කෝමාරිකා යුෂ භාවිතා කරලා සම පැහැපත් කරගන්න ගෙදරීම සාදාගත හැකි විශ්මිත ආලේපන

කෝමාරිකා (Aloe vera) කියන්නේ ඖෂධයක් වගේම රුපලාවන්‍ය සඳහා නැතුවම බැරි දෙයක්. කෝමාරිකා වල ඇති සිසිල් කාරක ගුණය නිසා බොහෝ රූපලවන්‍ය කටයුතු සඳහා කෝමාරිකා යුෂ යොදා ගැනෙනවා. කෝමාරිකා සොයා ගන්න නොහැකි නම් ඒ වෙනුවට වෙළඳපොලේ ඇති ඇලෝවේරා ජෙල් ගෙන භාවිතා කරන්න පුළුවන්. අද අපි කියල දෙන්නේ මේ කෝමාරිකා කියන ඖෂධය භාවිතා කර නිරෝගී පැහැපත් සමක් ලබා ගැනීම සඳහා සදා ගත හැකි විශ්මිත ආලේපන කිහිපයක් ගැනයි.

පැහැපත් සමක් ලබා ගැනීමට අවශ්‍ය ද්‍රව්‍ය
රෝස වතුර තේ හැඳි 01ක්, මි පැණි තේ හැඳි 01ක්, කිරි තේ හැඳි 01ක්, වියලි කහ කුඩු තේ හැඳි 1/2ක්, කෝමාරිකා යුෂ (ඇලෝවේරා ජෙල්) තේ හැඳි 03ක්, දෙහි යුෂ තේ හැඳි 1/2ක්. මේ සියලුම ද්‍රව්‍ය එක භාජනයකට දමා හොඳින් මිශ්‍ර කරගන්න. දැන් මෙම ආලේපය මුහුණේ අලේප කරන්න. දැන් විනාඩියක් පමණ මුහුණ සම්භාහනය කරන්න. දැන් විනාඩි 15ක් පමණ තබන්න. ඉන් පසුව පිරිසිදු ජලයෙන් සෝදා හරින්න. මෙම සත්කාරය සතියට 3වතාවක් පමණ කරන්න. මෙය මුහුණට මෙන්ම මුළු ශරීරයටම භාවිතා කල හැකිය.

හර්බල් හෙයාර් ඔයිල් ( herbal hair oil) සාදාගැනීමට අවශ්‍ය ද්‍රව්‍ය – කෝමාරිකා යුෂ (ඇලෝවේරා ජෙල්) තේ හැඳි 02ක්, පොල් තෙල් තේ හැඳි 02ක් (පිරිසිදු පොල් තෙල්ම ගන්න). මේ සියළුම ද්‍රව්‍ය හොඳින් මිශ්‍ර කරගන්න. දැන් මෙය හිස්කබලේ ආලේප කර මෘදුව පිරිමදින්න. උණුසුම් තුවායකින් හිස වටා ඔතා පැයක් තිබෙන්න හැර ෂැම්පු යොදා හිස සෝදා පිරිසිදු කරගන්න.

හිරු එලියට පිලිස්සුණු සමට ආලේපනයක් සාදා ගැනීමට අවශ්‍ය ද්‍රව්‍ය – කෝමාරිකා යුෂ (ඇලෝවේරා ජෙල්) තේ හැඳි 02ක්, තක්කාලි පියුරි තේ හැඳි 02ක්. මේ සියල්ලම හොඳින් මිශ්‍ර කරගන්න. දැන් මෙය ගෙන සමෙහි ආලේප කරන්න. හොඳින් සම්භාහනය කර ටිෂු එකකින් පිසදමා ඉවත් කර සිතල වතුරෙන් සෝදා පිරිසිදු කරගන්න.

හෙයාර් පැක් (hair pack) එකක් සාදා ගැනීමට අවශ්‍ය ද්‍රව්‍ය – කෝමාරිකා යුෂ (ඇලෝවේරා ජෙල්) තේ හැඳි 02ක්, විටමින් E කරල් දෙකක්, එඬරු තෙල් තේ හැඳි 01ක්, මී පැණි තේ හැඳි 02 ක්. මේ සියල්ලම හොඳින් මිශ්‍ර කරගන්න. මෙය ගෙන හිස්කබලේ සහ හිසකෙස් වල ආලේප කර පැය 1/2ක් පමණ තබා සෝදා ඉවත් කරගන්න . ඉස්සොරි නැති කරයි. හිසකෙස් වලට කන්ඩිෂනර් එකක් ලෙස මෙය ක්‍රියා කර හිස කෙස් සිනිදු කරයි.

මේකප් රිමුවර් (makeup remover) එකක් සාදා ගැනීමට අවශ්‍ය ද්‍රව්‍ය – කෝමාරිකා යුෂ (ඇලෝවේරා ජෙල්), කොට්න් පෑඩ් හෝ ටිෂු. කෝමාරිකා යුෂ (ඇලෝවේරා ජෙල්) ගෙන මුහුණේ හොඳින් ආලේප කරන්න. දැන් කොට්න් පෑඩ් එකක් ගෙන එමගින් මේකප් පිසදමා ඉවත් කරගන්න.

මොයිස්චරයිස ක්‍රීම් සාදා ගැනීමට අවශ්‍ය ද්‍රව්‍ය – කෝමාරිකා යුෂ (ඇලෝවේරා ජෙල්) තේ හැඳි 02ක්, විටමින් E කරලක්. මේ සියල්ලම හොඳින් මිශ්‍ර කරගන්න. දැන් ඇලෝවේරා මොයිස්චරයිස ක්‍රීම් එක ඔබේ සිරුරේ ආලේප කරන්න. මෙය හොඳින් වැසිය හැකි භාජනයකට දමා ශීතකරණයේ ගබඩා කර තබා ගත හැකිය. සතියකට අවශ්‍ය වන පරිදි සකස් කරගන්න.

පිම්පල් රිමුව් ජෙල් සාදා ගැනීමට අවශ්‍ය ද්‍රව්‍ය – කෝමාරිකා යුෂ (ඇලෝවේරා ජෙල්) තේ හැඳි 02ක්, කිරි තේ හැඳි 01ක්, සිනී තේ හැඳි 02ක්. මේ සියල්ලම පිරිසිදු භාජනයකට දමා හොඳින් මිශ්‍ර කරගන්න. දැන් ෆේෂ් වොෂ් දමා සෝදා පිරිසිදු කරගත් මුහුණ පුරාම සකස් කරගත් පිම්පල් රිමුව් ජෙල් එක ආලේප කරන්න. විනාඩි 20ක් තිබෙන්නට හැර සිතල වතුරෙන් සෝදා ඉවත් කරගන්න. මෙමගින් මුහුණේ ඇති වැඩිපුර තෙල් උරාගන්නවා මෙන්ම සමට තෙතමනයක් සහ සුමුදු බවක් ලබාදෙනවා. පිම්පල් නැති කෙනෙකුට වුනත් මෙය භාවිතා කිරීමෙන් සමට තෙතමනයක් සහ නැවුම් බවක් ලබාගත හැකිය. මෙය ඕනෑම සමකට සුදුසු ආලේපනයක්.

ශේවින් ජෙල්
ඔබ අනවශ්‍ය රෝම ඉවත් කිරීමේදී ත්රේඩින් කරන විට නැතිනම් රේසරයක් හෝ වෙනත් උපකරණයක් භාවිතා කරන විට කෝමාරිකා යුෂ (ඇලෝවේරා ජෙල්) ආලේප කිරීමෙන් සමට වන හානිය අවම කරමින් සමට තෙතමනයක් මෙන්ම සමට සිසිලක් ලබාදෙයි.

හෙයාර් සිල්කි ඔයිල් සාදා ගැනීමට අවශ්‍ය ද්‍රව්‍ය
කෝමාරිකා යුෂ (ඇලෝවේරා ජෙල්) තේ හැඳි 03ක්, වතුර තේ හැඳි 02ක්, රෝස්මරි ඔයිල් බින්දු 03ක්. මේ සියල්ලම හොඳින් මිශ්‍ර කරගන්න. මෙය හිසකෙස් වල මුල සිට අග දක්වා ආලේප කරන්න. මෙමගින් හිසකෙස් වල රළු ගතිය අඩුවී කීකරු දිදුලන කෙස් කළඹක් ඔබට ලබා දෙයි.

(උපුටා ගැනීම thewoman වෙබ් අඩවියෙන්)

පුංචි ළමයි කන්න ආසම ඉක්ලෙයාර්ස් ගෙදරදීම හදමුද? රෙසිපි එකත් එක්කම හදන හැටි තියෙනවා

පුංචි ළමයි ගොඩක්ම කැමති කෑමක් තමයි ඉක්ලෙයර්ස් කියන්නේ. ඉතින් අද ඔයාලට කියාලා දෙන්නේ ගෙදරදීම ඔබගේ දුවට පුතාට ඉතාමත් රසවත් ඉක්ලෙයර්ස් සාදා ගන්නා ආකාරයයි.

ඉක්ලෙයාර්ස් හදන්න නම් මෙන්න මේ දේවල් තමයි ඕන
පිටි 300g, බටර් 200g, වතුර 500ml, බිත්තර 5 ක් හෝ 8 ක්, ලුණු 8g, සීනි 8g, වැනිලා ස්වල්පයක්

මෙන්න සාදන ක්‍රමය
අඩිය ඝනකම් භාජනයක් ගෙන එයට වතුර දමා ලිපේ තබා රත් වී එන විටදී බටර් දමා හොඳින් බටර් දියවන තුරු කවලම් කරන්න. දැන් එයට ලුණු, සීනි හා වැනිලා දමා කවලම් කර ගන්න. ඉන්පසු එයට ලිපෙන් බාගෙන පිටි දමා කවලම් කරගන්න. හොඳින් ගුලියක් වන තුරු අනා ගන්න. නැවත එය ලිපෙන් තබා මඳ ගින්නේ ස්වල්ප වෙලාවක් රත් කර ගන්න. එය භාජනයකට දමා නිවෙන්නට හරින්න. දැන් එයට බිත්තර ක්‍රමක්ක්‍රමයෙන් දමා එක් දිශාවකට විනාඩි 15ක් පමණ කලවම් කර ගන්න. (එක් පැත්තකට පමණක් කලවම් කිරීම කල යුතුයි.) පයිපින් බෑගයක් රැගෙන එයට මිශ්‍රණය පුරවා අවශ්‍ය හැඩයට මිරිකා ගන්න. අනතුරුව 200 °C උෂ්ණත්වයට විනාඩි 20 – 30 අතර කාලයක් බේක් කරගන්න. ඉන්පසු නිවුණු පසු බටර් ක්‍රීම් හෝ චොක්ලට් ක්‍රීම් ඇතුලට තවරා උඩින් චොක්ලට් ක්‍රීම් තවරා ගන්න.

(උපුටා ගැනීම thewoman වෙබ් අඩවියෙන්)

පැපොල් වලින් එක එක රස කෑම හදමුද? රෙසිපි ඒකත් එක්කම හදන හැටි මෙන්න

පැපොල් එහෙමත් නැතිනම් ගස්ලබු කියන්නේ ලංකාවේ ඕනෑම ප්‍රදේශයකදී දකින්නට ලැබෙන පළතුරක්. නිතර දකින්න ලැබෙනවා වගේ තමයි ඕනෑම දේශගුණික තත්වයකදී වුවද පහසුවෙන් විය හැකි ශාකයක්. කෙටියෙන්ම කිවුවොත් ජලය, පොහොර නොදැමිමත් සාරවත් පසක් තිබෙනවා නම් ගස්ලබු ඇට ටිකක් වැටුනොත් ඉබේම පැල වෙලා ඵලදාවක් ලබා ගන්න පුළුවන්.

පෝෂණ ගුණයෙන් ඉහළ පළතුරක් වූ මෙම ගස්ලබු රුපලාවන්යයේදීත් වැඩි වශයෙන් භාවිතා කරන පළතුරක්. ඒවගේම තමයි ගස්ලබු කියන්නේ පළතුරක් වගේම එළවළුවක් වශයෙන් ද ආහාර වේලට එකතු කරගත් හැකි දෙයකි. ඒ නිසා අපි මෙවර කතා කරන්නේ ගස්ලබු වලින් සකස් කරගත් හැකි ආහාර වර්ගයි. මෙහිදී පලතුරු සලාදයක්, පලතුරු බිමක් ලෙසින් පමණක් මෙතෙක් රස විඳි ගස්ලබු වලින් රසම රස විවිධ කෑම රැසක් රස විඳින්න ලැබෙනවා පමණක් නොව මෙහි සඳහන් ඇතැම් ආහාර වර්ග නිෂ්පාදනය කර වෙළඳපොළට ඉදිරිපත් කිරීමෙන් කදිම ආදායමක් ද උපයා ගත හැකියි.

ගස්ලබු ටොෆි
පුංචි දරුවන් පැණිරස කෑම කන්න කැමතියිනේ. පුංචි දරුවෝ විතරක් නෙමෙයි වැඩිහිටි උදවියත් පණිරසට හරිම කැමතියි. ඉතින් අපි බලමු කොහොමද ගස්ලබු ටොෆි සාදන්නේ කියලා

මෙන්න අවශ්‍ය ද්‍රව්‍ය
හොඳින් පැසුණු ලොකු ගස්ලබු ගෙඩියක්, සීනි 500g, රට කජු 50g, වැනිලා ස්වල්පයක්, එනසාල් කුඩු තේ හැඳි 01

මෙන්න සාදන ක්‍රමය
ගස්ලබු ගෙඩිය හොඳින් සෝදා දෙකට පලන්න. ඇට ටික ඉවත් කරගන්න. නැවතත් සෝදන්න. ඊටපසු පිරිසිදු භාජනයකට හීනියට ගා ගන්න. මෙය ඔබට හිරමනයෙන් ගා ගැනීමට හැකියාව ඇත. අනතුරුව ගා ගත ගස්ලබු ටික කිරා බලන්න. 500g පමණ ගන්න. දැන් බඳුනකට සිනි ටික දමා වතුර අඬු කෝප්ප 1/4ක් පමණ ලිප තබා හොඳින් රත් වූ පසු ඉහත ගාගත් ගස්ලබු ටික ද දමා හැඳි ගාන්න. පැය භාගයක් පමණ ( මඳ ගින්නේ ) හැඳි ගාන විට පදම එන විට අතට බර ගතිය දැනේ. වතුර ගතිය නැති වී ගුලියක් මෙන් එකතු වන විට කුඩාවට තළාගත් රටකජු, සුවඳ කුඩු, වැනිලා දමා තෙල් තැවරු ලෑල්ලක තුනීකර කෑලි කපා ගන්න. මෙය පුහුල් දෝසි වගෙය. ඉතාම රසවත් වියළි බඳුනකට අසුරා තබා ගත්තොත් අතියක් දෙකක් පමණ පාවිච්චි කල හැකියි.

