන් පවත්වා ගත යුතුය. මුත්‍රාවල පැහැය අපට කියන්නේ වකුගඩුවල තත්ත්වයයි. කලාතුරකින් පිළිකා නිසා ද මුත්‍රා සමඟ රුධිරය පිටවෙයි. මුත්‍රාවල වර්ණය මෙන්ම ගන්ධය ද වැදගත්ය. සැර ගන්ධයක් මුත්‍රාවල සාමාන්‍යයෙන් නැත. එහෙත් මුත්‍රා ආසාදන හෝ මුත්‍රා ගල් ඇත්නම් ඇමෝනියා ගන්ධයක් නිකුත් වෙයි. දියවැඩියාවෙන් පීඩා විඳින අයට සීනි මුත්‍රා සමඟ පිටවන නිසා ප්‍රණීත පැණි රස සුවඳක් දැනෙයි. අතීතයේදී වෛද්‍යවරුන් මුත්‍රාවල රස බලා දියවැඩියාව ඇත්දැයි තීරණය කර තිබේ. සාමාන්‍යයෙන් කෙනෙකු දිනකට හයවරක්, අටවරක් මුත්‍රා පිට කිරිමට යයි. පානය කරන ජල ප්‍රමාණය අනුව එය තීරණය වෙයි. එහෙත් මුත්‍රාශය අධි ක්‍රියාකාරී වූ විට, මුත්‍රා මාර්ගයේ ආසාදන ඇති විට, මුත්‍රාශ බිත්තිය ප්‍රදාහයට, නොරිස්සුම් සහගත තත්ත්වයට පත් වී ඇතිවිට පුරස්ථි ග්‍රන්ථිය විශාල වී ඇති විට, ආඝාතය, පාකින්සන් රෝගය වැනි ස්නායු රෝග ඇති විට, දියවැඩියාවෙන් පෙළෙන විට නිතර මුත්‍රා පිට කිරීමට අවශ්‍ය වේ. සමහරුන්ට රෑ මැද මුත්‍රා පිට කිරීමට ඕනෑ වන අතර අලසකම නිසා මුත්‍රා බර තද කරගෙන තවදුරටත් නිදා ගනියි. එය මුත්‍රාශයේ නිරෝගී භාවයට බාධාවකි. මේ තත්ත්වය වළක්වා ගැනීමට නම් නිදා ගැනීමට පැය 3 -4 කට පෙර ජලය පානය නොකර සිටින්න. කෝපි, තේ වැනි කැෆේන් අඩංගු පාන ද නොගන්න.

චම්පිකා දීපානි රණසිංහ
(උපුටා ගැනීම අන්තර්ජාලයෙන්)

නූඩ්ල්ස් සහ පාස්තා වලින් හදාගන්න පුළුවන් රසවත් කෑම වර්ග 6ක්

මේ කියන්නෙ ගෙදර හදල ඉතුරු වෙන නූඩ්ල්ස්, පාස්තා වගේ දේවල් වලින් හදන්න පුළුවන් රස කෑම ටිකක් ගැන. ආයෙ ගෙදර ඉතුරු වෙන කිසිම දෙයක් ඔයාල අහක දාන එකක් නම් නෑ.

ෆ්‍රිටාටා – නූඩ්ල්ස්, පාස්තා, ස්පැගති වගේ ඕනම එකක් මෙහෙම හදන්න පුළුවන්. උදෑසන ආහාරයකට වගේම රෑකටත් ගැලපෙනව. අවශ්‍ය ද්‍රව්‍ය – පිසගත් නූඩ්ල්ස් කප් 2, බිත්තර 2, චීස් වෙජස් 2, ෆ්‍රෙශ් මිල්ක් මේස හැඳි 2, පාමසන් චීස්. බිත්තර වලට චීස් වෙජස් සහ ෆ්‍රෙශ් මිල්ක් එක් කර බ්ලෙන්ඩ් කරගන්න. නූඩ්ල්ස් ටික නන්ස්ටික් පෑන් එකක හෝ බේක් කළ හැකි ට්‍රේ එකක දමා තුනී කරගන්න. බ්ලෙන්ඩ් කරගත් බිත්තර මිශ්‍රණය නූඩ්ල්ස් උඩින් වත් කර එයට උඩින් පාමසන් චීස් ඉස ගන්න.
බේක් කරනවා නම් සෙල්සියස් 180ට විනාඩි 15-20ක් හෝ පෑන් එකේ දමා ලිපේ පිස ගන්නවා නම් හොඳින් රත් වෙන පියනකින් වසා අඩු ගින්දරේ විනාඩි 20ක් පමණ වේලා පිසගන්න.

නූඩ්ල්ස් පුඩින් – එළවළු දාල තෙම්පරාදු නොකරපු, තැම්බුවට පස්සෙ වැඩියි කියල හිතුන නූඩ්ල්ස් වලින් මේ පුඩින් එක හදන්න පුළුවන්. අවශ්‍ය ද්‍රව්‍ය – නූඩ්ල්ස් කප් 3, බිත්තර 6, ෆ්‍රෙශ් මිල්ක් කප් 2, සීනි රස අනුව, කැරමල් කරගැනීමට වෙනම සීනි ටිකක්, වැනිලා ස්වල්පයක්. නූඩ්ල්ස් ටික පොඩියට කපාගන්න. බිත්තර සහ සීනි වලට ෆ්‍රෙශ් මිල්ක් එකතු කරන් හොඳින් බීට් හෝ බ්ලෙන්ඩ් කරගන්න.බ්ලෙන්ඩ් කරගත් බිත්තර මිශ්‍රණයට නූඩ්ල්ස් සහ වැනිලා එක් කරගන්න. සීනි ටිකක් වතුර ස්වල්පයක් එක් කර කැරමල් කරගෙන බේක් හෝ ස්ටීම් කළ හැකි භාජනයක අඩියට දමා ගන්න.එයට සාදාගත් මිශ්‍රණය එක් කර ෆොයිල් එකකින් කවර් කර ස්ටීම් හෝ බේක් කරගන්න. බේක් කරනවා නම් සෙල්සියස් 200ට විනාඩි 40-50ක් අතර කාලයක් ගත වෙනව.

ෆ්‍රයිඩ් නූඩ්ල්ස් බෝල්ස් – ස්නැක් එකකට නියමයි. හවසකට තේ බොන්න වගේම පොඩි බඩගින්නක් නිවාගන්න රසවත් කෑමක්. අවශ්‍ය ද්‍රව්‍ය – පිසගත් නූඩ්ල්ස් කප් එකක්, තම්බා පොඩි කරගත් අල ගෙඩි 2, මොසරැල්ලා චීස් ටිකක් (අවශ්‍යම නෑ), රස අනුව ලුණු ගම්මිරිස්, බිත්තරයක්, පාන් පිටි මේස හැන්දක්. සියල්ලම එකට දමා හොඳින් අනාගන්න. කුඩා බෝල සාදාගෙන පැයක් පමණ ශීතකරණයේ තියාගන්න. ගැඹුරු තෙලේ රන්වන් පාට වනතුරු බැදගන්න.

නූඩ්ල්ස් කැසරෝල් – රෑ කෑමකට කියාපු ඩිශ් එකක්. හදලම බලන්නකො රස. අවශ්‍ය ද්‍රව්‍ය – පිසගත් නූඩ්ල්ස්, වතුර ඉවත් කරගත් ටූනා හෝ සැමන් පොඩි ටින් එකක්, ෆ්‍රෙශ් ක්‍රීම් කප් එකක්, කැමති චීස් වර්ගයක් නූඩ්ල්ස්, ටූනා සහ ෆ්‍රෙශ් ක්‍රීම් එකට මිශ්‍ර කරගන්න. එය බේක් කළ හැකි භාජනයකට දමා උඩින් චීස් ඉස සෙල්සියස් 180ට විනාඩි 20ක් බේක් කරන්න.

නූඩ්ල්ස් නෙස්ට්ස් – පොඩි බඩගින්නට වගෙම පාටියකට උනත් මේක තියන්න බැරිකමක් නෑ. අවශ්‍ය ද්‍රව්‍ය – පිසගත් නූඩ්ල්ස් කප් 1, බිත්තරයක්, තක්කාලි සෝස් මේස හැඳි 3ක්, මැදට පිරවීමට චීස් හෝ කැමති පිරවුමක් (කට්ලට් පිරවුම උනත් පුළුවන්), නූඩ්ල්ස් වලට පිරවුම හැර අනික් සියල්ල එක් කර හොඳින් මිශ්‍ර කරගන්න. මෆින් ට්‍රේ එකකට බටර් තවරා නූඩ්ල්ස් මිශ්‍රණය එයට දමා කප් එක වටේට අතින් සකසා ගන්න. විනාඩි 10ක් සෙල්සියස් 200ට බේක් කර එළියට ගන්න. පිරවුම එක් කර නැවත විනාඩි 15ක් බේක් කරගන්න.

නූඩ්ල්ස් සුප් – ඉතුරු උන නූඩ්ල්ස් එක් කරල රසවත් සුප් එකක් හදාගන්නත් පුළුවන්. තමන් කැමති විදියට සැරට උකුවට පොඩ්ඩක් දේවල් එහෙ මෙහෙ කරගන්න. අවශ්‍ය ද්‍රව්‍ය – පිස ගත් නූඩ්ල්ස් කප් 1, ඉඟුරු අඟලක කෑල්ලක්, සුදුළූණු බික් 2ක්, සැල්දිරි ඉත්තක්, චිකන් ස්ටොක් කප් 3, බිත්තර 2ක්, ස්වීට් කෝන් කප් 1/2, කොටු කපාගත් කැරට් ටිකක්, කෝන් ෆ්ලා ස්වල්පයක්. බටර් ස්වල්පයක් රත් වෙන්න හැර එයට ඉඟුරු, සුදුළූණු සහ කැරට් එක් කරගන්න. මදක් තෙම්පරාදු වෙන්න හැර ස්වීට් කෝන් සහ චිකන් ස්ටොක් එක් කරගන්න.වැඩි ගින්දරේ උතුරවා ගන්න. උතුරන විට නූඩ්ල්ස්, සැල්දිරි සහ බිත්තර එක් කර වේගයෙන් මිශ්‍ර කරගන්න. බිත්තර තරමක් කැදලි වූ පසු ගින්දර අඩු කර කෝන් ෆ්ලා ස්වල්පයක් එක් කර කැමති ප්‍රමාණයට උකු බව සකසා ගන්න. පිසගත් නූඩ්ල්ස් එක් කරන නිසා ලුණු අවශ්‍ය පරිදි එක් කර උණුවෙන්ම රස බලන්න.

(උපුටා ගැනීම අන්තර්ජාලයෙන්)

ඇසේ සුද ඉවත්කර ගන්න කරුංකා වලින් හදාගන්න පුළුවන් ඉපැරණි හෙළ ඔසුවක්

ඇසේ ඇතිවෙන සුද අද සමාජයේ වැඩි වශයෙන් දක්නට ලැබෙන මෙම රෝගී තත්වය නිසා දුක් විඳින විශාල පිරිසකගේ හිතසුව පිනිස මෙම හෙළ ඔසුව ඔබ වෙත ගෙන එන්නෙමග ඔබ දන්නා අයට මෙය කියාදී ඇස් දන්දුන්නා හා සමාන පුණ්‍ය කර්මයකට දායක වන්න.මෙම ඔසුවද අප විසින් ඔබ වෙත ගෙන එන්නේ අප කල්‍යාණ මිත්‍ර වහරක අභයරතනාලංකාර නායක ස්වාමීන් වහන්සේ විසින් මිනිසුන්ගේ හිත සුව පිනිස දේශනා කරන ලද නිසාවෙනි. එසේ හෙයින් උන් වහන්සේටද අපි ප්‍රතමයෙන් පුණ්‍යානුමෝදනා කරමු.

ඇසේ සුද නැමති රොග තත්වය ඇති වන්නේ ශරීරයේ සෙම විශ විම නිසාය. මෙම තත්වය ශරීරයේ ඇති ඉතාම සංවේදී ඉන්ද්‍රය වන ඇසට ඉතා ඉක්මනින්ම බලපායි. මෙම තත්වයට හේතු වන්නේ අප ගන්නා ආහාරවල සහ පරිසරයේ ඇති විෂ ශරීර ගත වූ පසු ඒවා නිසායාකාරව ශරීරයෙන් බැහැර කිරීමට අපොහොසත් වීම නිසාය. අවසානයේ මෙම තත්වයටද හේතු වන්නේ අපගේ බහිශ්‍රාවීය පද්ධතිය අකර්මණ්‍ය වීමයි. පෙර වෛද්‍යවරුන් කිසියම් බෙහෙතක් රෝගියෙකුට ලබාදීමට පෙර විරේක කිරීම සිදුකලේ මේ හේතුව නිසාය. කෙසේ නමුත් දැන් සියල්ල සිදුවී හමාරය’ අපට ඇත්තේ මේ සිටින තැනින් ඉදිරියට යෑමට අවශ්‍ය පසුබිම සකස් කරගැනීමය.

ඇසේ සුද ඇති වීමට ඉහත කී සෙම විෂ වීමට අමතරව තමා විසින් පෙර කල කර්ම, හතලිස් ඇඳිරිය, වයසට යෑම නිසා ඇතිවන අන්ධ භාවය වැනි දේ ද හේතු විය හැකිවේ. කෙසේ නමුත් සියයට 50 කට වැඩි පිරිසකට මෙම තත්වයට හේතු වන්නේ සෙම විෂ වීම යි. කෙසේ නමුත් අප මෙහිදී ඉදිරිපත් කරන ඖෂධය මේ මොනයම් හෝ හේතුවක් නිසා හෝ පෙනීමේ දුර්වල තාවයක් ඇති අයෙකුට වුවද පාවිච්චි කලාට අගුණයක් නැත. සියළු දෙනාටම මෙයින් සහනයක් වනු නිසැකය. මේ සඳහා අවශ්‍ය ඖෂධ වන්නේ ලෙලි ගසා ගත් කරුංකා ගෙඩි කිහිපයක් පමණි.

සාදන ආකාරය
හොඳින් පදම් වූ යකඩ කබලක් සොයාගන්න. ගෙවල් වල තියෙන පරණ තාච්චියක් වැනි දෙයක් සුදුසුයි. කබල රත්වෙන්නට තබා කරුංකා ගෙඩි කිහිපය එයට දමා ගිණිියම් වන තුරු සිටින්න. කරුංකා ගෙඩි ගිණියම් වූ පසු බිමට බා ගන්න. දැන් නිවෙන්නට තබා පසුව හොඳින් කුඩු කර ගන්න. මෙම කුඩු පිරිසිදු බෝතලයක දමා වසා තබන්න.

පාවිච්චි කරන ආකාරය
රාත්‍රී නින්දට යන්නට පෙර කකුල් දෙක හොඳින් සෝදාගන්න. අප කලින් සාදාගත් කරුංකා අඟු‍රු තේ හැඳි භාගයක් පමණ ගෙන රෝගියාගේ සුද ඇත්තේ වම් ඇසේ නම් දකුණු කකුලේද, දකුණු ඇසේනම් වම් කකුලේද මාපටැඟිල්ලේ මුලට තබා රෙදි කඩකින් බඳින්න. කකුල් දෙකේම මාපට ඇඟිලි වලට බැන්දාට වරදක් නැත. මෙය පසුදා උදෑසන වන තුරු තබා ගලවා දමන්න.

ඇසේ අතිවන සුදට කකුලට වෙදකම් කරන්නේ ඇයි දැයි කෙනෙකුට පැණයක් මතුවිය හැකිය. අසේ ඇති ස්නායු වලට සම්බන්ධ නිල කකුලේ මාපට ඇඟිලි තුඩු වල ඇත. එසේම වම් ඇස සම්බන්ධවන්නේ දකුණු කකුලේ මාපට ඇඟිල්ලත් සමගය. දකුණු ඇස සම්බන්ධ වන්නේ වම් කකුලේ මාපට ඇඟිල්ලත් සමගය. මේ ආකාරයට මාස තුනක් පමණ දින පතා රාත්‍රියට මෙම සත්කාරය කරන්න. වෙනස ඔබටම දැනගත හැකිය. මෙම ඉපැරණි ඔසුව මගින් කරන්නේ කකුලේ ඇති නිල හරහා ඇසේ පටල වෙත අඟු‍රු වල ඇති විෂ නසන සුළු ශක්තිය ගෙන යාමයි’ එමගින් ඇසේ පටල වල ඇති විෂනසා ඇස නීරෝගී මත් කිරීම මෙමගින් සිදුවේ.

(උපුටා ගැනීම අන්තර්ජාලයෙන්)

පිරුණු සුන්දර කෙස් කලඹකට ගෙදරදිම හදාගත හැකි ස්වාභාවික ෂැම්පු වර්ග 15 ක් මෙන්න

ලස්සනට ඉන්න හැම කෙනෙක්ම කැමතියි. සමේ පැහැපත් බව ගැන විතරක් නෙමෙයි කොණ්ඩෙ ගැනත් අපි එකසේ අවධානය යොමුකළ යුතුයි. වෙළඳපොලෙන් ඕනෑ තරම් ෂැම්පු වර්ග මිළ දී ගන්න තිබුණත් ඒවා පාවිච්චි කළ පසු කාලයත් සමඟ නොයෙකුත් ගැටළු වලට මුහුණ දීමට සිදුවෙනවා. ඔවුන් කොහොම ස්වභාවිකයි කිව්වත් නැවුම් ගතියක් නැති නිෂ්පාදිත ද්‍රව්‍ය වල කොහෙන් ගුණවත් බවක්, ස්වාභාවික ගතියක් අරගන්නද? ගෙවත්තේ තියෙන ගස් වැල් වලින් හොයාගන්න පුළුවන් දේවල් එකතුකරගෙන ගෙදරදිම පහසුවෙන් ෂැම්පු හදන්න පුළුවන්. ඉතා කෙටි කාලයක් තමයි මේ හැමදේකටම වැයවන්නේ. ශරීරයට හිතකර ෂැම්පු වර්ග ගෙදරදිම හදාගන්නේ මෙන්න මෙහෙමයි..

පෙනෙල කොළ ටිකක් අරගෙන කොටලා ඒ යුෂට බිත්තර සුදුමද එකතු කරලා ෂැම්පු එකක් විදිහට හිසේ ගාන්න. ටික වෙලාවක් තියලා සෝදලා හරින්න. කෝමාරිකා වල මදය සූරාගෙන බ්ලෙන්ඩ් කර එයට භාගෙට තම්බා ගත් උළුහාල් දමා හොඳින් මිශ්‍ර කරන්න. ඉන්පසු එම ආලේපය හිසේ සහ හිසකෙස් වල ආලේප කර විනාඩි 20 ක් පමණ සිට සෝදා හරින්න. ගොඩපර ගෙඩිවල ඉස්ම ගෙන එයට භාගෙට තම්බාගත් උළුහාල් එකතුකර එය හොඳින් මිශ්‍ර කරන්න. පසුව එය හිසේ ආලේප කර විනාඩි 20 ක් තබා සෝදා හරින්න. පොල්කිරි ස්වල්පයක් ගෙන එයට යෝගට්, බිත්තර සුදුමද එකතුකර මිශ්‍ර කරගන්න. එලෙස සාදාගත් මිශ්‍රණය හොඳින් හිසකෙස් වල හා හිස්කබලේ ආලේප කරන්න. ගොටුකොළ ස්වල්පයක් ගෙන එය හොඳින් අඹරා යුෂ ලබාගන්න. එයට යෝගට් දමා කලවම් කර ආලේප කරන්න. විනාඩි 10 කට පසු සෝදා හරින්න. ගොටුකොළ යුෂට බිත්තර සුදුමද දමා කලවම් කර හිසකෙස් වල හා හිස්කබලේ ආලේප කරන්න. විනාඩි 20 කට පසු සෝදාහරින්න. වෙරළු කොළ ටිකක් ගෙන කොටා භාගෙට තම්බාගත් දෙහි ගෙඩියක් දමා කලවම් කරගෙන ආලේප කරන්න. ආලේප කර විනාඩි 20 කට පසු සෝදාහරින්න. පේර කොළ කොටා ඉස්ම ගෙන එයට ඔලිව් තෙල් හා බිත්තර සුදුමද, දෙහි, භාගෙට තැම්බූ උළුහාල් එකතුකර බ්ලෙන්ඩර් කරගන්න. එම මිශ්‍රණය හිසේ ආලේප කර විනාඩි 25 ක් පමණ තබා පසුව සෝදා හරින්න.

