ගෙදරදීම පහසුවෙන් වරකා ජෑම් හදන විදිය මෙන්න

අද උදේ චුන් පාන් මල්ලි අපේ ගෙවල් පැත්තට ඇවිල්ල නෑ . අල්ලපු ගෙදර පොඩි එකා අම්මත් එක්ක ලොකු කතා බහක් මට ඇහෙනවා .අනේ අම්මේ ජෑම් පාන් ඕනේ ජෑම් පාන් කන්ඩ නැත්නම් මම කන්නෙ නෑ හොදේ බෑ බෑ බෑමයි …මළ හත්තිලව්වක් තමයි දැන් වෙලා තියෙන්නේ දැන් කාලේ ඉන්න පොඩි එවුන් ට ආයේ ඉතින් බැහැ කිව්වොත් බැහැ ම තමා .ඒකට අපේ කාලේ මොනවා ඉල්ලුවත් අපේ අම්මලා තාත්තලා නං අපිට කිසිම දෙයක් දුන්නෙ නෑ .අපිට අවශ්‍ය වෙලාවට ඉල්ලන්නත් කලින් ගෙනත් දුන්නා .හැබැයි ඉල්ලීම් වලට තර්ජන වලට බය වෙලා පොඩි එවුන්ට දේවල් ගෙනත් දෙන ක්‍රමේ පරණ සම්ප්‍රදායේ නෑ … ඒකනේ අදත් අපි මේ විදිහට හොඳින් ඉන්නේ … මොකද ඉතින් අපි තර්ජන ගර්ජන නෑ වැඩ විතරයි තියෙන්නේ…

ඔන්න කතාවෙන් පොඩ්ඩක් පීලි පැන්න මගේ සාමාන්‍ය කතා ශෛලිය ඔහොම තමා අපේ අම්මා කියන විදිහට ඕක ආරෙට ආපු ප්‍රශ්නයක් ලූ.හරි හරි ඒකෙන් මේකෙන් වැඩක් නෑ කතා කර කර හිටියේ චුන් පාන් මල්ලි නැති හින්දා එහා ගෙදර පොඩි එකාගේ ගෝරනාඩුව ගැනනෙ .පොඩ්ඩක් මේ ජෑම් පාන් ප්‍රශ්න ගැන වෙනස් විදියකට හිතන්න ගත්තා.කෑම වගේම පානුත් ප්‍රශ්නයක් අපි ජෑම් ගැන කතා කරමු .

ඇයි අපිට බැරි අපේ ගස් වටේ වැටිල යන වැලවරක ටික ජෑම් කරන්න ඔබට එහෙම හිතුනද ?හරි සමහර වෙලාවට ගොඩක් අයට හිතිලත් ඇති .එහෙම හිතුව නං ඒක ජාතියේ වාසනාවක්.හරි මේ තියෙන ප්‍රශ්නයෙන් පොඩ්ඩක් ගොඩ එන්නත් එක්ක අපි වරකා වලින් ජෑම් හදමු ද?

රෙසිපි එකේ ලොකු වෙනසක් නැහැ හරියට ගත්තොත් අන්නාසි ජෑම් හදනවා වගේ මයි.ලිපියට ඕන පින්තුර ටික හොයන්න මං ඉන්දියාවේ ජාලය උඩ පොඩ්ඩක් එහෙට මෙහෙට දිව්වා කිරි අප්පට බල්ලෝ පැනපි කියන්න ඉන්දියාවේ ජයටම ජෑම් කනවා වරක වලින් .ශාරුක් ඛාන් අමීර් ඛාන් amithabh bachchan අයියලා සෙට් එකම දැන් කන්නේ වරකා ජෑම් .ආයෙත් ඉතින් අපේ අයියලාට අක්කලටත් ඉන්දියාවේ කොපියක් කිව්වොත් ෂුවර් එකටම කරයි .ඔන්න එහෙනම් ඉන්දියාවේ ක්‍රමයට අපි වරකා ජෑම් හදමු .කැමැති ඇත්තෝ ලංකාවේ අන්නාසි ජෑම් හැදුව විදිහටම අඹ ජෑම් හැදුව විදිහටම පොඩ්ඩක් අමුද්‍රව්‍ය ටික නං මාරු කරගන්න .ඔන්න එහෙනම් ඉතින් “නමස්තේ” කිව්ව …හෝව් හෝව් පොඩ්ඩක් ඉන්න හින්දි කතා කරන්න ගිහිල්ලා මමත් හින්දි කරණය වෙලාද කොහෙද …ඔන්න එහෙනම් මං ගිහින් එන්නං ආවඩා ආයුබෝ වේවා ….

හොදින් ඉදුණු වරකා ගෙඩියක් හොයාගන්න. වරකා ගෙඩිය කපා ගන්න. ඇට හා සිබිඩ්ඩ ඉවත් කරන්න. සුද්ද කර වරකා බ්ලෙන්ඩර් එක්කින් අබරා ගන්න. පේස්ට් එකක් වෙනතුරු අබරා ගන්න. වරකා ප්‍රමාණයට ගැළපෙන්න සීනි එකතු කරන්න. මද ගින්නේ පිසගන්න. පදම එන තුරුම මදගින්නේ හැදිගාන්න. අවශ්‍යනම් පමණක් ආහාර වර්ණක එකතු කරන්න. පාදම ඝනකම වනතුරු මදගින්නේ හැදිගාන්න. ලිප උඩ නිවෙන්න ඉඩ හරින්න. මදක් හැදිගාමින් නිවෙන්න හරින්න. දැන් වියලි විදුරු බෝතලයකට අසුරාගන්න. ඔන්න වරකා ජෑම්..

තෙරුවන්ගේ සරණයි – උදිත් නිරෝෂන කුලසූරිය.
(උපුටා ගැනීම අන්තර්ජාලයෙන්)

කුරුළෑ ගෙඩි, කුරුළෑ ලප ඉවත් කරන අයිස් කියුබ් ප්‍රතිකාර ක්‍රම රැසක්

කුරුළෑ සම්බන්ධයෙන් කෙල්ලෝ කොල්ලෝ ගොඩක් වෙලාවට මානසිකව වැටෙනවා නේ.. ඔන්න ඒ කට්ටියට.. අපි දන්නවානේ ice cube treatment beauty සම්බන්ධයෙන් සමට ගොඩක් වැදගත් දෙයක් කියලා. අපි බලමු ඒ ice cube කොහොමද අපේ skin type එකට අනූව හදා ගන්නේ කියලා. ගොඩක් අය කරන්මේ වතුර අයිස් කරලා මුහුණේ ගාන ඒක ඒකත් හොදයි නරක නැහැ නමුත් මේ දෙවල් එකතු කරලා මේ treatment කරලා ඔයාලම ඔයාලගේ මුහුණ කණ්නාඩියෙන් සති දෙකකින් වගේ වෙනස බලන්න. මෙන්න මෙහෙමයි කරන්නේ.

තක්කාලී, ලෙමන් ( නැත්නම් orange juice ටිකක්) – කැළැල් සහිත සමට බෙහෙවින් උපකාරී වේ.සමෙහි සිදුරු අවම කිරීමට සමත් වෙනවා වගේම සමෙහි දීප්තිමත් බවක් ලබා දෙනවා.natural bleaching එකක් නිසා සමේ අදුරු ගතිය ඉවත් කරගන්න පුලුවන් .

හාල් පිටි, වතුර – මෙයද සමට ප්‍රබෝධමත් බවක් හොද තෙතමනයක් වගේම කැළැල් අවම කර සම සිනිදු කර පැහැපත් කරනවා

අලිගැටපේර, fresh milk – මේක භාවිතා කරන්න පුලුවන් dry skin එකක් තියන අයට විතරමයි. අදික වියලුන ස්වාභාවය පහව යනවා, සමට හොද තෙතමනයක් ලබා දෙනවා වියලි රැලි වැටීම් අඩු කරනවා

අල, වතුර – කැලැල්, කට වටේ කලු වීම්, මුහුණේ අදුරු ලප කැලැල්, pigmantation වැනි ත්ත්වයන් සුවපත් කරලා සමට සුමුදු පැහැපත් බවක් ලබා දෙනවා.

කෝමාරිකා, ලෙමන්( නැත්නම් orange juice ටිකක්) – කුරුලෑ සහිත සමට තෙල් ගතිය අවම කරනවා,කුරුලෑ සීරුවට සුවපත් කරනවා සම සිසිල් කරනවා,bleaching ආසාදන සුවපත් කරනවා.සම නැවුම්ව තබනවා

Cucumber, ලෙමන්( නැත්නම් orange juice ටිකක්) – කුරුලෑ සහිත සමට සීතල සම්පින්ඩනයක් ලබා දෙනවා බිබිලි කුරුලෑ අවම කරනවා,සම සිසිල් කරනවා,bleaching ආසාදන සුවපත් කරනවා.සම නැවුම්ව තබනවා

මේ වගේ දෙවල් එකතු කරලා ඔයාලගෙ සමට හොද පෝෂණයක් ලබා ගන්න පුලුවන් දවසට විනාඩි 10/ 15 පමණ ,රෙදි කෑලී වල ඔතලා ice cube treatment වලින් ප්‍රතිඵල ගන්න අමාරුයි මෙකද පෝෂණය උරා ගන්නේ රෙදි කැබැල්ල හරහා වෙන නිසා. Ice කැටය direct මුහුණේ අතුල්ලන්න.දිනපතා කරන්න පුලුවන් ,රාත්‍රීයේ දී මෙම treatment එක කරන්න ටිකක් අවදානම් සෙම ,ඔලුව කැක්කුම ,ඇදුම තියන අයට .දහවල් කාලයට පොඩි වෙලාවක් වෙන් කරගන්න.මේකෙන් treatment කරලා මුහුණ සෝදන්නේ නැහැ.මුහුණේ රැදෙන්න දෙන්න වියලෙනක්ම් පැය 3/5 අතර කාලයක් .සමට පැහැදිලි වෙනසක් බලාගන්න පුලුවන්.

ඔන්න කියා දුන්නා ඔයාලගේ උත්සහය තමයි ඔයාලගේ සමේ ලස්සන වැඩි කරන්නේ,ගොඩක් අය treatment කරලා result inbox දානවා.ගොඩක් ස්තුති මගෙන් යම් කිසි සාදාරනයක් සමාජයට හොද විවියට වෙනවනම්.සන්තෝසයි ඔයාලට වගේම මගෙත් ආත්ම විශ්වාසය දවසින් දවස වැඩි වෙනවා ඔයාලගේ ආදරයත් ,ඇගයීමත් එක්ක.😍

ලිපියේ අයිතිය Umayangana egodawaththa
(උපුටා ගැනීම අන්තර්ජාලයෙන්)

හුලංකීරිය අල තම්බලා කන්න කොලෙස්ටරෝල් නැත්තටම නැතිකරනවා

අපේ රටේ වතු කෘෂිකර්මය සුද්දන් විසින් ආරම්භ කළත්, උන්ට අවශ්‍ය වුණු වැඩ කාරයන් , කම්කරුවන් සොයා ගැනිමට නොහැකිවුනේ ඇයි? අපිට රටේ හිටපු මුතුන්මිත්තන්ට කිසිම ආකාරයක ආහාර හිඟයක් නොමැති වූ නිසා ය . ඉංග‍්‍රීසීන් මෙරටට පැමිණි අවදියේ අප රට තිබූ තත්ත්වය සම්බන්ධ ව ඔවුන් පළ කළේ මෙබඳු අදහස්ය.