ගස්ලබු ව්‍යංජනය
ගොඩක් අය ගස්ලබු ව්‍යංජනය, ගස්ලබු උයලා කන්න ආසයි. ඒත් හරියටම දන්නේ නෑ කොහොමද රසට මේ ගස්ලබු ව්‍යංජනය හදාගන්නේ කියලා. ඉතින් අපි දැන් බලමු කොහොමද මේ ගස්ලබු ව්‍යංජනය සාදන්නේ කියලා..

මෙන්න අවශ්‍ය ද්‍රව්‍ය
අමු ගස්ලබු ගෙඩියක්, රම්පේ, කරපිංචා, අමු මිරිස් කරල් 3 – 4, සුදුළුනු ස්වල්පයක්, රතුළුණු ස්වල්පයක්, මිරිස් කුඩු, තුනපහ කුඩු, කහ කුඩු ස්වල්පයක්, ලුණු ස්වල්පයක්, අබ ස්වල්පයක්, පොල් කිරි කෝප්පයක්

මෙන්න සාදා ගන්නා ආකාරය
රත් වූ මැටි වළඳට තෙල් ස්වල්පයක් දමන්න. එයට අබ ස්වල්පයක් එකතු කරන්න. ඉන්පසුව එයට රම්පෙ, කරපිංචා, තලා ගත් සුදුළුනු ලියාගත් රතුළුණු එකතු කර රන්වන් පාට වෙනතුරු බැදගන්න. ඉන් පසු එයට කපා ගත අමු මිරිස්, මිරිස්, කහ, තුනපහ, කුරුඳු පොත්තක් දියකිරි කෝප්පයක් දමා මඳ ගින්නේ පිසගන්න.ගස්ලබු හොඳින් තම්බුන පසු මිටිකිරි දමා උතුරවා ගන්න.

(උපුටා ගැනීම thewoman වෙබ් අඩවියෙන්)

කොත්තමල්ලී වලින් වකුගඩු සහ අක්මාව පිරිසුදු කරන පානයක් හදන හැටි

කාලය සහ මුදල් වැය නොකරම ඔබට මෙම ප්‍රතිකාරය නිවසේදීම සකස් කරගන්න පුලුවන්. මෙය ඇත්තටම අරුම පුදුම ප්‍රතිකාරයක්. මන්ද, එය ඔබේ වකුගඩු, අක්මාව හා අග්න්‍යාශය වැනි ප්‍රදේශ වල සෞඛ්‍ය තත්වය තව දුරටත් වර්ධනය කරන්න උපකාරී වෙනවා. මේ ප්‍රතිකාරය සඳහා භාවිතා කරන ප්‍රධානම ද්‍රව්‍ය වන්නේ කොත්ත්මල්ලිය. කොත්තමල්ලි යනු ඖෂධීය ගුණ බහුල බලගතු ද්‍රවයකි. අපි මේ කතා කරන්නේ සලාද සහ කුළුබඩු සඳහා බහුලව යොදාගන්නා කොත්ත්මල්ලී ගැනයි.

කොත්තමල්ලී වල ප්‍රයෝජන කිහිපයක් මෙන්න
එය මුත්‍රා වර්ධකයකි. එය අක්මාවේ ක්‍රියාකාරීත්වය ඔප්නැන්වීමට ද සමත් වෙනවා. එය ආහාර ජීරණය පහසු කරවයි. එහි බැක්ටීරියා හොඳින් ඉවත් කිරීමේ හා බැක්ටීරියා ආසාධන සඳහා ප්‍රතිකාර කිරීමේ හැකියාව නිසා පාචනය සුව කිරීම සඳහා ද බහුලව යොදා ගනී. කොලෙස්ටරෝල් මට්ටම පහල දැමීම සඳහාද මෙය බහුලව යොදා ගන්නා ඖෂධයකි. එය හොඳ විෂබීජ නාශකයක් වන අතර ඒ හේතුවෙන් මුල් අවධියේ පිළිකා සුව කිරීම සඳහාද යොදා ගනී. රුධිරයේ සීනි මට්ටම් පහත හෙලයි. ඇස් පෙනීම වැඩි දියුණු කරන අතර අක්ෂි රෝග සුව කරයි.

දැන් අපි බලමු මේ අරුම පුදුම කොත්තමල්ලී භාවිතා කර සාදන අරුම පුදුම ප්‍රතිකාරයේ වට්ටෝරුව සහ සකසන ආකාරය.

අවශ්‍ය ද්‍රව්‍ය
තරමක් කුඩාවට කපා ගත් කොත්තමල්ලී කෝප්ප භාගයක්. මේ සඳහා නාරටිය ද භාවිතා කරන්න. රට අසමෝදගම් කෝප්ප භාගයක්. (මේ සඳහා නාරටිය ද යොදා ගන්න.) වතුර මිලිලීටර 300ක්.

සාදන ක්‍රමය
කොත්තමල්ලී සහ රට අසමෝදගම් බඳුනකට දමා එයට ජලය එක කරන්න. බඳුන නොවසා විනාඩි දහයක් පමණ පිස ගන්න. එහි ඇති හරිතප්‍රද ඉවත් කිරීමට විනාඩි දහය හොඳටම ප්‍රමාණවත් වේ. විනාඩි දහය ගතවුණු පසු බඳුන ලිපෙන් ඉවත් කර, සීතල වීමට පසෙකින් තබන්න. මේ ප්‍රතිකාරයෙන් දිනකට කෝප්පයක් පානය කිරීමෙන් ශරීරයේ විෂ ඉවත් කොට පිරිසිදු කිරීමට උපකාරී වේ. කොත්තමල්ලී සහ රට අසමෝදගම් වල ගුණ පිළිබඳව ඔබ දැන් දැනගත් නිසා ඔබේ ආහාර සඳහා මේ ද්‍රව්‍ය බහුලව එක කරන්න අමතක කරන්න එපා.

හෘදයාබාධ වලින් බේරී ඉන්න සරල පුරුදු 5ක් මෙන්න – ඔබත් මැදිවියේ නම් ඉතා වැදගත්

හෘදයාබාධනිසා ලොකූ මානසික පීඩනයක් වගේම කායික වේදනාවක් දැනෙනවා. ඒත් ඇත්තටම අපට පුළුවන් මේ හෘදයාබාධ වළක්වා ගන්න. හෘදයාබාධ ඇතිවීමේ අවදානම අවමකරගන්න නම් අපේ ජිවන පුරුදු ඉතාම වැදගත් වෙනවා . මේ තියෙන්නේ හෘදයාබාධ අවම කරගන්න ජිවිතයට එකතු කරගන්න ඕන, එහෙම නැත්නම් පවත්වාගෙන යන්න ඕන හොඳ පුරුදු 5ක්

සෞඛ්‍යමත් ආහාර පුරුදු, 2 ක්‍රියාකාරී ජිවිතයක් ගතකිරීම, 3 ඉණ වටප්‍රමාණය අවධානම් මට්ටමට පහළින් පවත්වාගෙන යාම, 4අධි මත්පැන් පානයෙන් වැළකීම, 5දුම් පානයෙන් වැළකීම.

පර්යේෂණ වලට අනුව නැවුම් පළතුරු අනුභවය හෘද රෝග අවදානම අවම කරනවා. පළතුරුවල අඩංගු ප්‍රතිඔක්සිකාරක, විටමින්, ඛනිජ ලවණ සහ විවිධ ශාක සාරයන් හදවත නිරෝගිව තියාගන්න උදව් වෙනවා වගේම හදවතේ ආසාදනයන් ඇතිවීමට හේතුවන කරුණු අවම කරනවා

කොහොම උනත් අධික ලෙස සීනි අඩංගු පළතුරු කන එකත් හොද නැහැ. ඒ අනුව ආහාරයට හොදම පළතුරු වන්නේ තිත්ත සහිත, ඇඹුල් සහිත හෝ කහට සහිත පලතුරු වර්ගයි. ඔයාට ඉන්සියුලින් හෝ ලේප්ටින් සීමා කරන්න අවශ්ය නම් දෛනිකව ආහාරයට ගන්න පළතුරු ප්රමාණය අවම කරන්න ඕන. එහෙම සීමා කරන්න අවශ්‍ය නැත්නම් ඕන තරම් පළතුරු ආහාරයට ගත්තට කමක් නැහැ. කොහොම උනත් පළතුරු වලින් ඔයාගේ රුධිරයේ තියන සීනි ප්රමාණය වැඩි කරනවා කියන එක අමතක කරන්න එපා.

ඔබ ක්‍රීඩකයෙක් නම් ඔබට ඔිනෑ තරම් පළතුරු ආහාරයට ගන්න පුළුවන්. මොකද ඔබ ව්‍යායාම කරන විට සහ ක්‍රීඩාවන්හි නිරත වන විට ඔබගේ ශරීරයේ ඇති ග්ලූකොස්, තෙල් ආකාරයෙන් ගබඩා කරගන්න්නවා වෙනුවට ශක්තිය බවට පරිවර්තනය කරන නිසා ඔබගේ හදවතට සුදුසුම ආහාර පුරුදු මොනවද කියා දැන් අපි බලමු. LDL කොලොස්ටරෝල් වර්ග 2ක් තියෙනවා ,කුඩා LDL කොලොස්ටරෝල් සහ විශාල LDL කොලොස්ටෝරෝල් වශයෙන්.

විශාල කොලොස්ටෝරෝල් අපේ ශරීරයට අහිතකරයි කියලා ජනප්‍රිය මතයක් තියෙන්නේ. එත් ඒක ඇත්ත නෙවෙයි. මේ අංශු හදවත් රෝග ඇතිකිරීම සඳහා හේතුවෙන්නේත් නෑ. ඒත් කුඩා LDL රුධිරවාහිනී තුල ලේ කැටි නිර්මාණය කරනවා. මේ කුඩා LDL නිර්මාණය වෙන්න අසන්තෘප්ත මේදය හේතුවෙනවා. සන්තෘප්තමේදය මගින් විශාල LDL නිර්මාණය කරනවා. කෘතීම ලෙස රසකාරක යොදන ලද සිනි සහ කාබොහයිඩේ්රට අඩංගු පාන් , සෝඩා , වගේ ආහාර පරිභෝජනයෙන් කුඩා LDL ප්‍රමාණය වැඩිවෙනවා. අසන්තෘප්ත මේදය සහ සකසන ලද කාබෝහයිඩ්රේට් සන්තෘප්ත මේදයට වඩා බොහෝ අහිතකර ප්‍රතිඵල ඇතිකරනවා

මෙන්න මේ නිසා අද වනවිට ලෝකයේ බොහෝ ආහාර නිෂ්පාදන සමාගම් පවා මේදය අවම ආහාර නිපදවීමට පෙළඹිලා තියෙනවා. ඒ වගේම එළවළු තෙල්, මාගරින් වගේ අනතුරුදායක සංතෘප්ත මේදය වෙනුවට බටර් සන්තෘප්තමේද සහිත ආහාර නිෂ්පාදනය කිරීමට වැඩි අවධානයක් යොමු කරලා තියෙනවා.</p>

හෘදයාබාධයක් ඇතිවීම වළක්වා ගැනීමට අනුගමනය කල යුතු දේ
බොහෝ සෞඛය ආරක්ෂිත පුරුදු අනුගමනය කිරීමෙන් ඔබේ හදවත රැක ගැනීමට මෙන්ම හදවත් රෝග වැළදීමේ අවධානම අඩු කර ගන්නත් පුළුවන්. හදවත් රෝගයක ලක්ෂණ දකින්න ලැඛෙන තුරු හිටියොත් සමහර විට ඔය ගොඩාක් ප්‍රමාද වෙන්න පුළුවන්. මේදය නිසා ශරීරයට ඇතිවන අහිතකර බලපෑම ඉවත්කර ගැනීම සඳහා සංතෘප්ත සත්ව තෙල් අඩංගු ආහාර පරිභෝජනය කිරීම.

සීනි පරිභෝජනය අවම කිරීම. ඉන්සියුලින් සහ ලේප්ටින් වලට ප්‍රතිරෝධක නොවෙන සකස් කල පෘක්ටෝස් සහ ධාන්‍ය ආහාරයට ගැනීම . අධික සීනි සහිත ආහාර ගැනීම ඉන්සියුලින් සහ ලේප්ටින් ප්රතිරෝධකත්වයක් දක්වන අතර එයම හෘදරෝග සඳහා ප්‍රධාන හේතුවක් වෙනවා. ක්‍රියාකාරීව සිටීම හා කාබනික ආහාර පමණක් ආහාරයට ගැනීම. ආසනයක වාඩිවී සිටීම හැකි තරම් අවම කර දවසකට පියවර 1000ක්වත් ඇවිදීම.

කොලොස්ටරෝල් අඩුකරගැනීම සඳහා විවිධ ඖෂධ ගැනීමෙන් වැළකී ඉන්නවනම් ඉතා හොඳයි. මොකද මේ ඛෙහෙත්වල අතුරු අබාධ ගොඩාක් තියෙනවා වගේම අත්වෙන සුවය ගැනත් ගොඩක් ප්‍රශ්න තියෙනවා. හිරු එළියට නිරාවරණය වෙලා ඔයාට අවශ්‍ය විටමින් D ලබා ගන්න. එහෙම නැත්නම් විටමින් D අඩංගු ඔශධයක් ගන්න

හැම විටම පාවහන් නොමැති ඇවිදින්න මොකද මෙමගින් ඔයාගේ සිරුරට පොලවේ තියෙන නිදහස් ඉලෙක්ට්‍රොන වලට ලේසියෙන්ම ගමන් කරන්න පුළුවන්. මේ ක්‍රමය ආසාදන වළක්වන්න වගේම අපි සොබාදහමට ලංවෙලා ඉන්න එක තමයි ඇත්තටම ලෙඩ රෝග වලින් බේරිලා ඉන්න පුළුවන් හොදම විදිය.