කරපිංචා යුෂ, යෝගට් සමඟ එකට බ්ලෙන්ඩ් කර මිශ්‍රණය සාදාගන්න. පසුව එය හිසේ ආලේප කර සෝදාහරින්න. බිත්තර සුදුමද 03 කට මීපැණි මේස හැඳි 02 ක් එකතුකර හොඳින් කලවම් කරගන්න. පසුව එය හිසකෙස්වල හා හිස්කබලේ ආලේපකර ටික වෙලාවකට පසු සෝදන්න. බිත්තර සුදුමද 02 ක් හෝ 03 ක් ගෙන එයට උණුසුම් වතුර ස්වල්පයක් එකතුකර කලවම් කරන අතරතුර එයටම ඔලිව් තෙල් බිංදු 03 ක් පමණ එකතුකර මිශ්‍ර කරගන්න. එම මිශ්‍රණය හිස්කබලේ සහ හිසකෙස් වල ආලේප කර පසුව සෝදාහරින්න. බිත්තර 02 ක් ගෙන එයට ලෙමන් යුෂ මේස හැඳි 02 ක් හා මීපැණි මේස හැඳි 01ක් කලවම් කරන්න. ඒ අතරතුර ඔලිව් තෙල් බිංදු 03 ක් කලවම් කර හොඳින් මිශ්‍රකර හිසකෙස් වල හා හිස්කබලේ ආලේප කරන්න. බිත්තර සුදුමද 03 කට බේකින් සෝඩා මේස හැඳි 01 ක් මිශ්‍රකර එය හිසේ ආලේප කරන්න. පසුව හොඳින් සෝදාහරින්න. හොඳින් ඉදුණු අලිගැටපේර ගෙඩියක මදය හොඳින් බ්ලෙන්ඩ් කරගන්න. පසුව එයට බේකින් සෝඩා මේස හැඳි 01 ක් හා වතුර ස්වල්පයක් එකතුකර හොඳින් කලවම් කරගන්න. හිසකෙස් වල හා හිස්කබලේ ආලේප කර ටික වෙලාවක් තබා සෝදාහරින්න. ලෙමන් ගෙඩියක් හා පිපිඤ්ඤා ගෙඩියක් ගෙන පොත්ත ඉවත්කර හොඳින් බ්ලෙන්ඩ් කරගන්න. එම මිශ්‍රණය හිස්කබලේ සහ හිසකෙස් වල ආලේප කර පසුව හොඳින් සෝදාහරින්න.

තොරතුරු :- රූපලාවණ්‍යය ශිල්පිනී රංජනී ගුණරත්න, සැකසුම :- හෙළ අරණ™️

දෝෂ නැතිව නිවසට ජනෙල් තියන නිවැරදි ක්‍රමය මෙන්න

ජනේල යනු ගෘහයක අභ්‍යන්තර පරිසරයත් බාහිර පරිසරයත් සම්බන්ධීකරණය කරන්නා වූ එක්‌ මාර්ගයකි. මූලික වශයෙන් නිවස තුළට අවශ්‍යවන ආලෝකය , උෂ්ණත්වය හෙවත් තාපය සහ වාතාශ්‍රය ලබා ගැනීමට මෙම මාර්ගය හේතුවෙයි. උෂ්ණත්වය පිළිබඳ විශේෂය වන්නේ වහල් පලය හැරුනු විට නැගෙනහිර දිශාවට සහ බටහිර දිශාවට පවතින ජනෙල් කවුළු වේ. නැගෙනහිර දිශාවට ඇති කවුළු තුළින් උදයේ ගලා එන හිරු රැස්‌ චණ්‌ඩ නොවන අතර, රාත්‍රි කාලයේ සිසිල්ව තිබුණු නිවසට අවශ්‍ය දෙයක්‌ම වේ.

නමුත් සවස්‌ කාලයේ බටහිරින් එන හිරු රැස්‌ දහවල උෂ්ණත්වයෙන් යුතුව තිබුණු නිවසට ගෙන එන්නේ අනවශ්‍ය චණ්‌ඩ බවකි. එබැවින් මේ දෙපැත්තේ ඇති ජනේල උසස්‌ දැනුමක්‌ ඇති වාස්‌තු විද්‍යාඥයකු විසින් මනා ලෙස සැලසුම් කළ යුතු වේ. මෙය කළ යුත්තේ ප්‍රදේශය, ගෘහය පවතින ස්‌ථානය, භූමි ස්‌වභාවය රුක්‌ රෝපණය, සුළං මුවාව ආදී කරුණු රාශියක්‌ නිරීක්‍ෂණය කිරීමෙනි. ජනෙල් තැබීමේදී ඇති තවත් විශේෂත්වයක්‌ වන්නේ නිවසේ අලංකාරය සහ ආරක්‍ෂාව ද එයින් බලාපොරොත්තුවක්‌ වන බැවිනි.

බිත්තියකට තබන ලද ජනේලය අනුව එම බිත්තියට යම් ශක්‌තියක්‌ ද ලැබේ. ජනෙල් සංඛ්‍යාව වැඩි වුවොත් බිත්තියේ ශක්‌තිය හීන වනු ඇත. ජනෙල් සංඛ්‍යාව අඩු වූ විට බිත්තිය ශක්‌තිමත් වනු ඇත.

නිවසකට තබන ලද ජනෙල් පුරුෂ පාද, ස්‌ත්‍රී පාද සහ නපුංසක පාද යනුවෙන් නම් කර ඇත. පුරුෂ පාදයේ තබා ඇති බිත්තිය ශක්‌තිමත් ය. ස්‌ත්‍රී පාදයේ ජනෙල් තබා ඇති බිත්තිය ශක්‌තියෙන් තොරය. නපුංශක පාද ජනේලයක්‌ පිහිටන ස්‌ථානය අනුව දොaෂ සහිත වේ.

පුරුෂ පාද ජනෙල් – නිවසක බිත්තියේ අඩි 3, 4, 5 දුරින් තවත් ජනේලයක්‌ තබා නැත්නම් එවැනි ජනෙල් පුරුෂ පාද ජනෙල් වන අතර ඒවා ශුභ පාද ජනෙල් ය. කාමරවල බිත්තියකට මෙම ජනෙල් තැබීම ශුභ පල ගෙන දෙයි.

ස්‌ත්‍රී පාද ජනෙල් – නිවසක බිත්තියේ අගල් 6 සිට 12 අතර පරතරය සිටින අයුරින් ජනේල තබා ඇත්නම් බිත්තිය ශක්‌තිමත් බවින් අඩු වන අතර ජනෙල් අතර පරතරය අඩු නිසා ඒවා ගැලවීමටඉඩ ඇත. එවන් ආකාරයට ජනෙල් තබා ඇත්නම් ඒවා ස්‌ත්‍රී පාද ජනෙල් ලෙස හඳුන්වයි.

නපුංසක පාද ජනෙල් – නිවසක බිත්ති මුල්ලක දෙපැත්ත අසුවෙන ආකාරට ජනේලයක්‌ තබා ඇත්නම් එම බිත්තියට මුල්ලක්‌ නොමැති අතර ඇත්තේ ලීයෙන් සෑදුන සම්බන්ධ මුල්ලකි. සමහර නිවෙස්‌වල උළුවස්‌සට සම්බන්ධ ජනෙල් සාදා ඇත. ඒවාද නපුංසක වර්ගයට අයත් ය. එම ජනෙල් අශුභය.

නිවසකට තිබිය යුතු ජනෙල් සංඛ්‍යාව – නිවසක ක්‍ෂේත්‍ර ඵලයෙන් 10 න් 1 ක්‌ සෑදෙන ප්‍රදේශයක්‌ වන සේ ජනෙල් තැබිය යුතුය.

ජනෙල් වලින් නිවසට ඇතිවන දෝෂ – යම් නිවසක අවශ්‍ය ප්‍රමාණයට වඩා ජනෙල් අඩු වුවොත් එයට අන්දක දොaෂය යනුවෙන් හඳුන්වයි. එම දෝෂය හේතු කොට ගෙන නිවැසියන්ට රෝග බෝවීම ආදිය ඇති වේ.

තවද ජනෙල් කවුළු නැති නිවස කාන දෝෂ සහිතයි. එම නිවැසියන් අන්ධභාවයට පත්වේ. අවශ්‍ය ප්‍රමාණයට වඩා ජනෙල් තබා ඇත්නම් එම නිවස දුක්‌වන්ත නමැති දොaෂයෙන් යුක්‌ත වේ. මෙම දෝෂය සහිත නිවසට විනාශ රාශියක්‌ ඇති වේ. නිවසක ජනෙල් වෙනුවට කවුළු තබා ඇත්නම් වැසි සුළං ආදියෙන් කරදර ඇති වේ. මෙය බහිරව දෝෂය නමින් හඳුන්වයි. ඒ නිසා නිවැසියන්ට කරදර සිදුවේ.

බිත්තියක ජනෙල් තබන උස – බිත්තියක විවිධ මට්‌ටම් වලින් ජනෙල් තැබීම වැරදිය. වාස්‌තු විද්යුනුකූලව ජනෙල් තැබිය යුත්තේ පොළොව මට්‌ටමේ සිට රියන් 1 1/2 ක උසකිනි.

නිවසක තැබිය යුතු ජනෙල් ගණන ඉරට්‌ටේ විය යුතුය. ජනේලයක්‌ වශයෙන් සලකනු ලබන්නේ ලී කඳන් 4 කින් යුත් උළුවස්‌සකි. ජෙනල් පියන් 1, 2, 3, 4, 5 ආදී වශයෙන් තිබුණ ද එය ගණන් ගනු ලබන්නේ එක ජනේලයක්‌ වශයෙනි.

තනි පියනේ ජනේලනිවසකට අගුනය. අවම වශයෙන් ජනේලයකට පියන් දෙකක්‌වත් තිබිය යුතුය. ලී කඳන් දෙකක්‌ මූට්‌ටු කර ජනෙල් කඳන් සෑදීම නොකළ යුතුය. තනි ලී කඳෙන් ජනේලය සැදිය යුතුය. ජනේලය සාදන ලී එකම වර්ගයේ වීම සහ එකම ඝනකමකින් ද යුතු වීම හොඳයි. උළුවස්‌සකට සම්බන්ධ කර ඇති විට එය එකක්‌ නොව ජනේලය සහ උළුවස්‌ස වශයෙන් දෙකක්‌ ලෙස සලකනු ලැබේ. දොරක පියන් විවෘත කරන්නේ නිවස තුළටය. නමුත් ජනෙල් පියන් විවෘත කරනු ලබන්නේ නිවසින් පිට පැත්තටය.

සමහර නිවෙස්‌වල ජනෙල් වෙනුවට බිත්තිවලට වීදුරු සවිකර ඇත. ඒවා ජනෙල් වශයෙන් සලකනු නොලැබේ. ජනේලයක්‌ යනු ලී රාමුවකින් සැදුන එකකි. ලී රාමුවක්‌ නොමැතිව බිත්තියට පියනක්‌ සවි කළ ද එය ජනේලයක්‌ නොවේ. කොන්ක්‍රීට්‌ වලින් සාදන ලද ජනෙල් ද යකඩ, ඇළුමිනියම් ආදියෙන් සාදන ලද ජනෙල් ද නිවසේ ජනෙල් ලෙස නොසැලකේ.

පරිසරයේ ඇති ශුභ ආකර්ෂණය නිවස තුළට ඇද ගැනීමට හැකියාව ඇත්තේ ලී වලින් සාදන ලද ජනෙල්වලට පමණි. ලී වල ඇති කුඩා ඉරි මගින් ශක්‌තිය උරාගනී. එම ශක්‌තිය නිවසට ලැබේ. ඒ නිසා ලී වලින් තොර වූ ජනේල ජනෙල් ලෙස නොසැලකේ. නිවසේ ජනෙල් දොරවල් වැසූවද නිවස තුළට වාතය ගලා ඒමට ජනෙල්වලට ඉහළින් වා කවුළු තැබීම පැරැණි අය අනුගමනය කර ඇත. මෙම වා කවුළු ලෑලිවලින් ලියවැල් වලින් ග්‍රිස්‌ කැට වලින් යොදා ඇත. මේවා ජනේලයට සම්බන්ධ නම් ජනෙල් ලෙස සලකනු නොලබන අතර සම්බන්ධ නැත්නම් ජනෙල් ලෙස සලකනු ලැබේ.

ජනේලයේ කන ජනේලය බිත්තියට සවි වීමට සාදා ඇති දෙයකි. මෙය ශක්‌තිමත් වීම සඳහා ලී ඇණයක්‌ ඇත. මෙය පීඩා නොවන අයුරින් වහලයේ යට ලී පරාල ගැසිය යුතුය. වහලයේ පරාල මේ කන්වලට එල්ල නොවිය යුතුය. කුරුසයක ආකාරයට වාතය ගමන් කරන අයුරින් ජනෙල් තැබීම අශුභ වන අතරම ගිනිකොන දිශාවට ජනෙල් තැබීම ද ඉතා අශුභයි.

(උපුටා ගැනීම අන්තර්ජාලයෙන්)

රැවටෙන්නේ නැතිව හොඳ මී පැණි හොයාගන්න නිවැරදි ක්‍රම

මී පැණි යෝගවාහී ගුණය (පහසුවෙන් ශරීරයේ ඕනෑම සියුම් නාලයක් තුලින් පවා ගලා යා හැකි) ඇති ඉතා වටිනා ඖෂධයකි, පානයකි. එහි පිරිසිදු භාවය සහ තත්වය මත ඖෂධීය ගුණයද අඩුවැඩි වේ. ඉතා උසස් තත්වයේ මී පැණි දුර්ලභය. ඒ නිසාම ඒවායේ මිලද අධිකය. මේ නිසාම බොහෝ විට වෙළදපොලේ තත්ත්වයෙන් බාල මී පැණිද විකිණිමට තිබේ. වත්මන් පරම්පරාවේ බොහෝ දෙනා නිවැරදි ලෙස හොද මී පැණි වෙන් කර හදුනා ගැනීමට නොදනි.

අනාදිමත් කාලයක සිට හෙළයා විසින් පුරුදු පුහුණු කල ක්‍රම වේදයන් ඇසුරෙන් හොද මී පැණි වෙන් කර හදුනා ගැනීමට යොදා ගත හැකි සරල පරීක්ෂණ කිහිපයක් මෙහි දක්වන්නෙමු. එය ඔබට අත්වැලක් වනු ඇත.

ගිනිකූරක බෙහෙත් තුඩ මී පැණියෙන් තෙමා ගැසූ විට ක්ෂණිකව දැල්වේ නම් ඒ මී පැණි හොද මී පැණි යැයි පිලීගැනේ. කන හුණු අල්ලේ තවරා ඒ මත මී පැණි ආලේප කර ඒ දෙක හොදින් කලවම් කල විට අතට මද රස්නයක් දැනේ නම් එයද හොද මී පැණි හදුනා ගැනීමේ ලක්ෂණයකි. පිරිසිදු මි පැණි සුනඛයන් නොකන බව කියනු ලැබේ. හොද මී පැණි පිරිසිදු ජල විදුරුවකට දැමූ විට කෙලින්ම පහලට ගමන් කරයි. ස්වල්ප වේලාවකින් දිය විම ඇරඹේ. පිරිසිදු මී පැණි සාමාන්‍යයෙන් බර වැඩිය. අමිශ්‍ර පිරිසිදු මි පැණි භාජනයක දමා හොදින් කට වසා සීල් කර තැබිය හැක. උතුරන්නේ නැත. කඩදාසියක් මතට දැමුවිට කඩදාසියට උරා ගැනීමක් සිදු නොවේ. ගින්නට දැමූ විට ශබ්ද නොනගාම ඉතා ඉක්මනින් දැවී යයි. දෙහි යුෂ, කන හුණු, මී පැණි මිශ්‍රකර තැටියක දමා ලිපේ තබා රත් කරමින් කූරු ගාන විට හොද මී පැණි දියරයක් සාදයි. සීනී හෝ වෙනත් පැණි වර්ග මිශ්‍ර කර ඇත්නම් මිශ්‍රනය ගල් වී බුල්ටෝ වැනි ඝන තත්ත්වයට පත්වේ. අර්ධ වශයෙන් විනිවිද පෙනෙන මිහිරි/මධුර රසැති මී පැණි හොදය. ආවේනික රසක් සහ සුවදක් හොද මී පැණි වලට ඇත.

(උපුටා ගැනීම අන්තර්ජාලයෙන්)

නිට්ටාවටම කොඳුඇට පෙළේ රෝග සුව කරන දේශීය පාරම්පරික සිංහල වෙදකම

පාරම්පරික වෛද්‍යවරුන් එදා සිට අද දක්‌වා තම කුල පරම්පරාවලින් තම දුවා දරුවන්ගෙන්, ශිෂ්‍යයන්ගෙන් පවත්වාගෙන එන මෙම විස්‌මිත වෛද්‍ය ශාස්‌ත්‍රය, තම පරම්පරාවලට, ආවේණික රෝගාබාධ සුව කිරීමේ විස්‌මිත වූ රහස්‌ ඖෂධ ක්‍රම, චාරිත්‍ර, දැක පුරුදු සහ කළ පුරුදු සහිතව පැවත එන්නෝය. එසේ පැවත එන්නා වූ එක්‌ අංගයකි ඇටහන්දි වෙදකම. කොඳුඇට ආශ්‍රිතව ඇති වෙනස්‌වීම්, දිරා යැම, ඇදවීම නිසා නොයෙක්‌ මාදිලියේ රෝග තත්ත්වයන් හටගනී.