“ඉතාම පහසුවෙන් තම ගෙවත්තෙන් සහ අවටින් ආහාර සපයා ගැනීමට හැකියාවක් තිබිය දී වතුවල කුලීකාරයන් වශයෙන් සිංහලයන් සේවයට යාමට කැමති වන්නේ නැත. තම ගෙවත්තේ ඇති බෝගවලින් කිසිදු ආයාසයකින් තොරව මෙහි ගැමියනට තම පවුල් නඩත්තු කර ගැනීමට හැකියාව ඇත.” (Ceylon and the Cingalese – P130, Henry Charles Sirr-1850)ඉතින් මම හිතුවා අපේමේ පරගැති බව ටිකක් අඩු වෙලා යන්නත් එක්ක .අප ගේ දේශීය අල වර්ග ගැන ටිකක් මතක් කළොත් හොඳයි කියලා.

නම ඇහුව ගමන් නිකන් පාවෙන ගතියෙන් තිබ්බාට මොකද හුලංකීරිය කියන්නේ සුපිරි කෑමක් ,ඉස්සර අපි කැලෑගානේ රිංගන කාලේ හරි ජනප්‍රියකෑමක් තමයි හුලංකීරිය. සුදුපාට පොඩි අලයක්. සමහර දවස්වල මම පොලෙත් දැකලා තියෙනවා. දැන් අය නම් හුලං කීරිය කන්නේ තම්බලා උනත් අපි නම් ඒ කාලේ කෑවේ අමුවෙන්මයි. හෝදන්නෙත් නෑ. ගලවලා වැලි ටික පිහලා එහෙම්මම කනවා. වැඩියෙ මෝරපු නැති හුලංකීරිය අල කිරිම කිරි රහයි. හැබැයි පරිස්සම් වෙන්න ඕන නියඟලා අල හුලංකීරිය අලේට ටිකක් සමානයි. ඒ වගේමයි සුදු බතල අලේත් නියඟලා අල වගේමයි. හැබැයි දන්න කෙනාට මේක අඳුන ගන්න අමාරැ නෑ. හුලං කීරිය කියලා නියඟලා අල කෑවොත් සොරිම තමයි හොදේ.

හුළංකීරිය කියන්නේ නිකම්ම නිකන් කෑමක් විතරක් නෙමෙයි බොහොම වටින ඖෂධයක් Atorvastatin Fluvastatin,Lovastatin,Pitavastatin
Pravastatin ,Rosuvastatin,Simvastatin මගේ අම්මෝ අපේ කට්ටිය බොන පෙති කරල් තොගේ .කොලොස්ට්‍රෝල් නැති එකෙක් හොයාගන්න බෑ හත් දෙයියනේ අපේ මුතුන්මිත්තන්ට ඔය මඟුල් තිබ්බෙ නෑ නොවැ .

ඒ විතරක් නෙවේ හුලංකීරිය ශරිරයේ අම්ල ගතිය මර්ධනය කරයි. අජීර්ණය සුව කරයි. ස්ථුල බව අඩු කරයි. දියර ස්වභාවයෙන් මළ පිටවීම පාලනය කරයි. ලේ සීිදං පහවන අතීසාරය සුව කරයි. අර්ෂස් සුව කරයි. ළදරු ආහාරයක් ලෙසත්, සුව වූ රෝගීන්ට දෙන බර අඩු ආහාරයක් ලෙසත් නිර්දේශිත අල වර්ගයක් වෙනවා .ඒ විතරක් නෙමෙයි අජීර්ණ ,මුත්‍රා අඩස්සි ,වලිප්පුව,උණ,කැස්ස ,හමේ රෝග ,ශ්වාසනාළ ප්‍රදාහය ඇති වීම ,හෘද රෝග වගේ කුඩා හා හා ලෙඩ රෝගවලට හුලංකීරිය දිව්‍ය ඖෂධයක් .ඉස්සර කාලෙ අපේ පැතිවල වලිප්පුව හැදුණු ළමයින්ට හුලංකීරිය අල කොටලා ඉස්ම දෙනවා එහෙමත් නැත්නම් තම්බල කන්න දෙනවා .දැන් ඉතින් ඔය හැම තැනම තියෙනවා වගේ ආහාර විස වීමක් උනොත් හුලංකීරිය අල යුෂ බොන්න දෙනවා නම් ඉතිං ඊට වඩා වෙන දෙයක් නෑ .

කලටි පොල් ටිකක් ගාලා හුලංකීරිය අල ටිකක් තම්බලා කන්න දෙනව නං ඉතිං ඔය දැන් හැම තැනම තියෙන ගැස්ටික් එහෙමත් නැත්නම් අම්ලපිත්ත රෝගය එහෙම නැත්නම් බඩවැල්වල ඇති වන තුවාල,මලබද්ධය වගේ කරදරකාර ලෙඩ ඉතින් ඉවරටම ඉවරයි ඕං .

ඔබට තියෙන්නේ කුඩා ඉඩමක් නම් එහි තිබෙන ඉඩ උපරිම ලෙස ප්‍රයෝජනයට ගැනීමට හුලංකීරිය වගා කිරීම යෝජනා කරමි.ඔයාලගේ ඉඩමේ මායිමට වෙන්න ටිකක් උසට හිටින්න පස් පුරවලා පාත්ති ටිකක් හදා ගත්තොත් හුලංකීරිය වවාගන්න ඉතින් ඊට වඩා වෙන තැනක් නෑ .මාස කිහිපයකින් ම හොඳ අස්වැන්නක් අරගෙන ඔබගේ කුටුම්භයේ මෙනුඑක පෝෂණීය කිරීමට ලැබෙන හොඳ අවස්ථාවක් මේක.

ඔන්න එහෙනම් මගේ හුලංකීරිය වර්ණාව ඉවරයි .කල්පනා කරල හොඳට හිතලා බලලා ඔයාලගේ වත්තේ හොඳ තැනක මායිමක.හුලංකීරිය පඳුරක ටත් ඉඩක් තියේනම් වෙන් කරමු .නැවත වතාවක් දේශීය අල වර්ගයක් සමඟ සමග අපි නැවත හමුවෙමු .එතෙක් ඔබට සුභ සති අන්තයක් වේවා.

තෙරුවන්ගේ සරණයි උදිත් නිරෝෂන කුලසූරිය
(උපුටා ගැනීම අන්තර්ජාලයෙන්)

ගැස්ට්‍රයිටීස් නිට්ටාවටම සුව කරගත හැකි හීල් බත් සහ දියබත් හදාගන්න විදිය

මොනවද මේ හීල්බත්? දියබත්? රාත්‍රියේ පිසින ලද බත් වලින් පරිභෝජනයට ගෙන ඉතිරි වූ බත , උදෑසන වන විට හීල් බත ලෙස හැදින්වේ. එම ඉතිරි වූ බත් වලට වතුර දමා සකස් කරන ලද ආහාරය දිය බත නම්වේ.

කොහොමද සකස්කරගන්නේ?
හීල් බත සකසා ගැනීම – මැටි භාජනයක පිසින ලද බත , එම පිසූ භාජනයේම තබා, කාමර උෂ්ණත්වයේ රාත්‍රිය පුරා වසා තැබිය යුතුය. මෙහිදී කිසිදු විටෙක බත අතින් කලවම් කිරීමක් සිදු නොකළයුතු අතර, ව්‍යංජන හෝ වෙනත් කිසිදු බාහිර ද්‍රව්‍ය වලින් බත අපිරිසිදු වී නොතිබිය යුතුය.

දිය බත සකසා ගැනීම – මෙහිදී පැරැන්නන් විසින් අනුගමනය කරන ක්‍රම 2 කි.
ක්‍රමය 1 – රාත්‍රියේ ඉතිරි වන බත් එම පිසූ මැටි මුට්ටියේම තබා , එයට බත් වැසෙන පමණට ජලය දමා වසා කාමර උෂ්ණතවයේ උදෑසන වන තෙක් තබන්න. පෝෂණ ගුණය අපතේ නො යැවීමට පසු දින දිය බත් සකසා ගැනීමේදී ජලය ඉවත් නොකළ යුතුය.

ක්‍රමය 2 – හීල් බතට වතුර දමා පෙගෙන තෙක් මද වේලාවක් තබා සකසා ගැනීම සිදූ කිරීම.

ඉහත ක්‍රම දෙකේදීම,මෙසේ සකසන ලද බත් නෑබිලියකට දමා හැන්දක ආධාරයෙන් පොඩි කරගන්න. (නමුත් ආහාරයට ප්‍රියතාවයක් නොමැති නම් ජලය ඉවත් කිරීම හෝ මත නොගා ආහාරයට ගැනීම කළ හැකියි. )

කොහොමද මේවා ආහාරයට ගන්නේ?
හීල් බත් හෝ දිය බත් අහාරයට ගැනීම සඳහා , පොල් කිරි හෝ ගාගත් පොල් සමග රතු ලූනු, අමු මිරිස්, රස අනුව ලුණු සහ දෙහි ඇඹුල් එකතු කර ගන්න. අවශ්‍ය නම් උම්බලකඩත් කුඩාවට තලාගෙන එකතු කරගන්න. සැරට කන්න අකමැති නම් ,ගැස්ට්‍රයිටිස් වලින් තදින් පීඩා විදිනවනම්, අමුමිරිස් නොදා කිතුල් හකුරු කෑල්ලක් සමග ආහාරයට ගන්න පුළුවන් . ඉන්දියාවේදී මෙම දියබත් ” චද්දි අන්නම්” වන අතර ඔවුන් ඉහත ද්‍රව්‍ය වලට අමතරව පොල්කිරි වෙනුවට යෝගට් සමග මිශ්‍ර කර ආහාරයට ගනී.

(අද කාලේ බත් උයන්නේ රයිස් කුකර් එකේ නිසා, රයිස් කුකර් එකේම මේක හදාගත්තට කමක් නෑ. හැබැයි මැටි මුට්ටියක් භාවිතා කරනව නම් ගුණ වැඩියි. අවශ්‍ය නම් ඔබට පුළුවන් හීල් බත් හෝ දිය බත් සකසා ගැනීම සදහාම වෙනම මැටි මුට්ටියක බත් ටිකක් උයාගන්න. මෙම ආහාර සැකසීමේදී අඩියේ ඇති දංකුඩ කොටසත් එක්කරගන්න.)

ඇයි මේවා ආහාරයට ගන්නේ?
මේ ගමේ දුප්පත් කෑමනේ!මොකක්ද සාමාන්‍ය බතකට වඩා මේකේ ගුණේ?