ඒ වගේම හැමදාම ඔයාගේ මානසික ආතතිය පාලනය කරගෙන සතුටින් ජීවත්වෙන්න උත්සහ කරන්න

හදවත් රෝග ඇතිවීමට පෙර, ඒ බව හඟවන රෝග ලක්ෂණ 8 ක් මෙන්න ඔබටත් මේ රෝග ලක්ෂණ තිබේනම් වහාම දැනුවත් වෙන්න

හෘද රෝග, හෘදයාබාධ හේතුවෙන් වසරකට පුද්ගලයන් 610,000 ක් පමණ මියයන බව සොයාගෙන ඇත. ලංකාවෙත් ගැහැණු පිරිමි දෙපාර්ශවයම මේ රෝග තත්වය නිසා පීඩා විදිනවා . ඔබ දන්නවද හදවතේ කිසියම් ගැටලුවක් හෝ රෝග තත්වයක් තියෙනවනම් ඒ ගැන ශරීරය විසින්ම අපිට විවිධ අනතුරු ඇඟවීම් කරන බව. මේ කියන්න යන්නේ ඒ විදියට ශරීරය හෘද රෝග ගැන අපිට කරන අනතුරු ඇඟවීම් 8 ක් ගැනයි. බලන්න මේ දේවල් ඔබටත් තියෙනවද කියලා.

වම් අතේ පවතින දිගුකාලීන වේදනාව
ගොඩක් පිරිමි අයට මේ වම් අතේ වේදනාවක් තියෙනවා.කාන්තාවන්ටත් එහෙමයි හැබැයි සමහර කාන්තාවන්ට අත්දෙකේම වේදනාවක් තියෙනවා.පර්යෙෂනවලින් හොයාගෙන තියන විදියට ගොඩක් හෘදයාබාධ ඇතිවුන කාන්තාවන්ට ඊට කලින් අසාමන්‍ය ලෙස වැලමිටේ වේදනාවක් හටගෙන තිබෙනවා. මේකට හේතුව තමයි අපේ හදවතේ තියෙන වේදනාව ගමන් කරනවා සුෂුම්නාව වෙත එහෙම ගමන් කරනකොට අපේ ශරීරයේ බොහෝ ස්නායු වර්ග මොළයත් සමග සම්බන්දවෙලා තියෙන නිසා මොළය ව්‍යාකූල තත්වයකට පත්වෙනවා . අන්න එතකොට අපි දැනෙන්නේ මේක අතේ වේදනාවක් කියල හැබැයි ඇත්තටම ඒක අතේ තියෙන වේදනාවක්නම් නෙමේ

දිගුකලක් පවතින කැස්ස
අපිට කැස්ස විවිද හේතු නිසා ඇතිවෙන්න පුලුවන් හැබැයි ඔබ දන්නවද දිගුකලක් පවතින කැස්ස හදවත් රෝගයකට මුල පුරනබව .රුධිරයේ ඇතිවන රෝස පැහැති ද්‍රාවනයක් නිසා මේ දිගුකලක් පවතින කැස්ස ඇතිවෙනවා ඒ කියන්නෙ ඒක හදවත් රෝගයකට ලක්ෂණපහල කරනවා කියන එකයි . කොහොම වුනත් කැස්ස හදවත් රෝගයක ලක්ෂණයක් නොවුනත් බරපතල රෝග තත්වයක් කියලත් කියන්න ඔනේ.

කකුල්, වළලුකර සහ පාද වල ඇතිවන වේදනාව
ඔබේ හදවත නිසිපරිදි ක්‍රියානොකරනකොට හදවත හරහා ලේ පොම්පකිරීම නිසිපරිදි සිද්ද වෙන්නේ නෑ . එතකොට රුධිර වාහිනී අවට පටකවලට දියාරු වෙනවා මේ නිසා කකුල් ඉදිමෙනවා.කකුලේ අඩිය වලලුකරේ කැක්කුම් ඇතිවෙන්නව වගේ ලක්ෂන පෙන්නුම් කරනවා. මේ තත්වය ගොඩක් අය එච්චර ගනන් ගන්නෙ නෑ හැබැයි අද ඉදන් කල්පනාවෙන් ඉන්න ඔබට මෙහෙම දිගුකාලීන ලක්ශන තියෙනවනම් ඒක හදවත් රෝගයක් නිසා ඇතිවෙලා තියෙනවා වෙන්න පුළුවන්.

ආහාර රුචිය අඩු වීම
හෘද රෝගවලින් පෙළෙන බොහෝ රෝගීන්ට ආහාර ගැනීම සඳහා ඕනෑ කමක් අවශ්‍යතාවක් තිබුණත් ආහාර අරුචිය හෝ ඔක්කාරය නිසා ආහාර කෑමට හිඟවීමක් දක්වයි. එයට හේතුව අක්මාව වටා තරලයක් ඇතිවීම මගින් නිත්ය ආහාර ජීර්ණයට බාධා කිරීමයි. මෙම රෝග ලක්ෂණ සාමන්‍යයෙන් උදරයේ වේදනාවකින් පසුව ඔබ ඔවුන් සියල්ලන්ම අත්දකින්නේ නම්, ඔබ වහාම ඔබගේ වෛද්‍යවරයා හමුවිය යුතුය.

කන්නස්සල්ලෙන් සිටීම සහ කාංසාව
බොහෝ අද්‍යනවලින් හොයාගෙන තියෙන ආකාරයට තම ජීවිතයේ ඉතාම කනස්සලෙන් ඉන්න පුද්ගලයින් හෘද රෝගවලට ඉතා පහසුවෙන් ගොදුරු වෙනවා. දැඩි මානසික ආතතියකින් හෝ මානසික ආබාධයක් හා භීතිකාවකින් ඇති වන විවිධ ආබාධයන් නිසා කාංසාවට හේතුවක් වෙන්න පුලුවන් මෙන්න මේ දේ Tachycardia,රුධිර පීඩනය වැඩි වීම සහ හෘද ස්පන්දන ප්රතිශතයට අඩු වේ එය වක්‍රාකාරව හෘද රෝගවලට හේතුවක් වෙන්න පුළුවන්.

නිතර ඇතිවල ක්ලාන්ත ගතිය
හෘද රෝගීන් අතර ක්ලාන්තය ගතිය සාමන්‍ය දෙයක් වේ. හෘදය රුධිරය පොම්ප කිරීමෙන් පසු රුධිර ප්‍රවාහය අවහිර වූ ඇරෝරියකින් හෝ කපාට පටු වීමෙන් අවහිර කරනු ලැබේ.මේ නිසා ඔබට හුස්ම ගැනීමේ වේදනාව හා කෙටි කාලයකදී ඔබ ක්ලාන්ත වීම් ඇත්නම්, වහාම වෛද්යවරයෙකු අමතන්න, ඔබේ හදවත පරීක්ෂා කර ගන්න.

සම තද පැහැයට හෝ නිල් පැහැයට හැරීම
මෙය වඩාත්ම සුලභ ලක්ෂණයක් නොවේ.මේ ආකාරයට ඔබේ ශරීරයේ රතුරුධිරාණු ප්‍රමානය අඩුවීම නිසා වෙන්නත් පුලුවන් ඒ කියන්නෙ ඔබේ හදවතින් නිසි ආකරයෙන් ලේ පොම්ප නොකිරීම කියන කාරනාවයි ඉස්මතු වෙන්නේ.යම්කිසි කම්පන තත්වයක් නිසාත් මේ දේ සිද්ද වෙන්න පුලුවන් නැතිනම් රක්තහීනතාවය නිසා ඇතිවෙන්නත් පුලුවන් දෙයක් කොහොම වුනත් ඉක්මනටම වෛද්‍යවරයෙක් මුනගැහෙන එක තමයි නුවනට හුරු.

සමේ පිපිරීම් හෝ අසාමන්‍ය පැල්ලම්
ඇමරිකාවේ කරනලද සමීක්ශන දෙකකට අනුව eczema සහ shingles කියන තත්ව ඉතා භයානක ලෙස හදවත් රෝගවලට හේතු විය හැකිබව හොයාගෙන තිබෙනවා . eczema තත්වයෙන් ඔබ පසුවෙනවනම් ඔබ අධික රුධිර පීඩනයෙන් පසුවීම 48% ක ප්‍රතිශතයක් සහ 29% ක ප්‍රතිශතයක කොරොස්ටරොල් මට්ටම ඉහල යා හැකි බව හොයාගෙන තියෙනවා. shingles කියන තත්වය ඔබට තියෙනවනම් 59 %ක ප්‍රතිශතයකින් ඔබට හෘදයාබාධයක් ඇතිවීමේ ප්‍රවනතාවයක් තියෙනවා.මෙම රෝග ලක්ෂණ සෑම හෘද රෝගියකුටම පෙනෙන්නට නොතිබුණත්, ගොඩක් වෙලාවට සමහරක් ලක්ෂන පොදු අනතුරු ඇඟවීම් කියල කියන්න පුලුවන් . ඉතින් සෞඛ්ය සම්පන්න ජීවන රටාවක් පවත්වා ගැනීම, අධික ලෙස මත්පැන් පානයෙන් තොරවීම දුම්පානයෙන් තොරවීම , සෞඛ්ය සම්පන්න හදවතක් ඇති වීමට හේතු වනු ඇත.

(උපුටාගැනීම අද දවස වෙබ් අඩවිය)

කටට රසට මස් වගේ, නියම පොලොස් ඇඹුලක් හදනහැටි

පොලොස් ඇඹුලක් එක්ක බත් ටිකක් කන්න ලැබෙනවා කියන්නේ ඉතින් මාරම වාසනාවක්. හැබැයි ඉතිං ගොඩක් අය හරිම විදිහට පොලොස් ඇඹුලක් හදන්න දන්නේ නැහැ. ඒ වගේම ගොඩක් අය හිතන්නේ පොලොස් ඇඹුලක් හදන එක හරිම අමාරු වැඩක් කියලා. උඩරට පළාත ඉතින් කටට රසට හදන කෑම බීම වලට කොහොමත් ප්‍රසිද්ධයි නේ. ඒ කෑම බීම අතර තියෙන රසම කෑමක් තමයි පොලොස් ඇඹුල කියන්නේ. හදන්න බෑ කියලා හිතාගෙන ඉන්න අයට වගේම හරියට හදාගන්න බැරි අයටත් නුවර රසට නියම විදිහට පොලොස් ඇඹුල ලේසියෙන්ම හදාගන්න වැදගත් වෙන දේවල් ගැන තමයි අද අපි ඔයාලට කියන්නේ.

පොලොස් ගෙඩිය තෝරාගෙන හරිම විදිහට කපන්නේ මෙහෙමයි
ලොකු ප්‍රමාණයේ පොලොස් ගෙඩි තෝර ගන්නේ නැතුව නිතරම ප්‍රමාණයෙන් කුඩා ගෙඩි තෝරාගන්න. මොකද ඒ පොලොස් ගෙඩි වල රසය වැඩියි. ඒ විදිහට තෝරගත්ත පොලොස් ගෙඩිය පොඩිවට කෑලි කපා ගන්න දැන් ඒ කෑලි වල පොත්ත තිබුණු පැත්තේ ගැඹුරට පිහියෙන් ඉරි ටිකක් ගහන්න කෑලි වෙන් නොවෙන්න. මෙහෙම කරාම කෑලි හොඳට තැම්බෙනවා වගේම කෑලි වලට හොඳට තුනපහ අහනවා.

අවශ්‍ය වෙන නියම කළමණා ටික
කපාගත්තා පොලොස් ටික උයාගන්න වළඳට නැතුව වෙන බාජනයකට දාල නුවර පොලොස් ඇඹුලට දාන නියම කළමනා ටික එකතු කරගන්න. ඕනේ වෙන්නේ මේ ටික තමයි බැදපු මිරිස්කුඩු, කළුකුඩු තේ හැඳි 2 ක්, ලුණු, කුඩු කරගත්ත කරදමුංගු ඇට කිහිපයක් සහ කුරුඳු කැබැල්ලක්, ගොරකා කෑලි 6 ක් 7ක්, කොච්චි කරල් 10 ක් 15 ක්, උම්බලකඩ කෑලි ටිකක්, රම්පෙ කෑල්ලක්, කරපිංචා කරන්න තියෙන්නේ මේ දේවල් ටික ඔක්කොම දාලා පොලොස් කෑලි ටිකත් එක්ක කවලම් කරලා ටික වෙලාවක් පැත්තකින් තියන්න ඕනේ තුනපහ හොඳට පොලොස් කෑලි වලට අල්ලන්න.

පොල් කිරි හරියටම හදාගන්නේ මෙහෙමයි
සාමාන්යෙන් පොල් ගෙඩි 1 1/2 විතර කිරි ප්‍රමාණවත් අමු පොල් ගෙඩියක කිරියි වේලුන පොල් ගෙඩියක බෑවකුයි ගත්තොත් නියමයි. මේ දෙකම ගලා ගන්න කිරි ටික උකුවට තමයි තියෙන්න ඕනේ. එතකොට පොලොස් ඇඹුල රසයි වගේම හොඳට තෙල් පෑදෙනවා. ඒ වගේම හරියටම තියෙන්න ඕනේ කිරි ප්‍රමාණය ගැන කියනවා නම් පොලොස් එකට කිරි ටික දැම්මට පස්සේ පොලොස් කෑලි වලින් උඩට කිරි තියෙන්න ඕනේ.