එමඟින් එම අවස්‌ථා නිවැරදි නොකළේ නම් වාත රෝග අවස්‌ථාවට පත් වෙයි. නමුදු අප වාත රෝග අවස්‌ථාවට ප්‍රතිකාර කරමින් වේදනාව සමනය කිරීමට උත්සාහ දැරුවහොත් එය නිෂ්ඵල කාර්යයක්‌ වේ. දේශීය වෙදකමේ උගන්වනුයේ රෝග මූලයට අවශ්‍ය ප්‍රතිකාර කිරීමයි. කොන්දේ වේදනාව හටගන්නා විවිධ ක්‍රම, රෝග තත්ත්වයන් ඇත්තේය. අස්‌ථිවල වෙනස්‌ වීමකින් තොරව වකුගඩු ආබාධ, ආමාශගත රෝග, අන්ත්‍රගත රෝග, අක්‌මා රෝග, පිළිකා තත්ත්වයන්, අම්ලපිත්ත තත්ත්වයන් නිසාද කොඳු ඇට පෙළ වේදනාව ඇති වේ. දක්‌ෂ දේශීය වෛද්‍යවරයා තමා පාරම්පරිකව ප්‍රගුණ කළ නාඩි ශාස්‌ත්‍රීය දැනුමෙන් මේ කුමන ආකාරයේ රෝගාබාධයක්‌ දැයි හඳුනා ගනී. ඔහු ඒ සම්බන්ධව සමතෙකි.

මේ ලිපියෙන් විස්‌තර කිරීමට බලාපොරොත්තු වන්නේ කොඳුඇටවල වෙනස්‌වීමක සිදු වන වේදනාකාරී තත්ත්වය පිළිබඳව පමණි. අස්‌ථිවල වෙනස්‌වීම කීප ආකාරයකට ම විය හැකිය.ෙ කශේරුකා අස්‌ථි ආශ්‍රිත අතිරේක වැඩීම (Osteophytes), කශේරුකා අස්‌ථි දිරා යැම (Vertibra Degeneration), කශේරුකා අස්‌ථි පසෙකට තල්ලු වීම (Slip of Vertibra), කශේරුකා අස්‌ථි අතර අන්තර් කශේරුකා බිම්බ කොටස දිරාපත් වීම (Intervertertibral Disk Degeneration), කශේරුකා අස්‌ථි අතර අන්තර් කශේරුකා බිම්බ කොටස පසෙකට තල්ලු වීම (Slip of Intervertertibral Disk), අන්තර් කශේරුකා බිම්බ කොටස්‌ දිරාපත් වීම හෝ තල්ලු වීම නිසා ඇති වන කශේරුකා අස්‌ථි අතර පරතරය ළං වීම හෝ දුරස්‌ වීම.

කොඳුඇට පෙළට සිදු විය හැක්‌කේ ඉහත කාරණා එකක්‌ හෝ වැඩි ගණනක්‌ නිසා සිදු වන ආබාධ තත්ත්වයකි. මෙය කොඳුඇට පෙළේ ගි්‍රවි කශේරුකා කලාපයේද, පෘෂ්ඨ කශේරුකා කලාපයේද, කටී කශේරුකා කලාපයේද, ත්‍රික හා අනුත්‍රික කලාපයේද ඉහත සය ආකාරයෙන් එක්‌ හෝ ඊට වැඩි තත්ත්වයන් ගණනකින් විය හැකිය. මෙම ආබාධ තත්ත්වයන් පැමිණි කල කශේරුකා අස්‌ථි ආශ්‍රිතව පවතින ස්‌නායු තෙරපුම සහ ඇදීම හේතුවෙන් ස්‌නායු ක්‍රියාකාරීත්වය අඩපණ වීම සිදු වෙයි. අස්‌ථි පෙළෙහි ආබාධය සහිත අස්‌ථිය පිහිටන තැන අනුව පිහිටි ස්‌නායුවෙන් නියෝජනය වන ශරීර කලාපය මේ අනුව පීඩාවට පත් වෙයි.

ගෙලෙහි ග්‍රිවි කශේරුකා ආබාධ වූ කල අත් දෙකෙහි, උරහිස්‌, වැලමිට, ඇඟිලි ආදියේ හිරිය, වේදනාව, අප්‍රාණිකත්වය පවා ඇති විය හැකිය. නිදසුනක්‌ ලෙස ග්‍රිවි 4 සහ 6 වැනි අස්‌ථි (C4/C6) පීඩා වූ කල අත්, පාද සහ ශරීරයේ බොහෝ තැන්වල ඉහත රෝග තත්ත්වයන් ඇති විය හැකිය. පෘෂ්ඨ කශේරුකා 6 හා 9 ආදී අස්‌ථි (T6/T9) පීඩා වූ කල පීඩා වන ස්‌නායු මගින් පපුවෙන් පහළ බොහෝ ශාරීරික පද්ධතිවල ක්‍රියාවේ විකෘතිතා ඇති විය හැකිය. එසේම කටී කශේරුකා 3/4/5 (L3/L4/L5) අස්‌ථි වෙනස්‌වීම් වූ කල තුනටියෙන් පහළට ගෙන යන ස්‌නායු ක්‍රියාකාරීත්වය බිඳ වැටීමෙන් කකුල්වල අප්‍රාණිකත්වය, හිරිය, වේදනාව, කෙණ්‌ඩා පෙරළුම, දණහිස්‌ සන්ධියේ, වළලුකර සන්ධියේ, ඇඟිලිවල, විලුඹේ ආබාධ රැසකට ද මුල් වෙයි.

කෙසේ නමුත් අප විසින් රෝගියාගේ රෝග තත්ත්වයට වගකිවයුතු රෝග මූලය තෝරා ගෙන පළමුව එය නිවැරදි කළ යුතුයි. එසේ නොමැතිව රෝග ලක්‌ෂණවලට පමණක්‌ ප්‍රතිකාර කිරීමට යැමෙන් සිදු වන්නේ රෝග මූලයේ ආබාධය තව තවත් උග්‍ර අතට හැරීමෙන් රෝගියා ව්‍යාධි තත්ත්වයට පත් වීමයි. එසේ නම් පළමු පියවර විය යුත්තේ අස්‌ථිවල ඈත් වීමක්‌ හෝ අනිසි ළං වීමක්‌ සිදු වී ඇත්නම් ඒවා නිවැරදිව ස්‌ථානගත කළ යුතුය. නොවෙනස්‌ වන ලෙස බෙහෙත් බැඳිය යුතුය. අස්‌ථි දිරාපත් වී තිබේ නම් අස්‌ථි වර්ධක ඖෂධ බැඳිය යුතුය. කශේරුකා මඬල ලිස්‌සා යැමක්‌ ඇත්නම් අස්‌ථි නිවැරදිව ස්‌ථානගත කර කශේරුකා බිම්බ අභ්‍යන්තරයට නැවත අවශෝෂණය කිරීමට සමත් ඖෂධ බැඳ නිවැරදිව ස්‌ථානගත කළ යුතුය. එසේ නොමැතිව එම නිසා පීඩාවට පත් වූ ස්‌නායු ප්‍රකෘති ක්‍රියාකාරීත්වයට පත් කළ නොහැකිය.

අස්‌ථිවල නිරවද්‍යතාව සලසන තාක්‌ බොන බෙහෙතකින් පමණක්‌ ස්‌වයංක්‍රීයව අස්‌ථි නිවැරදි නොවේ. දේශීය පාරම්පරික චිකිත්සා ක්‍රමවල එන ඖෂධ ආලේපන මගින් පේශි හා අස්‌ථි බුරුල් කර හස්‌ත ක්‍රම උපයෝගී කර ගනිමින් අස්‌ථි ස්‌ථානගත කිරීමේ ක්‍රම උපයෝගි කර ගනිමින් නිවැරදිව ස්‌ථානගත කළ යුතුය. ඉන්පසු නිවැරදිව ස්‌ථානගත වූ අස්‌ථි ඒ ආකාරයෙන්ම ස්‌ථාවර වීමට ඖෂධ යෙදිය යුතුය. ඉන්පසු ද කාර්යය නිම නොවේ. රෝගියා පෙරදි කළ රැකියා කටයුතු සාමාන්‍ය ජීවිතයේ ක්‍රියාකාරකම් ඉටු කිරීමට අවශ්‍ය පරිදි අස්‌ථි පෙළ නම්‍යශීලී වීමට අවශ්‍ය ව්‍යායාම් කරවිය යුතුය. නිවැරදි වෛද්‍යවරයාගේ නිවැරදි මඟපෙන්වීමත් රෝගියාගේ සහ ඔහුගේ ආවතේවකරුගේ යුතුකම් සහ කැපවීමත්, වෛද්‍ය අවවාද නිසි ලෙස පිළිපැදීමෙනුත් නිත්‍ය සුවය ලබාගත හැකිය.

කොඳුඇට පෙළ අස්‌ථි නිවැරදි කිරීම සහ ප්‍රතිකාර කිරීමේදී අස්‌ථි සකස්‌ කිරීමම බොහෝ වගකීමක්‌ සහිත උත්තුංග කර්තව්‍යයකි. බටහිර වෛද්‍ය ක්‍රමයේදී පවා පැය ගණනක්‌ ගෙන ශල්‍යාගාරයක සිදු කරන කටයුත්තක්‌ ස්‌වාභාවික පරිසරයේදී සිදු කරන විට එය කොතරම් අසීරු දැයි හැඟෙනු නියතය. නමුදු විශ්මය එයයි. දේශීය පාරම්පරික වෛද්‍යවරයා පැවත එන ඉපැරණි පරම්පරාවලින් හෙළ අංගම් ශාස්‌ත්‍රයද චිකිත්සාවට උපකාර වන ලෙස උගන්වමින් පැවත ආවේ මෙවැනි කාරණා නිසාමය. ඒ තුළින් වෛද්‍යවරයාගේ ඉවසීම, සංවරය අත්පාවල සමතුලිත බව නම්‍යශීලිත්වය තහවුරු කළේය. එවැනි වෛද්‍යවරු අදටත් බොහෝ සිටිති. ඔවුන්ට අස්‌ථි, සන්ධි, නිල, මරු නිල සම්බන්ධ දැනීමද, සන්ධි කිරීම්, අවසන්ධි කිරීම්, ඇට එහා මෙහා කිරීම් සම්බන්ධයෙන්ද මනා දැනුමක්‌ සහ ඒවා ක්‍ෂණයෙන් වඩාත් නිවැරදි කිරීමට මෙන්ම රෝගියාටද නොදැනෙන නොසිතන නිමේෂයෙන් ඉටු කර දීමට ඔවුන් දක්‌ෂයෝය. මෙය දේශීය පාරම්පරික වෛද්‍යවරුන්ට ලොව මවිත කරවන්නට තිබෙන අවියක්‌ ද වන්නේය. ඔවුන්ට කොඳුඇට පෙළ සම්බන්ධව තිබෙන දැනුම් සම්භාරය ඉතාමත් විශිෂ්ටය. ඔවුන් සතුව සෑම අස්‌ථියක්‌ අස්‌ථියක්‌ පාසාම නිවැරදි කරන පාරම්පරික හස්‌ත ක්‍රම පවතී. ඒවා භාවිතයෙන් රෝගියා පීඩාවට පත් නොකර ක්‍ෂණයෙන් නිවැරදිව පිහිටීම් කිරීමටත් අවශ්‍ය ප්‍රතිකාර කිරීමේ දැනුම් සම්භාරය ද ඔවුන් සතු වෙයි.

අද කොන්දේ වේදනාවලින් පෙළෙන රෝගීන්ගෙන් අතළොස්‌සක්‌ හැරුණු විට අන් සියලු දෙනා අස්‌ථි සම්බන්ධ ඉහත දැක්‌වූ ප්‍රශ්න නිසා ඇති වූ කොන්දේ වේදනා නිසා පීඩා විඳින්නෝය. ඔබද තවදුරටත් කොන්දේ අස්‌ථි වෙනස්‌වීමකින්, දිරා යැමකින්, අන්තර් කශේරුකා බිම්බ වෙනස්‌ වීමකින් පෙළෙයි නම්, එම රෝග සම්බන්ධ තොරතුරු නොමිලේම ලබාදීමට සතියේ ඕනෑම දිනයක රාත්‍රි 7 න් පසු 0717666488 අංකයට කතා කර විස්‌තර දැනගැනීමේ පහසුව පවතී.

(උපුටා ගැනීම දිවයින පුවත්පතෙන්)

ග්‍රහ අපල දුරුවෙන්න නිවැරදිවම බෝධි පූජාවක් තියෙන විදිය දැනගන්න

ග්‍රහ අපල දුරුවීමටම පමණක්ම නොවෙයි සැපත ශාන්තිය වෙනුවෙන් බොහෝමයක් අය බෝධිපූජා පවත්වනවා. මේ ලිපියෙන් කියා දෙන්න අදහස් කරන්නේ නිවැරදිම බෝධිපූජාවක් සිදු කරන ආකාරයයි. කිසිඳු සැකයකින් තොරවම ග්‍රහ අපල වලට නිවැරදිවම මේ ආකාරයට බෝධිපූජාව දින 7ක් කරලම අපල සඵල කර ගන්න අත්විඳින්න.

උවමනා මොනවාද?
සත් වරක් පෙරාගත් පිරිසිදු පැන් කළ 7ක්, පැන් කළයට සඳුන් කුඩු, සැවැන්දරා කුඩු, පිච්ච මල්, පිණි දිය එක් කරන්න. පහන් 27ක්, බුලත් කොළ 63 ක්, පොල්මල් 1 ක්, ගිතෙල් සහ පොල්තෙල්, රතු කහ නිල් සුදු මල් වර්ග 9 ක්, සුදු කහ පැහැති කොඩි 7 ක්, නෙළුම් මල් 7 ක්, සුදු මල් මාලයක්, කපුරු සුවඳකූරු.

කොහොමද පේ වෙන්නේ?
බෝධි පූජාවක් කරන්න ඕන කියල හිතපු වෙලාවේ ඉදලම මේ කටයුත්තට සූදානම් වෙනවා නම් බොහෝමත් සාර්ථක වෙනවා මේ බෝධිපූජාව. පූජාභාණ්ඩ සියල්ල රැස් කරන මොහොතේ පටන්ම තමන්ට හෝ බෝධිපූජාව කරන තැනැත්තාට සෙතක් ශාන්තියක් අත් වේවා යන හැඟීමෙන්ම කටයුතු කල යුතු අතරම ජීවිතයේ ඇති අරිටු අපල දුරුවේවා යන අධිෂ්ඨානය වගේම සිත් ඇතුලෙන්ම මේ බෝධිපූජාව කෙරෙහි විශ්වාසයක් තියෙන්නම ඕන.

මේ ආකාරයට වර්ධනය කර ගත් ධනාත්මක සිතුවිලිත් සමඟම බෝධිපූජාව සිදු කරන බෝ මළුවට ගිහින් පලමුවෙන්ම බෝමළුව හොදින් පිරිසිදු කරන්න.සකස් කර ගත්තු පැන් කල වලින් ටික ටික බෝ මළුවටත් මල් ආසන වලටත් ඉසින්න. ඊට පස්සේ බෝධියට ඉදිරියෙන් මළුවේ එක පෙළට කව තුනක් ඇඳ ගන්න. කව තුන තුල බුලත් 21 බැගින් නෙළුම් මලේ හැඩයට අතුරන්න. මැද කවයේ පොල් තෙල් පහන් හතක්ද, ඊට දකුණු පසින් කවයේ ගිතෙල් පහන් හතක්ද, වම් පස කවයේ ගිතෙල් පහන් නවයක්ද පිළිවෙලින් දල්වන්න.

තෙල් මල් පහම් සුවඳුකූරු සමඟ සකස් කර ගත් වට්ටි 4ක් බෝමළුව සිව් කොණ තබා විෂ්ණු කතරගම සමන් විභීෂණ දෙවියන් සිහිකර ඒ වෙනුවෙන් ගිතෙලින් පහන් හතර දල්වන්න. බෝධියට මල්මාලා සහ කොඩි වැල් පළදවන්න.මල් වර්ග නවය මල් අසුනේ සහ බුලත් කව මත තැම්පත් කරන්න.කපුරු සුවඳ දුම් දෙන්න. සැමට යහපතක් සෙතක් ශාන්තියක් උදාවේවා යන චේතනාව පෙරදැරිව යහපත උදාවේවා යන අධිෂ්ඨානයෙන් භක්තියෙන් සුවඳ පැන් කල එකින් එක හිස මත තබා බෝසමිඳු වටා හත් වරක් ප්‍රදක්ෂිණා කොට බෝසමිඳුන් නාවන්න.

නෙළුම් මල් හත බෝ සමිඳුන් ඉදිරියේ තැම්පත් කොට පන්සිල් සමාදම් වී බුදුන් වැද බෝ සමිඳුන් වඳින්න. නවග්‍රහ සෙත් ශාන්තිය , ගාථා සජ්ගායනා කොට බෝ සමිඳුන් නමදින්න. අවසානයේ කරණීයමෙත්ත සූත්‍රය සජ්ගායනා කරන්න.බෝධි පූජාව බදාදාවකින් හෝ සෙනසුරාදාවකින් ආරම්භ කොට පුරා සතියක් පැවැත්වීමෙන් සියළුම අපල දුරු වේ ඒකාන්තයි.

මේ බෝධිපූජාවෙන් ඔබේ සියළුම අපල දුරු වේවා. ඔබටසෙතක් ශාන්තියක්ම අත් වේවා. ඔබේ සියළු යහපත් කටයුතු සාර්ථක වේවා.
ජය ශ්‍රී මහා බෝ සමිඳු පිහිටයි.

(උපුටා ගැනීම -සිංහළ වෙදකම)

අහිමි දරු සම්පත් හිමිකරගන්න රුවන්වැලි මහ සෑ රජුන්ට සුදු මල් වට්ටියක් පූජා කරන්න

අධ්‍යාත්මික ආලෝකය ලැබීමෙන් මිනිසා දේවත්වයට පැමිණේ. මිනිස් ජීවිතය බලාපොරොත්තු රහිත අවස්ථාවන්හි සැලකිය යුතු වෙනස්වීම්වලට පෙරළෙන්නේ මේ අධ්‍යාත්මික ආලෝකයේ බලයෙනි. සිරුරේ ජරා ජීර්ණත්වය, සිතෙහි පහළවෙන මමත්වයත් ජීවිතය ඉදිරියෙහි පවත්නා අන්ධකාරයත්, ක්‍රමයෙන් අමරණීයත්වයට, ඍජු බවට සහ ආලෝකයට හරවා ගැනීමට යෝග ධර්ම හැදෑරීම අවශ්‍ය වේ. මිනිස් සිරුර, සිත සහ ආධ්‍යාත්මය ක්‍රියාවෙහි යෙදෙන්නේ ඒ එකිනෙකට අනුරූපවූ ද්‍රව්‍ය, චෛතසික සහ ආධ්‍යාත්මික තලයන්හී යයි කල්පනා කල යුතුය.

දියුණු කල සිත මහත් බලයකි. ඉන් කල හැකි ක්‍රියා අතර රෝගීන් සුව කිරීම, ද්‍රව්‍යයන් වෙනස් කිරීම සහ සිත්හී පහලවන බිහිසුනු රූප නැති කිරීමද වේ. චෛතසික බලය ඉපදවූ තැනැත්තා ස්වකීය ආත්මය වැඩුනු මල් කැනක් මේන් පුබුදුවයි. ඔහු ආශ්‍රයට පැමිණෙන බොහෝ දෙන ඒ ආත්ම පුෂ්පයෙන් විහිදෙන සුවඳින් ප්‍රමුදිත වෙයි. ආත්මාලෝකය ලැබූවෙකු ආදර්ශයට ගැනීමෙන් පහත් දිවි පෙවෙතක් ඇත්තෙකුට වුවද ආධ්‍යාත්මික බලයක් ඇතිකර ගැනීමේ මාර්ග යට පිවිසිය හැක.