මෙය ආහාරයක් මෙන්ම ඔසුවකි.
මෙහි ඇති ශීත වීර්ය නිසා උෂ්ණ අධික ශරීර සහ රෝග වලින් පීඩා විදින්නන්ට ඉතාමත් වටිනා ආහාරයකි. (සෙම්ප්‍රතිශ්‍යාව, පීනස වැනි තත්ත්වයන්ගෙන් පීඩා විදින්නන් වරක් ආහාරයට ගෙන තමන්ට මෙය පත්‍ය දැයි තේරුම් ගෙන ආහාරයට ගැනීම සුදුසුයි.)

අද සමාජයේ මහත්සේ පැතිරී ඇති ගැස්ට්‍රයිටීස් , අම්ල පිත්ත නමින් ආයුර්වේදයේ හඳුන්වන අවස්තාවට ඉතාමත් ගුණදායකයි.ශරීරයේ අධික දැවිලි දහඩිය බහුල පුද්ගලයින්ට, කටේ උෂ්ණ බිබිලි සහිත පුද්ගලයින්ට, කට තොල් පැලෙන අයට ද ඉතා ගුණ දායකයි. එසේම අලුතින් පිසූ බතකට වඩා පෝෂ්‍ය ගුණය අතින් ඉතා ඉහල මට්ටමේ ආහාරයක්.

මෙම ආහාර අරපිරි මැස්මට කදිම උදාහරණයක් වේ. උදෑසන ආහාර සැකසීමේ ප්‍රමාදය නිසා අද බොහෝ දෙනාට උදෑසන ආහාරය මග හැරීම සිදුවේ. අම්ල පිත්ත , දියවැඩියාව, මේද පරිවෘත්තිය අක්‍රමවත් වීමෙන් සෑදෙන තරබාරුව හදවත් රෝග වැනි බොහෝ බෝනොවන රෝග සදහා උදෑසන ආහාර වේල මග හැරීම හේතු වේ. නමුත් මෙම ආහාර ඉතා ඉක්මනින් පහසුවෙන් සාදාගත හැකි බැවින් එයටද කදිම විසදුමකි.

මොනවද මෙහෙම ගුණයි කියන්න තියෙන සාක්ෂි ?
වෙන සාක්ෂි මොකටද? තමන් ම අත්හදා බලන්න. දියබත් හීල් බත් වලට ඇග නිමෙනවා හරිම ගුණයි කියලා අපේ පැරැන්නන් කිව්ව නම් ඒක වරදින්න විදිහක් නෑනේ නේද?

එහෙම කිව්වට අපේ අය පිළිගන්න කැමති නෑ. ඒ නිසා මෙන්න පිළිතුර.
අපි අවට පරිසරයේ සහ වාතයේ වාසය කරන හිතකර ක්ෂුද්‍රජීවීන්( යීස්ට්..) බත් උපස්ථරය මත ක්‍රයාත්මක වෙනවා. එවිට බතෙහි පැසීමේ ක්‍රියාවලියක්‌ සිදු වෙනවා. ( පීළුනු වන්නේ මෙම පැසීමේ ක්‍රියාවලිය දිගින් දිගටම සිදු වී කල් ඉකුත් වූ විටයි).

මෙම ක්‌ෂුද්‍ර ජීවී ක්‍රියාකාරිත්වය නිසා විටමින් B සහ විටමින් C වල සාන්ද්‍රණය ඉහළ යනවා. විටමින් B 12 ලබාගත හැකි ප්‍රචලිතම ක්‍රමය වන්නේ මස් වර්ග ආහාරයට ගැනීම වුවත් හීල් බත් හෝ දියබත් මගින් සැලකිය යුතු B12 ප්‍රමාණයක් ලබාගන්න පුළුවන්.

එසේම මෙසේ ක්ෂුද්‍ර ජීවී ක්‍රියාකාරීත්වය නිසා නිපදවෙන ලැක්ටික් අම්ලය මගින් නව බත් වල අඩංගු නමුත් අවශෝෂණය කළ නොහැකි බොහෝ ඛණිජ වර්ග (පොටෑසියම් , යකඩ,කැල්සියම්) අවශෝෂණය දහස් ගුණයකින් වැඩි කරනවා.

උදා:- නව බත් 100 g ක අඩංගු යකඩ ප්‍රමාණය 3.4 mg වන අතර, පැය 12 ක් තබන ලද හීල් බතෙහි මෙම යකඩ ප්‍රමාණය 74 mg පමණ වැඩිවී ඇත.

මෙම ආහාර කලින් පිසූ බත් වලින් පසුව සැකසුණු ජෛවීය ආහාර වන බැවින් රත් කිරීමෙන්, සේදීමෙන් ආදියෙන් පෝෂණ කොටස්, එන්සයිම , ප්‍රතිඔක්සිකාරක ආදිය හානි වීම වැළකී ඇත. එම නිසා සෞඛ්‍ය ට ඉතාමත් ගුණදායක වේ.

එසේම මෙම පැසීම් ක්‍රියාවලිය නිසා අලුතින් පිසූ බත් වලට වඩා සැහැල්ලු වන අතර ජීර්ණයට පහසුයි. මේ නිසා මෙම ආහාර වැඩි වේලාවක් ආමාශය තුළ රැදී නොසිටී. එසේම බත් හට්ටියේ අඩියේ ඉතිරි වූ දංකුඩ කොටස ක්ෂාරීය බවෙන් යුක්තය. මේ කරුණු නිසා අම්ල පිත්ත රෝගීන් ට ඉන් මහත් සහනයක් සැළසේ.

නව බත් වලට වඩා 60% ප්‍රමාණයකින් මෙම ආහාර වල කැලරි ප්‍රමාණය අඩුය. එම නිසා අද බොහෝදෙනාට ගැටලුවක් වී තිබෙන ශරීරයේ බර වැඩිවීමටද හොද පිළිතුරකි.

එසේම මෙම ආහාර වල අඩංගු වන ශරීරයට හිතකර වන බැක්ටීරියා වර්ග නිසා ශරීරයේ ප්‍රතිශක්තිකරණ වැඩි දියුණු කරන අතර ආහාර ජීර්ණ පද්ධතියේ මනා ක්‍රියාකාරිත්වයට ද වැදගත් වේ.

ඇමරිකානු පෝෂණය සංගමය(A.N.A) පවසන ආකාරයට මෙසේ සකසන ලද බත් ශරීර ශක්තිය වැඩි වීමට, හිතකර බැක්ටීරියා වර්ග ශරීරයට ලබාගැනීමට, රාත්‍රිය පුරා ශරීර අභයන්තරයේ වැඩිවී තිබූ උෂ්ණත්වය සාමාන්‍ය කිරීමට, කෙදි සහිත බව නිසා මලබද්ධතාවයෙන් වැළකී සිටීමට, අධිරුධිර පීඩනයෙන් වැලකීමට, ශරීරය ප්‍රබෝධමත් කිරීමට, ශරීරයේ තුවාල සුව වීමට, තරුණ බව රැකීමට හේතු වන බව දක්වා ඇත.

(උපුටා ගැනීම අන්තර්ජාලයෙන්)

නිතරම හිසේ කැක්කුම තියෙනවනම් ඔබත් මේ රෝග වලට නොදැනීම ගොදුරු වෙලා

ඉරුවාරදය හෙවත් මිග්‍රේන් යනුවෙන් හදුන්වන්නේ ඉතා දිගු කාලයක් තිස්සේ වරින් වර ඇති වන හිසේ කැක්කුමයි. මෙම හිසරදය ඇති වන වාර ගණන පුද්ගලයාගෙන් පුද්ගලයාට වෙනස් වේ. හිසේ කැක්කුමක් සමගම බොහෝ විට ආහාර මාර්ගය හා ඇස්වල පෙනීම ආශ්‍රිතව රෝග ලක්ෂණ හට ගනී. සාමාන්‍යයෙන් මෙය කාන්තාවන් අතර බහුලවන අතර වයස අවුරුදු 10 සිට 45 දක්වා පුද්ගලයන් අතර දැකිය හැක.එකම පවුලේ සාමාජිකයන් අතර මෙම රෝගය වැළදීමේ හැකියාව වැඩි නමුත් ජානමය හේතුවක් මෙම රෝගය සදහා තවම සොයා ගෙන නැත.

ඉරුවාරදය ඇති වීමට හේතුව
ඉරුවාරදයට නිශ්චිත හේතුව තවම සොයාගෙන නොමැති වුවද යම් උත්තේජනයකින් පසුව මොළය ආශ්‍රිතව රුධිරවාහීනී විස්තාරණය වීම නිසා මෙයට බලපාන බව විශ්වාස කෙරේ.

රෝග ලක්ෂණ
හිසරදය – හිසේ එක් පැත්තකින් හට ගන්නා තදබල හිසේ කැක්කුමක් ලෙස ඇතිවේ. මෙම හිසේ කැක්කුම පැය කිහිපයක සිට දින කිහිපයක් එක දිගට පැවතිය හැක.
ඔක්කාරය හා වමනය, කරකැවිල්ල, ආහාර අරුචිය, ආලෝකය දෙස එක එල්ලේ බැලීමේ අපහසුව, සමහර ළමයින්ට මිග්‍රේන් වැළදුන විට හිසරදය නොමැතිව කැක්කුම හා වමනය ඔක්කාරය ඇති විය හැක. ඉරුවාදය ඇති රෝගීන්ගෙන් 10% දෙනෙකුට පමණ රෝග ලක්ෂණ ඇතිවීමට පෙර අනතුරු ඇගවීමේ සංඥා ඇති විය හැක. තරු හෝ සිග්සැග් වැනි දෑ දිස්වීම, දර්ශන පථයේ අදුරු ලප දිස්වීම, එක් ඇසක් නොපෙනී යාම යන ලක්ෂණ ප්‍රධාන රෝග ලක්ෂණවලට පෙර ඇති විය හැක.

ඉරුවාදය රෝග ලක්ෂණ මතු කිරීමට හේතුවන සාධක. මෙම සාධක පුද්ගලයාගෙන් පුද්ගලයාට වෙනස් විය හැක.ඒවා නම්,
තද හිරු එළිය, නිදි වැරීම, තද බඩගින්න, මානසික ආතතිය, කාන්තාවන්ගේ මාස් ශුද්ධිය, සමහර ආහාර වර්ග – උදාහරණ ලෙස චීස්, චොකලට්, ඇඹුල් බීම ආදිය

ඔබ වෛද්‍ය උපදෙස් ලැබිය යුතු අවස්ථා
හිසරදය සාමාන්‍යයෙන් ඔබට ඉරුවාරදය සෑදෙන තත්ත්වයට වඩා බරපතල වීම, වැඩි වාර ගණනක් සෑදීම හෝ සාමාන්‍ය ප්‍රතිකාරවලට සුව නොවීම.
අවුරුදු 50 ට වැඩි වයසකදී ඔබට මුලින්ම ඉරුවාරදය ඇති වීම. හිසරදය සමග උණ ඇති වීම.

ප්‍රතිකාර
ඉරුවාරදය නිසා ඇති වන රෝග ලක්ෂණ වෙන රෝග නිසාද ඇති විය හැකි නිසා වෛද්‍යවරයකු විසින් රෝග නිර්ණය කිරීම වැදගත් වේ. ඉරුවාරදය සම්පූර්ණයෙන් සුව කිරිමට නොහැක.