හරියටම හදන්නේ මෙහෙමයි
මතක තියාගන්න පොලොස් ඇඹුලට මැටි හට්ටියක් තමයි ගැලපෙන්නේ. දැන් පොලොස් එක හදන්න ගන්න මැටි හට්ටිය ලිපේ තියලා මේකට තෙල් ටිකක් දාලා පොඩිවට කපාගත්ත රතුළුණු ටිකක් රම්පේ කරපිංචා ටිකක් දාල ඒ ටික රන්වන් පාට වෙනකොට කහ ටිකක්, මිරිස් කුඩු ටිකක් දාලා හැන්දෙන් කලවම් කරලා කලින් හදාගෙන පැත්තකින් තියාගත්ත පොලොස් ටික දාන්න දැන් ගින්දර ටිකක් වැඩි කරලා හැන්දෙන් එහා මෙහා කරන ගමන් කිරි ටික එකතු කරන්න. දැන් කිරි ටික පැහෙන්න තියන්න.

දැන් තමයි වැදගත්ම වේලාව
කිරි ටික පැහෙනකොට ගින්දර අඩු කරන්න මද ගින්නේ තමයි මෙතන ඉදන් පොලොස් එක ඉදෙන්න ඕනේ. එතකොට තමයි පොලොස් හොඳට තැම්බෙන්නේ වගේම ලස්සනට තෙල් පෑදෙන්නේ. ගින්දර වැඩියෙන් තිබුනොත් ඉක්මනට කිරි ටික හිඳිලා ගිහින් පොලොස් එක සවුත්තු වෙනවා. මේ විදිහට අඩු ගින්දරේ පැය 3 ක් 4 ක් තැම්බෙන්න ඕනේ. මතක ඇතුව හට්ටිය හොලවලා සැරින් සැරේට පොලොස් එක පෙරලා ගන්න නැත්නම් අඩිය අල්ලන්න පුළුවන්. ඒ වගේම තමයි හැන්දෙන් පොලොස් එක පෙරලන්න යන්න එපා එහෙම උනොත් කෑලි කුඩු වෙනවා.

කන්න වගේම හදන්නත් හොඳ වේලාව
පොලොස් එක රෑට හදන එක තමයි හොඳ පහුවදාට කන්න එතකොට හොඳට රසට පොලොස් එක තැම්බිලා තියෙනවා විතරක් නෙවෙයි ලස්සනටත් තියෙනවා. ඒ වගේම රෑට හදනකොට නිදහසේ හදන්නත් පුළුවන්. ඒ නිසා රෑට පොලොස් එක හදලා පහුවදාට කාලා බලලා අපිටත් රස කියන්න.

(උපුටාගැනීම hadakari.com වෙඩ් අඩවියෙන්)

මෙන්න මේ වෙලාවට වතුර බොන්න එපා – ඔබත් අනිවාර්යෙන් දැනුවත් වෙන්න

ජලය කියන්නේ ඔයාගේ ශරීරයට අත්‍යවශ්‍ය දෙයක්. දිනකට වැඩිහිටියෙක් වතුර ලීටර 2ක් ද, අවුරුදු 5-8 දරුවන් ලීටර 1ක් ද, අවුරුදු 9-12 දරුවන් ලීටර 1.5ක් ද, අවුරුදු 13+ දරුවන් ලීටර 2ක් ද පානය කළ යුතුයි. නමුත් ඔබ දන්නවාද වතුර බොන්න හොඳ නැති අවස්ථාද තියෙනවා කියලා. අපි ඔයාට කියන්නේ වතුර පානය කරන විට සැලකිලිමත් වෙන්න ඕන අවස්ථාවන් ගැනයි. අධික ලෙස ජලය පානය කිරීමෙන් ඔයාගේ ශරීරයේ සෝඩියම් මට්ටම අඩු වෙන්න පටන් ගන්නවා. ඒ නිසා පමණට වඩා වතුර බීමත් අපේ සෞඛ්‍යයට අහිතකර ලෙස බලපානවා.

නිදා ගන්න කලින්
ඔයා නිදා ගන්න කලින් හුඟාක් වතුර බොනවාද? එහෙනම් ඒ වෙලාවට බොන වතුර ප්‍රමාණය අඩු කරන්න. ඊට එක් හේතුවක් තමයි නිදා ගන්න කලින් හුඟාක් වතුර බිවුවොත් ඔයාට රාත්‍රී නින්දේදී සරින් සැරේ මුත්‍රා බර එන නිසා හරි නිදක් ලැබෙන්නේ නැති වීම. අනෙක රාත්‍රී නින්දේදී ඔයාගේ වකුගඩු හරියට ක්‍රියා කරන්නේ නැති නිසා සමහර දිනවලට උදේ නැට්ටම මුහුණ ඉදිමීම් ස්වරුපයක් දක්නට ලැබෙනවා. ඉතින් ඔයා රාත්‍රී නින්දට කලින් හුඟාක් වතුර බිවුවම මේ තත්වය වැඩි වෙන්න පුළුවන්.

ව්‍යායාම කිරීමේදී
ව්‍යායාම කරන විටදී වතුර පානය කරොත් ඔයාට අතුරු ආබාධ රැසකට මුහුණ දෙන්න වෙයි. ව්‍යායාම වලදී ශරීරයේ උෂ්ණත්වය වැඩි වෙන නිසා ශරීරය සිසිල් කර ගැනීම ජලය කරොත් විද්‍යුත් විච්ජේදනයක් ඇති වෙන්න පුළුවන්. ඔළුව කැක්කුම, ඔක්කාරය, කැරකිල්ල ඇති වෙනවා. ව්‍යායාම කර සම්පුර්ණයෙන්ම අවසන් වී විනාඩි කිහිපයකින් පසුව ජලය පානය කරන්න.

මුත්‍රා වල වර්ණය අවර්ණ නම්
මුත්‍රා වල වර්ණය අවර්ණ නම් ඔබ දිනකට අවශ්‍ය ජලය ප්‍රමාණයට වඩා දැනටමත් ජලය පානය කර තියෙනවා. ඉතින් ඔබ තවත් වතුර බිව්වොත් ඔබේ ශරීරයේ සෝඩියම් ප්‍රමාණය පහල බහිනවා. මෙය ඔබට හෘද්‍යාබාධ ඇතිවීම දක්වා දුර දිග යා හැකියි.

ආහාර ගැනීමට පෙර සහ අතර තුර
ආහාර ගැනීමට පෙර සහ ආහාර ගන්නා අතර තුර වැඩිපුර ජලය පානය කිරීම කටට කෙල උනන එක අඩු කරනවා. මේ හේතුවෙන් කෙල වල ඇති ආහාර දිරවීමට අවශ්‍ය එනසයිම වල ක්‍රියාකාරීත්වය බාල කරනවා. මපණට වඩා වතුර බීම ආමාශගත යුශ වලින් සිදු කරන අහාර කුඩාකැබලි වලට දිරවීම සහ ඇතැම් ආහාර වල ඇති බැක්ටීරියා විනාශ කිරීම අඩපන කරනවා.

(උපුටාගැනීම hadakari.com වෙබ් අඩවියෙන්)

අතමිට සරු කරවන තක්කාලි වගාවක් ඔබේ ගෙවත්තේම පටන්ගන්න විදිය

සොලනේසි (Solanaceae) කුලයට අයත් ප්‍රධාන භෝගයක් වන තක්කාලි උද්භිද විද්‍යාත්මකව Lycopersicon esculantum ලෙස හඳුන්වනු ලබයි. පේරු හා ඉක්වදෝරය රටවල් ආශ්‍රිතව සම්භවය වී ඇති තක්කාලි වර්තමානයේ බොහෝ රටවල ප්‍රකට වගාවකි. ආසියාතික රටවල තක්කාලි එළවුළුවක් ලෙස ආහාරයට ගත්තද යුරෝපයේ එය ප්‍රසිද්ධ වනුයේ පලතුරක් ලෙසටය. ශ්‍රි ලංකාවේ යාපනය, දඹුල්ල හා මාතලේ ආදී දිස්ත්‍රික්කවල තක්කාලි මහා පරිමාණයෙන් වගා කරනු දැකිය හැකිය.උඩරට තෙත් කලාපය හැර ලංකාවේ සෙසු සියලු දේශගුණික කලාප වල සාර්ථකව වගා කළ හැකි තක්කාලි ගෙවත්තක වගා කිරීමට සුදුසුම භෝගයකි.

තක්කාලි ප්‍රභේද
කේ. ඩබ්. ආර්. (ටී. 62 ), රෝමා, තක්කාලි KC – 1, තිළිණ, තරිඳු, රවී, රෂ්මි ආදී තක්කාලි ප්‍රභේද වර්ග රාශියක්ම පවතියි.

තක්කාලි තවාන
තක්කාලි බීජ කෙළින්ම වගා ක්ෂේත්‍රයේ සිටුවනවා වෙනුවට තවාන් දමා ඉන් අනතරුව ලැබෙන පැළ ක්ෂේත්‍රයේ සිටුවීම කළ යුතුය .තක්කාලි වගාවකට බීජ තවාන් දැමීමට යෝග්‍යම කාල වකවානුව වනුයේ මාර්තු මාසයේ මැද හෝ අගෝස්තු මාසය අවසානයේදීය.තවානේ පාත්ති වල බීජ සිටුවිය යුත්තේ බීජ පේළි අතර පරතරය සෙන්ටි මීටර 12 ක් වන පරිදිය. බීජ සෙන්ටිමීටරයක් පමණ ගැඹුරකින් පසේ යටකර ඊට උඩින් වසුනක් යෙදීම කළ යුතුය. පසුව සම්පූර්ණ තවානම ආවරණය කිරීම සුදුසුය. තවානට ජලය දිනපතාම දැමීම වැදගත් වේ. පස මතුපිටට දැමූ වසුන සතියකින් පමණ ඉවත් කර ඉන්පසු එළඹෙන ඉදිරි දින දෙක තුන තුළදී අනවශ්‍ය පැළ ඉවත් කළ යුතුය. ක්ෂේත්‍රයේ සිටුවීමට දින කිහිපයකට පෙර සිට තවානේදී පැළ දැඩි කිරීම ආරම්භ කළ යුතුය.

ක්ෂේත්‍රයේ සිටුවීම
තවානේ බීජ සිටුවා සති දෙකක් හා තුනක් අතර කාලයේදී පැළ ගලවා ක්ෂේත්‍රයේ සිටුවීම සිදු කරයි. මෙලෙස තවානෙන් පැළ ඉවත් කරන දිනට පෙර දින වලදී වගා ක්ෂේත්‍රය පිළියෙළ කිරීම ඇරැඹිම සුදුසුය. මීට පෙර බටු,මිරිස් වැනි සොලනේසි කුලයට අයත් බෝග වගා නොකල හොඳින් ජල වහනය වන බිමක් ක්ෂේත්‍රය ලෙස තෝරා ගත යුතු වේ. ඉන්පසු බිම පස් පෙරලා වළවල් සකසනු ලැබේ .සැකසූ වළවල්වල පැළ සිටුවීමට දින තුනකට පමණ පෙර කාබනික පොහොර හා මූලික පොහොර යෙදිය යුතුය. වගා නඩත්තුව බෝගයට ජලය යෙදීම අත්‍යවශ්‍ය වුවත් ප්‍රමාණය ඉක්මවා ජලය වැඩි වශයෙන් එක් කරන්නේ නම් එයද හානිකරය. පැළ සඳහා ආධාරක සිටුවීම කල යුතු අතර මල් පිපීම ඇරැඹිමට ප්‍රථමව එය කල යුතුය.එමෙන්ම වල් පැළවලින් තොරව ක්ෂේත්‍රය පවත්වා ගැනීම වගාවට පසුකාලීනව ඇතිවිය හැකි රෝග හා පළිබෝධ හානි වළක්වා ගත හැකි පහසුම මඟකි.

අස්වැන්න නෙළීම
අස්වැන්න නෙළිය යුත්තේ ගෙඩි කහ පැහැ ගැන්වෙන අවස්ථාවේ ය. පළිබෝධකයෝ කෘමී පලිබෝධකයින් ලෙස තක්කාලි ගෙඩි විදින පණුවා හා කියත් පණුවා ප්‍රධාන වේ. තක්කාලි ගෙඩි විදින පණුවා පළමුව පත්‍ර ආහාරයට ගනිමින් සිට පසුව ඵලය සිදුරු කර ඵල ඇතුළට ගමන් කරයි. කියත් පණුවා පැළ ළපටි අවධියේ පැළ වල කඳ කොටස කා විනාශ කරයි.මෙම හානි පාලනය සඳහා ක්ෂේත්‍රය වල් පැළෑටිවලින් තොරව තබා ගැනීමත් සූර්යාලෝකය යහමින් පතිත වන පරිදි තබා ගැනීමත් සිදු කළ යුතුය. තවද තවානේදී පැළ දියමලන් කෑම වැනි රෝගයන්ට ගොදුරු විය හැකිය.එම නිසා තවාන සැකසීමේදී එහි පාත්ති ජීවාණුහරණය කිරීමත් ජලය පාත්ති වල නොරැඳෙන සේ පාත්ති වටා කානු සැකසීමත් සිදු කල යුතු වැදගත් පිළිවෙතකි.

උමයංගනා පූජනී ගුණසේකර කෘෂිකර්ම පීඨය රුහුණ විශ්වවිද්‍යාලය
(උපුටා ගැනීම සිළුමිණ පුවත්පත)

දියවැඩියාව සුවකරගන්න ලීක්ස් ගහෙන් පහසුවෙන් සාදාගතහැකි පානයක්

දියවැඩියාව වැළඳුණු විටදී සුවපත් කිරීම තරමක් අපහසු වුවත් රසායනික ඖෂධ භාවිතයට වඩා ස්වභාවික බෙහෙත් වට්ටෝරුවක් භාවිතා කිරීම ඵලදායී වනවා. දියවැඩියාව රෝගය ඇතිවන්නේ අග්න්‍යාශය මගින් නිසි ලෙස ඉන්සියුලින් නිෂ්පාදනය නොකිරීම සහ නිසි ලෙස ඉන්සියුලින් භාවිතා නොවීම නිසයි. මෙම තත්වය නිසා ශරීරය නිසි ලෙස පවත්වා ගැනීමට නොහැකි වෙමින් විවිධ අසමතුලිතතාවයන් ඇති වී ශරීරයට විශාල ගැටළු ඇතිවීම සිදු වනවා. දියවැඩියාව රෝගය සුවපත් කිරීම සඳහා ඉන්සියුලින් එන්නත් කරනු ලැබුවත් ඇතැම් අවස්ථාවන්හීදී දිගින් දිගටම රෝගී තත්වය උත්සන්න වන්නට ඉඩ තිබෙනවා. අද අපි ඔබට ඉදිරිපත් කරන්නට සූදානම් වන්නේ ලීක්ස් මගින් ස්වභාවික බෙහෙත් වට්ටෝරුවක් සකස් කර ඉන්සියුලින් මට්ටම නිසි ලෙස පාලනය කර දියවැඩියාව සුවකර ගන්නා අයුරුයි.