සමාධී සෙවණට දිනකට විශාල ප්‍රමානයක් දුරකථන ඇමතුම් ලැබේ. ඔවුන් සියළු දෙනාම මා හමුවීමට දැඩි කැමැත්තක් දක්වයි. නමුදු දිනයක්, වේලාවක්, වෙන් කරවාගෙන ඔබ මා හමුවන්නේ නම්, එය ඔබටත්, මටත් විශාල පහසුවක් බව දැනුම් දෙන්නේ ඉතා ගෞරවයෙනි. ඇතම් අය දුරකථන ඇමතුම් ලබා දී අසන්නේ දරු පිළිසිඳ ගැනීමකට නම් බෝධි පූජා තබන ආකාරය ගැනයි. එක් එක් අයගේ කර්මය සහ ඕරා ශක්තිය අනුව බෝධි පූජා පවත්වන ආකාරය සහ වත් පිලිවෙත් වෙනස් වේ- එසේම සජ්ජායනා කල යුතු පිරිත් ද වෙනස් වේ.

එන් දිනක් මා රාත්‍රියේ ලොව්තුරා බුදු පියානන් වහන්සේගේ ද්‍රෝනයක් වූ ධාතුන්වහන්සේලා නිදන් කර ඇති රුවන්වැලි මහ මළුවේ බවුන් වඩමින් සිටි යෙමි. ඒ අසල ම යුවලක් ඉතාම ශබ්දනගා ඉතිපිසෝ භගවා ගාථාව විශාල වාර ගනනක් සජ්ජායනය කරන ආකාරය මට ඇසුනි. භාවනාවෙන් ඔවුන් දෙදෙනා කුමක් සඳහා මෙම ගාථාව සජ්ජායනා කරන්නේදයි මා බැලුවෙමි. විවාහ වී වසර ගනණාවක් වුනත් ඔවුන්ට දරුසම්පත අහිමි වී ඇති බව මා වටහා ගතිමි. ඔවුන් දෙදෙනාට මා කථාකර සජ්ජායනය කල යුතු ගාථාව කුමක්ද කියා වටහා දුන්නෙමි. මාගේ ලිපිනය සහ දුරකථන අංකය පෙරත්ත කොට ඉල්ලා සිටියත්, මා එය ඔවුනට ලබාදුන්නෙ නොදුන්නෙමි.

ඔහු ලංකාවේ ප්‍රසිද්ද වාදන කන්ඩායමක වයලීන් වාදකයෙකි .ඔවුන්ගේ කර්ම ශක්තිය හීන වී පැතුම් ඉටුවන්නට රුවන්වැලි මහා සෑයට පූජා කටයුතු කරන ආකාරයද මම ඔවුනට කියා දුන්නෙමි. මා සජ්ජායනා කරන්නට ඔවුන්ට කියූ ගාථාව කියමින් රුවන්වැලි මහා සෑය වටේ පැදකුණු කරනවා දුටුවවෙමි. පසු කාලක රාත්‍රියකදී ඇය ගැබ්බරව සුදු මල් වට්ටියක්ද රැගෙන ස්වාමි පුරුෂයා සමග නැවත රුවන්වැලි මහා සෑය වදින්නට පැමිණ සිටිනවා දැකීම මගේ සිතට සතුටක් ගෙන දුනි. සුදු මල් වට්ටියක්, ලොව්තුරා බුදු පියානන් වහන්සේගේ ද්‍රෝනයක් වූ ධාතුන්වහන්සේලා නිදන් කර ඇති රුවන්වැලි මහා සෑයට පූජා කර ඔබගේ අහිංසක ප්‍රාර්ථනාව කරන්න. එය ඒකාන්තයෙන්ම ඉටු වේවි. ඔබගේ ඉල්ලීම ඉල්ලන්නට කලින් ඉතා පිරිසිදුව කල යුතු වත් පිලිවෙත් තිබෙන බවද ඔබ දත යුතුයි. පිහිටක් අවශ්‍ය ඔබට මා දුරකථනයෙන් පිළිතුරු නොදෙන බවත් ඔබගේ කර්ම ශක්තිය බලා එයට නිසි විසදුම් ලබා ගැනීමට මා හමුවිය යුතු බවත්, ඒ සඳහා දුරකථන ඇමතුමක් ලබා දී දිනයක් වේලාවක් වෙන් කරගෙන පැමිණෙන ලෙසත් ඉතා කාරුණිකව ඉල්ලමි.

තවද මා ශාස්ත්‍ර කියන්නෙකු නොවන බවද ඔබ සිතට ගත යුතුය- ඔබගේ ගැටළුවට මා විසදුම් සොයන්නේ භාවනාවෙන් බවත්, ඔබගේ පැතුම් ඉටුකර ගැනීමට නම් මා නියම කරන වත් පිලිවෙත් ඉතා ශ්‍රද්ධාවෙන් නිසි පිළිවෙලට ඔබ එය කල යුතු බවත් තරයේ මතක තබාගත යුතුයි. තවද“සමාධී සෙවණ ” තවත් එක් ශාස්ත්‍ර පොලක් නොවන බවත්, ඔබගේ ගැටළුව සත්‍ය ලෙසම මාහට පවසා ඔබගේ ඕරා ශක්තිය සහ කර්ම ශක්තිය පරීක්‍ෂා කිරීමෙන් අනතුරුව මා ලබාදෙන උපදෙස් අනුව වත් පිලිවෙත් ඉටු කිරීමෙන් සත්‍ය ලෙස ඔබගේ පැතුම් ඉටුවන බව කාරුනිකව දන්වමි. රෝගී පුද්ගලයා තුලිනුත් නිරෝගී පුද්ගලයා තුලිනුත් පින්වත් ඔබ දක්‍ෂ නම් කුසල් අකුසල් මූලයන්ගේ යථා ස්භාවය මතුකොට ගන්න. ඒ මතුකොට ගැනීම තුලම පින්වත් ඔබ සම්මා දිට්ඨියට පත්වීමට අවශ්‍ය කාරණා ජීවිතයට එකතු කොට ගන්න.

ඉහත කාරනය නිසාමයි රෝගියා දේව දූතයෙකු කියන අර්ථය ලොව්තුරා බුදු පියානන් වහන්සේ දේශනා කරන්නේ. ලොව්තුරා බුදු පියානන් වහන්සේ දේශනා කරනවා නිවන් මාර්ගයේ ගමන් කරන පිංවතා තුවාල වලට බෙහෙත් දැමීමට දැන ගත යුතුයි කියලා. මෙහිදී තුවාලය කියන්නේ ආයතන හයයි. මෙම තුවාල ඇතිකරගන්නේ අවිද්‍යාව කියන විසබීජයෙන්. ඇසෙන් රෑප දැක, කනෙන් ශබ්ද අසා, මනසින් සිතුවිලි සිතමින් අකුසල් අරමුනු ඇතිකර ගැනීමෙන් නිරතුරුවම අපි තුවාල වැඩි කරගන්නවා. සත්වයා කියන තුවාලය නිරතුරුවම වේදනා නැමති කෝටුවෙන් හෑරීමට ලක්කර ගන්නවා. අප අනුන්ගේ තුවාල සනීප කලත් ඇස කන නාසය නිසා භවයට ඔඩුදුවන තුවාල අපි ඇති කර ගන්නවානම් එය අපේ භව ගමනට රිදුම් දෙන තුවාලයක් වෙනවා.

එම දේශනාවේම ලොව්තුරා බුදු පියානන් වහන්සේ දේශනා කරනවා නිවන් මාර්ගයේ ගමන් කරන දක්‍ෂයා සුදුසු හොඳ තණ බිම් දැන ගත යුතුයි කියලා. මෙතනදී හොඳ තණ බිම් කියලා ලොව්තුරා බුදු පියානන් වහන්සේ හදුන් වන්නෙ ධර්මධර, විනයධර, මහා සංඝ රත්නයයි- කල්‍යාන මිත්‍ර ඇසුරයි. ඉහත හොඳ තණ බිම් ඇසුරු කිරීම තුලින් භවයට ඔඩුදුවන රිදුම් දෙන තුවාල සනීප කොට ගැනීමට හැකිය.

මහගොඩගේ යෝගී තුමා සුබනෙතින් ගෙනෙන විශේෂ ලිපිපෙළක් ඇසුරෙනි. මහගොඩගේ යෝගී තුමා සමාධී සෙවණ කැස්බෑව 076 3687 313 / 070 3391 162
(උපුටාගැනීම අන්තර්ජාලයෙන්)

උයනකොට ඇතිවෙන කුස්සියේ දුම, කුණු කසළ දුම, පිළිකා, හෘදයාබාධ ඇති කරයි

පිරිසුදු බවට ඩෙංගු අර්බුදයට පිළියමක් ලෙස කුණු කසළ පිලිස්සීම හොඳය. නමුත් පොලිතින් ප්ලාස්ටික් ‍ගේ අසල දමා පිලිස්සීම අවුරුදු 10 – 15 ක් කරන ගෘහණියකට ඉන් හෘදයාබාධ පිළිකා වැළඳීම පමණක් නොව මරණය ද ගෙන දීමට අවස්ථාව තිබෙන බව කිවයුතු ය. එමෙන් ම අනෙක් නිහඬ මාරයා වන්නේ අපේ මුළුතැන්ගෙයි ඇති දර ළිප් ය. දර ළිපෙන් එන දුම ආශ්වාස කිරීම ද මාරාන්තික බව අලුත්ම වෛද්‍ය පර්යේෂණ අනුව පැහැදිලිව පෙන්නුම් කර ඇත.

ලෝක සෞඛ්‍ය සංවිධානයේ වාර්තා අනුව වාර්ෂිකව දකුණු ආසියා කලාපයේ පුද්ගලයන් ලක්ෂ 16 ක් ‍මේ නිවස ඇතුළේ හා නිවස අවට නැඟෙන දුම නිසා මරණයට පත්වී ඇත. මින් වැඩි දෙනෙක් ගෘහණියන් බවට අනාවරණය වී තිබේ. අපේ රටේ වායු දූෂණය රටේ ප්‍රධාන සෞඛ්‍ය ප්‍රශ්නයක් බවට පත්ව තිබේ. කාබන් මොනොක්සයිඩ්, නයිට්‍රජන් ඔක්සයිඩ්, සල්පර් ඩයොක්සයිඩ්, ඕසෝන් හා අවලම්බිත අංශු අපේ වාතය බහුලව දූෂණය කරනු ලැබේ.

ප්‍රධාන ලෙස වායු දූෂණය වන්නේ බාහිර ලෙස සිදුවන වායු දූෂණයයි. ඒ අනුව කර්මාන්ත ශාලාවලින් හා වාහනවලින් බහුල ලෙස වායු දූෂණයක් සිදුවේ. අලුත් ම සංඛ්‍යා ලේඛන අනුව පසුගිය වසර තුන හතර ඇතුළත වාහනවලින් වන වායු දූෂණය ඉතාම ඉහළ නැග තිබේ. මෝටර් රථ ප්‍රවාහන දෙපාර්තමේන්තුව සඳහන් කරන්නේ පසුගිය වසරේ ‍සාමාන්‍යයෙන් දිනකට වාහන 1500 ක් පමණ ලියාපදිංචි කරන බවයි.

මේ අතර බාහිර පරිසරයේ නිවස අසල පොලිතින් හා ප්ලාස්ටික් හා කුණු කසල පිලිස්සීමෙන් භයානක විෂ කාරක පරිසරයට මුදා හැරීම සිදුවේ. එමඟින් ‍ඩයොක්සීන් ෆියුරාන් අවලම්බිත අංශු බහුලව පිටවෙන බව ද ඒවා මීටර් 100 ක් පවා ඈතට පැතිර යන බවත් කිව යුතුයි. ඒවා පිළිකා කාරකය. ඒ අනුව පොලිතින්, ප්ලාස්ටික්, රෙදි, ඊයම් කොළ, කුණු කසළ නිවාස අවට පිලිස්සීම ඉතා භයානක වායු දූෂණ තත්ත්වයකි.

ලෝක සෞඛ්‍ය සංවිධානයේ පර්යේෂණ අනුව පරිසර දූෂණ තත්ත්ව නිසා වසරකට පුද්ගලයෝ ලක්ෂ 32 ක් පමණ මරණයට පත්වෙති. නාගරික බාහිර වායු දූෂණය නිසා ආසියා කලාපයේ වර්ෂයකට මරණයට පත් වන පුද්ගලයන් ගණන ලක්ෂ 5 කි. ඊට අමතරව නිවාස අභ්‍යන්තර වායු දූෂණය නිසා හා පුද්ගලයන් ලක්ෂ 10 ක් පමණ මරණයට පත්වෙති.

ලෝක සෞඛ්‍ය සංවිධානය 2012 දී කළ සංගණනයකට අනුව වායු දූෂණය නිසා දකුණු ආසියානු කලාපයේ පමණක් පුද්ගලයන් ලක්ෂ 16 ක් පමණ මරණයට පත්වූ බවට වාර්තා කර ඇත. මේ අතර ලෝක සෞඛ්‍ය සංවිධානය පවසන පරිදි ලෝකයේ තවමත් පුද්ගලයන් බිලියන 3 ක් පමණ ජනතාව තම කුස්සියේ කටයුතු සඳහා දර භාවිතා කරති. ඉන් විශාල වායු දූෂණයක් මෙන් ම ගෘහණියන්ගේ ස්වසන පද්ධතියට ඉමහත් බාධා ඇතිවේ.

ශ්‍රී ලංකාවේ කර ඇති පර්යේෂණ හා ගවේෂණ අනුව නිවාස අසල සිදුවන වායු දුෂණය මාරාන්තිකය. නිවාස ඇතුළත ළිපේ දුම, මදුරු දඟර දුම හා හඳුන්කූරු දුම නිසා විශාල ජල දූෂණයක් ඇතිවේ. ඒ මඟින් පිටවන දුමේ අවලම්බිත අංශු බහුලව ඇත. කාබන් ඩයොක්සයිඩ්, කාබන් මොනොක්සයිඩ්,‍‍‍ ෆෝමැල්ඩිනයිඩ් මෙන් ම ඩයොක්සින් ෆියුරාන් යන වායු දූෂණ ද බහුලව ඇත.

ඊට අමතරව මදුරු දඟර දැල්වීම නිවාස ඇතුළත බහුලව වායු දූෂණයට ලක්වන හේතුවකි. අලුත් සමීක්ෂණ අනුව එක මදුරු දඟරයක් නිසා සිගරට් 135 කින් සිදුවන වායු දූෂණයක් සිදුවන බව වෛද්‍ය විශේෂඥයන්ගේ නිගමනය වී තිබේ. ඊට අමතරව හඳුන්කූරු පත්තු කිරීම හා දුම් ඇල්ලීම වැනි කටයුතු නිසා නිවාස ඇතුළත වායු දූෂණයක් ඇතිවේ.

අලුත් පර්යේෂණ අනුව දර ළිප් පත්තු කිරීමට භූමිතෙල්, පොලිතින් ආදිය යෙදීම නිසා මේ නිවස ඇතුළත පරිසර දූෂණය තවත් බහුල වෙයි. නිවාස ඇතුළත සිගරට් බීම ඉතා අහිතකර වායු දූෂණයක් ඇතිවෙන දෙයකි. ලෙඩ රෝග ඇති කරන වායු දූෂක වර්ග 39 ක් සිගරට්වල තිබේ. සිගරට්වල වැඩිපුර ඇත්තේ අවලම්බිත අංශුය. ඒ ප්‍රමාණය සියයට 81 කි.

නිවාසවල වායු දූෂණය නිසා ඇතිවන මරණිය ආබාධය හෘදය වස්තුව ආශ්‍රිත ආබාධයි. ඊට අමතරව තිබෙන පෙනහලු පිළිකා, ආඝාතය, ඇසේ සුද, දියවැඩියාව, ස්වසන රෝග ආදි දීර්ඝකාලීන ආබාධ වායු දූෂණයෙන් ද ඇතිවේ. රුධිර වාහිනී තුවාල වීම, කෙටිකාලීන ස්වසන ආබාධ ද මෙහිදී බහුලව සිදුවේ.

අලුත් ම සමීක්ෂණ අනුව මේ වායු දූෂණයෙන් එන දුම නිසා සිදුවන හෘදය ආශ්‍රිත රෝග තත්ත්වය කොලොස්ට‍රෝල්වලින් ඇතිවන රෝගී තත්ත්වයටත් වඩා භයානක වීමට පුළුවන.

බර අඩු දරු උපත්, මළ දරු උපත් ඇතිවීමට ද මෙම වායු දූෂණය හේතු වේ. ඊට අමතරව ඇඳුම, මුඛ පිළිකා ආදිය ද ඇතිවීමට මෙම වායු දූෂණය ප්‍රබල බලපෑමක් කරයි. මෙම ගැටලුවලට විසඳුම වායු දූෂණය අවම කිරීමයි. ඒ සඳහා වාහනවලින් පිටවෙන දුම අවම කිරීමට දැනට මෝටර් රථ ප්‍රවාහන දෙපාර්තමේන්තුව හා පරිසර අමාත්‍යාංශය වායු සම්පත් කළමනාකරණ ඒකකය කටයුතු රැසක් ක්‍රියාත්මක කරනු ලබයි. ඒ සමඟම කර්මාන්තවලදී සිදුවන පාරිසරික දූෂණය අවම කිරීමටත් මධ්‍යම පරිසර අධිකාරිය කටයුතු කරනු ලැබේ. ඒ සමඟම නිවාස අවට පොලිතින් හා ප්ලාස්ටික් පිලිස්සීම නවත්වා දැමීමටත් නිවාස ඇතුළත විශේෂයෙන් කුස්සියේ වායු සංසරණය වැඩි වන ලෙස කටයුතු කිරීමටත් ගෘහණියන් කටයුතු කළ යුතුය.

ඒ සමඟම කාර්යක්ෂම දර ළිප් භාවිතයත් නිවසේ වායු දූෂණය පිළිබඳව ගෘහණියන්ට, දරුවන්ට අවබෝධයක් ලබාදීමත් කළ යුතු ය. අලුත් ම පර්යේෂණ අනුව වායු දූෂණය වැඩිපුර අහිතකර වන්නේ තරුණ තරුණියන්ටත්, ගර්භණී මාතාවන්ට, කුඩා දරුවන්ට, වයස්ගත අයටය.

මේ අනුව සමස්ත ලෙස බලන විට වායු දූෂණයෙන් බලවත්ම ගැටලු ඇතිවන්නේ කුණුකසළ හා ළිපේ දුම මඟින් වන මාරාන්තික පරිසර දූෂණය නිසාය. ඒ අනුව රටේ සියලු දෙනා මේ පිළිබඳව දැඩි අවධානය යොමු කළ යුතු බව කිවයුතුය. එය වායු දූෂණය අවම කිරීමට වඩා ජීවිත ආරක්ෂාවට ගතයුතු පියවරකි. සෞඛ්‍ය අමාත්‍යාංශය, පරිසර අමාත්‍යාංශය හා මෝටර් රථ ප්‍රවාහන දෙපාර්තමේන්තුව දැනටමත් මෙරට වායු දූෂණය අවම කිරීමට කටයුතු රැසක් යොදා ඇත.

විශේෂයෙන් පරිසර හා මහවැලි අමාත්‍යාංශයේ වායු සම්පත් කළමනාකරණ ඒකකය මේ පිළිබඳව දැනුම්වත් කිරීමේ වැඩසටහනක් ක්‍රියාවට නංවා තිබීම ද අගය කළ යුතු ය.