රෝග ලක්ෂණ ඇති අවස්ථාවලදී ඒ සදහා වෙදනා නාශක හා වමනය සදහා ඖෂධ ලබා දෙයි. නිශ්ශබ්ද අදුරු ස්ථානයක විවේක ගැනීම ද රෝග ලක්ෂණ අඩු කිරීමට හේතු වේ. ඉරුවාරදය සෑදී ගෙන එන අවස්ථාවේදීම බෙහෙත් පාවිච්චි කිරීමෙන් ඉක්මණින් සුවය ලැබිය හැක.

ඔබ නිතර නිතර ඉරුවාරදයෙන් ඉතා බරපතල ලෙස පීඩා විදින, ඒ නිසා ඔබේ එදිනෙදා ජීවිතයට බලපෑමක් ඇති අයෙකුනම් ඔබේ වෛද්‍යවරයාගෙන් ඉරුවාරදය හැදීම මගහැරීම සදහා ඇති ඖෂධ භාවිතය ගැන උපදෙස් ලබා ගත හැක. එහෙත් මෙම ඖෂධ බොහොමයක් ගර්භනී කාලයේදී හා කිරි දෙන අවස්ථාවලදී භාවිතා කිරීමට නුසුදුසු නිසා ඒ පිළිබදව ඔබේ වෛද්‍යවරයාට දැනුම් දෙන්න.

ඉරුවාරදය වැළැක්වීම
ඉරුවාරදය සදහා දිනපොතක් තබා ගැනීමෙන් එය සෑදීමට බලපාන සාධක හදුනා ගෙන ඒවා මග හරවා ගත හැක. අධික හිරු එළිය අවස්ථාවලදී, අව් කණ්නාඩි පැළදීමද, නිරාහාරව නොසිටීම, අවශ්‍ය නින්ද ලැබීම හා ව්‍යායාම මෙම රෝගී තත්ත්වය අඩු කිරීමට හේතු වේ. ඊට අමතරව ඉරුවාරදය සෑදීම වැළැක්වීමට ඇති ඖෂධ භාවිතයෙන් ද සෑදෙන වාර ගණන අඩු කළ හැක.

(උපුටා ගැනීම අන්තර්ජාලයෙන්)

පොල් වතුර ඉවත හෙලන්න එපා දවස ගානේ පානය කරන්න වකුගඩු වල ගල් නැතිවෙනවා

පොල් වතුර කියන්නේ අපි කවුරුත් කුඩාකල සිටම පානය කරන්න ප්‍රිය කරන ස්වභාවික පානයක්. නමුත් මේ පොල් වතුර සතුවන සුවිශේෂී සෞඛ්‍යය වාසි රැස පිළිබඳව ඔබ එතරම දැනුවත් භාවයක් නැතිව ඇති.මේ නිසා ම අද අපි මෙම ලිපිය මගින් ඔබව දැනුවත් කරන්නට සුදානම් වන්නේ පොල් වතුර සතුවන සෞඛ්‍යය වාසි පිළිබඳවයි.

මොනවද මේ පොල් වතුර කියන්නේ ?
විවිධ ලෙඩ රෝග රාශියක් සුව කිරීමේ හැකියාව ඇතැයි විශ්වාස කරමින් විවිධ රටවල් වල මිනිසුන් දශක ගණනාවක සිටම පොල් වතුර පානය කර තිබෙනවා. සංස්කෘත භාෂාවෙන් මේ පොල් ගස හදුන්වනු ලබන්නේ “කල්ප වෘක්ෂ” නමින්. මෙහි අර්ථය වන්නේ “ජීවයට අවශ්‍ය සියල්ල සපයන ශාකය” යන්නයි.

මේ පොල් වතුර තුල අඩංගු වන මිහිරි රසයත් ශරීරයට අත්වන සෞඛ්‍යය වාසිත් නිසා ලොව පුරා සිටින විවිධ මිනිසුන් පොල් වතුර පානය කරන්නට වැඩි කැමැත්තක් දක්වනවා.
වෙළදපොලේ පොල් වතුර අඩංගු වන විවිධ සෞඛ්‍යය සම්පන්න පාන වර්ග අලෙවි කරන්නට තිබෙනවා ඔබත් දැක තිබෙන්නට පුළුවන්. ක්‍රීඩකයන් සඳහා ශක්ති ජනක පාන වර්ග සැකසීමටත් මේ පොල් වතුර භාවිතා කරනවා.

අපි දැන් බලමු මේ පොල් වතුර අපේ ශරීර සෞඛ්‍යයට ඇත්ත වශයෙන්ම ගුණදායකද යන වග.
පොල් වතුර කෝප්පයක ආසන්න වශයෙන් කැලරි 46, සීනිග්‍ 10g සහ ප්‍රෝටීන් සුළු ප්‍රමාණයක් අන්තර්ගත වන අතර පොල් වතුර මේදයෙන් තොර වනවා. පොල් වතුර තුල අඩංගු වන විටමින්, ඛනිජ සහ “phytochemcials” යන සංයෝගයන් මිනිස් සෞඛ්‍යයට අතිශය වැදගත් වනවා. පොල් වතුර තුල අන්තර්ගත වන සංයෝග අතරින් වැඩි වශයෙන් අන්තර්ගත වන්නේ පොටෑසියම් යන සංයෝගයයි. පොල් වතුරෙ පොටෑසියම් 600 mg (12% DV) පමණ අන්තර්ගත වන නිසා පොල් වතුර ඉතා හොඳ විද්‍යුත් විච්ඡේදකයක් ද වනවා. පොල් වතුර සතුව සෝඩියම් කුඩා ප්‍රමාණයකුත් අන්තර්ගත වනවා. ඒ වගේම අපට දිනකට අවශ්‍ය වන කැල්සියම් සහ මැග්නීසියම් ප්‍රමාණයෙන් 10% පමණ දිනපතා පොල් වතුර පානය කිරීම මගින් ශරීරයට සපයාගන්නට පුළුවන්.

අපි දැන් බලමු පොල් වතුර පානය කිරීමෙන් අපට ලැබෙන සෞඛ්‍යය වාසි මොනවාද කියා.
ශරීරයේ සජලනය පවත්වා ගන්නවාපොල් වතුර ඉතා රසවත් වගේම අපේ ශරීරයත් යලි උද්වීපණය කරනු ලබනවා. පොල් වතුර පානය කිරීම මගින් සාමාන්‍ය ජලය පානය කරනවාට වඩා උෂ්ණ අධික දිනවල දී ශරීරයේ සජලනය ඉතා හොඳින් පවත්වා ගන්නට පුළුවන්. හොඳ දේත් වැඩිපුර භාවිතය අපට නරකක් ගෙන දෙන්නට පුළුවන්. ඒ නිසා, ශරීරයට දිනකට අවශ්‍ය වන සජලනය ලබාගන්නට ප්‍රධාන මාධ්‍යය විදිහට පොල් වතුර භාවිතා කරන්න එපා. පොල් වතුර තුල අඩංගු වන අධික පොටෑසියම් ප්‍රමාණය නිසා පොල් වතුර වැඩි වශයෙන් පානය කිරීම මගින් හදවත් ගැටළු ඇතිවන්නට පුළුවන්.

වෙරි මතින් පසුව ඇති වන හිසේ කැක්කුම වැනි අසනීප ගතිය සුව කරගන්නට
ඔබ මත්පැන් පානය කරන අයෙක් නම් වෙරි මතින් පසුව පසුදා උදෑසන පීඩාකාරී තත්වයන්ට ඔබ ඕනෑ තරම් මුහුණදී තිබෙන්නට පුළුවන්. පොල් වතුර තුල අඩංගු වන කාබෝහයිඩ්‍රේට මගින් රුධිරයේ සීනි මට්ටමත් ඇතැම් විට ඇතිවන ඔක්කාර ගතියත් පාලනය කරනු ලබනවා.
“Lastly” මෙය පොල් වතුර තුල අඩංගු වන ප්‍රභල ප්‍රතිඔක්සිකාරකයක්. මෙමගින් මානසට පීඩාවක් ගෙනදෙන ආතති තත්වයත් දුරුකරගන්නට පුළුවන්.

පොල් වතුර පෝෂ්‍ය පදාර්ථ වලින් පොහොසත් පොල් කියන්නෙත් පළතුරක් බව ඔබ දනන් සිටියා ද?
අපි පොල් විවිධ ආහාර වර්ග සකස් කිරීමට භාවිතා කලත් පොල් කියන්නෙත් වාසි රැසක් තිබෙන පළතුරක්.පොල් වතුර කෝප්පයක කැල්සියම්, සෝඩියම්, පොටෑසියම්, විටමින් C, මැග්නීසියම් සහ මැන්ගනීස් වැනි අපට අවශ්‍ය වන පෝෂණය විශාල ප්‍රමාණයක් අන්තර්ගත වනවා. මේ විටමින් සහ ඛනිජ වලට අමතරව කැලරි 50 ක් පමණ, කාබෝහයිඩ්‍රේට සහ ප්‍රෝටීන් සුළු ප්‍රමාණයකුත් අන්තර්ගත වනවා.

කොලෙස්ටරෝල් සහ “triglycerides” මට්ටම අඩුකර දීම
මීයන් යොදාගෙන මේ දක්වා මේ පිළිබඳව විවිධ පර්යේෂණ සිදු කර තිබෙනවා. මේ අධ්‍යයනයන් මගින් සොයාගෙන තිබෙනවා පොල් වතුර මගින් සාර්ථකව හෘදයාබාධ ඇති වීම වලක්වාගත හැකි බව. හෘදයාබාධයක් ඇතිවීමේ අවදානමක් ඇති වූ සැනින් පොල් වතුර පානය කිරීමෙන් ඒ හෘදයාබාධය ඇතිවීමේ අවදානම යම්තාක් දුරට අඩුකර ගත හැකි බව තමයි මේ අධ්‍යයනය මගින් පෙන්වා දෙන්නේ.පොල් වතුර මගින් ශරීරයේ කොලෙස්ටරෝල් මට්ටමේ අහිතකර වන “LDL” මට්ටම අඩු කරදීම සිදුවනවා.

වකුගඩු වල ගල් ඇතිවීම වලක්වාලීම
මේ වේදනාකාරී වකුගඩු වල ගල් ඇති වන්නට බලපාන ප්‍රධාන සාධකයක් වන්නේ ශරීරයේ ඇතිවන විජලන තත්වයයි. අප අතරින් බොහෝ දෙනෙක් දිනකට අවශ්‍ය වන ජලය ප්‍රමාණය පානය කරන්නට අපොහොසත් වනවා. ඒ වගේම කැලරි අනවශ්‍ය ලෙස වැඩි කරවන විවිධ වර්ගයේ සෝඩා වර්ග සහ පළතුරු පාන වර්ගත් පානයකරන්නටත් පුරුදුවී සිටිනවා. ඔබ ජලයට අමතරව පානය කරන මෙවන් පාන වර්ග වෙනුවට පොල් වතුර ස්වල්පයක් පානය කරන්න පුරුදු වන්න. එයින් ඔබේ ශරීරයට අවශ්‍ය වන සජලතාවය ආරක්ෂා වේවි.පොල් වතුර පානය කිරීම මගින් වකුගඩු වල ගල් ඇතිවීම වැලැක්වීමත් වකුගඩු වල ගල් ඇතිවූ පුද්ගලයින්ගේ රෝගී තත්වය සුවවීමත් සිදුවන බව මේ පිළිබඳව සිදුකළ අධ්‍යයනයක් මගිනුත් තහවුරු කර තිබෙනවා.