අවශ්‍ය ද්‍රව්‍ය : මුල් සහිත ලීක්ස් ගසක්, ජලය
පළමුව ලීක්ස් ගස හොඳින් පිරිසිදු කර භාජනයක් ගෙන එයට ඛනිජ සහිත ජලය එක්කරන්න. මේ ආකාරයට දිනක් පහන් වන තුරු තබා ජලය පෙරාපසුදින පුරාවටම පානය කරන්න. මේලෙස දිනපතා මෙම ඖෂධීය පානය පානය කරන්න. එමගින් ඔබේ දියවැඩියාව රෝගය සුවපත් වේවි.

දියවැඩියාව වලක්වාලීම සඳහා තවත් උපදෙස්
සෞඛ්‍යය සම්පන්න ආහාර රටාවක් අනුගමනය කරන්න. ඔබ ප්‍රියකරන ආහාර මග නොහැර බර ආහාර වේල් වලින් මගහැරී මේදය සහ කාබෝහයිඩ්‍රේට අවම ආහාර ලබා ගන්න.

ව්‍යායාම
ඔබේ කාර්යය බහුලතාවයෙන් මදකට මිදී දිනකට අවම වශයෙන් විනාඩි 30 ක් පමණ ව්‍යායාම වල නිරත වන්න. එමගින් ඔබේ ශරීරයේ සීනි මට්ටම පාලනය කර ගන්නට පුළුවන්.

බර අඩු කර ගන්න
ශරීරයේ තරබාරුභාවය සහ දියවැඩියාව අතර මනා සම්බන්ධයක් පවතිනවා. ඔබ තරබාරු අයෙක්නම් ශරීරයේ බර තරමක් අඩු කර ගන්නට උත්සහ කරන්න. එමගින් ඔබේ ශරීරයේ ග්ලූකෝස් මට්ටම නිසි ලෙස පවත්වා ගන්නට පුළුවන්. ඔබ තරබාරු අයෙක් නම් ඔබේ අග්නයශය මගින් වැඩි වශයෙන් ග්ලූකෝස් නිපදවනු ලබනවා.

ක්‍රමානුකූල කාලයන් අනුව ආහාර ලබා ගන්න. ඔබට සිතෙන සෑම විටම ආහාර නොගෙන නිසි වේලාවන් තුලදී ආහාර ලබා ගැනීම මගින් ශරීරයේ බර සහ ග්ලූකෝස් මට්ටම නිසි ලෙස පාලනය කර ගන්නට පුළුවන්.

වැඩි වශෙයන් ජලය පානය කරන්න. ජලය නිසි ලෙස ජලය පානය කිරීමෙන් රුධිර සංසරණය සහ රුධිරයේ සීනි මට්ටම නිසි ලෙස නියාමනය කර ගන්නට පුළුවන්.

කටට රසට අපේ අච්චාරු හදන හැටි හරියටම දැනගන්න රෙසිපි එකත් එක්කම මෙන්න

අච්චාරු වලට අපේ රටේ ජනතාව ගොඩාක් කැමැත්තක් දක්වනවා. කෑමට අච්චාරු ටිකක් වුනත් ඇති කියලයි ඔවුන් කියන්නේ. අපේ සිංහල ක්‍රමයට හදන අච්චාරු වර්ග ගොඩක් තිබෙනවා. ඉන් කිහිපයක් අතමයි අපි අද ඔබට කියලා දෙන්නේ.

රාබු අච්චාරු
අවශ්‍ය ද්‍රව්‍ය – රාබු අල 4-5, රතුලූනු කෝප්පයක්, අමු මිරිස් කරල් කිහිපයක්, විනාකිරෙන් අඹරාගත් ඉගුරු සහ සුදුලූනු, විනාකිරෙන් අඹරා ගත් අබ, කහ,මිරිස් කුඩු සහ ගම්මිරිස් කුඩු ස්වල්පයක්, තලාගත් එන්සල් කරල් 2-3, විනාකිරි, ලුනු අවශ්‍ය පමණට

සාදන ආකාරය
රාබු අල සුද්ධ කර සෝදා සිහින්ව ලියා ගන්න. අමු මිරිස්, රතුලූනු සුද්ද කර සෝදා පැත්තකින් තියන්න. දැන් මැටි බාජනය අරගෙන විනාකිරි කෝප්ප 1/2 විතර එයට දමා ලිප තියන්න. විනාකිරි උතුරා ගෙන එන විට ඉගුරු,සුදුලූනු පේස්ට් එක,අබ පේස්ට් එක එයට දමන්න. විනාඩියක් විතර මෙය විනාකිරෙන් තම්බාගත් පසු කහ, මිරිස් කුඩු, ගම්මිරිස්,එන්සල් සහ ලුනු එකතු කරන්න. එයටම රතුලූනු,අමු මිරිස් සහ රාබු එකතු කර හොදින් කලවම් කරමින් විනාකිරෙන් තම්බා ගන්න. ටික වෙලාවක් යනකොට රාබු වලින් වතුර උනනවා. වතුර හිදෙන තුරු ලිපේ තියා මද ගින්නේ පිස ගන්න. මෙය දවසක් විතර ගියාට පස්සෙ හරිම රසවත් අච්චාරුවක්.

තවත් විදියකට මෙය හදන්න පුලුවන්
රාබු ලියා ගෙන විනාකිරි මේස හැදි 4-5 විතර දමා කලින් පිස ගන්න. එතකොට රාබු වලින් උනන වතුරත් සමග විනාකිරි මිශ්‍ර වී රාබු තම්බා ගන්න පුලුවන්. වතුර හොදින් හිදුනු පසු ලිපෙන් ඉවත් කර පැත්තකින් තියන්න. මැටි වලදක් ගෙන තවත් විනාකිරි කෝප්ප බාගයක් විතර දමා එය උතුරන විට ඉගුරු සුදුලූනු පේස්ට් එක, අබ පේස්ට් එක දාන්න. ටික වෙලාවකින් එයට කහ, මිරිස්කුඩු,ගම්මිරිස් කුඩු, එන්සල් සහ ලුනු දමන්න. එයටම අමුමිරිස් සහ රතුලූනු දමා විනාකිරෙන් ටික වෙලාවක් තම්බා ගන්න. දැන් කලින් විනාකිරෙන් තම්බා ගත් රාබු එකතු කර හොදින් කලවම් කරන්න. ලුනුරස බලා ලිපෙන් ඉවත් කරන්න.

බීට් රූට් අච්චාරුව
අවශ්‍ය ද්‍රව්‍ය – බීට් රූට් ගෙඩි කිහිපයක්, රතුලූනු, අමු මිරිස්, විනාකිරෙන් අඹරා ගත් සුදුලූනු සහ ඉගුරු, අඹරා ගත් අබ සහ සූදුරු, තලාගත් කරාබු නැටි සහ එන්සල් ස්වල්පයක්, මිරිස් කුඩු, කහ, ලුනු, රස අනුව සීනි, විනාකිරි

සාදන ආකාරය
බීට් රූට් සුද්ද කර සෝදා සිහින්ව දිගු අතර තීරු කපා ගන්න. රතුළුනු සුද්ද කර සෝදා ගන්න. අමු මිරිස් සෝදා ගන්න. මැටි හට්ටියක් ලිප තබා වතුර වියලෙන්න හැර එයට විනාකිරි දාන්න. එය රත් වී ගෙන එනවිට. සුදුලූනු ඉගුරු පේස්ට් එක, අබ පේස්ට් එක, තලා ගත් කරාබු නැටි,එන්සල්,ලුනු, සීනි, මිරිස් කුඩු, කහ දමා හොදින් කලවම් කරන්න. එය තද පාටට හැරී ගෙන එන විට ( විනාකිරි හිදෙන්න දෙන්න එපා ) බීට් රූට් , රතුලූනු සහ අමු මිරිස් එකතු කර හොදින් කලවම් කරන්න. විනාඩි කිහිපයක් ලිපේ තියෙන්න දී ලිප වසන්න. රස්නෙන් තව ටිකක් වෙලා ලිප මත තියෙන්න දෙන්න. දවසක් දෙකක් ගියාට පස්සෙ කෑමට ගන්න.

අන්නාසි අච්චාරුව
අවශ්‍ය ද්‍රව්‍ය – පැසුණු අන්නාසි ගෙඩි 1, විනාකිරි බෝතල් 1/4, අබ මේස හැදි 1, ගම්මිරිස් මේස හැදි 1, අමු ඉගුරු කැබැල්ලක්, සුදු ලූණු බික් 4, ලුණු තේ හැදි 1

සාදන ක්‍රමය
අන්නාසි පොතු හැර කැබලි වලට කපා ගන්න. අනෙකුත් දේ විනාකිරෙන් අඹරා ගන්න. ඉන් පසු ඒවා අන්නාසි සමග මිශ්‍ර කර විනාඩි 3ක් හතරක් පමණ ලිපේ තබා යන්තමින් පිස ගන්න. පිසමින් තොරවද පාවිච්චියට ගත හැක.

සුදුලූනු අච්චාරුව
අවශ්‍ය ද්‍රව්‍ය – සුදුලූනු බික් කෝප්පයක්-දෙකක්, කොච්චි මිරිස් (හෝ අමුමිරිස්) – කෝප්පයක්, අබ තේ හැන්දක්, සූදුරු තේ හැන්දක්, කරාබු නැටි කිහිපයක්, එන්සල් කරල් කිහිපයක්, මිරිස් කුඩු,කහ කුඩු, තුනපහ කුඩු ස්වල්පයක්, රස අනුව ලුනු, තෙල්, විනාකිරි කෝප්ප බාගයක්

සාදන ආකාරය
සුදු ලූනුවල පොතු හැර සෝදා ගන්න. වතුර වියලා ගෙන එක දික් අතට දෙකට කපා ගන්න. කොච්චිත් සෝදා වතුර වියලා ගන්න. තෙල් තාච්චියක් ලිප තබා තෙල් රත් වී විට සුදුලූනු දමා බැද ගන්න. යන්තම් දුඹුරු පාටට හැරීගෙන එන විට සුදුලූනු තෙලෙන් ඉවතට ගෙන ටිශූ පේපර් එකක් මත තියා තෙල් බේරා ගන්න. කොච්චිත් මේ විදියටම බැද ගන්න ඕන. මිරිස් රත් වූ තෙලට දානකොට ලිප වහලා දාන්න. තෙල් රත්වෙලා තියන නිසා මිරිස් ටික වෙලාවක් ඒ රස්නෙන් බැදුනම ඇති. එයත් තෙල් බේරෙන්න තියන්න. ඒ අතරෙ අබ සහ සූදුරු එකට අඹරා ගන්න. මතක තියා ගන්න අබ වැඩි උනොත් තිත්ත රසක් එනවා. ඒ නිසා සුදුලූනු කෝප්පයක් – දෙකක් විතර ගත්තත් අබ තේ හැන්දක් හොදටම ඇති. කරාබු නැටි දෙක තුනත්, එන්සල් කරල් කිහිපයත් තලා ගන්න. දැන් මැටි හට්ටියක් ලිපේ තියලා එයට විනාකිරි දාන්න. විනාකිරි උතුරන විට මිරිස්කුඩු, කහ, තුනපහ කුඩු දාන්න. එයටම අබ- සූදුරු පේස්ට් එක , කරාබු නැටි- එන්සල් කරල් කිහිපය සහ ලුනු එකතු කරන්න. දැන් බැදගත් සුදුලූනු සහ කොච්චි මිරිස් එකතු කර හොදින් කලවම් කරන්න. විනාකිරි ටික හිදෙනතුරු ලිපේ තියලා හට්ටිය ලිපෙන් ඉවත් කරන්න. නිවෙනතුරු හට්ටිය පියනෙන් වහන්න එපා. හොදින් නිවුනට පස්සෙ බෝතල්වල අසුර ගන්නත් පුලුවන්. දවසක් දෙකක් තියල කෑමට ගන්න.

(උපුටා ගැනීම thewoman වෙබ් අඩවියෙන්)

අලිගැටපේර රසට හදාගන්න රෙසිපි කිහිපයක් සහ අලිගැටපේර ආහාරයට ගැනීමෙන් ඔබේ ශරීරයට ඇතිවන වාසි මෙන්න

හැමදාම අලිගැටපේර ආහාරයට ගන්න හෝ පානයක් විධියට ගන්නවා නම් හම පැහැපත් කරගන්න වගේම තවත් සෞඛ්‍ය වාසි ගොඩක් ලබා ගන්න පුළුවන් බව දැනගෙන හිටියාද? ඒ හැමදෙයක්ම වගේම අලිගැටපේර රසට හදාගන්න රෙසිපි කිහිපයකුත් අපි අද ඔබට ගෙන එනවා.