(වායු සම්පත් කළමනාකරණ ඒකකය සංවිධානය කළ මාධ්‍ය වැඩමුළුවකදී කළ දේශනයක් ඇසුරෙනි.)
සෞඛ්‍ය අමාත්‍යාංශයේ ප්‍රජා සෞඛ්‍ය පිළිබඳ උපදේශක විශේෂඥ වෛද්‍ය ඉනෝකා ජයවීර, නිහාල් පී. අබේසිංහ

(උපුටා ගැනීම අන්තර්ජාලයෙන්)

පොල් සම්බෝල කෑවට පොල් සම්බෝලෙ තියෙන ගුණ ගැන දන්නවද?

සම්බෝල කියන්නේ ගොඩාක් ජනප්‍රිය කෑමක්. සම්බෝල වලට අකමැති කෙනෙක් හොයාගන්න නැති තරම්. ඒ තරමට අපිට සම්බෝල සමීප වෙලා තියෙන්නේ රස නිසා. ලූණු දාලා, පොල් දාලා,දෙහි දාලා කටට රසට අඹරලා කොටලා හදන සම්බෝලේ ගැන මතක් කරනකොටත් කටට කෙළ උණනවා. මේ තරම් සම්බෝල ජනප්‍රිය වෙලා තියෙන්නේ බහුලවම දකින්න පුළුවන් නිසා. ඉතා ලේසියෙන් හදාගන්න පුළුවන් වෙන නිසා ගොඩාක් දෙනෙකුට සම්බෝල කන්න පුළුවන්.බත්, පාන්, පිට්ටු, ඉඳි ආප්ප විතරක් නෙවෙයි ක්‍රීම් ක්‍රැකර් බිස්කට් එක්කත් සම්බෝල කන අය ඉන්නවා.මෙහෙම ලේසියෙන්ම හදාගෙන කෑවට සම්බෝල කියන්නේ ඇඟට ගුණදායක කෑමක් කියලා දන්නවාද?

සම්බෝල හදන්නේ පොල් වලින්. පොල් වල තියෙන පෝෂ්‍ය පදාර්ථ අරගෙන බැලුවොත්,සෝඩියම්, පොටෑසියම්, සංතෘප්ත මේදය, තියෙනවා. ඒ වගේම පොල් වල තියෙන තන්තුමය ස්වභාවය නිසා ආහාර දිරවීම පහසු කරනවා. රතුලූණු කියන්නේ සම්බෝල වලට අවශ්‍ය මයි.රතුලූණු කියන්නේ බැක්ටීරියා ඇතිකිරීම වළක්වන ආහාරයක් විතරක් නෙවෙයි, සිරුරට ඉතාම හිතකර ආහාරයක්.

සම්බෝල වලට ගන්න අනිත් වර්ගය තමය් මිරිස් කුඩු. මිරිස් කියන්නේ විටමින් ඒ බී සහ සී බහුල කෑමක්.ඒ වගේම සිරුරේ කොලස්ටරෝල් මට්ටම අඩුකරන්න මිරිස් කුඩු වලින් ලැබෙන්නේ පුදුම සහයක්. මේ සම්බෝලෙට ගම්මිරිස් එකතු කරගත්තම තවත් රසවත් වෙන බව අමුතුවෙන් කියන්න දෙයක් නෑ.ගම්මිරිස් කියන්නේ මලබද්ධය, පාචනය, කන් කැක්කුම, හර්නියා,හන්දිපත් වේදනා, වකුගඩු රෝග,පෙනහළු රෝග මේ හැම එකකටම ගුණදායක කෑමක්.

ලුණු නැතුව කොහොමටත් සම්බෝලයක් රසවත් වෙන්නේ නෑ.මේ නිසා ලුණුත් සම්බෝලයට එකතු කර ගන්නවා. අපි දන්නවා ලුණු කියන්න් රුධිර පීඩනයට,රුධිරයේ සීනි ප්‍රමාණය පාලනය කරන්න, ආදී වශයෙන් රෝගී තතවයන් ගණනාවකටම ප්‍රතිකර්මයක්. ඉතිං මේ සම්බොගෙට ලුණු එකතු වුනාම රස තරමටම පෝෂණීය ගුණය වැඩි වෙනවා.

ලුණු එක්ක එකටම එන අනිත් දේ තමයි දෙහි. දෙහි නැත්තං නාරං සම්බෝල වලට එකතු කර ගන්න එක අනිවාර්යයි. දෙහි අරගෙන බැලුවම සිරුරේ බර අඩු කරන්න, ඇස්වලට, මලබද්ධයට වගේම ආහාර දිරවීම පහසු කරන්නත් උපකාරී වෙනවා.

ඉතින් මේ සියළු ගුණාංග එක්ක තමයි සම්බෝල මේසෙට එන්නේ.වෙනදා වගේ රහ වැඩි නිසා කියලා හිතලා නෙවෙයි රස ගුණ දෙකෙන්ම ඉහළ නිසා සම්බෝල කන්න දැන් පුළුවන්.

(උපුටා ගැනීම අන්තර්ජාලයෙන්)

මේ විදියට යොගට් කෑවොත් ඉක්මනට බර අඩුකරගන්න පුළුවන්

වත්මන් සමාජයේ සැලකිය යුතු සංඛ්‍යාවක් අධික බරකින් යුතු හෝ තරබාරුකමින් යුතු වෙනවා. බොහොමයක් අය කරන්නේ වේලක් හෝ දෙකක් නිරාහාරව ඉඳ ශරීරයේ බර අඩු කරගන්න උත්සාහ කිරීමයි. මෙයින්, ශරීරයේ බර යම් ප්‍රමාණයකට අඩු කරගැනීමට හැකියාව ලැබෙන මුත්, ප්‍රතිඵලය දිගටම පවත්වාගැනීම ඉතාම අපහසු වේ. දිනපතා ව්‍යායාම කිරීම සහ ගන්නා කැලරි ප්‍රමාණය අඩු කරමින් සෞඛ්‍ය සම්පන්න, සමබර ආහාර වේලක් ගැනීම මගින් වඩාත් ඵලදායී ලෙස බර අඩු කරගන්න පුලුවනි. සෞඛ්‍ය සම්පන්න බර අඩු කරගැනීමක ඇති වැදගත්ම කාරණා දෙක එය බව ඔබ වටහා ගත යුතුයි. එසේනම්, බර අඩු කරගැනීමට යෝගට් යොදාගන්නේ ඇයිදැයි බලමු.

ටෙනෙසී විශ්ව විද්‍යාලයේ (the University of Tennessee) පර්යේෂකයන් පිරිසක් යෝගට් පරිභෝජනය සහ බර අඩුවීම අතර සම්බන්ධයක් ඇතිදැයි සොයන්න පර්යේෂණයක් කලා. වසර 2005 ජනවාරි මස, ඔවුන් එහි ප්‍රතිඵල තරබාරුකම පිළිබඳ ජාත්‍යන්තර සඟරාවේ (The International Journal of Obesity) පලකරනු ලැබුවා. එම පර්යේෂණය මගින්, දිනකට මේදය අඩු යෝගට් (Low-fat yoghurt) කෝප්ප තුනක් පරිභෝජනය කිරීමට පුරුදු වූ අයගේ ශරීරයේ බර, යෝගට් නොකා ආහාර ගැනීම අඩුකරමින් බර අඩු කරගැනීමට උත්සාහ කරන අයට වඩා, වැඩිපුර අඩුවන බව ඔවුන් සොයාගෙන තිබුනා. මෙහිදී, වැඩිපුර උදරයේ ඇති තෙල් අඩුවීම විශේෂ දෙයක් වුනා. මෙසේ වන්නේ ඇයි?

මේදය අඩු යෝගට් වල සාමාන්‍ය යෝගට් වලට වඩා ප්‍රෝටීන් අඩංගු වෙනවා. වැඩිපුර ප්‍රෝටීන් අඩංගු ආහාර බර අඩු කරගැනීමට උපකාරී වන බව මින් පෙර ලිපි වලත් සඳහන් කලා ඔබට මතක ඇති. ප්‍රෝටීන් වැඩිපුර පරිභෝජනය කරන විට, ආහාර ගෙන අවසන් වන්නටත් පෙර, කුස හොඳින් පිරී ඇතිබවට සංඥාවක් මොළයට යනවා. එමනිසා, අප ගන්නා ආහාර වේලක ප්‍රමාණය සහ කැලරි ප්‍රමාණය සීමා කිරීමට ප්‍රෝටීන් වලට හැකියාව තිබේ. ප්‍රෝටීන් වල අඩංගු ඇමිනෝ අම්ලයක් වන ලියුසීන් (Leucine), ශරීරය තුළ ඉන්සියුලින් හෝමෝනයේ ක්‍රියාකාරීත්වය වැඩි කරන අතර, එමගින් මාංශ පේශි පරිභෝජනය කරන ග්ලූකෝස් ප්‍රමාණය වැඩිවේ. ලියුසීන් මගින්, මේද පටක වලින් ශ්‍රාවය කරන ලෙප්ටින් (Leptin) නැමැති හෝමෝනයේ ක්‍රියාකාරීත්වය වැඩිවන අතර, එමගින් ආහාර රුචිය අඩුවේ. එයට අමතරව, ප්‍රෝටීන මගින් ශරීරයේ තාප නිෂ්පාදන ක්‍රියාවලිය (Thermogenesis) වැඩි කරයි. එවිට ද, ආහාර රුචිය තරමක් අඩුවන අතර, ශක්ති පරිභෝජනයද වැඩිවේ. එමනිසා, මෙම ක්‍රියාවලිය මගින් ආහාර මගින් ගන්නා කැලරි ප්‍රමාණය අඩුවේ. ඒ වගේම, ශරීරය තුළ කැලරි දහනය ද වැඩිවේ. ප්‍රෝටීන වැඩිපුර ගැනීම ඔබගේ මාංශ පේශි වර්ධනය කරයි. එමගින්, ඔබගේ ශරීරයේ පරිවෘත්තීය සීඝ්‍රතාවය (Metabolic rate) වැඩිවී, කැලරි දහනය ද ඉහළ යයි.

යෝගට් වල කැල්සියම් (Calcium) ද වැඩිපුර තිබේ. ආහාර මගින් ලැබෙන කැල්සියම් වලින් සැලකිය යුතු ප්‍රමාණයක් මේද පටක වල තැන්පත් වේ. ශරීරයේ මේදය තැන්පත් කිරීම සහ මේදය දහනය කිරීම පාලනය කිරීමට කැල්සියම් වලට හැකියාව ඇත. සාමාන්‍යයෙන්, කැල්සියම් වැඩිපුර අන්තර්ගත මේද පටක, කැල්සියම් අඩු මේද පටක වලට සාපේක්ෂව, වැඩිපුර මේදය දහනය කරයි. එමනිසා, කැල්සියම් බහුල යෝගට්, ශරීරයේ වැඩිපුර මේදය දහනය කිරීමට උපකාරී වන අතර, මේදය තැන්පත් වීම අඩුකරයි. කැල්සියම් ඌණතාවයක් ඇතිවිට, කැල්සිට්‍රියෝල් (Calcitriol) නැමැති රසායන ද්‍රව්‍යයක් වකුගඩු මගින් ශ්‍රාවය කරයි. කැල්සිට්‍රියෝල් යනු විටමින් D වල සක්‍රීය ප්‍රභේදයකි. මෙම කැල්සිට්‍රියෝල් මේද පටක ප්‍රමාණය වැඩිකිරීමට සමත් ය. එමගින්, ශරීරයේ බර වැඩිවීම සිදුවේ. ආහාර වලින් කැල්සියම් වැඩිපුර ලැබෙන විට, කැල්සිට්‍රියෝල් නිෂ්පාදනය පහත වැටෙන බැවින්, මේද පටක ඇතිවීම අඩුවේ. ශරීරයේ තාප නිෂ්පාදන ක්‍රියාවලිය ද කැල්සියම් මගින් මදක් වැඩිවේ. එමගින්, කැලරි දහනය වැඩිවන අතර, කැල්සියම් වල ක්‍රියාකාරීත්වය ද තවදුරටත් ඉහළ යයි. ආහාර රුචිය අඩුවීම ද කැල්සියම් මගින් ලැබෙන තවත් වාසියකි.

කෙසේ වෙතත්, වෙළඳපලේ ඇති බොහොමයක් යෝගට් සීනි එකතු කරන ලද ඒවා වේ. එමනිසා, උපරිම ප්‍රතිඵල ලබාගැනීමට නම්, මේදය අඩු සහ අමතර සීනි එකතු නොකරන ලද යෝගට් ආහාරයට ගත යුතුවේ. එවැනි යෝගට් වලට කැලරි-රහිත රසකාරකයක් (Calorie-free sweetener), කුරුට්ට සහිත ධාන්‍ය නිෂ්පාදන (Whole-grain cereal), ප්‍රෝටීන් කුඩු (Protein powder), හෝ පළතුරු එකතු කර ආහාරයට ගතහැක. නැතහොත්, පළතුරු හෝ එළවලු සැලඩ් එකකට, මේදය අඩු යෝගට් එකතු කිරීමට ද පුලුවන.

(උපුටා ගැනීම අන්තර්ජාලයෙන්)

විලුඹේ ඇතිවෙන තියුණු වේදනාව නැති කරගන්න ගෙදරදීම කරගත හැකි ස්වභාවික ප්‍රතිකාර ක්‍රම

ඔබගේ හිත සුව පිනිස මා ගෙන හැර දක්වන්නේ ලෝකයේ සිටින ජනතාව වැඩියෙන්ම ගොදුරු වන රෝගයක් වන විලිබුවෙ ඇතිවන වේදනාව හෙවත් plantar fasciitis යන රෝගය පිලිබදවයි. මෙම රෝගයටත් වැඩිනේම ගොදුරු වන්නේ ස්ත්‍රී පක්ෂයයි.මෙම රෝගය සෑදෙන්නන්ගෙන් 1/3 කට පමන කකුල් දෙකටම මෙම තත්වය බලපෑම් එල්ල කරයි..මෙම රෝග තත්වයේදී හට ගන්නා වේදනාව ඉතාමත් තියුණුය.

Plantar fasciitis යනු විලුබේ ඇතිවන ආබාධ තත්වයකි. මෙම plantar fascia නැමති ඝණ කණ්ඩරාව හෙවත් Ligament එක විලුබේ ඇති විශාලතම අස්එිය වන calcaneus bone එකට සම්බන්ද වී කකුලේ ඉදිරිපස අස්එි දක්වා දිවයයි…මෙම ඝණ Ligament එක පාදයට වක්‍රතාව(arch) එක ලබා දීමටත් ඇතිවන කම්පන අවශෝෂණය සදහත් ඇවදීමට සහය වීමටත් උපකාරී වන ලෙස පිහිටා ඇත…නමුත් මෙයට දරා ගත නොහැකි මට්ටමේ කම්පනයන් ඇති වු විට ,calcaneus අස්ථිය අසලින් ඇදීමකට (strain ) හෝ මදක් ඉරීමකට (tear ) ලක්වූවිට එම ස්තානයේ ප්‍රදාහයක් (inflammation ) හට ගනී..ඉන්පසු කලත් යත්ම Ligament එක calcaneus අස්එියේ සම්බන්ද මූලයයේ ටික ටික කැල්සියම් ස්පටික තැම්පත් වීම පටන් ගනී මෙය සිදු වන්නේ ligament එක අස්එියෙන් ගැලවී වෙන් වීම වැලකීම සදහය මෙය ඇගේම ප්‍රතිශක්තිකරණ පද්ධතියෙන් සිදුවන කර්තව්‍යයකි..නමුත් මෙසේ තැම්පත් වන කැල්සියම් වටා රුධිර නහරත් ස්නායු අන්තත් වර්ධනය වීම නිසාත් කැල්සියම් ස්පටික මෙයමත ගැටෙන විට නිතර නිතර එම ස්තානය damage වන නිසාත් එම ස්තානයේ ප්‍රදාහක තත්වයත් වේදනා තත්වයත් නිරන්තරයෙන්ම පවතී…..මෙය x-ray එකකින් දැක ගත හැක නැට්ටක් සේ බැදී ඇති අයුරු .ඉහත රෑපයේ මා එය දක්වා ඇත බලන්න…..

රෝගය සෑදීමට හේතු
අධික තරබාරු බව, ගර්බණිභාවය, දිගු කලක් දෘඩ පෘෂ්ටයක් මත සිටගෙන සිටීම, අඩි උස පාවාහන් කාලයක් පැලදිම, calf මස් පිඩු වල ඇතිවන අදික දෘඩ බාවය, අදික වියායාම වල නිරත වීම, රැමැටික ආතරයිටිස්, වයසට යාමත් සමග හේතුවක් නොමැති වද හට ගනී, යටි පතුලේ වක්‍රතාව නොමැති කම flat feet

රෝග ලක්ෂණ
විලිබුවේ හට ගන්නා අදික වේදනාව, ඉදිමුම, පඩි පෙලක් නැගීමේ අපහසුව, එක දිගට දිගු වේලාවක් සිටගෙන සිටීමේ නොහැකියාව, උදේ අවදි වු පසු ටික වේලාවක් යන තුරු ඇතිවන ඇවදීමේ අපහසුතාව, ඇල්ලීමේදි ඇතිවන අදික වේදනාව

රෝගයට ප්‍රතිකාර…
මෙයටත් ඔබ හොදින් උතුරා 50c* නිවාගත් ජලය බාජනයකට කටට ලුණු රස යාන්තමින් දැනෙන ගානට ලුණු කැට ස්වල්පයක් එක්කර කකුල් දෙකම වලලු කරට උඩට යටවන තරමට කකුල ඔබා විනාඩි 20 පමන සිටින්න..ඉනක්පසු කකුල එලියට අරන් හොදින් පිස දමා මා රෑපයේ දක්වා ඇති වියායාම ටික එකකින් වාර 15 බැගින් වන පරිදි කරන්න ඉන් පසු රබර් බෝලයක් ගෙන රිදෙන ස්තානයේ සිට ඉස්සරහටත් පස්සටත් තදින් තද කොට කරන්න….මෙය සදහ වතුර පුරවාගත් රවුම් බෝතලයක්ද බාවිතා කල හැක නැතහොත් දෙකමද කල හැක එයද විනාඩි 10 පමන කරන්න…..ඉන්පසු තල තෙල් .මීතෙල්.කපුරු තෙල් යන තුන කලවම් කර තබා මදක් රත් කර යටි මුලු පතුලෙමත් මම දක්වා ඇති රෑපයේ රවුම් කල ඇති ස්එාන වලත් ගා තදින් මහමට ඇගිල්ලෙන් විනාඩි 10 පමන අතුල්ලන්න මතක තියා ගන්න වැඩියෙන් රිදෙන ස්තානය තදින් අතුල්ලන්න…ඉන් පසු මෙය අනිවාර්යෙන්ම කල යුතු වේ.