ව්‍යායාම සිදුකරන අතරතුර අහිමිවන ඛනිජ ප්‍රමාණය නැවතත් ලබාදීම
ඔබත් වැඩි වශයෙන් මහන්සි වී දහඩිය දමමින් දිගුවේලාවක් ව්‍යායාම කරන පුද්ගලයෙක් නම් ව්‍යායාම වලින් පසුව පොල් වතුර පානය කරන්න.මෙලෙස ව්‍යායාම සිදුකිරීම නිසා ශරීරයට අවශ්‍ය වන ඛනිජ අහිමි වීමක් සිදුවනවා. පොල් වතුර සතුවන පොටෑසියම්, මැග්නීසියම්, සෝඩියම් සහ කැල්සියම් වැනි ඛනිජ නිසා ශරීරයට අහිමි වූ ඛනිජ නැවතත් ලබාදෙනවා.

අධි රුධිර පීඩනය පාලනය කිරීම
අධි රුධිර පීඩනය නිසා ආඝාතය වැනි දරුණු බෝනොවන රෝගී තත්වයන් ඇතිවන බව ඔබ මේ වනවිටත් දැනුවත් ඇති. අධි රුධිර පීඩනය පොල් වතුර පානය කිරීම මගින් සුවකරගත හැකි බව අධ්‍යයනයන් විසින් තහවුරු කර තිබෙනවා. පොල් වතුර තුල අන්තර්ගත වන ඛනිජයක් වන පොටෑසියම් නිසා තමයි අධි රුධිර පීඩනය පාලනය කරනු ලබන්නේ. සතුන් යොදා සිදු කළ තවත් අධ්‍යයනයක් මගින් තහවුරු කර තිබෙනවා පොල් වතුර පානය කිරීම මගින් රුධිරය කැටිගැසීමත් වලක්වා ගතහැකි බව.

සම්පූර්ණ වශයෙන් ස්වභාවිකයි වගේම සැකසීමකට ලක්නොකල නිසා වඩාත් ප්‍රණීතයි
ඔබ වෙළදපොලෙන් විවිධ පාන වර්ග මිලදී අරන් පානය කරනන්ට පුරුදුවී තිබෙන්නට පුළුවන්. මේ විවිධ සැකසීම වලට භාජනය වූ කෘතීම රසකාරක අඩංගු වන පානයන් මිලදී ගන්නවා වෙනුවට නිවසේදී ම ස්වභාවික පානයක් ලෙස පොල් වතුර පානය කරන්නට හුරුපුරුදු වන්න. පොල් වතුර සතු ගුණ නිසාම විවිධ රටවල පොල් වතුර වෙළදපොලේ අලවි කරන්නට තිබෙනවාත් ඔබ දැක ඇති.

පරිවර්තනය| සසිඳු චතුරංග
(උපුටා ගැනීම අන්තර්ජාලයෙන්)

පේර කොළ තම්බා තේ පානයක් ලෙස පානය කිරීමෙන් රෝග ගණනාවකට සුවය

‘දවසකට පේර ගෙඩි දෙකක් කෑවොත් වෛද්‍යවරයා ඈත්වෙනවා’ කියා කියමනක් තියනවා. එයට තව කොටසක් එකතු කළයුතු යයි ඔබට අද හිතේවි. ‘ගෙවත්තේ පේර ගසක් වවා ගත්තොත් බෙභෙත් වෙළඳ සැලෙනුත් ඇත්වෙනවා’ කියා. වතුවල ඉබේටත් හැදෙන පේරගසේ, කොළවල ඇති විස්මිත ගුණ ගැන යි මේ කියන්න හදන්නේ.

විටමින් ඒ සී වලින් පොහොසත්, තන්තු පොටෑසියම් සපිරි ක්ෂුද්ර ජීවී නාශක, හා විවිධ රෝගනාශක වලි යුතු පේර කොළ ඔබේ සිරුරේ නොයෙකුත් අපහසුතාවලට පිළියමක් සේ යොදාගන්න පුළුවන්.

කොළ තම්බා තේ පානයක් ලෙස බීමෙන් ද , තැම්බූ දිය සේදීමට ගැනීමෙන්ද, පානීය ජලය යොදා අඹරා ගැනීමෙන් ද, පේර කොළ ඖෂධයක් සේ පාවිච්චි කළ හැකියි.

භිසට – හිසකේ වැටීම නවතා මනාව කෙස් වැවීම සඳහා පේර කොළ තැම්බූ වතුරෙන් හිස සේදීම සුදුසුයි, භිස් සොරිවලින් මිදීමට කොළ අඹරා තලපයක් කොට හිස් කබලේ ගා අතුල්ලා මඳ වෙලාවකින් සෝදා හරින්න. මුහුණට – බ්ලැක් හෙඩ්ස් හා මුහුණේ රැලි වැටීම් සඳහා පේර කොළ පානීයජලය සමග අඹරා අදාල පෙදෙස්වල ගල්වන්න. මුහුණ සුන්දර වී වඩා තරුණ පෙනුමක් ලැබේවි. දත්වලට – දත් කැක්කුමට දළුකොළ සපන්න. කොළ තැම්බූ දියෙන් කට සෝදන්න. විදුරු මසින් ලේ ගැලීම, මුඛය දුගඳ හැමීම වැනි අපහසුතාවලදී කොළවතුරෙන් දිනපතා කට සෝදන්න. කැස්ස හා ඛ්රොන්කයිටීස් අපහසුතා සඳහා පේරකොළ තේ පානය සසන සලසනව. මුත්‍රා ආබාධ – මුත්‍රා දැවිල්ල හා නිතර මුත්රා කිරීමේ උවමනා දැනීම වැළැක්වීම සඳහා ග්රෑම් 10 ක පේරකොළ යුෂ හා ග්රෑම් 50 ක මුද්රප්පලම් එකට මුසුකොට උදේරෑ බොන්න. පිරිමින් ගේ මඳසරු බවට පේර කොළ පානය යහපත්. පුරස්ථි ග්රන්ථි වල ඉදිමීම මෙන් ම පිළිකා සඳභා ද ඉන් සහනය ලැබෙනවා. කොලොස්ටරෝල් මට්ටමේ – අහිතකර LDL අඩුකර හිතකර HDL වැඩිකර දීමටත් පේර කොළපානය සමත් වෙනවා. දියවැඩියා ව පාලනය කිරීමට එයට ඇත්තේ විශේෂ භැකියාවක්. තරබාරුව හා බර අඩුකිරීමටත් එය සමත්. තන්තු සහිත වූ බීමෙන් කුසගිනි අඩුවී වැඩි ආහාර ප්රමාණයක් ගැනීමේ උවමනාව නැතිවෙනවා. කෘමීන් දෂ්ට කළවිට පේරකොළ අඹරා තැබීමෙන් එය විෂබීජ නාශකයක් සේ ද ක්රියාත්මකවෙමින් සුවය ලබා දෙනවා. සීරීම් කැපුම් තුවාල දද කුෂ්ට ආදිය සුවකිරීමටත් ඊට හැකියි. මල බද්ධය හා අජීර්ණය ප්රතිවිරුද්ධ රෝග ලක්ෂණ වලින් යුතු වුවත් , පේර කොළ තැම්බූ වතුර පැය 8 කට වරක් පානය කිරීමෙන් ඒ දෙකට ම සහනය ලබාගත හැකියි.

ඉතින් දිව ඔසුවක් සේ මෙබඳු පල අත්කර දෙන පේර ශාකයක් ගෙවත්තේ වවා ගත්තොත් නරක නැහැ නේද?

(උපුටා ගැනීම අන්තර්ජාලයෙන්)

අඩුවෙන් කෑවත්, වැඩියෙන් කෑවත් ලෙඩ දෙන ‘ලුණු’ අහාරයට ගන්න ඕන හරිම මාත්‍රාව

සෞඛ්‍ය උපදේශය වන්නේ සාමාන්‍ය ලුණු පරිභෝජනය සීමාකොට අයඩීනිකරණය කළ ලුණු පමණක් ප්‍රයෝජනයට ගන්න කියාය. ආහාරයට සෝඩියම් එකතු කරනු ලබන ප්‍රධාන මුලාශ්‍රය වශයෙන් ලුණු සැලකිය හැකිය. ශරීරයේ අයන සමබරතාවය පවත්වාගෙන යාම සඳහා ලුණු අත්‍යවශ්‍ය පෝෂ්‍ය පදාර්ථයකි. දිනපතා භාවිතා වන ආහාරවල, ස්වභාවයෙන්ම අඩංගු සෝඩියම් ශරීරයේ සියලු අවශ්‍යතාවයන් සඳහා ප්‍රමාණවත් වුවත්, වැඩිපුර දහදිය දමන අය සඳහා ලුණු අමතර වශයෙන් භාවිතය අවශ්‍ය විය හැක. එක් පුද්ගලයෙකු සඳහා දිනකට අවශ්‍ය ලුණු ප්‍රමාණය ග්‍රෑම් 05කට (දළ වශයෙන් තේ හැන්දක්) වඩා අඩුවිය යුතු බවයි සෞඛ්‍යමය නිර්දේශය.

අපේ ආහාරයට ලුණු ලැබෙන මුලාශ්‍ර – ආහාරයට ලුණු විවිධ අයුරින් එකතු වීමට පුළුවන. සියලුම ස්වභාවික ආහාරවල සුළු වශයෙන් අඩංගු වීම. ආහාර පිසීමේදී එක් කිරීම. කෑම මේසයේදී ආහාරයට මිශ්‍ර කිරීම. ආහාර පිරිසැකසුම් කිරීමේදී එක් කිරීම.

මාංශමය ආහාර වන හැම් බේකන්, සොසේජස්, ලුණු දමා වියළන ලද කරවල, ලුණු දමන ලද ඌරු මස්වලද, බටර්, මාගරින්, ටින් කරන ලද එළවළු, මාමයිට් හා වෙජිමයිට් (යීස්ට් නිස්සාරක) සෝයා සෝස් ඇතුළු සෝස් වර්ග, ලුණු රසැති ක්ෂණික කෑම වර්ග වන සේවර් බිස්කට්, ක්‍රිස්පි වර්ග, අච්චාරු සහ උදය ආහාරය සඳහා සකස් කළ ධාන්‍ය වර්ගවලද ලුණු බහුලව අන්තර්ග වේ.