1. හෘද රෝග අවම වෙනවා
අද වන විට හෘද රෝග ලෝකය පුරාම පැතිරෙමින් තියෙනවා. ලෝකයේ අවුරුද්දකට මිලියන 17ක් විතර හෘද රෝගීන් මරණයට පත් වෙනවා වගේම ප්‍රධාන මාරකය බවටත් හෘදය ආශ්‍රිත ලෙඩ රෝග මූලික වෙලා තියෙන බව ලෝක සෞඛ්‍ය සංවිධානය පෙන්වා දෙනවා. ඇමරිකාවේ Nutrition Science Solution ආයතනයේ මාර්ක් L. ඩ්‍රෙහර් සහ ඇඩ්‍රීන් ඩෙවන්පෝට් පළ කළ පර්යේෂණයක දැක්වෙන විධියට අපේ රුධිර සංසරණ පද්ධතිය සහ හෘදය සුවපත්ව තියාගන්න අලිගැටපේර වලට තියෙන්නේ පුදුම හැකියාවක්. අලිගැටපේරවල ශරීරයට අහිතකර සංතෘප්ත මේදය බොහොම අඩුයි වගේම සිරුරට අත්‍යාවශ්‍ය අසංතෘප්ත මේදය අඩංගු වෙනවා වගේම ඉන් අපේ ශරීරයෙන් LDL කොලෙස්ටරෝල් අඩු කරලා හොඳ කොලෙක්සටරෝල්, ඒ කියන්නේ HDL කොලෙස්ටරෝල් මට්ටම පවත්වාගෙන රුධිර සීනි මට්ටම පාලනයට දායක වන ඉන්සියුලින් සංවේදීතාවයටත් උපකාරී වෙනවා.

2. බර අඩු කරගන්න පුළුවන්
කෑමක් කෑවාම බර අඩුවෙනවා කියලා කවුද දැනගෙන හිටියේ! ඔව්, අලිගැටපේර වලට බර අඩු කරගන්න උදව් වෙන්න පුළුවන්. උසට සරිලන මහතක් හෙවත් BMI අගය නියතව තියාගන්න බර පාලනය කරමින් තෘප්ත බවක් දනවන්න අලිගැටපේර කටයුතු කරනවා. ඒවායේ තියෙන අධික තන්තුමය ස්වභාවය නිසා තමයි මේ විධියට පිරුණු බව දනවමින් අපිට තව තවත් ආහාර ගැනීම නවත්වා පාලනයක් ඇති කරන්නේ. සාමාන්‍ය අලිගැටපේර ගෙඩියක ග්‍රෑම් 14ක් පමණ මේ තන්තු අඩංගු වෙනවා. සීනි වැඩිපුර දාන්නේ නැතිව වැඩිපුර ආහාරයට ගන්නවා නම් සිහින් ඉඟක් සහ හොඳ BMI අගයක් තියාගන්න අලිගැටපේර තරම් හොඳ පලතුරක් තවත් නැහැ.

3. පිළිකා අවදානම අඩුකරනවා
ශාකවල තියෙන සක්‍රීය සංයෝග වන ෆයිටොරසායනික සහ ෆීනෝල් අලිගැටපේර වල අඩංගු වෙනවා. ඒවගේම ග්ලූටතොයින් කියන ප්‍රෝටීනයත් එක්ක ‘සැන්තොෆිල් ලුටෙයින්’ කියන කැරොටිනය තියෙන නිසා පිළිකා අවදානම අවම කරන්න අලිගැටපේරවලට තියෙන්නේ පුදුම හැකියාවක්. විශේෂයෙන් මුඛ පිළිකා අවදානමට මේ පලතුර හොඳ විසඳුමක්. ප්‍රාථමික මට්ටමේ පර්යේෂණ වලින් සොයාගෙන තියෙනවා පියයුරු පිළිකා මෙන්ම පුරුෂයන්ගේ පුරස්ථි ග්‍රන්ථියේ පිළිකා වළක්වන්නටත් හැකියාව තිබෙන බව. ඒ වගේම මෙහි තියෙන ප්‍රති-පිළිකා හැකියාවන්ට ලියුකේමියා සෛල වලට බලපෑම් කරන්නටත් පුළුවන් බවට දැනට මත පළවී තිබෙනවා.

4. සම සහ ඇස් පෙනීම තරුණ කරවනවා
අලිගැටපේරවල තිබෙන කැරොටිනයිඩ අපේ ශරීරයට බෙහෙවින් වැදගත් වෙනවා. ලුටෙයින් සහ සීක්සැන්තින් නිසා වයසට යාමත් එක්ක ඇතිවන සුළු අක්ෂි ආබාධ වළක්වන්න අලිගැටපේර ආහාරයට ගන්න එක හෝ පානය කරන එක වැදගත් වෙනවා. ඊට අමතරව, මේ පෝෂක දෙක UV කිරණ වලින් සමට සිදුවූ හානි නවතමින් සුමුදු සහ සෞඛ්‍යමත් සමක් ගෙන දෙනවා. අලිගැටපේරවල තියෙන කැරොටිනයිඩ බොහොම පහසුවෙන් අවශෝෂණය කරගන්න පුළුවන් නිසා වෙනත් එළවළු, පලතුරුවලට වඩා වඩාත් හොඳ තෝරාගැනීමක් බවට අලිගැටපේර පත් වෙනවා.

අලිගැටපෙර ස්මූදීස්
ඉදුණු අලිගැටපේර ½, ඉදුණු කෙසෙල් ගෙඩි 1, කෝප්ප ½ ක යෝගට්, කෝප්ප ½ ක දොඩම් යුෂ, අවශ්‍ය නම්, අයිස් හා සීනි අවශ්‍ය පමණට – මේ දේවල් බ්ලෙන්ඩර් කරලා හොඳින් කළවම් කරගන්න.

බේකන් පීච් තැවරුමක්
පැණි රසට ප්‍රිය නොකරන කෙනෙක්ට, පාන් හෝ චිප්ස් වැනි දෙයක ගාගෙන කන්නට පුළුවන් බේකන් සහිත තැවරුමක් විධියටත් අලිගැටපේර හදාගන්න පුළුවන්.

ඉදුණු පීච් ගෙඩියක්, ඉදුණු අලිගැටපේර ගෙඩි 2ක්, සිහිනියට ලියාගත් රතු ළූණු ගෙඩි ¼ ක්, බැදගත් බේකන් තීරු 2 ක්, රස අනුව ලුණු සහ ගම්මිරිස්

පීච් ගෙඩි කුඩා කොටු විදියට කපාගෙන බඳුනකට දමන්න. අලිගැටපේර සූරලා අරගෙන ඒවා එක්ක කලවම් කරලා බැදගත්තු බේකන් නුත් එකතු කරන්න. ලියාගත් ළුෑණු ඊට දාලා ලුණු සහ ගම්මිරිස් අවශ්‍ය පමණට දාගන්න.

-තඹරු විජේසේකර-

දිව්‍ය ඖෂධයක්වූ දෙළුම් යුෂ බිංදු 2 කින් ඔබේ ආයුෂ වැඩි කරගන්න රහස් ක්‍රම

දෙළුම් යනු අප දන්නා එක් පළතුරක් පමණක්ම නොවේ. දෙළුම් ප්‍රබල ඖෂධයකි. මෙහි, කාබෝහයිඩ්‍රෙට්, ප්‍රෝටීන්, මේදය, කැල්සියම්, යකඩ, විටමින් C, මැග්නිසියම්, පොටැසියම්, පොස්පරස් සහ සින්ක් අඩංගු වේ. දෙළුම් තුලින් ලැබිය හැකි සෞඛ්‍ය වාසි රැසකි.

එක් දෙළුම් ගෙඩියකින් වැඩිහිටියෙකුගේ 40% ක දෛනික විටමින් C අවශ්‍යතාවය සපුරගත හැකිය. දෙළුම් මඟින් ඔබේ මතක ශක්තිය වර්ධදනය වීමක් සිදු වේ. මෙමඟින් මොළයේ රුධිර සංසරණය වේගවත් කර මොළයේ ක්‍රියාකාරිත්වය වර්ධනය කරයි. මොළයේ සෛල ආරක්ෂා කර ගැනිමේ හැකියාවක් පවතින අතර පුනිකැලජින් (Punicalagins) රසායනිකය හේතුවෙන් සෛල විනාශවීම වලක්වා ඇල්ෂයිමර් රෝගය පැතිරීම වැළකේ. දෙළුම් පිලිකා නාශකයක් වන අතර එහි වේදනා නාශක හැකියාවත් පිලිකා සෛල පැතිරීම වැළැක්විමේ හැකියාවත් ඇත. මේ තුළින් පියයුරු පිළිකා, චර්ම පිළිකා, පෙනහළු පිළිකා සහ පොස්ට්‍රෙට් ග්‍රන්තිවල ඇති විය හැකි පිළිකා වලක්වා ගත හැකිය. දෙළුම් ඔබේ ආයුෂ වැඩි කරයි. මරණාසන්න පුද්ගලයෙකුට දෙළුම් යුෂ බිංදු 2 ක් දීමෙන් පවා ආයුෂ දිර්ඝ කර ගත හැකිය. මෙහි දී රුධිර සංසරණය ක්‍රමවත් කර සැම ඉන්ද්‍රයක්ම ප්‍රාණවත් කරයි.

දෙළුම් අධි රුධිර පිඩනය අවම කරනවා මෙන්ම හෘද සෞඛ්‍ය වර්ධනය කරයි. මෙහි ප්‍රතිඔක්සිකාරක බලය හා Polyphenols හේතුවෙන් රුධිර පිඩනය සමනය කරනවා සේම ධමනි තුල තෙල් බැඳිමත්, සිහින්වීමත් වළක්වයි. තරුණ පෙනුම රැකගැනීමට දෙළුම් තුල අඩංගු සංයෝග වලට හැකිය. මෙමඟින් සමෙහි නිරෝගිමත් බව, සමේ ඇතිවන තුවල සුව කිරිම සහ සමෙහි කොලෙජන් වර්ධනය වේගවත් කර එමඟින් සම රැළි වැටිම් වැළකේ. මෙහි ඇති සංයෝග නිසා බැක්ටීරියා විනාශ කර මුඛයේ ඇතිවන දත් මුල් දියවීම වැනි ආසාධනයන් වළක්වයි. ප්‍රතිශක්තිකරණ හැකියාව වර්ධනය කරයි. මෙහි ඇති වේදනා නාශක බලය හේතුවෙන් සන්ධි තුල ඇති වන වේදනාවන් දුරු කර අස්ථි ශක්තිමත් කරයි.

දෙළුම් ලෙල්ල ඩයරියා රෝගයට ප්‍රතිකාරයක් වන අතර දෙළුම් කොළ ඇස් රෝග සුවකරයි. දෙළුම් ඇට ලෙස ආහාරයට ගැනීමට වඩා දෙළුම් යුෂ ලෙස සකස් කර ගැනිමෙන් එහි සියළු ගුණයන් පහසුවෙන් ශරිරයට ලබාගත හැකිය.

මිට අමතරව..
අජිර්ණය, පණු රෝගය, මුත්‍රා රෝගය, ඇසේ සුද, අධික ස්ථූල භාවය, ස්ත්‍රින්ගේ සරුබව, පිරිමින්ගේ අප්‍රානිකත්වය, මානසික ආතතිය, ශරිර දැවිල්ල, මුඛයේ ශ්‍රාවය වැඩිකිරිම, ආහාර රුචිය වැඩි විම, දියවැඩියාව ආදි රෝග රැසකට ප්‍රතිකාර ගෙන එන අතර කටහඬ මිහිරි කරයි. මෙලෙස දිනපතා දෙළුම් ආහාරයට ගැනීමෙන් සෞඛ්‍ය වාසි රැසක් අත්කර ගත හැකිය. මේ නිසා ඔබත් දිනපතා දෙළුම් ගෙඩියක් ආහාරයට ගන්න පුරුදු වෙන්න.

(උපුටාගැනී අන්තර්ජාලයෙන්)

රසම රස මාළු ඩෙවල් එකක් ගෙදරදීම හදාගන්න රෙසිපි එකත් එක්කම මෙන්න – ඔයාලත් හදලම බලන්න

මාළු ගොඩක් අය ඇඹුල්තියල් කරනවා නැත්නම් හොදි හදනවා. මේ කියන්න යන්නේ වෙනස්ම රසකට මාළු ඩෙවල් එකක් හදන හැටි. අපි ඔයාලට මීට පෙර මාළු නොයෙක් විදියට හදන හැටි කියලා දුන්නා. ඉතින් අද කියන්න යන්නේ මාළු රසවත් ඩෙවල් එකක් විදියට හදාගන්න හැටි.

මේ තියෙන්නේ අවශ්‍ය ද්‍රව්‍ය
තලපත් මාළු 500g, ලොකු ළුණු 50g, තක්කලි ගෙඩි 02, මාළු මිරිස් කරල් 06, අමුමිරිස් කරල් 04, කැලී මිරිස්‌ තේ හැඳි 04 පමණ, ගම්මිරිස් කුඩු තේ හැදී 1/2, දෙහි ගෙඩි 01, සුදුළුණු (සිහින්ව කපා ගන්න ලද) තේ හැදී 01, ඉගුරු (සිහින්ව කපා ගන්න ලද) තේ හැදී 1/2, කරපිංචා ස්වල්පයක්, පදමට ලුණු, සොයා සෝස් තේ හැදී 04, තක්කාලි සෝස් මේස හැදී 03, සුප් කැට 01, සිනි තේ හැදී 1/2, එළවළු තෙල් 1/2, වතුර ස්වල්පයක්.