අයිස් කැට 15 පමන ගෙන සොපින් බෑගයකට දමා හොදින් අර රිදෙන ස්තාන වල විනාඩි15 වත් තබන්න.මෙය සති දෙකක් පමන කර පසුව වියායාම ටික පමනක් සෑහෙ…මතක තියා ගන්න මේ ටික හරියටකලොත් නිකරුනෙ අර දොස්තර ගාවයි මේ දොස්තර ගාවයි ගොස් නිකරුනේ මුදල් වියදම් කිරීමට සිදු නොවනු ඇත…මම මේ අමාරුවෙන් ඉගෙන ගත්ත දේ ඔබට ලෙහෙසියෙන්ම පූජා කෙලෙමි මෙය සිංහල බසින් ඇති නිසාත් ඔබට තේරෙන විදිහට සරලව ලියා ඇති නිසාත් නිසි ප්‍රයොජනය ගන්න තව කෙනෙකුටත් පිහිට වන්න දැනුම බෙදා දෙන්න. තෙරුවන් සරනයි.

(සේනක නලින්.)

කාන්තා ඔබේ හිසකෙස් ඝනව වර්ධනය කර ගැනීමට ස්වභාවික පිළියම් රැසක් මෙන්න

කාන්තා පිරිමි භේදයකින් තොරව අපි කවුරුත් අලංකාරව හිසකෙස් වර්ධනය කර ගැනීමට ප්‍රිය කරනවා. නමුත් ඔබට ඇත්තේ ඉතා සිහින් හිසකෙස් නම් එය ඔබව අපහසුතාවයට පත් කරන කරුණක් වෙනවා. මානසික ආතතිය, හෝමෝන අසමතුලිත තාවය, විවිධ සෞඛ්‍යය ගැටළු සහ විවිධ ඖෂධ පානය කිරීම වැනි කරුණු නිසා මෙම තත්වය ඇති වන්නට පුළුවන්. බිය වීමට අවශ්‍ය නෑ. හිසකෙස් වල ඝන වර්ධනය ස්වභාවිකවම ඇති කර ගැනීම සඳහා භාවිතා කල හැකි පිළියම් කිහිපයක් අද විශ්ම ලෝකයෙන් ඔබට කියා දෙන්නම්.

දොඩම් යුෂ
හිසකෙස් වල ස්වභාවික ඝන වර්ධනයක් ඇති කර ගැනීම සඳහා භාවිතා කල හැකි පිළියමක් ලෙස දොඩම් යුෂ හඳුන්වා දෙන්නට පුළුවන්. දොඩම් ගෙඩියක් ගෙන රේණු එක් නොවන ආකාරයට යුෂ පමණක් මිරිකා ඔබේ හිසකෙස් මත ආලේප කර පසුව සෝදා දමන්න. එමගින් ඔබේ හිසකේ ඝනව වර්ධනය වේවි.

පොල් තෙල්
පොල් තෙල් මේස හැඳි හතරක් ගෙන එයට දෙහි යුෂ තේ හැඳි දෙකක් එක්කර කලවම් කරන්න. එම මිශ්‍රණය ඔබේ හිසකෙස් වල ආලේප කර හිසෙහි සමට හොඳින් උරාගන්නා තෙක් හිස විනාඩි 10-15 පමණ හොඳින් සම්භාහනය කරන්න. සම්භාහනයෙන් පසු විනාඩි 70 ගත වීමට පෙර හිස හොඳින් සෝදා පිරිසිදු කර ගන්න.

ඔලිව් තෙල්
පොල් තෙල් තරම් සාර්ථකව ඔලිව් තෙල් මගින් සමේ තෙතමනය ආරක්‍ෂා කර නොදුන්නත් හිසකෙස් වල වර්ධනය සඳහා ඔලිව් තෙල් භාවිතා කරන්නට පුළුවන්. ඔලිව් තෙල් තේ හැන්දක් ගෙන හිසේ හොඳින් තවරා හිසට සිදුවන රුධිර සංසරණය වේගවත් වීමට විනාඩි කිහිපයක් හිස සම්භාහනය කරන්න.

එඬරු තෙල්
එඬරු තෙල් මගින් ඔලිව් තෙල් වලට සමානය පෝෂණ ගුණයක් හිසකෙස් වලට ගෙනෙනවා. එඬරු තෙල් ස්වල්ප ප්‍රමාණයක් ගෙන එයට මී පැණි තේ හැන්දක් එක්කර මිශ්‍ර කරන්න. මෙම මිශ්‍රණය හිසේ හොඳින් ආලේප කර හොඳින් සම්භාහනය කරන්න. මෙම සම්භාහන ක්‍රමය සතියකට වාර තුනක් හෝ හතරක් සිදු කරන්න.

කෝමාරිකා
හිසකෙස් වල තෙතමනය නිසි ලෙස ආරක්‍ෂා කර දෙන කෝමාරිකා භාවිතා කර හිසකෙස් වල ඝන වර්ධනය ඉක්මණින්ම සිදු කර ගන්නට පුළුවන්. කෝමාරිකා පත්‍ර කිහිපයක් ගෙන එයින් කෝමාරිකා ජෙල් සපයා ගන්න. කෝමාරිකා ජෙල් හිසකෙස් වල සහ හිසෙහි සමෙහි ආලේප කර විනාඩි කිහිපයක් තබා සෝදා පිරිසිදු කර ගන්න.

විනාකිරි
හිසකෙස් සිහින් වීම වැනි හිසකෙස් ගැටළු වලට සාර්ථක විසඳුමක් ලෙස විනාකිරිත් භාවිතා කරන්නට පුළුවන්. මේ සඳහා ඔබට සුදු විනාකිරි හෝ ඇපල් විනාකිරි වුවත් භාවිතයට ගන්නට පුළුවන්. ඔබට කැමති විනාකිරි වර්ගයක් භාවිතා කර ඔබේ හිසකෙස් සෝදා විනාඩි කිහිපයක් සිට හිස සම්භාහනය කර ෂැම්පු යොදා හිසකෙස් සෝදා පිරිසිදු කර ගන්න. මෙහිදී විනාකිරි ඉතා ස්වල්ප ප්‍රමාණයක් එනම් මේස හැන්දක් පමණ හිස සේදීමට අවශ්‍ය වතුරට මිශ්‍ර කර හිස සෝදා ගැනීම කරන්න. කිසි විටෙකවත් විනාකිරි පමණක් ඔබේ හිස කෙස් මත ආලේප කරන්න එපා.

(උපුටා ගැනීම අන්තර්ජාලයෙන්)

හෘද රෝග, රැධිර පීඩනය සහ පිළිකා වලට ගුණ දෙන කෙසෙල්

කෙසෙල් ජනප්‍රිය පොටෑසියම් බහුල පළතුරක් මෙන්ම එළවළුවකි. පොටෑසියම් අඩංගු අඩංගු ආහාර වැඩිපුර ආහාරයට ගැනීමෙන් ආයුෂ වැඩිවන බව නවතම පර්යේෂණවලින් සොයාගෙන ඇත. ඉදුණු කෙසෙල් දෛනික ආහාරයෙන් පසු අතුරුපසක්‌ ලෙස ගැනීම වඩාත් සුදුසු ය. අප ශරීරයේ ක්‍රියාකාරීත්වයට අවශ්‍යතන්තුමය කොටස් මෙන්ම පොටෑසියම් වැනි ලවණ වලින්ද පොහොසත්ය. එබැවින් කෙසෙල් ආහාරයට ගැනීම කෙනෙකුගේ නීරෝගී සෞඛ්‍යය තත්ත්වයක් පවත්වා ගෙන යාමට ඉවහල් වේ. විටමින් සී, විටමින් ඒ, විටමින් බී, මැග්නීසියම්, කැල්සියම්, පොටෑසියම් ආදීසංඝටක අඩංගු වන කෙසෙල් රත්තහීනතාවය, අධික රුධිර පීඩනය, මළබද්ධය, මානසික ආතතිය,ස්නායු රෝග සහ විශාදය ආදී රෝග සඳහා වඩාත් සුදුසු ඖෂධීය ගුණයෙන් යුක්ත වේ.ආහාර මාර්ග පද්ධතියේ අසාමාන්‍යතා නැති කරයි.සාමාන්‍ය කෙසෙල් වර්ග අතරින් බොහොමයක් ඒවා මළබද්දය ඇති කරන අතර සමහර කෙසෙල් වර්ග මළපිට කිරීමට උපකාරීවේමීට අමතරව කාන්තාවන්ගේ මාසික ඔසප් වීමේදී කෙසෙල් ආහාරයට ගැනීමෙන් වැඩිපුර රුධිරය පිටවීම අඩුකරන බවද කියවේ.

කෙසෙල්ගෙඩියක ස්වභාවයෙන්ම හමුවන ප‍්‍රධාන සීනි වර්ගතුනකි. සුක්රෝස්,ෆ‍්‍රක්ටෝස් හා ග්ලූකෝස් තුන් ජාතියම එහි ඇත. මෙනිසා කෙසෙල් ගෙඩියක් කෑම යනු රූපවාහිනී දැන්වීමක පෙන්වනාක් මෙන් නමට ශක්තිය ලැබෙන ශක්තිජනක පානයක් මෙන් නොව සැබෑවටම සිරුරට එක් ක්ෂණිකයකින් ශක්තිය ලබා දෙන්නකි. එය කෙඳී සහිතය. එනිසා දිරවීම පහසුය. මෙනිසාවෙන්ම කෙසෙල් ලෝකයේ ප‍්‍රසිද්ධ ක්‍රීඩක කී‍්‍රඩිකාවන් අතර ජනපි‍්‍රය ආහාරයකි. නමුත් ශක්තියට අමතරව කෙසෙල්වලින් ලැබෙන ප‍්‍රතිලාභ බොහෝය

රැධිර පීඩනය
අඩු සෝඩියම් ප්‍රතිශතයක් පවත්වා ගැනීම මගින් රැධිර පීඩනය අඩු කරගත හැකිය.

ඇදුම
කෙසෙල් ආහාරයට ගැනීමෙන් ඇදුම වැනි රෝග වල අවදානම අඩු කරගත හැකි බව නවතම පර්යේෂණ වලින් පෙන්වා දී ඇත, ලන්ඩන් හි ඉම්පීරියල් කොලේජ් විසින් පවත්වන ලද අධ්යයනයකින් හෙළි වූයේ දිනකට කෙසෙල් එක් කන්නයක් ආහාරයට ගත් දරුවන්ට ඇදුම වර්ධනය කිරීමේ හැකියාව 34% කින් අඩු විය හැකි බවයි.

පිළිකා
ජීවිතයේ මුල් අවුරුදු දෙක තුළ කෙසෙල්, දොඩම් සහ තැඹිලි යුෂ පරිභෝජනය කිරීමෙන් ළමා කාලය තුල පිලිකා වර්ධනය වීමේ අවදානම අඩු කළ හැකිය විටමින් සී , කෙසෙල් වර්ග පිළිකා ඇති කිරීමට හේතු වන නිදහස් රැඩිකල්වාදීන් බිහි කිරීමට සටන් වැදිය හැක.

හෘද රෝග
කොල,කහ වර්ණක පොටෑසියම්, විටමින් C සහ B6 අඩංගු කෙසෙල් වල අන්තර්ගතය .මේවා හෘද සෞඛ්යයට සහාය වේ. සෝඩියම් ප්‍රමාණය අඩු වීමක් සමග පොටෑසියම් ප්‍රමාණය වැඩි වීමෙන් රෝග අවධානම අඩු කල හැකි බව පෙන්වා දී ඇත. වකු ගඩු වල ගල් ඇති වීම ද අඩු කරයි. අස්ථි බිදීම අඩු කරයි.

දියවැඩියාව
අධි-ෆයිබර් ඩයට් පරිභෝජනය කරන වර්ග 1 දියවැඩියාවට අනුව රුධිරයේ ඇති ග්ලූකෝස් මට්ටම අඩු වන අතර දියවැඩියාව 2 වර්ග 2 සඳහා රුධිර සීනි, ලිපිඩ සහ ඉන්සියුලින් මට්ටම්. මධ්ය ප්‍රමාණයේ කෙසෙල්, කෙඳි ග්රෑම් 3 ක් පමණ සපයයි. ඇමරිකානුවන් සඳහා වන ආහාර මාර්ගෝපදේශ කාන්තාවන් සඳහා කාන්තාවන් 21-25 ග්රෑම් / දිනකට සහ ග්රෑම් 30-38 ග්රෑම් / දිනකට නිර්දේශ කරනු ලැබේ.

ජීර්ණය
ඇපල් සෝස් සහ කෙසෙල් වර්ග වැනි ආහාර ජීර්ණය සදහා නිර්දේශ කරනු ලැබේ.

(උපුටා ගැනීම අන්තර්ජාලයෙන්)

බඩ පිපුම ඇති වීමට බලපාන හේතු සහ එයින් මිදීමට කළ යුතු දේවල්

බඩ පිපුම, පුරවා දැමීම කියන්නේ අපිට නිතර අහන්නට ලැබෙන මැසිවිල්ලක්. ඒවගේම සුභ ආරංචිය තමයි, මෙයට හේතුව හරියටම දැනගත්තොත් ප්‍රතිකාර කල හැකිබව. නිතර ඇතිවන බඩ පිපුම ඔබට අපහසුවක් වගේම බොහෝ කාන්තාවන්ට තම ආත්ම විශ්වාසය සහ තමන්ගේ ශරීරය ගැන සිතන ආකාරයට පවා බලපෑමක් සිදු කරනවා. දැන් අපි විමසා බලමු මේ සඳහා බලපාන සුලභ හේතු මොනවාද කියල..

ආන්ත්‍රික යීස්ට් අධිවර්ධනය
මෙය ඉතා සුලබ තත්වයක් වන අතර දීර්ඝ කාලීනව සහ බහුලව ප්‍රතිජීවක ඖෂධ භාවිතය මෙයට හේතු වෙනවා. එසේ ප්‍රතිජීවක බහුලව භාවිතා වන අවධි කිහිපයක් ලෙස, ළමාවියේදී කනේ අසාදන හෝ සෙම්ගෙඩි, යොවුන් වියේදී කුරුලෑ හෝ මුත්‍රා අසාදන සඳහා ප්‍රතිජීවක ලබා ගැනීම දැක්විය හැක. මේවා මගින් ඔබේ අන්ත්‍රයේ සිටින හිතකර බැක්ටීරියා විනාශ කරන නිසා, යීස්ට් වැනි අවස්ථාවාදී ක්‍ෂුද්‍ර ජීවින් වර්ධනය වීම සිදුවේ. මෙලෙස ඔබේ ශරීරයේ යීස්ට් ප්‍රමාණය වැඩි වන විට වායු නිෂ්පාදනය වැඩිවී බඩ පිපුම ඇතිවේ. මෙයට හේතුව යීස්ට් මගින් ඔබ ගන්නා ආහාර පැසවීමට ලක් කිරීමයි.

මෙය ප්‍රතිකාර කළ හැකි තත්වයක්. එනම් යීස්ට් ආහාර මාර්ගයෙන් ඉවත් කර හිතකර බැක්ටීරියා වර්ධනය වීමට ඉඩ සැලසීමයි.ඒ සඳහා සීනි රහිත ආහාර වේලක් ගැනීම, යීස්ට් විනාශ කිරීමට ඖෂධ ලබාගැනීම, හිතකර බැක්ටීරියා වර්ධනයට අවශ්‍ය ප්‍රෝබයෝටික්ස් ලබා ගැනීම කළ හැක.

ආහාර අමර්ෂ
මෙය ආහාර අසාත්මිකතාවයෙන් (Food allergy) වෙනස් වන්නේ, ප්‍රමාද වී ඇති වන ප්‍රතික්‍රියාවක් නිසයි, එනම් අසත්මිකතාවකදී නම් ආහාරයක් ගත් විගස කැසීම, ඉදිමුම සහ අසංරක්ෂත්වය(Anaphylaxis) යනාදිය ඇතිවන නමුත්, අමර්ෂයේදී එලෙස ක්ෂණික ප්‍රතික්‍රියාවක් සිදු නොවන නිසයි. ආහාර අමර්ෂය ප්‍රතිශක්ති ආතතිය(Immune stress) සහ ප්‍රදාහය(Inflammation) ඇති කරන බැවින් ආහාර මාර්ගය උද්දීපනය කර පිපීම ඇති කරයි. මේ සඳහා හේතු වන ආහාර ලෙස, කිරි ආශ්‍රිත නිෂ්පාදන, බිත්තර, සමහර පලතුරු (කෙසෙල්, අන්නාසි), රටකජු, තිරිඟු, ග්ලුටන් සහ ඉරිඟු ආදිය දැක්විය හැකියි.

මෙය රුධිර පරීක්ෂාවක් මගින් හඳුනා ගත හැකියි. ඒ වගේම ආහාර අමර්ෂය, අසාත්මිකතා, ඇදුම, එක්සීමා ආදියෙන් පීඩා විඳින හෝ විවිධ සමේ රෝග, ආහාර ජීර්ණයේ දුර්වලතා ඇති අය සහ දුර්වල පුද්ගලයන් තුල ඇති විය හැකියි. ඉහත සඳහන් කල ආහාර වර්ග නොගෙන සිටීමෙන් මෙම තත්වය අඩු කර ගත හැකියි.

ග්ලූටන් සංවේදීතාව හෝ සීලියැක් රෝගය(Celiac disease)
පසුගිය වසර 50 ක පමණ කාලයක සිට තිරිඟු වල ඇතිවී තිබෙන විශාල වෙනස්කම් හේතුවෙන් සහ ධාන්‍යයමය ආහාර පරිභෝජනය වැඩිවීම හේතුවෙන් මෙම තත්වය වර්ධනය වෙමින් පවතිනවා. ග්ලූටන් සංවේදීතාවය ඇති අය බඩපිපුම, මලබද්දය හෝ පාචනය යන රෝගී ලක්ෂණ වලින් පීඩා විඳින බව පවසනවා.
ග්ලුටන් සංවේදීතාව හෝ සීලියැක් රෝගය පවතින බවට තහවුරු කර ගත හැකි රුධිර පරීක්ෂාවන් ද සොයා ගෙන තිබෙනවා.එසේම අඩු විටමින් B12 ප්‍රමාණයක් පවතින, නිර්මාංශ නොවන පුද්ගලයන්ද මෙම තත්වය පවතින බවට හඳුනා ගැනීමට සලකුණක් ලෙස දැක්විය හැකියි.

ඔබට ග්ලුටන් සංවේදීතාව හෝ සීලියැක් රෝගය ඇති බවට හැඟෙනවා නම් රුධිර පරීක්ෂාවක් කර ගැනීමෙන් හෝ සති 5 ක කාලයක් ග්ලූටන් රහිත ආහාර වේලක් ගැනීමෙන් මෙය තහවුරු කර ගත හැකියි. උදා: සහල්, බාර්ලි, බතල ආදිය ග්ලූටන් වලින් තොරයි. එම සති 5ට පසු නැවතත් ග්ලූටන් සහිත ආහාර නැවත ගෙන ඒවාට ඔබේ ශරීරය දක්වන ප්‍රතික්‍රියා හඳුනා ගත යුතුයි.