ලුණු සීමා කළ යුත්තේ ඇයි?
සාමාන්‍යයෙන් ලුණු අඩුවෙන් පරිභෝජනය හා පොටෑසියම් බහුල ආහාර වැඩිපුර ගැනීම හේතුවෙන් සමස්ත ජනගහනයේම රුධිර පීඩනය අඩු වීමකට තුඩුදිය හැක. වැඩිපුර පළතුරු හා එළවළු ආහාරයට ගැනීමෙන් ශරීරයට ලැබෙන පොටෑසියම් ප්‍රමාණය වැඩිකර ගැනීමට පුළුවන. අධි රුධිර පීඩනයෙන් පෙළෙන අය ලුණු භාවිතය සීමාකිරීම සෞඛ්‍යයට හිතකරය. වයස්ගත වීමත් සමඟ ලුණුවලට ඇති සංවේදීතාව ඉහළයයි. අධික ලුණු සහිත ආහාර ගැනීම නිසා මුත්‍රා සමඟ කැල්සියම් පිටවීම ඉහළයයි. මෙම හේතුව නිසා ශරීරයේ කැල්සියම් ඌනතාවයක් ද ඇතිවිය හැක.

අයිඩිනීකරණය කරන ලද ලුණුවල ඇති විශේෂත්වය.
අයඩිනීකෘත ලුණු, සෑම නිවසකම ආහාර රස කරගැනීම සඳහා යොදාගන්නා නිසා සෑම කෙනෙකුටම තම ආහාර වේල මගින් අයඩින් ලබාගැනීමට හැකියාව ඇත. එම නිසා ලුණු භාවිතයේදී අයඩිනීකරණය කරන ලද ලුණු පමණක් භාවිතයට ගතයුතුය. මිනිසාගේ කායික සහ මානසික ක්‍රියාකාරීත්වය සඳහා තයිරොයිඩ් හෝමෝනය ඉතා වැදගත් වේ. මෙම හෝමෝනය නිපදවීමේදී අයඩින් ප්‍රධාන මෙහෙයක් ඉටුකරයි. අයඩින් ඌනතාවය හේතුවෙන් මන්දබුද්ධිකතාව, මානසික හා ශාරීරික වර්ධනය අඩුවීම සහ විකසනය වීමේ ගැටලු ඇතිවේ.

අයඩින් සහිත ලුණු ආරක්ෂාකාරීව භාවිතා කරන්නේ කොහොමද?
ලිප, හිරුඑළිය හෝ වෙනත් උණුසුම් සාධකවලින් ඈත්ව අඳුරු බෝතලයක ගබඩා කරන්න. ආහාරයට එකතු කිරීමට පෙර, ලුණු සේදීමෙන් වළකින්න. ආහාර පිස ගැනීමෙන් අනතුරුව ආහාරයට ලුණු එකතු කරන්න.

ලුණු භාවිතය පාලනය කරගන්නේ මෙහෙමයි
කෑම පිසීමේදී, ලුණු ඉතා ස්වල්ප ප්‍රමාණයක් එක්කර ගන්න. ආහාරයේ රසය වැඩිකිරීම සඳහා ලුණු වෙනුවට කුළුබඩු ඇතුළු ස්වභාවික රසකාරක එකතු කරන්න. උදා:- කුරුඳු, කරපිංචා, එන්සාල්. ආහාර වේලක් සැලසුම් කිරීමේදී පිරිසැකසුම් කළ ආහාරවලට වඩා සෝඩියම් අඩුවෙන් අන්තර්ගත ස්වාභාවික ආහාර තෝරාගැනීමට සැළකිලිමත් වන්න. ටින් කරන ලද මාළු සහ මස්වලට වඩා අලුත් මාළු හා මස්වල අඩංගු ලුණු ප්‍රමාණය අඩු බව මතක තබාගන්න. ටින් කරන ලද ආහාර තෝරාගැනීමේදී ලේබලය කියවා ලුණු අඩු හෝ ලුණු රහිතව පිළියෙළ කර ඇති ඒවා තෝරාගන්න. අච්චාරු, ලුණු දෙහි, චට්නි, සෝස්, සලාද මිශ්‍රණ (සැලඩ් ක්‍රීම්), හා අබ ක්‍රීම් (මස්ටඩ් ක්‍රීම්) වල අධික ලුණු ප්‍රමාණයක් අන්තර්ගත බැවින් භාවිත සීමා කරන්න. ලුණු අධික කෙටි ආහාර වෙනුවට අලුත් එළවළු සහ පළතුරු ආහාරයට ගන්න. පිරිසැකසුම් කරන ලද හා ටින් කළ ආහාර සකස්කිරීමේ ක්‍රියාවලියේදී අමතර ලුණු ප්‍රමාණයක් එක්කරන බව මතක තබාගන්න. ළදරුවන් සහ ළමයින්ට ලුණු හඳුන්වාදීම ප්‍රමාද කරන්න. ලුණුවලට හුරුපුරුදු වීම ප්‍රමාද වීම නිසා අඩු ලුණු ප්‍රමාණයකින් තෘප්තිමත් වීමට පුරු දු වේ. ලුණු රසට හුරු පුරුදු වීම එය භාවිතයත් සමඟ සිදුවන ක්‍රියාවලියක් නිසා, අඩු ලුණු ප්‍රමාණයකට දිව හුරුපුරුදු කරගැනීම මගින් ආහාරයේ ස්වභාවික රසය බුක්ති විඳීමට පුරුදු වන්න.

(උපුටා ගැනීම අන්තර්ජාලයෙන්)

සාර්ථකව ඔබේ ගෙවත්තෙත් ඇන්තූරියම් වවන්න උපදෙස් රැසක් මෙන්න

‘ඇන්තූරියම්’ ආදායම් උපයන මල් වර්ග අතර විශාල තැනක් හිමිවී තිබෙනවා. ඇරේසියේ කුලයට අයත් ඇන්තූරියම් මුහුදු මටටමේ සිට අඩි 4000දක්වා වගා කළ හැකි අතර 70% 80% අතර සෙවණක් අවශ්‍යය.

ඇන්තූරියම් වගා කිරීමේ ක්‍රම දෙකකි. මින් පළමු ක්‍රමය පෝච්චිවල වගා කිරීමයි. පෝච්චිවල වගාකිරීමේ දී වාණිජ ක්‍රමයට වගා කිරීම තරමක් අපහසුය. එහෙත් නිවසේ අලංකාරයට පෝච්චිවල වගා කළ හැකිය. පෝච්චියක් තෝරා ගැනීමේ දී සෙ.මී. 30ක විෂ්කම්භයක් ඇති පෝච්චියක් තෝරා ගත යුතුය. මේ ලෙස තෝරා ගත් පෝච්චිවල යට ඇති සිදුරු හොඳින් සුද්ද කළ යුතුය. සිදුරුවලට උඩින් උළු කැට කැබිලි හෝ ගඩොල් කැට කැබිලි තිබිය යුතුය.

මේ උළු කැට හෝ ගඩොල් කැට කැබැලි සාමාන්‍යයෙන් අඟල් එකහාමාර දෙක ප්‍රමාණයට තැබිය යුතුය. මේ ආකාරයට එක තට්ටුවක් පෝච්චියේ අඩියට දමා ඊට උඩින් දිරා ගිය කොළ පොහොර මිශ්‍රණ තට්ටුවක් දැමිය යුතුය. මේ ආකාරයට වගා මිශ්‍රණ දෙකෙන් එකක් යොදා ගෙන පෝච්චියෙන් හතරෙන් තුනක් පිරවිය යුතුය. ඊට පසු ඇන්තූරියම් පැළවල වැඩිපුර ඇති මුල් කපා දමා කැප්ටාන් දියකරන ලද බඳුනක ගිල්වා විනාඩි පහක් තිබීමෙන් පසු පැළය පෝච්චියේ සිටුවන්න. පැළය සිටුවීමට පෙර මාධ්‍යයෙන් පුරවා අඟලක් පමණ ප්‍රමාණයක් පෝච්චියේ නිදහස්ව තබා ගැනීමට මතක තබා ගන්න.

අන්තූරියම් වගාව සඳහා පාත්ති සැකසීම ක්‍රම දෙකක් අනුව කළ හැකිය. මේ අනුව සාමාන්‍ය ක්‍රමය සහ නූතන ක්‍රමයට අනුව පාත්ති සකස් කළ හැකිය.

සාමාන්‍ය ක්‍රමයේ දී භාවිතා කරන වගා මාධ්‍යය පස සමඟ ගැටීමක් සිදු නොවෙන බව පැහැදිලිව මතක තබාගත යුතුයි. මෙහිදී පාත්ති උස් වූ ආකාරයට මෙන්ම ගිල්වූ ආකාරයට සකස් කළ හැකිය. මින් වඩාත් යෝග්‍ය වන්නේ උස් වූ ක්‍රමයට පාත්ති සැකසීමයි. එහෙත් වඩාත් වියළි කාලගුණයක් ඇති ප්‍රදේශවල ගිල් වූ ක්‍රමයට පාත්ති සැකසීම වඩාත් යෝග්‍ය වේ.

පාත්ති ඇතුළත ගැඹුර සෙ.මී 22.5 සිට25 දක්වා වියයුතු අතර එමෙන්ම පතුලේ මනා ජලවහනයක් තිබිය යුතුය. මේ සඳහා පාත්ති පතුලේ ඝනකම 2 හෝ 2/1/2 ට සකස් කරන ලද උළු කැට කෑලි/ගඩොල් කැට දැමිය යුතුය. පාත්ති පතුලට අඟල් 3ක උසකට උළු කැට හෝ ගඩොල් කැට අතුරන්න. මේ මත ඉතාමත් පරිස්සමින් අඟල් 7ක උසකට වගා මාධ්‍යයක් අතුරන්න. වයස මාස 8-10 ක් වූ පැළ සෙ.මී.30×30 පරතරයට මෙන්ම සෙ.මි. 45×45 පරතරයට ත්‍රිකෝණාකාර ක්‍රමයට හෝ සමචතුරඝ්‍රකාර ක්‍රමයට සිටුවන්න. එහෙත් හොඳින් වැඩුණු පරිනත ඇන්තූරියම් ශාකයක් සිටුවීමේ දී යොදන පිළිවෙත මීට වඩා වෙනස්ය. මේ නිසා මෙවැනි පැළ සෙ.මී 60×60 ප්‍රමාණයට සිටුවන්න. ඔබ සාමාන්‍ය පාත්ති ක්‍රමයට යොමු වන්නේ නම් ඒ ක්‍රමය නිසි ලෙස අනුගමනය කළයුතුය. එහෙත් නූතන ක්‍රමය මීට වඩා වෙනස්ය.