මේ තියෙන්නේ හදාගන්න හැටි
පළමුව සෝදා පිරිසිදු කරගත් මාළු කැබලි වලට කපා ගන්න ඉන් අතුරුව එයට දෙහියුෂ, ලුණු , සහ ගම්මිරිස් කුඩු එකතු කර අත ගා (සීසන් කරගන්න ) විනාඩි 15 පමණ තබන්න .ඉන්පසු , ලොකු ළුණු ,මාළු මිරිස්, තක්කාලි ,ඩෙවල් හැඩයට කපා ගන්න .(මෙය ඔබ කැමති ආකාරයකට උනත් කපා ගත හැක.) අනතුරුව පිරිසිදු භජනයක් ලිප තබා , එය රත්වූ පසු එයට තෙල් දමා තෙල් රත්වූ පසු මාළු කැබලි තෙලට දමා හොදින් බැද ගන්න ඉන් පසු පිරිසිදු භජනයක් ලිප තබා , එය රත්වූ පසු එයට තෙල් ස්වල්පයක් දමා රත්වූ පසු , කපා ගන්න ලද සුදුළුණු , ඉගුරු , එකතුකර , රන් පැහැය වූ පසු එයට කරපිංචා, සහ ලොකු ළුණු, මාළුමිරිස් එකතු කරමින් මද වෙලාවක් පිස ගන්න , අනතුරුව , එයට කැලි මිරිස්, සහ සොයා සෝස් ස්වලපයක් මිශ්‍ර කර ,බැදගත් මාළු කැබලිද එයට එකතු කර ලිපේ ගින්දර මදක් අඩුකර ,එයට තක්කාලිසෝස්, සිනි . සහ අනිකුත් රස කාරක මිශ්‍ර කර ,විනාඩියකින් පමණ වතුර ප්‍රමානවත් පරිදි එකතු කර ලිපෙන් ඉවතට කර ගැනීමට පෙර ඩෙවල් හැඩයට කපා ගත් තක්කාලි කැබලි එකතු කර හැකි විගස ලිපෙන් බාගන්න . අනතුරුව සදා ගත් මාළු ඩෙවල් සුදුසු භාජනයකට දමා කැම මේසයට යවන්න.

ඔබට අවශ්‍යනම් මෙයට කංකුන් සහ ලිස් එකතු කර ගත හැක නමුත් ඔබ කංකුන්, සහ ලිස් එකතු කල යුත්තේ .අවසන් අවස්ථවේදී, මන්ද ඔබ ප්‍රථමයෙන් , කංකුන්, සහ ලිස් එකතු කර ගත්තානම් , පැහැය රසය වෙනස් වන බැවිනි.

මේ මාළු ඩෙවල් එක හදන හැටි යාළුවන්ටත් බලන්න Share කරන්න අමතක කරන්න එපා..

තේ බොන වෙලාවට කන්න ගෙදරදීම රසම රස සව්බොර හදමුද? එහෙනම් මෙන්න රෙසිපි එක – හදලම බලන්න

සව්බොර කියන්නේ තේ බොන වෙලාවට කන්න පුළුවන් රසවත් කෑමක්. ඉතින් ගොඩකන් අය දන්නේ නෑ කොහොමද මේ සව්බොර හදන්නේ කියලා. ඔන්න අපි අද ඔයාලට කියන්න යන්නේ කොහොමද රසට සව්බොර ගෙදරීම පහසුවෙන් හදාගන්නේ කියලා.

මේ තියෙන්නේ අවශ්‍ය ද්‍රව්‍ය
සව් ඇට 100g, ගාගත් පොල් 100g, බිස්කට්කුඩු 100g, සීනි 100 g, ලුනු ටිකක්, වැනිලා ටිකක්, මහදුරු (මේ රසට අකමැති අය දාන්න එපා.)

මෙහෙමයි හදන්නේ
බාජනයක් අගෙන ඒකට ඉහත තියෙන ද්‍රව්‍ය ඔක්කොම දාලා හොඳට කලවම් කරගන්න. ඊට පස්සේ වතුර මේස හැදි 2ක් වගේ දාලා කලවම් කරන්න. ඉන්පසු ගුලි හදාගෙන එය කුඩා රවුම් පරිදි පැතලි කරගන්න. 1/2 cm වගේ ඝණකමට ගන්න. රවුම් කටර්ස් තියෙනවානම් ඒකක් අරන් ඇතුලට මිශ්‍රණය දාලා තද කරලා ගන්න. එතකොට නීට් ගොඩක්. ඉන්පසු 150°c උශ්නත්වයට කලින් රත් කරගත් අවන් එකක විනාඩි 40ක් පමණ බේක් කරගන්න.

ඉතින් ඔන්න ඔය විදියට පහසුවෙන් ඔයාලට සව්බොර ගෙදරදීම හදාගන්න පුළුවන්. කඩේ තියෙන සව්බොර වලට වැඩියෙ ගොඩක් රසවත් වේවි. රසම රස සව්බොර හදන හැටි යාළුවන්ටත් බලන්න Share කරන්න අමතක කරන්න එපා..

එළවළු බත් රසට හදන හැටි දැනගන්න රෙසිපි එකත් එක්කම මෙන්න – ඔයාලත් හදලම බලන්න

හැමදාම එළවළුයි බතුයි කෑවම එපා වෙනවා නේද? ඒකාකාරී කෑමක් නේ. ඉතින් එළවළු බත් වලට දාලා Mix කරලා රසවත් එළවළු බතක් වගේ කන්න ගොඩක් අය ආසයි. ඒකනේ Fride Rice වලට ගොඩක් අයගෙන් ඉල්ලුමක් තියෙන්නේ. දැන් අපි කියන්න යන්නේ කෙහොමද රසවත් එළවළු බතක් ගෙදරදීම පහසුවෙන් හදාගන්නෙ කියලා.

මේ තියෙන්නේ අවශ්‍ය ද්‍රව්‍ය
සම්බා සහල් 01kg, එළවලු තෙල් ස්වල්පයක්, සිහින්ව ලියාගත් කැරට් 100g, සිහින්ව ලියාගත් ලීක්ස් කොළ 100g, සිහින්ව ලියාගත් සුදුළුනු බික් 02, සිහින්ව ලියාගත් ඉගුරු කැබැල්ලක්, සුප් කැට 01, රස පරිදි ලුණු, සොයාසෝස් මේස හැදී 02, තල තෙල් තේ හැදී 2/1, එන්සාහල් කරල් 03 ක්.

ඔබට රසය වැඩි කර ගැනීමට මෙයට ගම්මිරිස් කුඩු සහ කැලි මිරිස් ස්වල්පයක් එකතු කර ගත හැක. අවශ්‍යනම් මෙයට බෝංචි, ගෝවා, එකතු කර ගත හැක. නමුත් මතක තියාගන්න ඔබ බෝංචි, ගෝවා එකතු කර ගැනීමේදී රසය, බතේ පැහැය වෙනස් වීමට පුළුවන්. ඒ නිසා බෝංචි, ගෝවා එකතු කරනවිට ලිපෙන් ඉවත් කර ගැනීමට විනාඩියකට පෙර හොදින් මිශ්‍ර කර ලිපෙන් බාගන්න. එසේ පිළියෙළ කර ගන්නා ලද බතක් කැමට ප්‍රිය වෙයි.

මෙන්න හදන හැටි
පළමුව සහල් හොදින් 3 වරක් සෝදා පසෙක තබන්න. ඉන් අනතුරුව භාජනයක් ලිප තබා එයට අවශ්‍ය පමණ වතුර එකතු කර මඳ වෙලාවකින් එළවළු තෙල් ස්වල්පයක් එයට එකතු කර වතුර උතුරන විට සෝදා පිළියෙළ කරගත් සහල් එකතු කර එන්සාල් කරල්, සහ ලුණු දමා නිවසේ ඔබ පිසගන්නා ආකාරයට බත පිස ගන්න. පිස ගත් බත් වෙනත් භාජනයකට වෙන් කර ගන්න.

අනතුරුව නැවත භාජනයක් ලිප තබා රත් වූ පසු එයට එළවලු තෙල් එකතු කර තෙල් රත්වූ පසු සකසා ගත් සුදුළුණු, ඉගුරු , එකතු කර ලිපේ ගින්දර මදක් අඩු කර ඉන් පසු එයට කැරට් එකතු කර සුළු වෙලාවක් පිස නැවතත් එයට සොයා සෝස් සහ සුප්කැට, ලුණු එකතු කරගන්න. දැන් ඔබ ලිපේ ගින්දර නිවා විනාඩියකට පසු සිහින්ව ලියාගත් ලීක්ස් කොළ වලින් භාගයක් එයට එකතු කර කලවන් කර ගන්න. ඉන් පසු ඔබ පිස ගත්, බත් තෙම්පරාදු කරගත් එළවළු සමඟ හොදින් මිශ්‍ර කරගන්නා අතරේ ඉතිරි ලිස්කොල ටික කෙමෙන් කෙමෙන් එයට එකතු කර ගනිමින් හොදින් මිශ්‍ර කර ගන්න. ඔන්න දැන් මේ එළවළු බත් එක රසම රසට කන්න පුළුවන් ගානට හැදිලයි තියෙන්නේ. අනතුරුව ඔබට අවශ්‍යනම් පමණක් චිලීපේස්ට් සමගින් ආහාරයට ගන්න.

රසට එළවළු බත් හදන හැටි යාළුවන්ටත් දැනගන්න Share කරන්න අමතක කරන්න එපා.

පැටිස් ගෙදරදීම හදාගන්න හැටි රෙසිපි එකත් එක්කම මෙන්න ඔයාලත් හදලම බලන්න

පැටිස් කියන්නේ කවුරුත් කැමති රසවත් කෑමක්. ඉතින් ගොඩක් අය දන්නේ නෑ කොහොමද රසට පැටිස් හදන්නේ කියලා. ඔන්න අපි අද ඔයාලට කියන්න යන්නේ ගෙදරදීම රසට පැටිස් පහසුවෙන් හදාගන්න හැටි.

මේ තියෙන්නේ අවශ්‍ය ද්‍රව්‍ය
පාන්පිටි කප් 02ක්, බේකින් පොවූඩර් මේස හැදී 1/2, ලුණු මේස හැදී 1/2, අයිස් වතුර මේස හැදී 08 ක්, බිත්තර 01ක්, ඇස්ට්‍රා හො බටර් මේස හැදී 02ක්, බි ලුණු ගෙඩි 01ක්(පොඩියට කපාගන්නා ලද), සුදුළුණු, ඉගුරු , රම්පේ, කරපිංචා ස්වල්පය බැගින්, කැරට් 50g, ලීක්ස් 50g, ගෝවා 50g (සින්ව ලියාගන්නා ලද), ගම්මිරිස්, සහ කැළි මිරිස් ප්‍රමාණවත් පරිදි, ඔබට අවශ්‍යනම් සුප්කැට 1/2 යොදාගත හැක), බැදීම සදහා එළවලු තෙල්.

මෙන්න හදනහැටි
පළමුවෙන්ම බෝල් එකක් ගෙන එයට පාන්පිටි එකතු කර එයට ඇස්ට්‍රා, හෝ බටර් එකතු කර හොඳින් කළවනම් කර ගන්න අනතුරුව , එයට බිත්තර එකතු කරමින් කළවන් කරන්න. දැන් ඔබ එයට බේකින් පවුඩර් එකතු කරගන්න, ඉන් අනතුරුව ලුණු ද අයිස් වතුර එකතු කරමින් හොඳින් පිටි මෝලිය සකසා ගන්න. මෙය විනාඩි 10 පමණ කාලයක් අතින් මෝලිය අනා ගත යුතු වෙයි. ඉන් අනතුරුව සකසා ගත් මෝලිය වෙනත් බෝල් එකට දමා එය හොදින් වසා විනාඩි 20 පමණ පසෙක තබන්න.

දැන් ඔබ භාජනයක් ලිප තබා එයට තෙල් ස්වල්පයක් එකතු කර රත්වූ පසු එයට සිහින්ව ලියාගත් සුදුළූනු , ඉගුරු , කරපිංචා , රම්පේ , එකතු කරමින් මද වෙලාවක් පිස ගන්න. අනතුරුව එයට බි ළූණු , සහ සකසා ගත් සියළුම එළවලු එකතු කරගන්න, දැන් එයට රසය පරිදි ලුණු, ගම්මිරිස්, කැලි මිරිස් එකතු කර මද ගින්නේ පිස ගන්න. ඔබට අවශ්‍යනම් පමණක් සුප් කැට 1/2 එකතු කරගන්න. අනතුරුව ලීපෙන් ඉවත් කර ගන්න.

අනතුරුව ඔබ සකසා ගත් පිටි මෝලිය ගෙන පොඩි කොටස් වලට කඩා ගෙන ඉන් අනතුරුව තමන්ට අවශ්‍ය ප්‍රමාණයට රවුම් හැඩයට අතින් සකසා ගන්න. ඉන් පසු එයට සාදාගත් එළවලු තබා පැටිස් හැඩයට සකසාගන්න. ඔබට මේ සදහා ගැරුප්පුව , හෝ පැටිස් කටරයක් යොදා ගත හැක. ඉන් පසු භාජනයක් ලිප තබා තෙල් රත්වූ පසු රන් පැහැය වනතුරු බැදගන්න.

රසට පැටිස් හදන හැටි යාළුවන්ටත් දැනගන්න Share කරන්න අමතක කරන්න එපා..

ගත සිත සුවපත් කරවන ‘ජපන් අරලිය මල්’ ඔබේ ගෙවත්තෙත් වවමුද?

කාර්යබහුල ජීවිතය තුල මඳකට හෝ එයින් මිදී ගත සිත සුවපත් කරනා කාර්යයක නිරත විය හැකි නම්…, එසේ ඔබට අනෙක වාරයක් සිතෙන්නට ඇති. සුන්දර වූ මල් වගාවක හිමිකාරියක් වීම ද ගත සිත සුවපත් කරනා භාවනාවකට සමානය. මලින් පිරුණු සුන්දර ගෙවත්තක් දකින කා හට වුවද ඇති වන්නේ සැනසිලිදායක හැඟීමකි.

මල් වගාවේ නියැලෙන බොහෝ දෙනෙකු එක එක ශාක විවිධ නම් වලින් හඳුන්වනු ලැබේ. කාලයත් සමඟ මෙම නම් වලින්ම එම ශාක ප්‍රචලිත වේ. කෙසේ වුවද මල් වගාව පිලිබඳ උනන්දුවක් දක්වන සැමට එම ශාකයන්ටම අවේනික වූ උද්භිද නාමයන් දන සිටීම ඉතාමත් ප්‍රයෝජන වේවි. අද මල් කලාවේ විසිතුරු ශාක යටතේ අප ඔබට ඉදිරිපත් කරන මේ ශාකය ජපන් අරලිය නමින් හැඳින් වුවද එහි උද්භිද නාමය වනුයේ “ඇඩේනියම්” යන්නයි. අලංකාර මල් රාශියකින් පිරුණු ඇඩේනියම් ශාකය ගෙමිදුලට ගෙන දෙන්නේ ඉමහත් චමත්කාරයකි. වියළි දේශගුණයට වැඩි ප්‍රියතාවයක් දක්වන බැවින් මෙම ශාකය මනා සුර්යාලෝකයක් ඇති විට හොඳින් වගා කල හැකිය.