ඉන්සියුලින් ප්‍රතිරෝධය
ඔබේ රුධිරයේ සීනි ප්‍රමාණය ඉහල ගිය විට, අග්න්‍යාශය මගින් ශ්‍රාවය කරන හෝමෝනය ඉන්සියුලින්ය. එමගින් ග්ලුකෝස් සෛල වලට ගැනීම උත්තේජනය කරනවා. ඉන්සියුලින් ප්‍රතිරෝධය යනු සෛල ඉන්සියුලින් වලට මෙලෙස ප්‍රතිචාර නොදැක්වීමයි. මෙහිදී සිදු වන්නේ රුධිරයේ ග්ලුකෝස් ප්‍රමාණය ශරීරයට විෂ සහිත වන තරමටම වැඩි වීමයි. මෙහිදී ඇති වන රෝග ලක්ෂණ වන්නේ, ශරීරයේ බර වැඩි වීම, පිෂ්ටය සහ අධික පැණි රස සහිත කෑම වලට දැඩි ආශාවක් ඇති වීම සහ විඩාබර ගතිය සහ ආහාර ගැනීමෙන් පසු උදරය පිපුණු ස්වභාවයක් ඇතිවීම.

ඔබේ පවුලේ අයට දියවැඩියාව ඇත් නම් ඔබටද මෙය ඇති විය හැකි බැවින්, රුධිර පරීක්ෂාවක් කර ගැනීම සුදුසුයි. එසේම මෙය ඖෂධ, ආහාර පාලනය සහ ව්‍යායාම මගින් පාලනය කළහැකි රෝගයක් වන බැවින් සීනි සහ පිටි සහිත ආහාර පාලනය කිරීම, දිනපතා ව්‍යායාම කිරීම, එළවළු, ප්‍රෝටීන්, තන්තු බහුල ආහාර ගැනීම මේ සඳහා වැදගත් වේ.

ආහාර සංකලනයේ දුර්වලතා
විවිධ වර්ගයේ ආහාර එකවිට ගැනීම ඒවායේ ජීර්ණ ක්‍රියාවලියට බලපාන බව ඔබ දන්නවාද? මෙලෙස ආහාර නිසි පරිදි සංකලනය නොවීමෙන්, ආහාර ජීර්ණ ක්‍රියාවලියේ වේගය අඩු කරන බැවින් එය ආහාර අජීර්ණයට සහ බඩ පිපුමට හේතු වනවා

ප්‍රධාන ලෙස පලතුරු අනුභව කරන විට ප්‍රෝටීන් ආදී ආහාර සමග සංයෝග නොකර පලතුරු පමණක් අනුභව කල යුතුයි. ඒවගේම කාබෝහයිඩ්රේට් සහ ප්‍රෝටීන් සංකලනය නොකළ යුතුයි. මෙය නිර්මාංශික ආහාර වේලක් ගන්නා අයට කළනොහැකි තරම් වගේම, ඔබ මස් මාංශ අනුභව කරනවා නම් මෙය සිදු කිරීමට උත්සහ කරන්න. එවිට ආහාර ජීර්ණය පහසු වන බව සැබවින්ම අත්විඳිය හැකියි. උදාහරනයක් ලෙස, උදැසන පලතුරු යුෂ අඩංගු ආහාරයක්ද, ඉන්පසු නට්ස් වැනි අතුරු ආහාරයක්, දහවලට මස්මාංශ සහ එළවළු අඩංගු ආහාරයක්ද, රාත්‍රියේදී එළවළු සහ කාබෝහයිඩ්රේට් වැඩිපුර අඩංගු (බතල වැනි) ආහාරයක් ද ගන්න.

අවිධිමත් ආහාර රටාව
බඩ පිපුම සඳහා තවත් හේතුවක් ලෙස අවිධිමත් ආහාර රටාව දැක්විය හැකියි. දිගු වෙලාවක් නිරාහාරව සිටීම සහ රාත්‍රියේදී වැඩි ආහාර ප්‍රමාණයක් ගැනීම ආහාර ජීර්ණය අපහසු කරවයි. උදාහරයක් ලෙස උදෑසන ආහාරය නොගෙන, දහවල් වැඩි ආහාර ප්‍රමාණයක් ගැනීම ඔබේ ජීර්ණ පද්ධතියට අහිතකර වන අතර එය රුධිර සීනි ප්‍රමාණය ක්ෂණිකවැ වැඩිවීමට හේතු වේ. මේ නිසා බඩ පිපුම ඇතිවේ.

නියමිත වෙලාවකට දිනපතා ආහාර ගන්නා විට ආහාර ජීර්ණ පද්ධතියේ ක්‍රියාවලියටද එය හිතකරයි. එම නිසා උදෑසන අවදි වී පැයක් තුල උදේ ආහාරයත්, දවසේ මැද කාලයේදී දහවල් ආහාරයත්, රාත්‍රී 7 ට පෙර රාත්‍රී ආහාරයත් ගැනීම ඉතා සුදුසුයි. උදෑසන අතර මැද කාලයේ සහ දහවල් මැද කාලයේ අතුරුපස වැනි යමක් ගත හැකියි

ජීර්ණක යුෂවල ඌනතාව
අග්න්‍යාශය මගින් නිපදවන ජීර්ණක යුෂ මගින් ඔබේ ආහාරය අවශෝෂණය කළ හැකි තත්වයට පත් කරනවා. එන්සයිම මගින් කාබෝහයිඩ්රේට්, ප්‍රෝටීන්, ලිපිඩ සහ ලැක්ටෝස් බිඳ දමනවා. නමුත්, සමහර පුද්ගලයන්ගේ මෙම ජීර්ණක යුෂ නිපදවීම ප්‍රමාණවත් පරිදි සිදු නොවීමෙන් බඩ පිපුම, වේදනාව, අජීර්ණය ආදිය ඇති වෙනවා. මෙම ඌනතාව; 1) ආහාර මාර්ගයේ ඇති වන සුළු ප්‍රදාහයන්, 2)බැක්ටීරියා, යීස්ට්, සහ අනිකුත් පරපෝෂීන් අධිවර්ධනය, 3) අමශ්යික අම්ලිකතාව අඩු වීම, 4) දීර්ඝ කාලීන ආතතිය, 5) වයසට යාම, ආදී හේතු නිසා ඇති විය හැකියි.

ලැක්ටෝස් අමර්ෂයද (Lactose intolerance) මෙවැනි තත්වයක් වන අතර, මෙහිදී කිරි ආහාර නිසිලෙස ජීර්ණය වීම සිදුනොවේ. මෙවිට ඔබට කිරි ආහාර නොගෙන සිටීමට සිදුවේ. අනෙකුත් ඌනතාවන්ට තාවකාලික ජීර්ණක යුෂ, ආහාර සමඟ ලබා ගැනීම කළ හැක. කෙසේ නමුත්, මුලින්ම එන්සයිම ඌනතාවන්ට මූලික වන හේතු සොයා ඒවාට ප්‍රතිකාර කළ යුතුයි.

අනෙකුත් බැක්ටීරියා සහ පරපෝෂිත වර්ධනය
ඉහත සඳහන් කළ යීස්ට් වලට අමතරව ව්‍යාධිජනක බැක්ටීරියා සහ විශාල පරපෝෂිතයින් ආහාර මාර්ගය තුල වර්ධනය විය හැක. විශේෂයෙන්ම එවැනි වසංගත රෝග බහුල ප්‍රදේශ වල සංචාරය කිරීම නිසා පාචනය, බර අඩුවීම සහ විඩාබර ගතිය ඇතිවීම ආදිය ඇති විය හැකියි. මෙවැනි රෝග හඳුනා ගැනීම මෙන්ම ප්‍රතිකාර කිරීමද පහසුය.

(උපුටා ගැනීම අන්තර්ජාලයෙන්)

ගැස්ට්‍රයිටිස් රෝගය නිට්ටාවටම සුවකරන විශ්මිත වට්ටක්කා යුෂ පානය

අපේ දේශීය ආහාර පානයන්හි ගුණාත්මක භාවයට සිදුව ඇත්තේ බලවත් හානියකි. අපේ දේශීය කෘෂිකර්මාන්තය අවුරුදු දහස් ගණනක් පැරණි සෞඛ්‍යයට අහිතකර නොවන මහා තාක්‍ෂණයකින් හෙබි කෘෂිකර්මාන්තයකි. මින් ඈත්වී ජාන තාක්‍ෂණය සමග අත්වැල් බැඳගෙන ඊනියා .හරිත විප්ලවය. සමග වස විස මුසු ගොවිතැනකට හුරු පුරුදු වූ අපි අද වනවිට ‍අපේ දේශීය ආහාරවලින් අපේ සෞඛ්‍යය තත්ත්වය රැක ගැනීම සඳහා ගතහැකි ක්‍රියාමාර්ගයන්ගෙන් බැහැරව කටයුතු කරන්නෙමු. ඉන් ලැබෙන අනිටු ඵලද භුක්ති විඳිමින් සිටින්නෙමු. විශේෂයෙන්ම බෝ නොවන රෝග ගණයට වැටෙන හෘද රෝග, වකුගඩු රෝග, පිළිකා, අම්ල පිත්තය හෙවත් ගැස්ට්‍රයිටිස් වැනි රෝගවලින් පීඩා විඳින රෝගීන් සුවිශාල පිරිසක් අද වන විට දක්නට ලැබෙන්නේ මෙම වැරදි ආහාර චර්යා රටා නිසාය.

විශේෂයෙන්ම ගෙඩි, වන, පිළිකා ඇතුළු විවිධ රෝගාබාධයන්ගෙන් පෙළෙන රෝගීන් සුවපත් කිරීමෙහිලා සුවිශේෂී හැකියාවක් දක්වන පාරම්පරික දේශීය වෛද්‍ය මාවතගම, ඊ.එල්.එම්.ටී. බණ්ඩාර වෙද මහතා සමග අප සංවාදයකට එළඹියේ එවන් දේශීය ආහාර පානවල ඇති ඹෟෂධීය ගුණය පිළිබඳ තොරතුරු අධ්‍යයනය සඳහාය. එහිදී අපට ඉතා පහසුවෙන් අපේ ගෙවත්තෙන්ම උපදවා ගත හැකි, සපයා ගතහැකි ආහාර පාන රැසක් පිළිබඳව තොරතුරු වෙද මහතා අප හමුවේ තැබීය. එහිදී බොහෝ බෝ නොවන රෝග නිවාරණයට විශේෂයෙන්ම වර්තමානයේ බොහෝ දෙනෙකු පීඩා විඳින අම්ල පිත්තය හෙවත් ගැස්ට්‍රයිටිස් රෝගයෙන් සුවය ලැබීම සඳහා ඉතා වැදගත් ගුණදායක එළවළුවක් ලෙස වෙද මහතා අපට .වට්ටක්කා. හඳුන්වා දුන්නේය. මේ වට්ටක්කා ගුණය පිළිබඳව වෙද මහතා අප සමග දැක්වූ අදහස්ය.

වට්ටක්කාව ගුණය අපේ පැරැන්ණන් ඉතා හොඳින් අවබෝධ කරගෙන හිටියා. මෑතක් වනතුරු මරණයක් වුනහම මිනිය මිහිදන් කරන දවසේ රාත්‍රියට නිවසේ සකස් වෙන චාරිත්‍රානුකූල .මළ බතටල අනිවාර්යයෙන්ම වට්ටක්කා යොදා ගත්තා. නිවසේ මරණයක් වුණහම ඒ නිවැසියන් සහ අසල්වාසීන් බොහෝ වෙහෙසට පත්වෙනවා. නිදි මරණවා. ශෝකය නිසා අඩනවා, වැලපෙනවා. මින් ශරීර ශක්තිය පිරිහෙනවා. දැඩි ලෙස වෙහෙසට පත්වෙනවා. .මළ බතට. වට්ටක්කා යොදා ගැනීමෙන් එහෙම නැතිවී ගිය ශක්තිය නැවත ලැබෙනවා. හෘදය වස්තුව නැවත යහපත් තත්ත්වයට පත්වෙනවා. ඒක එදින රාත්‍රී ආහාරයට වට්ටක්කා ආහාරයට ගැනීමෙන් පමණක් ක්‍ෂණිකව සිදුවෙනවා. මේ නිසා අපට හිතාගන්න පුළුවන් වට්ටක්කා කියන්නේ කෙතරම් ශක්තිජනක ආහාරයක්ද කියලා.

අද වනවිට රජරට වියළි කලාපයේ බහුලව පැතිරෙන මහා ව්‍යසනයක් බවට පත්වෙලා තියෙන වකුගඩු රෝගය එදා නොතිබෙන්න හේතුව නිතර වට්ටක්කා ආහාරයට ගැනීම. විශේෂයෙන්ම වට්ටක්කා ඇට මුත්‍රා සහ වකුගඩු රෝග මර්දනය කරන දිව ඔසුවක්, පණු රෝග නාශකයක් හැටියටත් වට්ටක්කා ඇට යොදාගන්න පුළුවන්. වර්තමානයේ අපි පුරුදුවෙලා ඉන්නෙ හොඳ දේ ඈත් කරලා නරක දේ ළංකර ගන්න. ආහාර අනුභවයේදීත් එහෙමයි. විවිධ රසකාරක අඩංගු ආහාරපාන තමයි අපි නිතර ආහාරයට ගන්න පුරුදු වෙලා ඉන්නෙ. ගුණය ගැන හිතන්නෙම නැහැ. රසය ගැන විතරයි හිතන්නේ. ඉස්සර මිනිස්සු වට්ටක්කාවල කිසිවක් ඉවත් කළේ නැහැ. වට්ටක්කා මාළුවක් හදනකොට පොත්ත, ඇට, මද මේ සේරම ඒ සමග මුසුකර ගත්තා. නමුත් අද ඇට, මද ඉවත් කරලා තමයි වට්ටක්කා ව්‍යංජනය හදා ගන්නේ. මළ ගෙවල්වල .මළ බතෙනුත්. වට්ටක්කා ඉවත් වෙලා. ඒ වෙනුවට දැන් දැන් ඒ දිනයට එන අයට පිරිනමන ආහාර වේලත් .කේටරින් සර්විස්වලින්. ගෙන්වා ගන්න පෙලඹිලා. මේ තත්ත්වයෙන් අප බැහැර වෙන්න ඔනෑ. සතියකට දෙතුන් වතාවක් තමන්ගේ ආහාර වේල්වලට වට්ටක්කා එකතුකර ගන්න ඕනෑ. ඉස්සර අය වට්ටක්කා තම්බලා පොල් එක්ක කෑවා. වට්ටක්කා ඇටයේ ඇති මදය ඉතා රසවත්, එම ඇටත් ඒ කාලයේ අය නිතර හපලා කෑවා. මේ වගෙන් තමයි අපේ පැරැන්නන් තමන්ගේ ජීවිතය ලෙඩ රෝගවලින් තොර නිදුක් නිරෝගී ජීවිතයක් හැටියට පවත්වාගෙන ගියේ.

මළ බද්ධය නැති කරන ඹෟෂධීය ගුණයෙන් යුක්ත වට්ටක්කා ස්නායු සහ රුධිර නාළ ශක්තිමත් කරනවා. පිරිමින්ගේ පුරස්ථි ග්‍රන්ථි ඉදිමීම සඳහා වට්ටක්කා ඇටවලින් නිෂ්පාදනය කරන තෙල් භාවිතා කරනවා. ආයුර්වේද ක්‍රමයට නම් වට්ටක්කා ඇට චූර්ණ කරලා පැලැස්තරයක් හැටියට මෙම රෝග තත්ත්වයේදී භාවිතා කරනවා.වට්ටක්කාවල ඇති තන්තු, කෙඳි සහිත තත්ත්වය ආහාර දිරවීම පහසුකරවලා මළ බද්ධය සුවකරනවා.

ඒ නිසා අර්ශස්වලටත් සුදුසුයි. හෘද රෝග වළක්වා ගන්න, කොලොස්ටරෝල් පාලනයට, පෙණහළු සහ මුඛ පිළිකා ඇතිවීම වළක්වා ගැනීමට වට්ටක්කා ඉතා සුදුසුයි. මින් ඉතාමත් වැදගත් වන්නේ වට්ටක්කා ඇට, දියවැඩියාව, පිළිකා වැනි රෝගවලට වාගේම කුරුළෑ සුවපත්කර ගැනීමටත් වට්ටක්කා ඇට ඖෂධයක් හැටියට භාවිතා කරනවා. ඒ වාගෙම වට්ටක්කා කියන්නේ විෂබීජ නාශකයක්. සුව නොවන තුවාල පිරිසිඳු කරගැනීමට සහ කුෂ්ඨ රෝගවලදී වට්ටක්කා ලූණු මිශ්‍ර නොකර තම්බා එය තුවාලයේ ආලේප කර අපද්‍රව්‍ය, විෂබීජ ඉවත් කරගන්න පුළුවන්.

ළදරු පෝෂණයටද වට්ටක්කා තම්බා තලපයක් ලෙස සකස් කර එම දරුවන්ට ආහාරයට දිය හැකිය. රුව රැක ගැනීමටත් වට්ටක්කාවලින් ලොකු මෙහෙවරක් ඉටුවෙනවා. ‍සමේ සෛල ආරක්‍ෂාකර ගැනීම, අහිතකර කිරණයන්ගෙන් සම ආරක්‍ෂාකර ගැනීම, සමේ තෙතමනය රැක ගැනීම, හිස කෙස් වර්ධනය වාගේ දේවල්වලට වට්ටක්කා යොදා ගන්න පුළුවන්. වට්ටක්කා මදය මී පැණි සමග මිශ්‍රකර හිස කෙස්වල ගල්වා මිනිත්තු කිහිපයක් ගිය පසු සෝදා හැරීම හිසකෙස් සඳහා පෝෂණීය ප්‍රතිකාරයක්. වට්ටක්කාවලින් සාදා ගත්ත පල්පයක් තෙල් සහිත මුහුණේ ආලේප කිරීමෙන් මුහුණේ තෙල් ගතිය ඉවත් වෙලා සමේ සෛල නිපදවීම වැඩිවෙලා මුහුණ පැහැපත් වෙනවා.

හැබැයි මේ සඳහා භාවිතා කළ යුත්තේ එදා අපේ ගමේ ගොඬේ, ගෙවත්තේ , හේනේ හැදුන දේශීය වට්ටක්කා. අද ඒ වෙනුවට බහුලව දකින්න තියෙන්නේ ජාන තාක්‍ෂණය උපයෝගී කරගෙන සකස් කරගත් බීජවලින් හැදෙන ඩුබායි වට්ටක්කා, මීමිනි වට්ටක්කා, කාබේරි වට්ටක්කා වැනි දෙමුහුන් වට්ටක්කා වර්ග. ඉන් අපේ දේශීය වට්ටක්කාවලින් ලැබෙන සම්පූර්ණ ගුණය උපරිමව ලබන්න බැහැ. යම් යම් පෝෂණ තත්ත්ව තිබුණත් අපේ දේශීය වට්ටක්කාවලට මේ ජාන තාක්‍ෂණ බීජවලින් හැදෙන වට්ටක්කා කිට්ටු කරන්නවත් බැහැ. මේ නිසා තවමත් නොනැසී පවතින දේශීය වට්ටක්කා බීජවලින් උපදවාගත් වට්ටක්කා වැළක්, දෙකක් අපේ ගෙවත්තේ වවාගෙන ඉන් ලැබෙන ඵලයෙන් ප්‍රයෝජන ගන්න දැන්වත් කටයුතු කරන්න ඕනෑ. වට්ටක්කා ගෙඩිය ඇට, මද පමණක් නෙමේ කොළ මැල්ලූම, දළු නියඹලාව බොහෝ ගුණදායක ව්‍යාංජන. විශේෂයෙන්ම වට්ටක්කා දළු නියඹලාව යකඩ, පොස්පරස්, විටමින් බී, ආදියෙන් පොහොසත්. හයිඩ්‍රොසයිනික් සහ ඇස්කෝබීන් කියන අම්ලයන්ද යම් ප්‍රමාණයකට වට්ටක්කා දළුවල අඩංගු වෙලා තියෙනවා. විශේෂයෙන්ම මත් වතුර, දුම් වැටිවලට ඇබ්බැහිවෙලා ඉන්න අයට ඒවා භාවිතයෙන් ශරීරගත වන විස ශරීරයෙන් ඉවත්කර ගැනීමට නිතර වට්ටක්කා ආහාරයට ගැනීම හේතු වෙනවා. මෙම තත්ත්වයන් නිසා අප්‍රාණිකවන අඩාළ වන ඉන්ද්‍රියන් නැවත ප්‍රකෘතිමත් කරවනවා.