(උපුටා ගැනීම අන්තර්ජාලයෙන්)

ඔබෙත් ඔළුව බරයිද, ඇස් රිදෙනවද? නිතරම වගේ ඔළුවෙ කැක්කුමද? මෙන්න හේතුව

බොහෝදෙනා පීඩාවිඳින තවත් හිසේ කැක්‌කුම් තත්ත්වයක්‌ ලෙස හිස්‌ කබලේ සෙම පිරීම හෙවත් සයිනසයිටීස්‌ රෝගය හඳුන්වාදිය හැකියි. සයිනසයිටීස්‌ රෝගය ඇතිවන්නේ අපගේ ශ්වසන මාර්ගයේ ඉහළ කොටසේ සිදුවන ආසාධනයන් නිසා නිපදවන සෙම හිස්‌කබලේ ඇති කුහරවල ක්‍රමක්‍රමයෙන් එකතුවීමෙනි. අපගේ නාසයට සම්බන්ධව හිස්‌කබලේ කුහර යුගල් තුනක්‌ තිබේ. එයින් එක්‌ කුහර යුගලයක්‌ ඇසට ඉහළින් නළල ප්‍රදේශයේ ෆ්‍රන්ටල් සයිනස්‌ (Frontal Sinus) ලෙසත්, දෙවැන්න ඇසට පහළින් නාසය දෙපස උඩු දත් ඇන්දට ඉහළින් මැක්‌සිලරිසයිනස්‌ (Maxillary Sinus) ලෙසත්, තෙවැන්න නාසය ඇතුළතින් එත්මොයිඩල් සයිනස්‌ (Ethmoidl Sinus) ලෙසත්, පිහිටා ඇත. මේවා අපගේ නාස්‌ කුහරයට සම්බන්ධ වේ. ශ්වසන මාර්ගයේ උඩ කොටසේ නිපදවන සෙම සහ සොටු මෙම කුහරවලට ක්‍රම ක්‍රමයෙන් එකතුවීමේ ප්‍රවණතාවයක්‌ ඇත.

දැන් අපි සලකා බලමු කෙනෙකුගේ සෙම නිපදවීම වැඩිවන්නේ ඇයි ද කියා. සමහර අයට උපතින්ම ඇති පීනස හෙවත් Allergic
Rhinitis ලෙස හඳුන්වන රෝග තත්ත්වය නිසා උදය කාලයේ නිතර නිතර සෙම ගැලීම සිදුවේ. මෙම සොටු දියර හොඳට සූරා එළියට නොදමා උඩට ඇදීමෙන් සයිනස්‌ කුහරවලට එකතුවිය හැකියි. සමහරෙකුට දූවිලි හෝ දුම් ඇවිස්‌සුණු තැන්වලදී කිවිසුම් යාම සහ සොටුදියර ගැලීමට පටන් ගනියි. මෙයට අමතරව සෙම්ප්‍රතිශ්‍යාව වැළඳුණු අවස්‌ථාවලදී ද මෙම තත්ත්වය ඇති වේ. තවද නාසයේ ඇති මස්‌දළු, පීනස්‌ ගෙඩි වැනි රෝග තත්ත්ව නිසා ද සුළු වශයෙන් හෝ සෑදෙන සෙම නාසයෙන් එළියට දැමීමට ඇති අපහසුතාවයෙන් කුහර තුළ තැන්පත් විය හැකියි. මෙසේ කාලයක්‌ තුළ එකතුවන සෙම බැක්‌ටීරියාවල ආසාධනයට සහ පැසවීමට ලක්‌වීමෙන් මෙම සයිනසයිටීස්‌ නැමැති ආසාධන තත්ත්වය ඇති වේ.

රාත්‍රී කාලයේ ස්‌නානය සහ තෙත කොණ්‌ඩය පිටින් නිදා ගැනීම, නිතර නිතර සීතල වතුර පාවිච්චිය මෙම රෝග ඇතිවීමට බලපාන වෙනත් සාධක වේ.

රෝග ලක්‍ෂණ – හිසේ නළල ආශ්‍රිතව ඇතිවන දැඩි වේදනාව, හිසේ බර ගතිය, හිස පහතට හෙළා ලිවීමේදී හෝ වැඩක්‌ කිරීමේදී ඇතිවන අපහසුතාවය, පහත්වී නැගිටින විට කැරකිල්ල සහ විසිවෙන ගතිය ඇතිවීම, අන් අය නොරුස්‌සන ස්‌වභාවය, කියාගැනීමට බැරි අසනීප තත්ත්වයක්‌ දැනීම, සවස්‌ කාලයේ උණ ගතිය, දිවා කාලයේ ඇස්‌ ඇරගෙන සිටීමට ඇති අපහසුතාවය සහ තද නිදිමත

ඔබට මෙවැනි රෝග ලක්‍ෂණ ඇත්නම් වෛද්‍යවරයෙක්‌ හමුවී පරික්‍ෂා කර බලා ප්‍රතිකාරවලට යොමුවීමෙන් මෙම රෝග තත්ත්වය නිට්‌ටාවට සුවකර ගත හැකියි.

හිස්‌කබලේ කුහර ඇති තැන් ඇඟිල්ලෙන් තද කිරීමෙන් දැඩි වේදනාවක්‌ ඇතිවේ නම් මෙම රෝගය ප්‍රධාන වශයෙන් හඳුනාගත හැකියි. ඊට අමතරව එක්‌ස්‌ කිරණ පරික්‍ෂණයක්‌ මගින් කුහර තුළ සෙම තැන්පත් වී ඇතිදැයි පැහැදිලිව බලාගත හැකියි.

රෝගය සඳහා ප්‍රතිකාර
සති දෙකක පමණ කාලයක්‌ වෛද්‍ය නිර්දේශ මත ප්‍රතිජීවක ඖෂධ ලබා ගැනීම. මීට අමතරව සෙම නිපදවීම අඩු කිරීම සඳහා ද පීනස සඳහා ද ප්‍රතිකාර ලබා ගැනීම. හුමාලය ආශ්වාස කිරීම.

මෙම ප්‍රතිකාරවලින් ද ගුණයක්‌ නොමැතිනම් උගුර කන නාසය පිළිබඳ විශේෂඥ වෛද්‍යවරයෙකු වෙත යොමුවී සයිනස්‌වල ඇති සෙම ඉවත් කර සේදීම කළ යුතුය.

බොහෝ රෝගීන් මෙම කරුණු නොදැන සයිනසයිටීස්‌ රෝගයෙන් පීඩාවිඳින අවස්‌ථාවන් ඇත. එම නිසා රෝගයට නිසි ප්‍රතිකාර ලබාගැනීමත් නැවත රෝගය මතු නොවීම සඳහා අප ඉහතින් සඳහන් කළ රෝගයට බලපාන කරුණුවලින් ඉවත්වීමත් ඉතාම වැදගත් වේ. සයිනසයිටීස් වලට ප්‍රත්කාර නොකළොත් මොළයේ සැරව ගෙඩි පවා ඇතිවිය හැකිය. නිතර නිතර ඇතිවෙන හිසේ වේදනාවෙන් බොහෝ දෙනෙක් පීඩා විදිනවා. මේ හිසේ වේදනාවට අධික සෙම සහිත බව හේතු හැටියට බොහෝ දෙනෙක් විශ්වාස කරනවා.

ඇත්තෙන්ම හිසේ කැක්කුම ඇතිවීමට සෙම බලපාන්නේ ද යන්නත් සෙම නිසා හිස ආශ්‍රිතව ඇතිවන රෝගී තත්ත්ව පිළිබඳව සොයා බලන්නටත් නාගොඩ කළුතර මහ රෝහලේ කායික රෝග විශේෂඥ වෛද්‍ය උපුල් දිසානායක මහතා අප සම්බන්ධකර ගත්තා.

හිසේ ඇතිවෙන සෙම බොහෝවිට සෑදෙන්නේ සයිනස් (Sinus) ආශ්‍රිතවයි. සයිනස් කියන්නේ නාසය වටේ මුහුණේ ඇති කුහර වර්ගයක් මේ කුහර නාසයට සම්බන්ධව පවතිනවා.

ප්‍රධාන වශයෙන් කුහර වර්ග තුනක් මුහුණේ පිහිටා තිබෙනවා. ෆ්‍රන්ටල් සයිනස් (Frontal Sinus) ඇසට ඉහළින් ද මැක්සිලරි සයිනස් (Maxillary Sinus) මුහුණ දෙපැත්තෙත් එත් මොයිඩල් සයිනස් (Ethmoidal sinus) නාසයට පිටු පසින්, පිටියුටරි ග්‍රන්ථිය ආසන්නයේත් පිහිටා තිබෙනවා.

මේ සයිනස් ශ්ලේස්මල පටලයකින් වැසී තිබෙනවා. සයිනස්වල යම්කිසි සෙම ප්‍රමාණයක් පැවැතිය යුතුයි. සයිනස්වල පවතින සෙම මඟින් සයිනස්වල ක්‍රියාකාරීත්වය පවත්වාගෙන යාමත් විෂ බීජ තැන්පත් වීම අවම කිරීමත් වෙනවා.

සයිනස්වල පවතින සෙම නාසයෙන් පිටතට පැමිණෙනවා. මේ සෙම එළියට නෑවිත් සෙම සිර වී ප්‍රණාල අවහිර වුවහොත් හෝ යම්කිසි ආසාධනයක් නිසා සෙම වැඩිපුර සෑදුණොත් සයිනස් ඇතුළේ සෙම පිරීම නිසා පීඩනයක් ඇති වෙනවා. මේ පීඩනය නිසා හිසේ සහ මුහුණේ වේදනාකාරී තත්ත්වයක් හට ගන්නවා. මේ තත්ත්වය සයිනස් රෝගී තත්ත්වයක් ලෙස හඳුන්වනවා.

හිසේ කැක්කුම සයිනස් රෝගී තත්ත්වයක්ම දැයි නිවැරැදිව හඳුනා ගන්නේ කෙසේ ද ?
හිසේ සහ මුහුණේ ඇතිවන වේදනාව වැඩි දින ගණනක් පවතින්නේ නැතිව සුව වන්නේ නම් එය ඇකියුට් සයිනසයිටීස් (Acute Sinusitis) සයිනස් ආසාධනය) රෝගී තත්ත්වය ලෙසත් එම තත්ත්වය සති 12කට වඩා පවතින්නේ නම් එය ක්‍රොනික් සයිනසයිටීස් (Chronic Sinusitis) ලෙසත් හඳුනාගත හැකියි.

මේ රෝගී තත්ත්ව හඳුනාගත හැකි විශේෂ ලක්ෂණ මොනවා ද ?
ඇකියුට් සයිනසයිටීස් වලදී කම්මුල්වල කැක්කුම, දත්වල වේදනාව දැනෙන්නට පුළුවන්. මේ වේදනාව හිස ඉදිරියට නැවීමේ දී තදින් දැනෙනවා. එසේම කොන්ද පෙදෙසින් ඉදිරියට නැවී බිම බැලීමේ දීත් මුහුනේ වේදනාව දැනෙනවා. මේ වේදනාව ඇස්වලට ඉහළින් නළල පෙදෙසේ වේදනාවක් ලෙසත් දැනෙන්නට පුළුවන්. නාසය රතු වීම කම්මුල් වැඩිපුර රතු වීම නළල කම්මුල් වැනි ප්‍රදේශ තෙරපීමකදී තද වේදනාවක් දැනීම මේ රෝගයේ අනික් ලක්ෂණයි.