ශාකයේ ස්වභාවය
තරමක ගොරෝසු ජපන් අරලිය පත්‍රය අඟල් 04ක් පමණ දිගට වැඩේ. එහි අග කොටස රවුම්ය. වැඩි වශයෙන් කොළ පැහැති පත්‍ර සහිතව මෙම ශාකය දුටුවත්, වර්ණ සහිත පත්‍ර දක්නට ලැබේ. ඉතා අලංකාර හරමක ලොකු මල් හට ගන්නා ඇඩේනියම් හි විවිධ වර්ණ සහිත ප්‍රභේද ඇත. රතු, ලා රෝස, සුදු, ලා දම් පමණක් නොව ද්විත්ව වර්ණ වලින්ද මල් හට ගන්නා අතර මෙම මලක පෙති පහකි. මඳක් දිගටි කෙමියකින් යුක්ත වීම ජපන් අරලියා මලෙහි ඇති විශේෂත්වයයි. සාමාන්‍යයෙන් අඩු පත්‍ර හට ගත්ත ද අතු අගිස්සේ හට ගන්නා බැවින් ජපන් අරලියා ගසෙහි සෑම විටම දැකිය හැක්කේ දඬු ස්වභාවයකි. මෙම ශාකයේ මුල මහත්ව වැඩෙන බැවින් අතු කප්පාදු කිරීමෙන් හොඳ පඳුරක් සකස් කර ගත හැකියි.

වර්ගයා බෝ කිරීම
මෙහි වර්ගයා බෝ කිරීම මඟින් හෝ අතු කැබලි මඟින් මාර්ගයෙන් සිදු කල හැකි වෙයි. අතු පැල කිරීමෙන් ඉක්මනින් ශාකයක් සකස් කර ගත හැකි වනවා පමණක් නොව මව් ශාකයේ වර්ණයෙන්ම මල් ලබා ගැනීමට ද හැකියාව ලැබේ.

බිජ ලබා ගැනීම
මෙම ඇඩේනියම් මල් පර වූ පසුව කරල් හට ගනියි. කරල් මේරු පසු ඒ තුල වූ බිජ ලබා ගෙන තවන් කල යුතු වේ. කරල් මෝරා පිපිරී විසිරීමට ප්‍රථම බිජ අයින් කර ගැනීමට වග බලා ගන්න. මෙම බිජ වලින් පැල කරගත් ශාක වල මල් ඇතැම් විට මව් ශාකයේ පුෂ්පවලට වඩා වෙනස් වීමට ද ඉඩ තිබේ. ඊට හේතුව වනුයේ ස්වභාවිකව සිදුවන පරාගනයයි.

අතු බැඳීම
අතු බැඳීමෙන් පැල ලබා ගත හැකියි. මෙහිදී අතු කැබැල්ලේ මුල් ඇදුණු පසුව එම කොටස වෙන්කර බඳුන් ගත කළ යුතු අතර මේ සඳහා වැලි වැඩි මිශ්‍රණයක් තෝරා ගන්න. එනම් වැලි කොටස් එකකට කොම්පෝස්ට් කොටස් 1/2 වන ලෙසින් සැකසු මෙම මිශ්‍රණයෙහි පැල සිටුවිය යුතුය.

පොහොර භාවිතය
සති දෙකක් පමණ ගත වූ පසුව ශාකයේ වර්ධනයට සමතුලිත පොහොරක් යෙදිය යුතු අතර, මල් ගැනීම සඳහා පොටෑසියම් වැඩි පොහොරක් සපයන්න. පොහොර යෙදිය යුත්තේ සති දෙකකට වරක් වශයෙනි.

සුර්යාලෝකය
හොඳ ආලෝකයක් ලැබෙන විට අලංකාර මල් මල් රාශියක් ලබාගත හැකි බැවින් තද සුර්යාලෝකයක් පතිත වන ස්ථානයක ඇඩේනියම් ශාක තැන්පත් කිරීම වැදගත්.

රෝග හා පලිබෝධ හානි
රෝග බෝ වීම මඳක් අඩු ශාකයක් ලෙසින් හැඳින් වුව ද මේ ශාකය කඳ කුණුවීමේ රෝගයට භාජනය වේ. එසේ වීමට ඉඩ ඇත්තේ හොඳ ජල වහනයක් නොවූ විටදීය.

එබැවින් හොඳින් ජලය බැස යන පරිදි වගා මාධ්‍යයත්, බඳුනත් සකස් කර ගැනීමට අමතක නොකරන්න. නිවෙසක උඩ මහලේ කොරිඩෝවට හොඳින්ම ගැලපෙන ශාකයක් වූ මෙම ඇඩේනියම් ශාකයට නියමිත පරිදි ජලය, පොහොර සපයා නිසි ලෙස නඩත්තු කිරීමෙන් ඔබටත් ඇඩේනියම් වගාවක හිමිකරුවෙකු විය හැකිය.

(උපුටා ගැනීම thewoman වෙබ් අඩවියෙන්)

සිහිනයෙන් ඔබ සොයා එන පෙරේතයෝ – ඔබට පෙනෙන සිහින ගැන ඉතාම විස්මයජනක බියකරු දිගහැරුමක්

සිහින අපි හමොටම තිබෙනවා තනන සිහනය වගේම දකින සිහිනත්. ඒ දෙවර්ගයටම අමතරව පෙනෙන සිහිනත්, දකින සහ තනන සිහින පසෙක තැබුවොත් මේ කියන්න හදන්නේ පෙනෙන සිහින ගැන ඉතාම විස්මයජනක බියකරු දිගහැරුමක්.

ජිවිතයේ කිසියම් දිනෙක ඔබ සිහිනයෙන් බිය වී රාතියේ ඇහැරී තිබෙනවා ද? හුස්ම හිර වන්නට මෙන් ඇවිත්, කෑගැසීමට හඬ පවා පිට නොවී, දිවගොස් සැඟවෙන්නට මෙන් සිති බියට පත්ව ඇහැරී තිබෙනවා ද? එසේත් නොමැති නම් නාදුනන පුද්ගලයෙක් ඔබ පිටුපසින් පන්නාගෙන එන්නාක් මෙන් දැනී හෝ මියගිය පුද්ගලයෙකු සිහිනයෙන් දැක බිය වී ඇහැරී තිබෙනවා ද ?

මේ අනාවරණය අන්න ඒ ගැනයි. එවන් සිහිනයක් දැක පුද්ගලයෙකු බියට පත් ව ඇහැරෙන්නේ සත්‍යම ප්‍රේත ආත්ම වල බලපෑමක් නිසා බව,බ්‍රිතාන්‍ය අධි මානසික සංගමයේ පර්යේෂකයන් පිරිසක් පෙන්වා දෙනවා. එඩ්වඩ් ලෙනින් නම් අධි මානසික ශක්තින් සහ භූත විද්‍යා ගවේෂන නිලධාරියා සිය කණ්ඩායම සමග එක්ව කළ පර්යේෂණයකදීයි මේ බව මේ බව තවුරුකොට ගෙන තිබෙන්නේ. වසර තුනක් පුරාවට විවිධ රටවල, විවිධ විශ්වාසයෙන් සහිත ජන කොටස් ආශ්‍රයෙන් ඔවුන් මෙම පර්යේෂණය සිදු කොට තිබෙන අතර පර්යේෂණයේ අනාවර්ණයන් මෙසේයි.

ලොව ජීවත් වන සෑම පුද්ගලයෙකුටම යම් මට්ටමක මානසික ශක්තියක් තිබෙනවා. ඒ අනුව නින්දේදී සෑම පුද්ගලයෙකුගේම මනස සිරුරෙන් නිදහස්ව යම් නියත දුරකට ගමන් කරනවා. මෙම ගමන් කරන දුර ප්‍රමාණය පුද්ගලයාගෙන් පුද්ගලයාට වෙනස් විය හැකියි. එම දුර ප්‍රමාණය තරණය වන්නේ යම් පුද්ගලයෙකුගේ චිත්ත ශක්තියේ සහ ආත්ම විශ්වාසයේ ප්‍රමාණය අනුවයි. මෙලෙස ගමන් කරන සෑම මනසක්ම සැරිසරන්නේ තමන්ට නැවත තම සිරුර සොයා ආ හැකි තරම නිශ්චිත දුරකට පමණයි. මෙම නිශ්චිත දුර ප්‍රමාණයෙන් එහාට ඇත්තේ අදාළ සැරිසරන මනසට වඩා ශක්තිමත් ප්‍රේත හෝ අඳුරු ආත්ම සැරිසරන කොටසයි. ඩිමන්ස් ලෙස බටහිර ජාතින් හඳුන්වන්නේ මෙම කොටසයි.

අත්තෙන්ම මෙම එක් පුද්ගලයෙකුගේ මනසක් සැරිසැරිය හැකි උපරිම වපසරිය අදාළ මනසේ පාලන කොටස ලෙසයි පර්යේෂකයින් හඳුන් වන්නේ. එය හරියට සතෙකුගේ රාජධානි කොටසට සමානයිලු. මෙම නිශ්චිත සරිසැරුම් වපසරියේ අනන්තයට මනස ලඟා වූ කල ඊට එපිටින් සිටින අඳුරු ආත්මයන්හි බලපෑම මිනිස් මනසට දැනෙනවා. මෙම මිනිස් මනස පර්යේෂකයින් හඳුන්වන්නේ පිරිසිදු ආත්ම හෙවත් පියෝ සෝල්ස් ලෙසයි.

මේ කියන අඳුරු ආත්ම නිරතුරුවම උත්සහ දරන්නේ නැවත මිනිස් සිරුරක් ලබා ගැනීමටයි. එම නිසා පිරිසිදු ආත්මයක් අසලට පැමිණි විගස එය අඩපණ කොට කෙසේ හෝ මිනිස් සිරුර ලබා ගැනීමට අඳුරු ආත්ම උත්සහ දරනවා. එවිට බියට පත්වෙන මිනිස් මනස කලබලයෙන් තම සිරුර සොයා එම තමයි සිහිනයෙන් ඔබ කිසියම් පුද්ගලයෙකු පන්නාගෙන එනවිට දුවන්නාක් මෙන් දැනෙන්නේ සහ ඉන් බියට පත් ව ඇහැරෙන්නේ. එම අඳුරු ආත්මයන්හි බිහිසුණු බව නිසා බියට පත් වන ඔබේ මනසේ තැතිගැන්ම තමයි ඔබට අවධි වූ පසුත් දැනෙන්නේ.

එඩ්වඩ් ලෙනින් පවසන පරිදි කෝමා තත්වයට පත්වන්නේ යම් බලගතු අඳුරු ආත්මයක් සැරිසරන මිනිස් මනසක බලය පරයා අදාළ මනසේ සැරිසරුම් වපසරියට පැමිණීමයි. නමුත් අඳුරු ආත්මයට ස්රුරට ඇතුළුවිය නොහැක්කේ තමන්ගේ නියම මනස නොවන බව වටහා ගන්නා භෞතික සිරුර ඊට ඇතුළුවීමට අඳුරු ආත්මයට ඉඩ නොදෙන නිසා බවයි ඔවුන් පවසන්නේ.

(උපුටාගැනීම අන්තර්ජාලයෙන්)

රසම රසට ගෙදරදීම ඉස්සෝ බිරියානි එකක් හදාගන්න හැටි මෙන්න

පිසගත් බාස්මතී කෝප්ප 2 1/2, ඉස්සන් 1kg, ගිතෙල් මේස හැදි 2ක්, තෙල් මේස හැදි 2ක්, කුරුදු පොතු කැබැල්ලක්, එනසාල් ඇට 4ක්, කරාබු නැටි 4ක්, bay leaf කොල 2ක්, ලොකු ළුණූ ගෙඩි 5ක්, තක්කාලී ගෙඩි 4ක්, මිරිස් කුඩු තේ හැදි 3ක්, කහ කුඩු තේ හැදි 1/2ක්, කොත්තමල්ලි කුඩු තේ හැදි 2ක්, ලුණූ පදමට, (අමු මිරිස් කරල් 4ක්, වියලි මිරිස් කරල් 4ක්, සුදු ළුණූ බික් 10ක් හා ඉගුරු කැබැල්ලකට වතුර ස්වල්පයක් දමා එකවර අඹරාගන්න.)

මුලින්ම තෙල් රත්කර එයට කුරුදු පොතු, එනසාල්, කරාබු නැටි, bayleaf කොල 2ක්, ළුණූ(slice) එකතු කරගෙන හොදින් තෙම්පරාදු කරන්න. ඒ අතර කලින් අඹරාගත් මිශ්‍රණය එකතු කරගන්න. එයට ඉතා කුඩාවට කපාගත් තක්කාලි එකතු කරගන්න.

දැන් හොදින් තෙම්පරාදුවන අතරේ තුනපහ වර්ග ටික එක්කරගන්න. පදමට ලුණු එකතුකරගන්න. දැන් පොතු ඉවත් කරගත් ඉස්සෝ එකතුකර හොදින් කලවම් කරන්න. ඉන්පසු බාස්මති එකතුකර මද ගින්නේ විනාඩි 10ක් පමන පිසගන්න. අවශය නම් මින්ට් කොල හා කොත්තමල්ලි කොල ස්වල්පයක් එක්කරගන්න.

බාස්මති පිසගැනීමට : හාල් කෝප්ප 2ක් මැනගන්න. එම කෝප්පයෙන්ම වතුර 2 1/2ක් එකතුකර පැය බාගයක් පොගවගන්න. පසුව එම වතුර පෙරාගන්න. එම වතුර බදුනක රත් කරගන්න. (ලුණු ස්වල්පයක් දමා. වතුර නටන විට හාල් එකතුකර විනාඩි10 පමන පිසගන්න. පියන ඉවත් නොකර තවත් විනාඩි 5ක් පමන ලිප මත තබන්න.)

(උපුටාගැනීම hadakari.com වෙබ් අඩවියෙන්)