බොහෝ දුරට වට්ටක්කා දළු කිරට ව්‍යාංජනයක් විදියට සකසා ගන්නවා. ඒ වාගෙමයි දළු තෙම්පරාදුව කියන්නෙත් ඉතා රසවත් ව්‍යාංජනයක්. අවුරුදු සමයට හදන හත් මාළුවේ ප්‍රධාන එළවළුවක් වන්නේ වට්ටක්කා. ඒ වාගෙම විශේෂයෙන්ම දමිළ අය නිතර සාදා ගන්නා .සාම්බාරු හොද්ද. සඳහා අනිවාර්යයෙන් වට්ටක්කා සහ සියඹලා යොදා ගන්නවා. වට්ටක්කා නියඹලාව ඉතා රසවත් ගුණවත් ආහාරයක්. වට්ටක්කා කෑලි කපලා, එයට අවශ්‍ය තරමට මිරිස්, තුනපහ යොදලා, දෙවන කිරෙන් නැතිනම් දියකිරෙන් ලිප තබා හොඳින් ඉදුණාට පසු සුදුලුනු, ගම්මිරිස්, කහ, රතු ලුනු, පොල් ස්වල්පයක්ද සමග එකට අඹරා මිටිකිරිවලට එම මිශ්‍රණය දමා සකස්කර ගන්නා වට්ටක්කා නියඹලාව හරිම රසවත් වාගෙම ගුණදායකයි.

වට්ටක්කා යුෂ පානය කිරීම අම්ලපිත්ත (ගැස්ට්‍රයිටිස්) රෝග තත්ත්වය මර්දනය සඳහා ප්‍රබල ඔසුවක්. වට්ටක්කා ග්‍රෑම් 150 ක විතර ප්‍රමාණයක් හොඳින් පොඩි කරලා යුෂ ටික අරගෙන මී පැණි තේ හිඳි දෙකක් සහ ලූණු ස්වල්පයක් මිශ්‍ර කරලා පානය කිරීමෙන් මෙම රෝගී තත්ත්වය වහාම සමනය වෙනවා. මෙය පිපිඤ්ඤා, කොමඩු, ඩ්‍රැගන්ෆෘට් වැනි යුෂ මෙන් ඉතා රසවත් පානයක්.

මේ වට්ටක්කා යුෂ පානය නිවසට එන අයට සංග්‍රහ කරන්න සිසිල් පානයක් ලෙසත් යොදා ගන්න පුළුවන්. තවත් ටික දිනකින් එළඹෙන සිංහල හින්දු අළුත් අවුරුද්දත් එක්ක අපේ අය තෙල්කෑම, අච්චාරු වැනි දේවල් වැඩි වැඩියෙන් ආහාරයට ගන්නවා. එහෙම වෙනස් වන ආහාර ර‍ටාවන් සමග ගැස්රයිට්‍රිස් හැදෙන්න තියෙන ඉඩකඩ වැඩියි.

මේ නිසා ඒ කාලයේ නිතර වට්ටක්කා සහ එහි දළු, කොළ ආහාර වේලට එකතුකර ගැනීමත් පානයක් ලෙස නිතර වට්ටක්කා යුෂ පානයත් ඔබ නිරෝගී කරන්න හේතු වෙනවා. මෙවර අලූත් අවුරුද්දේ නිවසට එන අයට සංග්‍රහ කරන්න වට්ටක්කා යුෂ සිසිල් පානයක් ලෙස යොදා ගන්න. ඉතින් මේ දේවල් වලින් ඔබ යමක් ඉගෙන ගත්තා නම් ඔයාගේ යාළුවන්ටත් බලන්න ශෙයා කරන්න.

(උපුටා ගැනීම අන්තර්ජාලයෙන්)

සන්ධිවල ඇතිවන වේදනාව නැති කරගන්න ගෝවා වලින් විශ්මිත ඔසුවක් හදන හැටි

සන්ධි ආශ්‍රිත වේදනාවන් හා රෝගී තත්ත්වයන් වර්තමානයේ අපට බහුලව අසන්නට ලැබෙනවා. බොහෝ සන්ධි ආශ්‍රිත රෝගී තත්ත්වයන් හට ගැනීම ආරම්භ වෙන්නේ වයස අවුරුදු 35 -40 කියන වයස් සීමාවේදී. කාර්යාල තුල එකම ඉරියව්වෙන් දවසම වැඩ කරන පුද්ගලයින් ඉක්මණින්ම සන්ධි වේදනා වලට ගොදුරු වෙනවා. සන්ධි රෝගයකදී බහුලව දැකගත හැකි ලක්‌ෂණ වන්නේ දණහිස, වළලුකර, මැණික්‌ කටුව, උකුල සන්ධිය ආශ්‍රිත සහ සෙසු කුඩා සන්ධි ආශ්‍රිත එනම් ඇඟිලි පුරුක්‌ සහ කොඳුඇට පුරුක්‌වල ඇති වන වේදනාවයි. කාන්තා පුරුෂ භේදයකින් තොරව හටගන්නා මේ පීඩාකාරී රෝගී අවස්ථාවන් වලදී බොහෝ දෙනා සිදුකරන්නේ, වේදනාව තාවකාලිකව සමනය කර ගැනීම සඳහා බාම් වර්ගයක් හෝ වේදනා නාශක පෙති භාවිතා කිරීමයි‍. නමුත් සන්ධි වේදනාවන් ආරම්භයේදීම නිසි ප්‍රතිකාර නොකිරීමෙන් පසුකාලිනව රෝගය උත්සන්න වීම සිදු වෙනවා. මෙම නිසා සන්ධි වේදනා පළමුව හදුනාගත මොහොතේම ප්‍රතිකාර සදහා යොමු වීමට අමතක කරන්න එපා. අද විශ්ම ලෝකයෙන් අපි ඔබව දැනුවත් කරන්නේ ගෝවා භාවිතයෙන් සන්ධි වේදනා වලට සාර්ථක ලෙස ප්‍රතිකාර කර ගත හැකි ක්‍රමයක් ගැන.

ගෝවා තුල විටමින් K , විටමින් C හා පොටෑසියම් අඩංගු වෙනවා. ඒ වගේම ගෝවා ශරීරය නිවාලන ගුණයෙන්ද පොහොසත්. තවද විවිධ වර්ගයේ පිළිකා සෛල මර්ධනය කිරිමේ හැකියාවද ගෝවා සතු වෙනවා. කිරි දෙන මව්වරුන් හට, තම පියයුරු මත ගෝවා කොළ තබා ගැනීමෙන් හෝ ගෝවා යුෂ ආලේප කිරීමෙන් පියයුරු ඉදිමීම හා පියයුරු වේදනාව සමනය කර ගන්නට පුළුවන්. ගෝවා මගින් ලබා ගත හැකි සෞඛ්‍ය වාසි මෙපමණකින් සීමා වන්නේ නෑ. අද සමාජයේ බොහෝ දෙනෙකු පිඩා විදින සන්ධි වේදනාව සදහා සුවයක් සලසා ගැනීමටද ගෝවා යොදා ගත හැකි බව ඔබ මීට පෙර අසා නැතුව ඇති. හරි අපි දැන් බලමු ගෝවා භාවිතා කරලා සන්ධි වේදනාව සුව කර ගන්නේ කොහොමද කියලා.

මේ සදහා අවශ්‍ය ද්‍රව්‍ය
කාබනික පොහොර පමණක් යොදා වගා කල ගෝවා ගෙඩියක්, ගෝස් කැබලි හෝ වෙළුම් පටි, අවන් එකක්, රෝලින් පින් එකක් හෝ හිස් වයින් බෝතලයක්, ආහාර ඇසුරුම් කිරීම සදහා යොදා ගන්නා ඇලුමිනියම් කොළ. මේ ඇලුමිනියම් කොළ එහෙම නැත්තම් ඇලුමිනියම් ෆොයිල් ෆුඩ් සිටි වල ගන්න තියෙනවා.

බෙහෙත් වට්ටෝරුව සකස් කර ගන්නේ මෙහෙමයි
මුලින්ම ගෝවා ගෙඩියේ පිටත කොළ කිහිපය ඉවත් කර හොදින් සෝදා ගන්න. වතුර ගතිය යනතුරු හොදින් වියලා ගෙන , ගෝවා ගෙඩියේ මැද ඝන කොටස ඉවත් කර ගන්න දැන් ගෝවා කොළ කිහිපයක් එකවර ගෙන , ලැල්ලක් මත තබා , වයින් බෝතලය ආධාරයෙන් හොදින් තලා ගන්න. ඒ කියන්නේ ගෝවා කොළ වලින් යුෂ එලියට පැමිණෙන ආකාරයෙන් වයින් බෝතලයෙන් රෝල් කරන්න. දැන් ඇලුමිනියම් කොලයක් ගෙන එසේ තලා ගත් ගෝවා කොළ කිහිපය එහි ඔතා අවන් එකේ දමා විනාඩි කිහිපයක් රත් කර ගන්න. මෙහිදී අවශ්‍ය වන්නේ ගෝවා කොළ මදක් උණුසුම් කර ගැනීමට පමණයි. අධික ලෙස රත් කරන්න එපා. දැන් උණුසුම් ගෝවා කොළ වේදනාව දැනෙන ස්ථානයේ තබා ගෝස් කැබලි හෝ වෙළුම් පටි ආධාරයෙන් හොදින් වෙලන්න. පැය 2ක් පමණ තිබෙන්නට හරින්න. පසුව ඉවත් කරන්න. ඔබට හැකි නම් මෙය දිනකට දෙවරක් සිදු කරන්න. මේ ප්‍රතිකාරය නොකඩවා සති 4ක කාලයක් සිදු කල යුතු වෙනවා. මෙහි පුදුම හිතෙන කාරණය නම් පසු දින සිටම ඔබට ප්‍රතිපල අත්විදින්නට හැකි වීමයි. ගෝවා කොළ තැබූ පසු ඔබට කැසීමක් වැනි දෙයක් ඇති වනවා නම් වහාම ගෝවා කොළ ඉවත් කරන්න. එහි තේරුම ඔබගේ ශරීරය මෙම සත්කාරයට ප්‍රතිවිරුද්ධතාවයක් දක්වන බව. නමුදු එසේ සිදු වන්නේ ඉතාම කලාතුරකින් නිසා අනවශ්‍ය බියක් ඇති කර ගත යුතු වන්නේ නෑ. කොහොමත් ස්වභාවික සත්කාර අපේ ඇගට කිසිම ලෙසකින් හානියක් කරන්නේ නෑ.

ගෝවා තුල අඩංගු වන ඇන්තොසයිනින්ස් , ශාක පෝෂක සහ ග්ලුටමින් වැනි සංයෝග , සන්ධි වේදනා සමනයට හා ආතරයිටිස් වැනි රෝග වලට ඉතාම ගුණදායකයි. මෙන්න මේ නිසයි ගෝවා ආධාරයෙන් මෙවැනි බෙහෙත් වට්ටෝරුවක් නිර්මාණය කිරීම සදහා ආයුර්වේදී වෛද්‍යවරුන් පෙළඹිලා තියෙන්නේ. ඇත්තෙන්ම කියනවා නම් ගෝවා කියන්නේ සොබාදහමෙන් අපිට නොමිලේම දායාද කරපු තවත් එක් වැදගත් රෝග නිවාරකයක්.

අපි හැමදාමත් ඔබව මෙවැනි ස්වාභාවික දේවල් භාවිතා කරලා. රෝග නිවාරණය කර ගන්නා ආකාරය පිලිබදව කියා දෙනවා. ඇත්තෙන්ම ඕනෑම දරුණු රෝගයක් සම්පුර්ණයෙන් සුව කිරීමේ හැකියාව ඇත්තේ සොබා දහමට පමණයි කියලත් අපි තදින් විශ්වාස කරනවා. ස්වාභාවික අමුද්‍රව්‍ය වලින් තනා ගන්නා බෙහෙත් සෑම විටම කෘතීම බටහිර බෙහෙත් වලට වඩා පලදායක වන්නේ ඒ නිසයි. ඉතින් ඔබත් මෙම බෙහෙත වට්ටෝරුව සකස් කර භාවිතා කරන්න. ඔබේ මිතුරන් ආදරණියන්ටත් දැන ගන්න මෙම වීඩියෝව ශෙයා කිරීමට කාරුණික වන්න.

තාමත් අපිව සබ්ස්ක්‍රයිබ් කරලා නැත්තම් දැන්ම පහල රතු පාට සබ්ස්ක්‍රයිබ් බොත්තම ඔබලා විශ්ම ලෝකය යුටියිබ් නාලිකව සබ්ස්ක්‍රයිබ් කරන්න. තවත් අලුත් විදියෝවකින් හමු වෙමු. ඔබට නිරෝගිමත් අනාගතයක්.

(උපුටා ගැනීම අන්තර්ජාලයෙන්)

තැඹිලි වතුරේ තයෙන පුදුම හිතෙන ගුණ මෙන්න

තැඹිලි යනු ලංකාවට ආවේණික ගසකි. තැඹිලි වර්ග කිහිපයක්ම ලංකාවේ ඇත. තැඹිලි වතුර මේ ලොව ඇති සුපිරිසිදුම පානයක් වෙයි. මාස 7ක් 8ක් පුරා ජෛව පරිසිදු වීමේ ක්‍රියාවලියකට ලක් වී නිපදවන තැඹිලි වතුර ජීවානු හරිතය. එහි සංයුතිය අපගේ සෛල ප්ලාස්මාවේ සංයුතියට රුධිරයේ අයනික සංයුතියට බෙහෙවින් සමාන වෙයි. මෙහි සුලභව පවතින පොටෑසියම්, සෝඩියම්, ක්ලෝරයිඩ්, මැග්නීසියම් වැනි අයන වර්ග මෙන්ම සුළු වශයෙන් ඇති ස්වභාවික සීනි නිසාවෙන්ද අයණික ගුණ අතින් විශිෂ්ථ ගුණ දක්වයි.

එමෙන්ම තැඹිලි වතුර හා ලාමදය ආහාරමය තන්තු වලින්ද පොහොසත්ය. මැංගනිස්, අයඩින්, සල්ෆර්, සින්ක්, සෙලෙනියම්, කැල්සියම්, පොස්පරස්, යකඩ හා විටමින් බී,සී හා ඊ වැනි ක්ෂුද්‍ර පෝෂකද ඇත. තවද මෙහි අත්‍යාවශ්‍ය ඇමයිනො අම්ල, කාබනික අම්ල, ප්‍රතිඔක්සිකාරක, ජෛව ක්‍රියාකාරී එන්සයිම වර්ග, ශාක රසායන, ශාක හෝමෝන වර්ග මෙන්ම හදවතට හිතකර මේදය ද අන්තර්ගත වේ.

තැඹිලි වතුර වනාහි ඝර්ම කලාපීය රටවල වාසය කරන මිනිසුන් සදහා ස්වභාව ධර්මයා විසින් තිළිණ කරදුන් දිව්‍යමය පානයක් ලෙස හැදින් විය හැකි අතර අනාදිමත් කාලයක සිට අපේ රටේ දේශීය වෙදකම සදහා තැඹිලි භාවිතා කර ඇති බවට සාක්ෂි තිබේ.

එමෙන්ම
තැඹිලි වතුරෙහි තිබෙන අධික ඛනිජ ලබණ සංයුතිය නිසාවෙන්, හෘදයාබාධ අධික රුධිර පීඩනය වැලැක්වීමේ ඖෂධීය ගුණයක් එහි ඇත. බටහිර ඖෂධ අධිමාත්‍රා වලින් ශරීර ගත වීමකදී ඒවායේ විෂ හරණය කිරීමටත් ආහාර වර්ග වල තිබෙන පලිබෝධනාශක ශේෂ කොටස් මෙන්ම ආසනික් කැඩීමියම් වැනි බැර ලෝහ නිසාවෙන් සිදුවන හානි අවම කිරීමටත් පොල් හා තැඹිලි ඉවහල් වනු ඇත. තැඹිලි පොල් කුරුම්බා වතුරෙහි මොනෝලොරික් ඇසිඩ් (Monoloric Acid) නම් අතවශ්‍ය මේද අම්ලය අඩංගු වන බැවින් එය අපගේ ප්‍රතිශක්තිකරණ පද්ධතිය දියුණු කිරීමටත් ලෙඩ රෝග වලින් අපව ආරක්ෂා කිරීමටත් හේතු වනවා ඇත. දියවැඩියා රෝගය පාලනය කිරීමටද තැඹිලි වතුර වැදගත් වන බව සොයා ගෙන ඇත.

තැඹිලි වතුර අපේ ශරීරයේ අහිතකර කොලෙස්ටරෝල් අඩු කිරීමටත්, හිතකර කොලෙස්ටරෝල් මට්ටම වැඩි කිරීමටත් හේතු වන අතර, එහි පොටෑසියම් වැඩි සාන්ද්‍රණයකින් අඩංගු වන බැවින් හදවත රකින විශිෂ්ඨ ආහාරයක් වෙයි. තැඹිලි, කුරුම්බා හා පොල් වතුරෙහි, පිළිකා ඇති වීමට හේතු වන නිදහස් මුක්ත ඛණ්ඩක විනාශ කරන ප්‍රතිඔක්සිකාරක වලින් ද පොහොසත් බව සොයා ගෙන ඇත. තැඹිලි වතුරෙහි සින්ක් හා සෙලෙනියම් වැනි ඛණිජ ලවණ වර්ග තිබෙන බැවින්, ලිංගික සරුභාවයටත්, මද සරුභාවය දුරු කිරීමටත් ගුණදායක බව පැවසේ. මහළු අයට සහ ඝන ආහාර දිරවීමට අපහසු රෝගින්ට ලබා දිය හැකි විශිෂ්ධ පෝෂණීය පානයකි.

මවු කිරි වල තිබෙන ලෝරික් අම්ලය පොල් සහ තැඹිලි වතුරෙහි ද අඩංගු වන නිසා සකස් කළ ළදරු කිරිපිටි වර්ග වලට වඩා තැඹිලි වතුර ගුණදායක බව පැවසේ. ගර්භනී මවුවරුන්ද පොල් තැඹිලි වතුර පානය කිරීම ගුණදායකය. ශරීරය අධිකව වෙහෙසට පත්වන අවස්ථා වලදී හා විජලන තත්ත්වයන් වලදී තැඹිලි හෝ කුරුම්බා වතුර පානය කිරීමෙන් විශිෂ්ඨ ගුණ ලැබෙනු ඇත.

අනුෂා එන්.ගමගේ විද්‍යා හා තාක්ෂණ නිලධාරී හංවැල්ල.
(උපුටා ගැනීම අන්තර්ජාලයෙන්)