මේ වේදනාව හිසට ගමන් කිරීමේ දී හිස මුදුන හිස දෙපස සහ හිස පිටුපසටත් දැනෙනවා. මේ ස්ථානවල සයිනස් නොමැති වුණත් සයිනස් නිසා ඇතිවන වේදනාව හිසට දැනීමේ හැකියාව තිබෙනවා. සයිනස්වල වැඩිපුර සෙම පිරීම නිසා ඇතිවන මේ රෝගී තත්ත්වයේ දී නාසයෙන් දියර ගැලීම, උගුරට සෙම වැඩිපුර පැමිණීම, සෙම සහිත කැස්ස ඇති වීමටත් පුළුවන්.

ඇකියුට් සයින සයිටීස් ඇතිවන්නේ ඉහළ ශ්වසන පද්ධතියේ ඇති වෙනත් ආබාධත් සමඟයි. සෙම් ප්‍රතික්ෂ්‍යාව, කැස්ස, උගුරේ අමාරු වැනි තත්ත්ව ඊට උදාහරණ ලෙස දැක්විය හැකියි. මෙවැනි රෝගී තත්ත්ව, වෛරස් රෝග නිසා ඖෂධ ලබා ගත්තත් නැතත් දින හතක් දහයක් ඇතුළත සුව වෙනවා.

මෙවැනි අවස්ථාවකදී මුහුණට උණු වතුර හුමාලය ඇල්ලීම, පැරසිටමෝල් පෙති දෙකක් ගැනීම වැනි ප්‍රතිකාර කළ හැකියි. කෙසේ වුවත් දින දහයක් ගිය පසුත් නාසයෙන් දියර ගැලීම, උගුරට සෙම පැමිණීම, හිසේ කැක්කුම, මුහුණ දෙපැත්තේ කැක්කුම ඇත්තම් ඒ පිළිබඳ වඩාත් සැළකිලිමත් විය යුතුයි.

සෙම්ප්‍රතික්ෂ්‍යාව, කැස්ස වැනි රෝගී තත්ත්ව වෛරස් නිසා ඇති වුණත් දෙවනුව බැක්ටීරියානු ආසාධනයක් ඒ මත ඇති වුවහොත් සයිනසයිටීස් තත්ත්වයක් ඇති වෙනවා.

සෙම්ප්‍රතික්ෂ්‍යාව ඇතිකරන වෛරස් වර්ග දහසක් පමණ තිබෙනවා. වෛරස් ආසාධන වැඩි වශයෙන් ඇති වන්නේ දරුවන්ට යි. එක් වෛරසයකින් ආසාධන තත්ත්වයක් ඇතිවිය හැක්කේ එක් අවස්ථාවකදී පමණයි.

දරුවා පුංචිම කාලයේ නිවසේ සිටියදී සෙම් ප්‍රතික්ෂ්‍යාව ඇති නොවුණත් ළදරු පාසල් යන සමය වන විට නිතර නිතර සෙම්ප්‍රතික්ෂ්‍යාව ඇති වෙනවා. ළදරු පාසලේ එක් දරුවෙකුට සෙම් ප්‍රතික්ෂ්‍යා වෛරසය ඇති වුණොත් අනෙක් අයටත් සෙම් ප්‍රතික්ෂ්‍යාව ඇතිවීමේ ඉඩකඩ වැඩියි. කෙසේ වුවත් ළමයින් මේ වෛරස්වලට හුරුවිය යුතුයි. වෛරස් රෝගී තත්ත්වය දින 7ක් පමණ යන විටත් සුව වන්නේ නැත්නම්, මුහුණ ඉදිමෙනවා නම් හිසේ කැක්කුම් සහිත නම් දරුවාට බැක්ටීරියා ආසාධනයක් බවට සැක කළ හැකි යි.

මෙවැනි අවස්ථාවකදී දිය හැකි ප්‍රතිකාර මොනවා ද ?
වෛද්‍යවරයාගේ නිර්දේශය මත ප්‍රතිජීවික ඖෂධයක් ලබාදීම සුදුසුයි. නමුත් සෙම් ප්‍රතික්ෂ්‍යාව සෑදී සෙම කහපාට වීම සයිනසයිටීස් තත්ත්වයක් නොවෙයි. එවැනි අවස්ථාවක ප්‍රතිජීවක ඖෂධ ගැනීම නොකළ යුතුයි. සෙම්ප්‍රතික්ෂ්‍යාව වෛරස් තත්ත්වයක්. වෛරස් රෝග ප්‍රතිජීවක ඖෂධ ගැනීමෙන් සුව වන්නේ නැහැ. බැක්ටීරියා ආසාධනයකදී පමණක් ප්‍රතිජීවක ඖෂධ ගැනීම සුදුසුයි.

ප්‍රතිජීවක ඖෂධ හිතු මනාපයට ගැනීමෙන් වන්නේ කාලයක් ගත වීමේ දී විෂ බීජවලට ප්‍රතිජීවක ඖෂධ ඔරොත්තු නොදෙන තත්ත්වයක් ඇති වීමයි. මෙය ඉතාම භයානක තත්ත්වයක්.

සෙම් ප්‍රතික්ෂ්‍යාව හැදෙන හැම වාරයකදීම කැස්ස ඇති වන්නේ නම් එය ඇදුම රෝගයේ ලක්ෂණයක්. ඒ නිසා එවැනි අවස්ථාවක ප්‍රතිජීවක ඖෂධ ගන්නවාට වඩා ඇදුම රෝගයට ප්‍රතිකාර කිරීම කළ යුතුයි.

හිස පිටුපසට වන්නට මොළය පිහිටා තිබෙනවා. සයිනසයිටීස් තත්ත්වයට නියමාකාර ප්‍රතිකාර නොකළ හොත් සයිනස්වල විෂබීජ නිසා මොළයට ආසාධන ඇති වී මොළයේ සැරව ගෙඩි පවා ඇතිවිය හැකියි. එසේම සයිනස්වල සිට ඇසට විෂ බීජ පැතිරීමෙන් ඇස වටේ ඉදිමීම, ඇස රතුවීම ඇස සෙලවීමේ දී වේදනාවක් ඇතිවීම අවසානයේ ඇස් නොපෙනීයාම සිදු වෙනවා.

ශරීරයේ ඕනෑම තැනකට රුධිර සංසරණ පද්ධතිය හරහා විෂ බීජ පැතිර යාමට පුළුවන්. සයිනස් නිසා ඇතිවන විෂ බීජ පවා ශරීරයේ ඕනෑම තැනකට ගමන් කිරීමේ ඉඩකඩ තිබෙනවා.

සයිනසයිටීස් හා ඉරුවාරදය (Migraine මිග්ග්‍රේන්) වෙන්කර හඳුනා ගන්නේ කෙසේ ද ?
සයිනසයිටීස් තත්ත්වයේ දී නාසය හා මුහුණ කැක්කුම හිසේ කැක්කුම එකට ඇති වෙනවා. නාසයෙන් සොටු ගලන්නේ නැතිව හිසේ කැක්කුමක් ඇති වන්නේ නම් එය ඉරුවාරදය යැයි සැක කළ හැකියි. කාලයක් තිස්සේ පවතින හිසේ කැක්කුම නිදි මැරීමේ දී, වාහනවල ගමන් කිරීමේ දී, සමහර කෑම ගත් පසු, මානසික ගැටලු නිසා ඇතිවන හිසේ කැක්කුම ඉරුවාරදයයි. රෝග තත්ත්වය නිවැරැදිවම හඳුනා ගැනීමට නම් සයිනස්වල එක්ස්රේ පරීක්ෂණයක් ලබාගත යුතුයි.

ක්‍රොනික් සයිනසයිටීස් (Chronic sinusitis) ඇති වන්නේ ඇකියුට් සයිනසයිටීස්වලට නියමාකර ප්‍රතිකාර නොකිරීම නිසා බැක්ටීරියා ඉතිරි වී තිබී එම බැක්ටීරියා දිගින් දිගට වර්ධනය වී බැක්ටීරියා වැඩිවීම නිසයි. එසේම දීර්ඝ කාලීනව ගන්නා විවිධ බෙහෙත් වර්ග නිසාත් ක්‍රොනික් සයින සයිටීස් අති වෙනවා. ඇස්ප්‍රීන් වැනි ඖෂධ මේ සඳහා උදාහරණ ලෙස දැක්විය හැකියි.

පහසුවෙන් මේ රෝගී තත්ත්වය ඇතිවිය හැක්කේ කාට ද ?
නාසයේ පිහිටීමේ විකෘති තා ඇති අය, නාසයේ මස්දළු ඇති අය, පීනස රෝගීන්, විවිධ හේතු නිසා නාසයට බට දමා ඇති අය, හෝමෝනවල වෙනස්කම්, නාසය ඇතුලේ පිළිකා ඇති අය, මේ රෝගයට ගොදුරු වීමේ ප්‍රවණතාවය වැඩියි. දුම්පානය කරන අයටත්, ගැස්ට්‍රයිටීස් තත්ත්වයේ දී ඇතිවන ඇසිඩ් උගුර දක්වා පැමිණීම නිසාත් දත් සහ විදුරුමස් ආබාධ නිසාත් සයිනසයිටීස් ඇතිවිය හැකි යි.

මුඛයේ දුර්ගන්ධය ඇති වීමට ප්‍රධාන හේතුව වන්නේ ක්‍රොන්ක් සනසයිටීස් රෝගී තත්ත්වයයි. සයිනස්වල ඇති සෙම නරක් වීම නිසා කිවිසුම් යාම, උණ, ආහාරවල රසය නොදැනීම වැනි තත්ත්ව ඇති වෙනවා.

සයින සයිටීස් ඇති රෝගියෙක් හිසට වේදනා ගෙන නොදෙන පහසු ආකාරයකට සිටීමෙන් හා නින්දෙන් අවදි වීමෙන් පසු හිසේ වේදනාව පහව යන්නේ පහසුවෙන් සයිනස්වලින් සෙම පිටතට ගලා යාම නිසයි. මේ තත්ත්වය තාවකාලික සහනයක් පමණයි.

හිසේ ඇතිවන වේදනාවකදී වෛද්‍යවරයෙක් වෙත යොමු විය යුතු අවස්ථා මොනවා ද ?
පළමුවරට සෑදෙන හිසේ කැක්කුමකදී, හිසේ කැක්කුම සමඟ උණ ඇත්නම්, හිසේ කැක්කුම උදෑසන පමණක් තිබේ නම්, හිසේ කැක්කුම සෑදී දින 5ක් 6ක් ඇතුළත සුව නොවන්නේ නම්.

මාසයකට දින තුනකට වඩා හිසේ කැක්කුම සෑදෙන්නේ නම්. සයිනස් රෝගයේ දී නියමිත කාලයකදී නියමිත ඖෂධ නිවැරැදිව ලබාගත යුතුයි. මේ නිසා වෛද්‍යවරයා නියම කරන ඖෂධ නියම කරන කාලය පුරාම ගත යුතු වෙනවා. විශේෂයෙන්ම ප්‍රතිජීවක ඖෂධ නියම කළ පසු වෛද්‍යවරයාගේ උපදෙස් මත එම ඖෂධ නියමිත කාලයට නියමිත ප්‍රමාණයෙන් ලබාගැනීම ඉතාම වැදගත් වෙනවා.

දුමින්ද සම්පත්
(උපුටා ගැනීම අන්තර්ජාලයෙන්)